المشاركة الأصلية كتبت بواسطة mishael (المشاركة 2713554)

اكشن ولادتي ،،،
طبعاالاغلبيه كان يعرف ان معي تحجر وقساوه من يوم الاربعاءيوم الخميس والجمعه بطني زاد قساوه ومالان ابدددد حتى لمايلمسه احد يوجعني
قالت لي وحده سوي بخور البصل ترا يريح ويلين البطن مو شرط ولاده عقبه ،،
لما رحت عند امي قالت نسويه لك عشان تلين بطنك وتتحرك البنت ،،
سويته وتدفيت والمغرب تروشت بمويه دافيه لان كان يخخخنق بريحته وخفت يخنق النونو صارت تتحرك ولان بطني شوي ،،
رجعت لبيتي وعالساعه 12 ونص كني حسيت بطلق واساسا كان ظهرري يوجعني وكانه مقسوم من الخميس ،،

وقمت ورتبت البيت قلت احتياط وسبعت مواعيني وفضيت الثلاجه ورتبت عالخفيف وسويت سشعري استشورته ماكنت حابه اولد وانا مبهذله ،
وتذكرون كنت اقولكم عن الحساسيه واني تعبت وان الام كانه زاد نمت تقريبا من وحده ونص لثلاث وصحيت من بعدها على طلق
كتت اقول يمكن ماغص او امساك او يمكن التهاب فالبول
عالفجر ماارتحت قلت اروح اشوف طبعا بعد ماتروشت ثاني مره بس جسمي بمويه دافيه ولبسة وصرات اكل رطب وامشي واقرا الزلزله
ولما رحت كان زوجي ناوي يداوم ذاك اليوم بس قال بقعد معك لحد ماتولدين
دخلوني غرفه كبييره فيها اسره وستاير وخفتتت من الحريم يجون وهم يااالله يتحركون ،،
وركبو علي جهاز الطلق بعد مالبسوني وجردوني وبدا الخوف الجهاز غريب حق التخطيط وكل شوي اقول لا اللحين بيقولون لي ولاده
واحس من الخوف زادة الالم كنت كل طلقه اشم ورده واطفي شمعه وزوجي يكلمني واقوله ابد شكلي ساعه ساعتين وانا والده اكيد
مرة علي الدكتوره وليتها مامرة يمكن خيره ماادري الله يجعله المهم كانت متدربه سألتني انتي باي شهر قلت بالتاسع على بالهااني مخلصه التاسع
شافت التخطيط منتظم بس متفرررق قالت بكشف عليك ولما كشفت خانتني وسوة تحريض يوجع بس حق ثواني مو اكثر قالت انتي رحمك مفتوح بس انا شلت السداده عشان بسرعه تولدين الممرضه صارت تصارخ عليها وطلبتلي الاستشاري طبعا انا مااعرف انقلش الا شي بسيط
واللي فهمته انو قبل التحريض رحمي كان فاتح ثلاثه ولما جا الاستشاري قالت له انه فاتح اثنين بس
قالها المفروض صبرتي وانو التحريض المفروض تكون عندها مشكله او مخلصه شهرها من اسبوعين كان تركتيها تمشي وترجع بعد كم ساعه تاخذين لها المقاس ونشوف المهم صار اللي صار وتركوني منومه ،،


بعدهابثلاث ساعات طبعا الطلق من بعدها زااد وجتني متدربه ثانيه قالت بكشف عليك قلت لا اخاف توجعيني وماابي هالمتدربات يلعبون فيني طبعا صرنا بعد الظهر والمويات مانزلت الاخفييييف مجرد رطوبه وزوجي داق على امي بس مارضو يدخلونها قالو اذا دخلت غرفت الولاده دخلتي عندها ،،

رجعت لي المتدربه وكشفت وكان اربعه وسوتلي توسيع وهي تكشف طبعا ماشاورتني بس كنت احس فيها واصارخ عليها ولاني اعرف ان الكشف يكون بسيط ومايألم زي كذا
قبل العصر جتني الممرضه قلت لها ابي اطلع عشان امشي ويفتح الرحم لاني تعبت قالت تبين تطلعين ولاتاخذين مسكن ابره من الورك ،، قلت اخذ المسكن وصرت كل بين طلقه وطلقه انااااااااااااااااااااام لان انهد حيلي وانا اساسا كنت مهدوده ،،
على اذان المغرب خلاص دخلوني غرفت الولاده وللحين الطلق كان بعيد عن بعضه بس كل ماله يحمي زياده
المهم بعد مادخلوني جاني دكتور سلم وبكل ثقه اخذ الجوانتي وبيكشف قلت لا معليش انا مااقدر كيف اغطي وجهي واكشف له عورتي ماقدررررررة صار يصارخ علي ومر متفاهم ابدددد ومعصب وانا اساسا كنت شايفه دكتورات عند باب الغرفه يعني يكذب علي قالي مافي دكتوره قلت معليش استنى وانا كنت ابكي خوووف وقلق وماابغى دكتور خصوصا متدرب وصغير بالعمر وانه فيه دكتورات انا كتت اقول دكتوره صغيره ماابيها ابي دكتوره كبيره بالعمر تكون فاهمه وشاطره
قالي اسمعي دكتوره مافيه والممرضه ماتولدك تفهمييين ماافي غيري رضيتي ولا انتي المسؤله حسيت نفسي ضعيييفه وخففت منه وسمعت الممرضه تقوله بعد ساعه ونص بتجي ناقبه يبدا دوامها قلت معليش ابي الناقبه مع اني ماادري وشي الناقبه طللع الممرضه بطرف عيني وصارخ علي قال مافييه افهمي اتكلم عربي قلت خلاص عطني ابرة الظهر واستنى لسى الطلق بارد معي مليش اذا تعبت او تعب الجنين يصير خير ساعتها
طلع وقام يتنيحس علي منع امي تدخل علي وكل مادقت الممرضه تطلبلي دكتور الابره يقولها استني شوي يبني اتعب او ماادري شسالفه
راحت ممرضه سعوديه دخلت لي امي بالتهريب وكانه محد انتبه لها وراحت امي وكلمت الكونتر وطلبولي دكتور ابرة الظهر دكتور سوري عساه ياربي بالجنه اخلااااااق ونفسيته زيييينه وصبوووور راعئ نفسيتي كنت ابكي وتعبت من السهر والطلق وكان الطلق معي كل عشر دقايق
هداني وصبرني وبعدها عطاني الابره كتبت لكم تفاصيلها وقالي مالها اي مضاعفات حطلي قبله بنج موضعي عشان مااتحرك وفزيت شوووي بس الحمدالله مااثر وبعدها جتني الناقبه صوماليه مسلمه متحجبه كبيره تخاف ربها حسيت ان الدنيا فرجة لي اللهم لك الحمد كل مالها الامور تتحسن كشفت علي وانا كنت خاااايفه بس مشاءالله عليها ماحسيييييت ابددد قالت لي فاتح خمسه ولازم نستنى للعشره قلت طيب طبعا صرت مااحس بالطلق وصار يجي كل ربع ساعه يعني رجع يبرد بعد ماحمى بس كنت اسمع طوت الجهاز واحس بدف فاعرف انو طلق
امي صارت تقرا علي وكانت جايبه معها زيت زيتون وحاطه معه حبة البركه وحلتيت دهنت ظهري وارتحت نمت الى تسع وحطتلي طلق صناعي والحمداللله ماحسيت بشي وقالت ارتاحي الى عشر الا ربع ونمتتتت قمت على الدفع وقالت بكشف والحمداللله صار عشره ونص
قالت ادفعي صرت ادفع واللحين عرفت فايدة المشي لانك تمسكين رجولك وتزحررين حاولت وحاولت وحاولت ويخلوني ارتاح واخذ نفس طبعا رجع الدكتور
وكان يبي يثبتلي ان الناقبه بتعبني واني انا الخسرانه طبعا كان عندي ممرضات كثير فلبينيه وافريقيتن غير الناقبه وتهاوش مع اني وقالها ان ضغط الجنين وحرارته مرتفعه وانتي المسؤله نفسيته شييييييييييييييينه وجايب معاه دكتور ثاني بعد والناقبه ماقدرة تتكلم لانها ناقبه صارت تقولي ادفعي لاتوقفين عشانهم وهي مغطيتني اني طردته وهددته تشتكيه على الاداره وجابت سيرة شخصيه معروفه ودقت قدامه على السكرتير تبعها بعدها طلع هو واللي معه وهو يهددد ويصارخ وانتي المسؤله بعدها دخلت علي دكتوره سعوديه قالت وشفيكم قلت لها انا خايفه ماابي اولد خلاص طلعوني قالت اتطمني انتي اللي حرارتك مرتفعه مو الجنين والضغط كويس ماعليك منه بس هو كذا نفسيه وصارة تساعد الناقبه وبذلة اقصى جهددددددددد وقبل لايطلع وسعتله بالمقص شوي والحمدالله طلعت عال11 ونص نسيت ل الام والتعبب والاهات لما سمعت صوتها وكانت زرررقااا من الطلق البارد نظفوها وحطوها على صدري نظفوني وطلعو المشيمه وبدو بالخياطه وماحسيت الا اخز غرزتين
من ابرة الظهر طبعا
ونظفوني ورتبوني ودخلو زوجي عندي وشاف بنوته مدري ليش مادخلوني الكشك البارد اللي بعد الولاده اللي دايم يقولون عنه
البنت لبسوها من عندهم مارضو البسها وخلوني ارضعها واتعشى واغسل واغير ملابسي وارحو امي وزوجي وارتحت لي ساعه بعدها ودوني غرفتي وكل هذاك كان بغرفت الولاده ،،
صاار تعييير وقصة حيات ،،
نصيحه لما تروحون للمستشفى اذا كشفو عليكم والطلق بارد قرلو لدكتوره الطلق حامي ولا نطلع نمشي لا تجلسون ولاتكثرون اغراض معكم ملابس بنتي رجعتها مالبستها ،،
ادعولي بكرا تطلع ،،

المشاركة الأصلية كتبت بواسطة mishael (المشاركة 2714694)

اي والله الحمدالله اللي ارتحت وافتكيت وحسبي الله عليه من دكتور يوم انه كذا يصارخ علي ،،
وعقباااااالكم ياربي فولاده سهله ميسره ،،

اعز اليوم دهنت بطني بزيت زيتون منقع فيه مره وحلتيت وحبه سودا والحمدالله لانت الخيوط وقدرة اقعد بس دهنت بطني واخر ظهر موالمنطقه انتبهي المره تفك الخيوط اذا جت عليها ،، لبستي مشد انا اليوم لبسته وبس فكيته حسيت كان بطني كتل دوائر ،،
والرضاعه اسدحيها جنبك وضميها وطلعيلها صدرك وانتي منسدحه ورضعيها يعني حاولي ماتقعدين كثير انا مرة علي اخصائية الرضاعه وعلمتني شلون ارضعها ،،

ومشاءالله كيف طاح سرها انا خايفه منه مااعرف اشيلها زين والماغص طبيعي زي ماقالو البنات البطن يرجع لوضعه الطبيعي بس اشربي سوايل دافيه كثير وزنجبيل وشوربه بالعدس واللحمه واهم شي ماتجوعين ولا تبردين انتبهي البسي شرابتين وبنطلون
،،

المشاركة الأصلية كتبت بواسطة t00t (المشاركة 2714408)

اهلين اعز

حمدلله ع سلامتك

اخبار الكتكوتة

ايه حبيبتي طبيعي المغص مع الرضاع هو اللي يرجع الرحم لوضعه

وحلو السكر للصفار

ناس تسميه سكر نبات وناس تسميه سكره فضية

المشاركة الأصلية كتبت بواسطة ام سلطان! (المشاركة 2714941)

روعة النسيان ههههههههه انا خواافه درجه اولى
عشان كذا اسأل وماعندي خوات فاكل شي جديييد علي
تعلمت منكم الله لايحرمكم الاجر..

اعززز الي اعرفه طبيعي بطنك يالمك شوي وخصوصا وقت الرضاعه لان سبحان الله الرضاعه
تسحب الرحم ترجعه لمحله..
تدفووو يانفوسات عن البرررد

المشاركة الأصلية كتبت بواسطة قصيميه وافتخر (المشاركة 2715039)

ميشو ربي سلمك من الدكتور النفسيه هذا

اتخيل الدكتور هذا داخل على مسك وربي تجيه الجزمه بوجهه هع

حمدلله حنا الاستشاري مايدخل الا اذا الولاده متعسره مره ولا الي بالكشك

دكتورات اجنبيات بس وربي عليهم زحمه مو طبيعيه الله يعين ويسهل على الجميع

المشاركة الأصلية كتبت بواسطة ورده الجوري (المشاركة 2715328)

مرحبا كروشاتنا الصاااامدات والمفقسااات

اليوم رحت لموعدي وقالت موعد ولادتك راح يتأخر على حساب السونار كان في 18 محرم اللحين لا24 او25 محرم
والشي اللي كنت خاااايفه منه صااااار




الحبل السري ملتف على رقبه الجنين
اه بس فيني ضيقه صدر وحزن مو طبيعي لانو ولدي اللي قبل كان ملتف عليه بس الحمد الله انقذوه
الله يستر على اللي ببطني


تكفون بنااات دعواتكم لي
ودي اسولف معكم بس النفسيه عددددددم

المشاركة الأصلية كتبت بواسطة غايتي الجنة (المشاركة 2715302)

اقراء سؤليف البنات اعز وميشو واقول بنفسي ياري يجي اليوم اللي اتكلم مثلهم

الله لا يحرمني لا انا ولا البنات الباقين


ادعولنا

بكرى باذن الله عندي موعد باذن الله بروح اتطمن واشوف كيف البيبي

ادعولي انها تقول لي اخبار حلوه

المشاركة الأصلية كتبت بواسطة بقايا (المشاركة 2715420)

هلاوغلا بالامهات ميشو واعز وام للمره الثانيه hwaml13
بنات بغيت اسالكم الله يكرمكم انا اليوم نزل ع شويت افرازات فيه نفس الشعيرات
دم تتوقعو هي السداده مع ان الدم قليل مو واضحه الا يوم ركزت تاكد انه دمhwaml03
مع اني من دشيت التاسع ما احس بي اعراض hwaml15

المشاركة الأصلية كتبت بواسطة marawy (المشاركة 2713806)

غايتي الجنه..
ربي يصبرنا.. انا عندي اصوات واستغربت منها.. احس ظهري بيتفكك ولما اقعد ع الحمام الله يعزج او اقعد ع الارض احس بصوت مثل الهوا بس بداخلي.. واكثر شي في ظهري.. مدري شنو هذا.. ان شاء الله البنات يفيدونا..
لما سألت امي قالت هذا لان البيبي ممكن تنزل تحت وتضغط فتطلع هالاصوات.. بس هي عادي تجي قبل الولاده وتقول انتي يتراوالج انها تنسمع.. بس هي ما تنسمع انتي تحسين فيها بس..