|
رد: دردشة بنات العراق, دردشة حوامل العراق , تجمع بنات العراق
مساء الخيرر
رجعت من برة بسرعه ماظليت برة ويا صديقتي هواي لان اجاني خبر ضايقني كلش كلش والله خابرت حتى استفسر عن التحاليل مال اول البارحة طلع عندي سكر حمل وااااااااااااااااااااااااع مقهورة كلش وسالتهة شنو السبب للسكر كالت مال حمل وماله سبب حتى لو كنت ماحب الحلا وما اكله ولازم اروح يوم 26 عندي موعد حتى يضلون يكثفون المتابعه علية وينطوني نصائح وجهاز منزلي لقياس السكر. وطلع عندي فقر دم حاد مع استمراري بالعلاج الحديد ولازم ازيد العلاج حبتين بدل حبة وحده باليوم ادعولي بنات واي وحده صار عدهة من قبل سكر حمل تكولي وتنصحني شنو ممنوع شنو مسموح وشنو ممنوع... وهم يضل بعد الحمل لو يروح مباشرتا؟ الله يجزيها الخير من تساعدني لان اول مرة يصير وياي يا الله اشكد متضايقه وبودي ابجي كلش مقهورة. |
رد: دردشة بنات العراق, دردشة حوامل العراق , تجمع بنات العراق
مساء الخير بنات جمعه مباركه عالجميع
|
رد: دردشة بنات العراق, دردشة حوامل العراق , تجمع بنات العراق
فوفو سلامتج عيوني ولتنقهرين هسه من تروحين ينطوج علاج ويضبطولج مستوى السكر
فروحه هذا مو خوش خبر بس يله خيرها بغيرها انشالله تجين شهر الجاي وتبشرينا بالحمل |
رد: دردشة بنات العراق, دردشة حوامل العراق , تجمع بنات العراق
سلامتج زنوبه بس خاف عندج هبوط وهيج تحسين
|
رد: دردشة بنات العراق, دردشة حوامل العراق , تجمع بنات العراق
هلا فله حياتي شخبارج عمري مشتاقيلج هواااي شكو ماكو وشخبار نورهانه الحلوه
فاديه عندج العافيه ان شاء الله واني هم عندي فقر دم وزيدتلي فوليك اسيد حبتين باليوم لتخافين من فقر الدم اكثر الحوامل هيج ويجيبن طبيعي وسكر الحمل ماعندي خلفيه بس ان شاء الله ماكو شي \ هلو عسوله حبي هاهيه شنسوي الحمدلله على كل حال وهمزين جتني لأن من الأربعين لسه ماكو وهسه رحت للدكتوره انطتني منظم دوره يوم 16 اخذه ومنشطات هم من اليوم ابدي بيها وان شاء الله خير زنوبه حبي اخاف هبوط بالضغط بس ان شاء الله ماكو شي ارتاحي انتي شويه وعندج العافيه يارب نجلاء ونورا شخباركم اليوم ان شاء الله تمام امونه وزنوبه ونورس ورحوبه وام سيوفي ورويده وتوتايه وكل البنات مشتاقتلكم هوااااي |
رد: دردشة بنات العراق, دردشة حوامل العراق , تجمع بنات العراق
هلوو بنات شلونكم حبايبي
أني هستوني رجعت من المستشفى صارلي يمهم من الصبح وهسه طلعوني شافو النونيه كاعده رجل على رجل شلون كعدتي هههههههههه مااعرف اكعد الا رجل على رجل صحتها تمام والحمد الله بس سوو تحاليل وفحوصات والحمد الله زينه بس صاير هبوط بس جسمي كله دا يرجف والله كريم اعذروني حبايب مااكدر افوت هاي الايام بوساتي الكم |
رد: دردشة بنات العراق, دردشة حوامل العراق , تجمع بنات العراق
هلو زنوبه
رحتي للسونار اليوم لو شنو؟ تاكدتي من جنس الجنين؟ الف الحمد لله على السلامة والصحة الدائمة يارب ضلي مري وطمنينه عنج. |
رد: دردشة بنات العراق, دردشة حوامل العراق , تجمع بنات العراق
هلو بنات اشلوونكم حبايب
فروحه حبي لتهتمين وان شاء الله شهر الجاي اتبشرينه بحملج الاكيد بأذن الله فوفو حبي سلامتج لديرين بال ماكو شي صديقتي صار عدهة سكر حمل وجابت طبيعي والحمد لله والنونو تمام واني كلشي معندي جبت عمليه فلتخافين ونظمتلهة دكتورته السكر وكلشي اوكي وهم اسألهة عن الاكل بأقرب وقت بس اني انصحج سوي سيرج عالكوكل واستفيدي من المعلومات لانه اوسع وادق اكو موقع استشارات طبيه اطباء ايجاوبون عليهة وحتى للحوامل كنت ادخله خلي الكه الرابط مالته واسأليهم هم تستفادين منهم زنوبه حبي شبيج سلامتج ؟؟ يارب مابيج غير العافيه باعي العبيديه اشسوت بيج من هسه حاطه رجل على رجل شخصيه عيني مينكدرلهة فداوي ديري بالج على روحج حبي وخلي العبيدي ايداريج زين ههههههههههههه طمنينه عنج حياتو تره ايظل بالنه عليج توتايه شلونج حبي وشلونه سفسف انفال فد يوم اجي اخنكج واوديج للاهرامات انتي وبناتج ذبحتيني بالدعوات مالت الاهرامات هههههههههههه نورا شخبار الحموضه؟؟ سجى شخبار الاسم وين صار الاتفاق؟؟ اما عني فاني مكضيتهة شغل بشغل وسويت غده دجاج شوي وتمن اصفر على بتيته |
رد: دردشة بنات العراق, دردشة حوامل العراق , تجمع بنات العراق
فوفو حبي العفو البارحه كتبتلج كندا علمود احصاءات السكان واني قصدي فنلندا,, ياري اتسأليلي واكون ممنونه منج ومثل مكتلج ادزلهم طلب من رئاسة جامعة بغداد ومن وزارة التعليم العالي دائرة البحوث والدراسات العليا اذا يريدون اكون ممنونه حبي بس على راحتج لتعبين نفسج
|
رد: دردشة بنات العراق, دردشة حوامل العراق , تجمع بنات العراق
هلووووووو بنات شلونكم اخباركم
فروحه حياتي انشالله شهر الاخ متشوفيها 9 شهور امين يا رب فوفو حياتي سلامتج وانشالله مابيج غير العافيه زنوبه سلامتج من الهبوط وصلوات هاي الفرعه بنتج من هسه اتكيتات وكاعده رجل عله رجل هههههههههه مساء الورد والعافيه عله عيونج عسوله ام ايهومي حياتو شخبارج وشلونه ليموني الورد فدوه لضحكته شلون محبوب هههههههههههه ********** اني اليوم ظهري يوجعني شويه ضغط عله الفقرات اتصور وباجر ورايه روحه لاربيل خما مو زين الطريق هوه 3 ساعات |
| الساعة الآن 04:53 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .