المشاركة الأصلية كتبت بواسطة mounira (المشاركة 3476064)

مريومة .. ما تغلاش عليك الزربية عندي زوج صغيورين , جابوهملي من العمرة .. قو ليلي كيفاش نبعثلك و حدة .. زرقاء تليق للاولاد .. نفرحو بيك انشاء الله و تقومي بالسلامة

المشاركة الأصلية كتبت بواسطة نور اليقين (المشاركة 3475494)

شفتي اختي المشكل راهي مريضة ماعندي مانتف فيها راهي منتفة وفمها حامي ربي يجيبلها الشفى اما اختي على اللي يقطع انا والله ماعلابالي نسمع بيهم يقولو يقطعو التبعة ويقطعو العين ويقطعو عرق النسا ويقطعو الخلعة هادي مرت سلفي راهي تقطع فالخلعة عند عجوز سقسيتها قلتلها واش الديرلك قالتلي تسمي بسم الله وتمسدني عند ليسطومة بالشوية وجيب وحد الحشيشة قالتلي غارستها قدام الدار وتحطهافوق البلاصة هاديك اللي مسدتها وتطعها وتقول ماقطتش هادي تسمي لحشيشة تقول قطت الخلعة وتروح بلا رجعة وتبقى تعاودلها 4مرات ويقولو على اليد مليحة قالتلي وهداك الحشيشة تدفنها تحت الارض قلتلها كالما ترشى وتتحلحل تروح معاها الخلعة وبنها راقي شرعي ونصحتها العجوز بالرقية قالتلها قولي الراجلك يجي بالطونوبيل يديه يرقيلك ومرت بنها الدير الحجامة راني قلتلها مقبيل ادا روحتي الديني معاك ندير الحجامة وعلى التابعة حكمتني عجوزة في سطيف عند الطبيب نابتي وقالتلي ياك تعرفي عند الطبيب الاسالة واش جيتي الدير واذا عندك الولاد وشحال ماضنيتيش كقلتلهم نطقت ليا العجوز قالتلي بنتي ولاه ماقطعتيش التابعة قلتلها ماعلابالي لاكيفاش يقطعو لا واش نهي يقطعو قالتلي تروحي اللي يقطعو يقطعولك قالتلي كان شيخي ربي يرحمو يقطعها فالدقيق يجيو قالتلي اللي ماضناوش العندو ويحكم الدقيق يبسسو بالزين ويكركبو ويقسمو 3كراكب صغار قد حبة العنب متوسطة قالتلي ويقولها هزي وحدة كوليها والزوج لوخرين كتخرجي البرا حطيهم في بلاصة نضيفة وقولي واحدة لطيور واحدة للحيونات والحشرات باه زعمة التابعة اللي ياكلها اللول تروح منك وتلصق فالحشرات يعني لوكان تاكلها النمالة غبرت هههههههههههههه قالتلي كاين وحد اخر نعرفوه يقطعها اذا حبيتي نوصلك ليه ادا كان راجلك بالطنوبيل دوك نوصلكم ليه قلتلها مرة اخرى يكثر خيرك قلتلها في قلبي رانا جينا للطبيب وماجا يتحركلي بالسف ومن الطبيب نزيد نهملو عند الشيخ ومانعرف واش من شيخ نطلو عليه ... نكملك انتاع الدقيق حفظتها ومافوتش الفرصة المهم لازم اللي يديرهملك انت ماتشوفيهمش كيكون يخدم فيهم روحت الدارنا وحكمت أمي وتمهبلت عليها وقلتلها ديرهملي قلتلها سمي بسم الله وديري وهاتي نحطهم فالحوش ياك خليها الربي برك نهار كامل وانا نشمس انا والكركبات هادوك
لاطير لا حشرات واحد م قيمهم ههههههه وراح هزهم ولد خويا حتى لقيتو داخل بيهم في يدو هزيتهم وحطيتهم فوق الصور انتاع الحوش وفالليل صبت المطر من هداك الوقت ماسقسيت ماعلابالي مانكذبش عليك شاتية ندير الحجامة مليحة والله واعلم كاينين اللي يقطعوها على اليد وكاين اللي يقطعوها والعياد بالله بالشعوذة احذري واسالي اولا وربي يرزقك ويثبت حملك