|
رد: حبيباتى سيدات ليبيا تفضلو لأعرف ما حالكم
السلام عليكم
غريبة وين الحبايب ؟؟؟؟؟؟؟؟؟؟؟؟؟؟؟؟؟؟؟؟ مغطســــــــــــــــــــــــــــــــــــــــــــين اليوم درت غداي بكبوكي بالخضرة جااااااااااااااااارية "" بازيلياء وفول وكرنبيط وجزر وبطاطا وفي الأخير بصل أخضر " وفي الليل درت قلاية وسلاطة خس مع خيار وطماطم وذرة مع زخااااااااات خل وزيت زيتون ومن فوق زويتينات وخبيزة وأجاص صغيرون وخوخ بو طبقة هذاك التونسي اللي شكله غرييييييييييب وجبنة معصورة فوق منها زيت زيتون وصفرة وصواني ومترد خبزة وبشماط "" حشيشتي "" ديما عندي بشماط وبعدين للرجال "" قال زوزي"" طاستين عصير كركديه بالليمون والزهر معقدااااااااااااات بالسكر وتوتة توتة وخلصــــــــــــــــــــــــــــــــــــــــــــــ ـــــــــــت الحدوثة |
رد: حبيباتى سيدات ليبيا تفضلو لأعرف ما حالكم
جيجي
و أم فروسي الله لايحرمنا من طلاتكم معانا ~~~~~~~~~~~~~~~~~~~~~~~~ وبالذات لايكات أم فروسي مميزات ~~~~ جيجي ............... خلاص ريناد الطالبة رقــــــــــــــــــــــــــــــــم 2 بعد ولدي رقـــــــــــــــــــــــــــــــم 1 باب التسجيل مفتوح لمدة وجيزة العام الجاي معانا فروسي ،،،،،،،،،،،، مانبوا حد يزعل |
رد: حبيباتى سيدات ليبيا تفضلو لأعرف ما حالكم
اهلا اثري صحه غداك وعشاك
اليوم طلعت بضعت لرمضان من السوق الجديد طريق السبعه مونو بري حلو مش زحمه هلبه اخديت منظفات للدهون ولفات الكلينكس للمطبخ وللحمامات ومكسرات ومعجنات جاهزه لازانيا وبكنج بودر وفانيليا وخميره وكريم شانتيه وهلبه حاجات ولفه السلفر الكبيييييره والنايلون يعيش ويقعد فتره طويله وزبده وجبنه مبشوره واجبان متنوعه كيري وفرومي والمكرونه الاسطوانيه انموت فيها علي قولت التوانسه ببوشا والمواد المنزليه عندي الحمد لله خديت صواني كافور ونايلوا للعجينه والتخليط وكواشيك عجبوني للمجيبه ان شاء الله وسفره ضيوف زوز في بعض ب40 لكن ايهبلوا عجبوني وبراد وبكرج قهوه وهلبه حاجات اساسيه وجانبيه انسيت الزيتون والحمص وحاجات تانين تو اجيبهم راجلي مع اللحم والخضراء وخلاص ومشت معاي عزوزتي وبنتي جننتنا لين شرينالها العاب وحلوي والامر لايخلوا من الملابس اشريت لبسه لرنو وخديت قفطان حوامل شيفون كمامه حاير وطويل لونه مشجر بالاخضر والصفر وعجبتني شنطه كحله عمليه وكندره طبيه للحمل وشبشب طبي للمطبخ واهم شئ ربي يبلغنا رمضان بالخير والصحه يااااارب وربي يعينا عالطاعه والعباده ونجمعوا اكبر قدر من العبادات والطاعات ياااااارب |
رد: حبيباتى سيدات ليبيا تفضلو لأعرف ما حالكم
باذن الله غدوه بنضم دولاب المطبخ مع ان والله مرتب ونضيف لكن بما اني شريت بضاعة اكيد تبي
التنسيق والترتيب وربي يعاوني والعشيه باذن الله بنمشي نتمشي شوي كان فيها كيف وبعدين بيحطني في حوش بوي |
رد: حبيباتى سيدات ليبيا تفضلو لأعرف ما حالكم
اهلين باالبنات كيف حالكم بالعافيه يااثري
وربي يقومك بالسلامه ياجوهرة ومبروك ماشريتي وربي يتقبل منك ان شاء الله وحشتوني وين ام فراس وحشتني كيف حالها وشن اخبارها ربي يطمنكن ويونسكن ببعضكن يارررررررررب |
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
اقتباس:
لا هييييييييييييييي بنزعل نبي فروسي يسجل وخلاصhwaml4 خخخخخخخخخخخخخخخخhwaml02نبصر عليك ع سيرة التسجيل باته بيسجله بمركز تعليمي للاطفال منذ الولاده لخمس سنوات جنبنا به فروسا انقولو سنة واربع شهور ونقول صغير اخري بس الي من الولاده شن بيعلموهم ؟؟؟؟؟؟؟؟؟؟؟ نحسابوه حضانه نحن هههههه عدا سأل قال لا كلهم تطوير مهارات وتعليم كل واحد حسب عمره ونبدوا من الولاده بس ان شاء الله ينسجم معاهم لان الحق رايح انطوائي كله من طيور الجنه مع ان بلا ايقاع نحطله فيها بس قعد بكل الحق فيسع مايتعصب وتوا بعدته منها ..... |
رد: حبيباتى سيدات ليبيا تفضلو لأعرف ما حالكم
اقتباس:
حتي انتي وحشتينا ... شن جو الصيانه كملتي اكيد رمضان قرب ... وومعش عديتي شور الجبل امشرق...؟ والاعديتي كان عديتي احكيلنا بالتفصيل لاني رايييييييييييييييفت عالجو غادي |
رد: حبيباتى سيدات ليبيا تفضلو لأعرف ما حالكم
مساء الخيرات
كيف حالكم اليوم ان شاء الله بالف خير توما ربي يحفظك ويخليك ويرزقك ماتتمني يااااااارب وربي يبلغنا رمضان جميعا بكل خير |
رد: حبيباتى سيدات ليبيا تفضلو لأعرف ما حالكم
نضت مع 11وصليت وفطرت عالسريع وبديت في الدولاب المطبخ نزلت كل شئ فيه الاربع جيهات ودرتله طليه خفيفه وبعدين مسحنه من داخل
وبرا وبعدين ملمع اللوح وخليهته يتهوي وغسلت الماعين اللي فيه كلهم ماعدا اللي بباكواتهم وطليت الرخامات الشفاطات والغاز وطليت الثلاجه من برا بس السبت ضميتها ورتبتها من جديد وسيقت الارضيه وفتحتلها الباب امتاعها وطلعت وجبت فطور رنوده لانها كيف ناضت ودرت شاي اخضر خفيف وتوه قعمزت بعد ساعه بنرد البضاعه وخلاص ساعه ونص وكملته لان فعلا مش مستحق وماتعبنيش غير الكرسي باش نلحق فوق ههههه قصيره اذن الظهر بنصلي سلام |
| الساعة الآن 06:46 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .