|
رد: دردشة حوامل أهل قطر - دردشة بنات قطر - تجمع حوامل قطر
بــــــــــــــــــاااك من بعد الاجازة..
مس حسن طمنيني عليج ..؟hwaml7 |
رد: دردشة حوامل أهل قطر - دردشة بنات قطر - تجمع حوامل قطر
ولكم باك فديتج
الحمدلله ابشرج ولدت فجر الاحد الحمدلله بمستشفى الولاده و جبت احلى علي حياج تعالي لي نورينا انا بالمستشفى |
رد: دردشة حوامل أهل قطر - دردشة بنات قطر - تجمع حوامل قطر
ماشالله تبارك الرحمن.. الف مبروووووك حبيبتي و يتربى بعزكم..
بشريني اشلون الولادة و الاهتمام .؟ لقيتي غرفة؟ |
رد: دردشة حوامل أهل قطر - دردشة بنات قطر - تجمع حوامل قطر
الله يبارك في عمرج فديتج
الولاده الحمدلله فلم رعب ههههه الاهتمام للاسف ماحسيت فيه اهئ اهئ مايدلعون ههههه بس لما جيت الغرفه الخاصه الحمدلله في اهتمام زحمه الغرف لقيت غرفه ثاني يوم و حياج اليوم موجوده انا |
رد: دردشة حوامل أهل قطر - دردشة بنات قطر - تجمع حوامل قطر
يشرفني انضم وياكم في دردشة حوامل قطر وانا اختكم جوري قطر وهذا اول حمل لي وفي الشهر الثالث واتمنى تتقبلوني وياكم
اختكم جوري قطر |
رد: دردشة حوامل أهل قطر - دردشة بنات قطر - تجمع حوامل قطر
صباحووو .. مس حسن ما اوصيج حجزي لي الغرفه عقبج..
جوري قطر منووورة حبيبتي.. |
رد: دردشة حوامل أهل قطر - دردشة بنات قطر - تجمع حوامل قطر
جوري قطر
حياج حبوبه نورتي والله يثبت حملج يَ رب و يسهل عليج ويتمم لج حرم المالكي ههههه اوك والله حوسة الغرف سالفه والحجوزات كله واقف الرقم * |
رد: دردشة حوامل أهل قطر - دردشة بنات قطر - تجمع حوامل قطر
الواحد يحاتي الولادة و لا الستاف اللي بيكون موجود و لا الغرفه بيحصل و لا مب محصل..
الشعب يطالب بزيادة غرف الولادة الخاصة |
رد: دردشة حوامل أهل قطر - دردشة بنات قطر - تجمع حوامل قطر
حرم المالكي - مس حسن
النور نوركم فديتكم وتسلمون على الترحيب ومشكورة مس حسن على الدعوة الحلوة ومبروك حبيبتي ويتربى بعزكم ان شاء الله وانا ابي استشيركم في شيء تكفون اللي تعرف لا تبخل علي انا اول مادشيت الثالث كله ارجع يعني اول ماقعد من النوم ارجع وبعد ما اكل ارجع وقبل لا انام ارجع والله تعبت حتى نفسيتي صارت مب شيء وابي شيء يخفف علي والله يوفقها ويسهل عليها اللي راح تفيدني اختكم جوري قطر |
رد: دردشة حوامل أهل قطر - دردشة بنات قطر - تجمع حوامل قطر
حبيبتي جوووري قطر ماعليج شر ,, بس هاي اعراض جدا عاديه و الشهر الثالث تقريبا بداية النساة .. ان شاء الله اول ما تخلصينه بيخف عليج كل شي..
انا في حملي الاول طول الشهر الثالث كنت ارجع اول ما اقوم من النوم و اذا شميت روائح.. بس سبحان الله اول ما دخلت الرابع .. كأني وحده ثانية .. لا تحاتين حبيبتي.. يقولون في حبوب تخفف بس للامانه ما جربتهم .. اصلا كنت بعد ما ارجع ارتاح.. فترة و تعدي و الله يسهل عليج يا رب.. |
رد: دردشة حوامل أهل قطر - دردشة بنات قطر - تجمع حوامل قطر
حرم المالكي :
ان شاءالله يفتح مستشفى الوكره و تولدين فيه / جوري قطر فديتج العفو حاضرين للحلوين الله يبارك فيج حبيبتي امين بخصوص الترجيع عطوني حبوب جربته مره وحده مافاد وسمعت انه مب زين فـ ماستعملته وانا طول معاي الترجيع لين 8 لان معدتي تحسست من حبوب الحديد و اللتهبت فِـ طول معاي كنت اكل موز خفف من اللوعه والترجيع يوم اني بشهر الثاني اول مابدأ بس بعدين لما تحسست المعده ماعاد نفع شي جربي الموز ان شاءالله يريحج |
رد: دردشة حوامل أهل قطر - دردشة بنات قطر - تجمع حوامل قطر
السلام عليكم .. صباحوو
مس حسن شخبارج مع الامومه hwaml03 انا دخلت الشهر السادس .. الله يسهل ان شاء الله.. جوري طمنينا عليج hwaml7 |
رد: دردشة حوامل أهل قطر - دردشة بنات قطر - تجمع حوامل قطر
عليكم السلام
صباح السُكر الحمدلله الامومه حلوه مسؤوليه بعد لاني عند امي متدلعه هههههه بس احاول اتعود عليه اكثر عشان لين رجعت اكون عارفة له الله يسهل عليج فديتج |
رد: دردشة حوامل أهل قطر - دردشة بنات قطر - تجمع حوامل قطر
حرم المالكي - مس حسن
لا خلا ولا عدم منكم يالبى قلوبكم , صح كلامج اختي حرم المالكي انا بعد ارتاح بعد الترجيع بس بعد اتعب , واختي مس حسن انا نساتي شينه بالمره يعني ما اكل الاكله اكثر من مرتين مثلا : اول نساتي حبيت البرتقال ومن ثاني يوم كرهته وبعده الموز وكرهته بعد ,وما اقول الا الله يعين ويسهل على الجميع ان شاء الله ومشكورين اللي رديتوا علي اختكم جوري قطر |
رد: دردشة حوامل أهل قطر - دردشة بنات قطر - تجمع حوامل قطر
صبااااااااااحكم خير hwaml62
شخباركم ,,أن شاء الله بخير.. مس حسن قولي لنا عن تجهيزج .. حق التقديم في المستشفى شنو حجزتي و شنو الجديد.. انا بابتدي اجهز لي و للبيبي اخر الشهر ان شاء الله .. و احتمال اروح دبي تغيير جو .. اذا عندكم اقتراحات حق اماكن في دبي قولوا لي.. |
رد: دردشة حوامل أهل قطر - دردشة بنات قطر - تجمع حوامل قطر
جوري قطر ؛
الله يعينج فديتج و ياجرج خير يَ رب / حرم المالكي ؛ طيبين الحمدلله شخبارج انتي ؟ امممم خذت لي فازات درجات الكحلي و فيها ذهبي ثنتين متفاوتين الاطوال حطيت فيهم ورد للطاوله وحطيت عند الباب ستاند ذهبي وفيها ورد الورد عند محل ركن الزهور بالوكره و نفس فازات الورد خذت فازه قاعدتها قصيره لازقه بالطاوله حطيت فيها جاكليت لافندوم اخترت الالوان ذهبي و كحلي و حطيت تحت الفازات مفارش دوائر ذهبيه مختلفة المقاسات عطت شكل للطاوله و حجزت كاب كيك من عند مره تبيع كيك البيت على شكل باقة ورد فيها ميني كاب كيك و الموالح من لاسيغال فيها كبب و تبوله و ورق عنب صغار وووالخ طبعاً هاذي كنت باخذها بس يبي لها 3 ساعات يجهزونها قبل لاتاخذينها وريلي تأخر فـ غيرت خذت منه بسكوت مالح مثل البف باستري انواع و خذت بساكيت من زنجبيل كله مالح ومن محل دارسين بعد و الفطاير اول يوم خذت من اوبرا ثاني يوم زنجبيل و العصاير من معصرة لولو و الضيافه اتيكيت و توزيع البيبي طلبته من هارودز و مفرشي من امريكا و بس عندج بعد ماكرون حلو عند لو ماكرون و سلامتج اذا صار عندي وقت بنزل الصور |
رد: دردشة حوامل أهل قطر - دردشة بنات قطر - تجمع حوامل قطر
صباحووو.. انا ادخل الصبح و انتوا فليل ..
يعطيج العافيه مس حسن .. حلوة الالواان .. انا للحين محتارة على اللون شفت ملحف حلوو في زارا هوم احممر و اوف وايت بس للحين مترددة.. بابتدي اجهز اول الشهر ان شاء الله. |
رد: دردشة حوامل أهل قطر - دردشة بنات قطر - تجمع حوامل قطر
اي متعاكسين بالاوقات
الله يعافيج فديتج حلو الاوف وايت و الاحمر احلى شي التجهيزات استمتعي واذا بغيتي شي ولا ارقام محلات لاتستحين |
رد: دردشة حوامل أهل قطر - دردشة بنات قطر - تجمع حوامل قطر
فديتج ماتقصرييين مس حسن..
اكيد اذا توهقت بشي بسالج.hwaml62 |
رد: دردشة حوامل أهل قطر - دردشة بنات قطر - تجمع حوامل قطر
حرم المالكي :
قصر الله الشر عنج حاضرين للعسولين اخبارج و اخبار كتاكيتج وحشتيني - جوري قطر طمنينا عليج حبوبه |
رد: دردشة حوامل أهل قطر - دردشة بنات قطر - تجمع حوامل قطر
مساء الخير يالغاليات والله يسهل عليكم اموركم يارب
شاركينا بهل الزاويه الله يسعدك يارب http://forum.hwaml.com/t82924.html تقبلي مروري سوسه |
رد: دردشة حوامل أهل قطر - دردشة بنات قطر - تجمع حوامل قطر
السلام عليكم... رجعت لكم مرة ثانيه....مس حسن فديتج وفديت اسلوبج الراقي ..انا تمام حبيبتي ..انتي بشريني عنج و عن البيبي؟؟...واخبارج حرم المالكي؟؟
اختكم جوري قطر |
رد: دردشة حوامل أهل قطر - دردشة بنات قطر - تجمع حوامل قطر
عليكم السلام
ولكم باك نورتي جوري عسولتي افداج حبيبة البي دوم يَ رب انا طيبه الحمدلله و البيبي طيب يسلم عليج ان شاءاله نجيج انا وياه على سلامتج وشلون النساه ان شاءالله خفت ؟ |
رد: دردشة حوامل أهل قطر - دردشة بنات قطر - تجمع حوامل قطر
هلا ببنات الدوحه انا بنت الحساء حبيت اسلم وادعي لكم بالسلامه بس حبيت ابلقكم ان يوجد كريم ازاله البقع والسواد وكريم تبيض المناطق الحساسه وكريم الجمال للوجه لكن انا سمعت من وحده بالدوحه تشتري مني الكريم ازاله البقع ب45 واستغفر الله عندكم يباع ب100 ريال اعوذ بالله انا ابيعه بها السعر واخذ قيمه النقل بس واللي تبي تستفسر تراسلني على الخاص فديتكم
|
رد: دردشة حوامل أهل قطر - دردشة بنات قطر - تجمع حوامل قطر
صباحكم برررد و مطر و جو روووعة..
شخباركم كلكم.؟ انا بخير الحمدالله و كتاكيتي يسلمون عليج hwaml7 انا في الشغل بس الجوو يجنن يبيله طلعهhwaml16 |
رد: دردشة حوامل أهل قطر - دردشة بنات قطر - تجمع حوامل قطر
مس حسن يسلمووو حبي ... ودوم ان شااء الله .. والله يخليكم لبعض وان شاء الله اشوفكم على خير ..اي والله الحمدلله احس بدت تخف علي النساه والله ييسر ان شاء الله .. حبيبتي حرم المالكي دوووم ان شاء الله .. والله يخلي لج كتاكتيج فديتهم... اي والله الجو روعه بس للاسف مافي طلعه
اختكم جوري قطر |
رد: دردشة حوامل أهل قطر - دردشة بنات قطر - تجمع حوامل قطر
صباح الانوار
دوم يَ رب خلاص مري علي بروح وياج هههه / جوري قطر يسلمج فديتج ويخليج الحمدلله عقبال ماتروح كلش و ترتاحين حبيبتي |
رد: دردشة حوامل أهل قطر - دردشة بنات قطر - تجمع حوامل قطر
جوري قطر :
اي دكتوره تراجعين عندها |
رد: دردشة حوامل أهل قطر - دردشة بنات قطر - تجمع حوامل قطر
السلام عليكم ورحمة الله وبركاته
شخبارج مس حسن و شخبار علااوي؟ جوري ان شاء الله بتخف عليج على الشهور لجايه.. اشوف اعلان تنزيلات محل فيفا هوم للملاحف ..اشرايكم في المحل؟ يالله سي يوو |
رد: دردشة حوامل أهل قطر - دردشة بنات قطر - تجمع حوامل قطر
عليكم السلام و رحمة الله و بركاته
انا بخير الحمدلله و علاوي طيب يسلم عليج للاسف ماعرف المحل روحي شوفيه يمكن تحصلين شي حلو عنده* |
رد: دردشة حوامل أهل قطر - دردشة بنات قطر - تجمع حوامل قطر
صباح البرد
و الورد شخباركم ؟ وينكم اختفيتوا مع البرد |
رد: دردشة حوامل أهل قطر - دردشة بنات قطر - تجمع حوامل قطر
hwaml61 هلاا صباحوو حبيبتي .. شخباركم ؟ ان شاء الله بخير.
رحت امس البي اتش اس خدت لي ملحف افتكيت ..hwaml7 و ببتدي كل يوم اخلص لي شغله ان شاء الله . انتوا شالجديد عندكم؟ |
رد: دردشة حوامل أهل قطر - دردشة بنات قطر - تجمع حوامل قطر
مس حسن انا على حسب الدكتورة الموجودة لانه على المركز الصحي ، حرم المالكي الله يعينج حبيبتي على التجهيزات ، اخباركم بعد ؟!
اختكم جوري قطر |
رد: دردشة حوامل أهل قطر - دردشة بنات قطر - تجمع حوامل قطر
ياهلا حرم المالكي
زين الحمدلله اي لون خذتي ؟ عقبال الاشياء الباقي ابد الجديد ان ولدي الله يحفظه صياح ولا يبي ياخذ مصاصه ماعرف شسوي / جوري قطر اها وشخبارج مع الحمل ان شاءالله مرتاحه ؟ طيبين نسأل عنج فديتج |
رد: دردشة حوامل أهل قطر - دردشة بنات قطر - تجمع حوامل قطر
هلووو يسعد صباحكم..
خذت اوف وايت و على الاطراف موووف من البي اتش اس.. hwaml5 الحين ما اعرف ابتدي بشنو .. |
رد: دردشة حوامل أهل قطر - دردشة بنات قطر - تجمع حوامل قطر
ماشاءالله حلو اللون
ابتدي اخذي طقم الضيافه البيالات والفناجين و الدلال و الصحون الي بتقدمين فيها الموالح والحلا |
رد: دردشة حوامل أهل قطر - دردشة بنات قطر - تجمع حوامل قطر
مرحبا بعسوسلات قطر سامحوني انا من ليبيا بس عاملتلكم زياره
|
رد: دردشة حوامل أهل قطر - دردشة بنات قطر - تجمع حوامل قطر
ياهلا حبوبه
نورتي و حياج الله |
رد: دردشة حوامل أهل قطر - دردشة بنات قطر - تجمع حوامل قطر
الحمدلله صرت احسن من قبل ، انتوا اخباركم ؟؟ وليش دردشة حوامل قطر باردة مافيها الا 3 بس ؟؟
اختكم جوري قطر |
رد: دردشة حوامل أهل قطر - دردشة بنات قطر - تجمع حوامل قطر
الحمدلله فديتج
انا طيبه الحمدلله سهر مع علي الله يحفظه و كله متدفين عن البرد الشكوى لله مادري وين البنات انا اذا لقيت حد بالمنتدى من قطر اقول تعالوا الدردشه |
| الساعة الآن 05:04 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .