|
رد: منو حامل بتوام
اقتباس:
هاا لا يروح فكركم بعيد مارح أصور ولادتي فديو ههه مثلاً رح أصور بنوتاتي إذا جوا بالسلامة ان شاء الله في المستشفى رح أقنع الممرضة تصورهم لي في غرفة الولادة، أصور كل تجهيزاتهم أنا مغرمة في شيء اسمه تصوير وتوثيق الأحداث بالصور مرة من المرات سويت عملية جراحية وقبل لا يفك البنج عدل رفعت جوالي وعطيته الممرضة قلت الها صوريني، قامت تضحك قالت تصورين على هالحالة وجهك كله دم ؟؟؟!!! قلت الها إي أنا أبي صورة على هالحالة وفعلاً صورتني |
رد: منو حامل بتوام
كوثرية ماشاالله تنفعين صحفيــه
تبين تسكتينا بالصور هاه لا احنا نبي تكتبين كل شي من اول آلام الولاده للأخييير ولابأس بتوثيق الموضوع بالصور يعني نبيه مقال صحفي متكامل والله انا خايفه من الولاده اول ولاده لي وبتكون بثنتين ماشاالله نفسي أولد بعمليه وأمي تقول لا ان شاالله طبيعي مدري ودي أعرف آراءكم بهالموضوع وش الأحسن في ولادة التوأم؟؟ |
رد: منو حامل بتوام
صباح الخييير كروشات
شخباركم ...؟ اعتذر صرت مااكتب معاكم وايد مثل قبل لان حيل مشغوله زواج اختي قبل سفري بيومين وقاعده اروح لاهلي اساعدهم بافكاري لووول او اذا بالبيت اقعد مع الخدامات ونرتب الجنط للسفر وااااي البيت مقلوب من الغراض او اوقات اروح للسوق اشتري غراض اتذكر ان احتاجهم هناك ... خايفه على حملي وايد صايره اتحررررك وبطني صايره واايد كبيره ومتعبتني ومشيتي صايره بثقققل وماشاء الله على البيبيات حركتهم صارت حيل واضحه وتعور !! هذي اخباري انتوا شنو اخباركم؟؟؟؟ حيا الله العضوات اللي انضموا معانا ... |
رد: منو حامل بتوام
هلا نونــة
المفروض تنتبهين لنفسك من الحركه الكثيره اكيد تضر خلي الشغالات يرتبون كل شي وانتي أشرفي بس انا توهم بدوا البيبيات يرفسون تصدقي متأخرين مره حتى حركتهم ضعيفه وقليله |
رد: منو حامل بتوام
اقتباس:
والسبب أن آلام الطبيعي تنتهي بخروج الجنين، وكلها ساعات وانتي مقابلة طفلك ونفسيتك زي الوردة لكن العملية تبدأ الولادة بعد خروج الجنين، لأن آلام الجراحة قوية بشكل كبير أكثر اللي مسوين عملية قالوا لي بأنهم ما استشعروا حلاوة الطفل إلا بعد اسبوع من الولادة والسبب يقولون أن آلام العملية ما تخليهم يتفرغون للطفل زين . ويقولون بأن ولادة التوأم مش ضعف ولادة الواحد لأن اللي يسبب الألم هو انفتاح الرحم، فالطفل اللي يطلع أول يمهد لخروج الثاني، ويكون الرحم وقت خروج الثاني مفتوح وجاهز وعضلاته متمرنة، فيكون خروج الثاني ألمه أقل من ألم الطفل في الوضع الطبيعي . ان شاء الله أكون طمنتك |
رد: منو حامل بتوام
والله ريحتيني شوي وشجعتيني عالولاده الطبيعيه
وحتى امي قالت نفس الكلام تقول ان الألم بيكون واحد يعني اذا طلع الأول بيكون سهل الثاني الله يسهل اللي فيه الخير |
رد: منو حامل بتوام
توأمي
اي انا مااشيل شي بس اشرف عليهم بس المشكله اوقات لازم اانا اعلمهم hwaml4 والله الحين عوار بظهري يروح ويرد ميته من الخوف الله يستر بس .. فديتهم بنوتاتج ليش توهم يتحركون ..انا تحركوا من الرابع ماادري يمكن يختلف من وحده لوحده يمكن يطلعون هاديات بناتج |
رد: منو حامل بتوام
كوثرية شخبارج حبيبتي؟؟
حزونة وام البنين وباقي الكروشات شخباركم كلكم |
رد: منو حامل بتوام
توأمي
والله صادقه عاد متشوقه مره اسمع اخبارها بالتفصيل وبما انها تحب تصور حلو نشوف البيبيات وهم توهم طالعين الله يسهل عليها وعليكم كلكم وعلى كل حامل |
رد: منو حامل بتوام
نونه العسوله
لا ترهقين نفسك يجي وقت الولاده وانتي تعبانه انتي باي شهر الحين؟ |
| الساعة الآن 08:28 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .