رد: دردشة بنات فلسطين, دردشة حوامل فلسطين, تجمع بنات فلسطين
 

يسعد صباحكم يا اعز اخوات..............

سالي يا قمر ما عرفتينا عليك ................عمرك من وين ............دراستك.......كم لك متزوجه ههههههههههه

بنات مستغرب منكم مبطلين تسألوا اخواتنا لجداد ...................




حوائتي يا عمري قلبي معك والله الله يعينك على لوحام .............تعرفي الواحد ما بقدّر الصحه الا لما
يتعب................


صدقيني ما بعد الشده الا الفرج ...........صدقيني متفائلك انه بعد شوي يخف عنك .............

ويا روحي اكيد رح اضلك هزلانه ما دام البيبي بيسحب الاكل والفايده لما تاكلي والله لما ما اكل بحس كانه ابر
بجسمي ................

حواء.............اشتري كورن فلكس رقائق الذره اللي على الكرتونه مرسوم ديك هذا افضل الانواع واطيبها واخلطيها
مع حليب وسكروافطري واتعشي عليها .................خفيفه وزاكيه ومغذيه ...................
او
ادهني تطلي فروله مع جبنه كيري .............او زبده ............

انا حابه اعطيك افكار لاني هدول انا باكلهم وما بتتعب معدتي منهم

طيب في بان كيك كتير سهل وبتعمليه ب 5 دقائق وخفيف ومغذي...........
طريقته ............
بس اتذكر بالزبط المقادير بكتبها بس بتتكون من حليب ومعلقة طحين وسكر وباكمبودر وبمقلاه على الغاز
بدون دهنها بشي بتحميها وبتصبي شوي من المقدار لينخبز متل القطايف و
وبس تخلصي حطي عليه اللي بدك يا عسل شوكالاته دبس بشكل خطوط مو دهن وممكن فروله ..........

وبالنسبه لجنس المولود هاد الشي بايد ربنا ...............ولازم الستات لكبار يفهموا هالشي في ناس
محرومه الخلفه ...............وهن بدللو بنت ولا ولد................
وصدقيني مشاعر الحزن والزعل بدخل التغير الهرموني بسبب الحمل بشكل كبير فيها يعني ممكن بدون سبب
نعصب ونخلق زعل ونبكي .............يعني بنصير حساسين اكتر كيف كمان لما الوحده تكون مش قادرة ..........


.....................



لولو ..............انا طريقتي بالعوامه ..............3 كوب طحين -نص كاسة نشا-رشة ملح -رشه سكر-ومعلقتين خميره
وتخمير 3 ساعات مع كل نص ساعه تحريكه بالمعلقه..........وبعدها القلي

القطر:العادي كل كاستين سكر مقابلها كاسة مي يعني دايما الماء نص كمية السكر
اما قطر العوامه اتقل شوي زيدي مقدار السكر شوي
وبعد ما يخلص غلي عصرة ليمون او ماء زهر ..........في ناس بتنكه القطر بمعلقة سكر
وبحطو قرفه عودان وقرنفل وهيل هادي وصفة فتافيت

رد: دردشة بنات فلسطين, دردشة حوامل فلسطين, تجمع بنات فلسطين
 

صباحو كيف حالكم شو اخباركم عساكم بخير

بعين الله يا بنات مصيرها تهون الله يصبرنا ويكمللنا على خير

راح اجرب اعمل العوامة اليوم اذا روحت مصحصحة

رد: دردشة بنات فلسطين, دردشة حوامل فلسطين, تجمع بنات فلسطين
 

صباااااااااااااااحكم فل يا بنات
يللا صحة وهنا ع الوصفات اللذيذة
بيعين الله يا حوااااااااااء بتهون
والله انا اندبحت بالوحام كتيييييييييييييير تعبانة وما بطيق حالي أحيانا
وفيه اواعي كرهتها و ريحة المكسرات والحلويات ما بطيقها بالمرة
جااااااااارة مبروك ليزن غرفته ان شاء الله بيتهنى فيها

رد: دردشة بنات فلسطين, دردشة حوامل فلسطين, تجمع بنات فلسطين
 

عسولتي تسلميلي يارب .................
عقبال غرفة االبيبي تبعك.............


حواء ممتاز اعمليها بس ديري بالك منها لتفقع
وان شالله تطلع طيبه ...........



بنات سما مختفيه ..............بدنا نطمن عليها قبل موعد ولادتها

رد: دردشة بنات فلسطين, دردشة حوامل فلسطين, تجمع بنات فلسطين
 

مرحبا صبايا انا عضوة جديدة معكم وعجبني منتداكم حبيت اشاركم
فلسطينية طبعا
ومن غزة
عمري 21 سنة

رد: دردشة بنات فلسطين, دردشة حوامل فلسطين, تجمع بنات فلسطين
 

سما يمكن ما عندها نت عشان هيك مو هون

عسولة بعين الله ياقلبي شو بدنا نعمل

اذا زبطت وشفت حالي كويسه المسى بفوت بطعميكن

رد: دردشة بنات فلسطين, دردشة حوامل فلسطين, تجمع بنات فلسطين
 

مسك السنين هلا وغلا فيكي ياقلبي منورة بيتك ومطرحك

رد: دردشة بنات فلسطين, دردشة حوامل فلسطين, تجمع بنات فلسطين
 

جاره القمر : حبيت والله كتير .
انا اسمي سالي عمري 23 ومتجوزه الي سنه وبشتغل معلمه . واليوم عايشه بحاله حزن كبيرررررررررررررره .
لانو اليوم كنت بلمستشفى وحكيت مع الدكتوره انو الدوره متأخره علي 21 يوم وعملت تحليل منزلي وطلع سالب بليوم 13 وصدمتني وحكتلي ازا طلع معك سالب يعني مفيش حمل وحكتلي انتي مش حامل انسي اخ يا ماما كنت عايشه على امل اني حامل اه يا بنات تعبت والله والما طلبت منها تعملي تحليل دم حكتلي مفيش داعي . وانا اخدت موعد عن دكتوره النساء اشوف شو القصه . والله كل الوقت بعيط وزعلانه كتير ادعولي بنااااااات الله يحميلكم اطفالكم ويتمم حملكم على خير
ربي لا تذرني فردا وانت خير الوارثين

رد: دردشة بنات فلسطين, دردشة حوامل فلسطين, تجمع بنات فلسطين
 

مساء الخير كيفكم يا حلوات شو عاملين وكيف الحمل معكم....ادعولي يا بنات هلاء باي وقت ممكن الد ..يا رب اقوم بالسلامة ...بتعرفو الخوف زايد عندي من كل الجوانب الولادة والبيبي وصحتو وكل اشي...
وبتعرفو الي صار الحادثة بجبع الله يرحمهم ويصبر اهاليهم سببلي حالة نفسية صعبة لانو شفت الصور وهيك ....الله يخلينا الي منحبهم يا ربي...
اشتقتلكم يا بنات والله جارة حواء وعسولة واحساس وغموض ولو والكل..
كانو عسوله حامل يا رب هيك ....الف مبروك بس اكدولي الخبر عشان نباركلها بمسج خاص

رد: دردشة بنات فلسطين, دردشة حوامل فلسطين, تجمع بنات فلسطين
 

اها هلا قرات العليقات كلهم..الف الف مبروووك يا عسولة ربي يتمم حملك عخير يا ربي..ولكل الصبايا...موعدي بعد بكره بدي اطمن عالبيبي ياربي ييجي عخير وهوه بصحة وعافيه يا ربي ...