|
رد: سيدات ليبيا الحبيبات ..تفضلووو
ماشاء الله اللهم بارك
مبارك لعزيزتي الغاليه جنووووده الله يثبته ويتمملك ع خييييييير يارب فرحتلك من اعماق قلبي ياريته الواحد يغيييييييييب ديما ع منتدى بيش يشوف اخبار ومفاجأت حلووووة هكــي.. ديري بالك ع روحك عاد وماتعبيش نفسك واجد.. ما أحلاه من شعور اول حمــل ربي يتمملك ع خير عزيزتي.. ننصحك كل شوي تاكلي حاجة بسيطة من اول ماتنوضي صبح عشان معدة تشتغل ف هضم ومايقعدش ترجيع شغال بهالطريقه حتي حاجات خفيفه نقصد ولو ماعندك فيها نيه |
رد: سيدات ليبيا الحبيبات ..تفضلووو
طبعا شكرآ لكل من افتقدني
سواء كتابة او قلبــآ لان ليا فوق من اسبوع مافتحتش تجمع سبب كنت مريضه ودخلت مستشفي وبعدها تهاونت الحمدلله وجت عطلة أيستر.. او مايعرف بعيد الفصــح..عند المسيحين وجو حلو ومشمس جانا استغليناه ف طلوع وزرادي وكالعاده شوبنق طبعا فساتين واجد هالفتره نازله يع وصيف 2014 وكالعاده مافوتش الفرصـــه شوبنق شوبنق فساتين وملابس بصفه عامه ساعات واكسسوارات واجعنكن ماتفقدن غالي اوشي وسوسو وان شاء الله كل حبيباتنا ف التجمع بخير وصحة وسلامه هنا وأسرهن الكريمة... |
رد: سيدات ليبيا الحبيبات ..تفضلووو
السلام عليكم
كيف حال الكل فيفي ربي يسهلك ان شاء الله سوسو الحمد لله علي كل حال رغم انه شكله وحمي صعب لان الترجيع مستمر حتي مع الدواء والروائح اي نوع تغملي في نفسي بس صابرة والحمد لله علي كل حال المهم ربي يسخرلي وتكمل فرحتي يالله ام فروسة الف الف الف لاباس عليك انا استغربت في قلة دخولك لدرجة فكرت انك رجعتوز ليبيا بالنسبة للشوبنق معادش عندي ليه خلوق او كل مانطلع مانلقاش حاجة تعجبني لبسهم مختلف علينا او ممكن لبس بريطانيا احلي كل ما بناخد حاجة نقول اكيد في ليبيا احلي خصوصا فساتين السهرة |
رد: سيدات ليبيا الحبيبات ..تفضلووو
وينك هدهودة معادش دخلتي
اوشي اثري ام ونوسة ام نوزة اخبارها مقطوعة نهائيا ام معاد ام ورد خولة شن صار في عزومتك طبعا امولة شغلتها فطومة علينا |
رد: سيدات ليبيا الحبيبات ..تفضلووو
تعرفوا صارلي موقف الصبح
حصتي الاولي اليوم تحكي Art عالرسم والموسيقي اخترتها وحصلت فيها المدرسة كييرة شوية في السن اليوم الصبح حسبت روحي تعبانة قلت نمشي متاخر علي حصة القواعد لانها هيا تفتح في فيلم ونتفرجوا عليه وانا نقعد متحملة لين تكمل الحصة مافيش استفادة المهم مامشيتش وانا ماشية الحصة الثانية تلاقيت مع التيتشر ومافيش كيف نهرب قالت اسمي وسلمت عليا انا علي طول بررت موقفي وقلتلها انا حامل فرحت وقالت تهانينا وباستني وقالت انا فاهمة الوضع انه في الصبح يكون الوضع اصعب مش لازم تجي للفصل الساعة 8 وانا بدوا دموعي ينزلوا مش عارفة ليش قالتلي شن ماتبيش البيبي قلتلها لا بالعكس فرحانة بس نمر بوقت صعب شدت حضنتني زدت نبكي وقالتلي مش لازم تجي لحصتي نهائيا بس انا والله مانقدر هذه اول مرة نغيب يابنات ممكن هدا ليش بكيت او مش عارفة السبب ليش |
رد: سيدات ليبيا الحبيبات ..تفضلووو
السلام عليكم ورحمة الله وبركاته
كيف حالكم ؟ |
رد: سيدات ليبيا الحبيبات ..تفضلووو
اقتباس:
وربي يكمل حملك علي خير ويسهل ولادتك وييسر امور زوجك وينجحه |
رد: سيدات ليبيا الحبيبات ..تفضلووو
اقتباس:
وصحيتي عالنصايح طمنتيني بارك الله فيك عموما هيا مشت اليوم لدكتورة نساء وكشفت عليها وقالتلها غشائك من النوع المطاطي صعب شوية لازم تتحملي وتسترخي وماتخمميش تو تمشي الامور علي خير |
رد: سيدات ليبيا الحبيبات ..تفضلووو
فروسة الحمد لله علي سلامتك والف لاباس عليك والله الا فقدناك هلبة مش عادتك تغيبي هالفترة هادي كلها
الحمد لله إنك أحسن توا ان شاء الله دوم يارب كيف حال فروسة ولولي وشن مدايرين؟ |
رد: سيدات ليبيا الحبيبات ..تفضلووو
عقبال رجعة جيجي حتي هيا مغطسة ليها هلبة
ليها وحشة والله ومخلية مكانها ان شاء الله. تكون بخير هيا وعويلتها |
| الساعة الآن 11:59 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .