رد: ديوانية البحرين - دردشة حوامل البحرين - البحرينيات
 

صبحكم الله بالخير

امس صار لي شي خرعني .. يا ليت لو تطمنوني

اممم .. امس نزل لي علي دم اثناء الجماع
وبعد ما تغسلت وكل شي وقف الدم ولحد الحين الحمدلله ما نزل علي شي

بس انا خايفه والله وقاعده احاتي
شنو تنصحوني اسوي

رد: ديوانية البحرين - دردشة حوامل البحرين - البحرينيات
 

بنات الي ولادتها قريبه او الي تعرف جنس جنينها
تروح مذكركير .. عندهم تخفيضات 75%

انا خاطري اشتري حق البيبي اشياءات .. بس احس وايد تو الناس
لكن ما كسرت بخاطري رحت واخذت حق بنتي

رد: ديوانية البحرين - دردشة حوامل البحرين - البحرينيات
 

صباحكم عسل ..

بنوته شي ..حبيبتي مممممممم ما اقدر افتيلج بالضبط
بس انا نزل علي دم على فترتين و السبب كان دم بين التوام ما فهمت الدكتورة شتقصد .. بس طمنتني اول مرة رحت لها وقلت برد ينزل عليج .. وفعلا بعد فترة تقريبا اسبوع او اسبوعين نزل علي .. بس مو دم كتير كتير .وسوت لي سونار بالمرتين واطمنت على صحه البيبي انهم بخير .. فراجعي دكتورتج احسن ..


طبعا من حالة الى حالة تختلف . وانا قصتي طويلة فما بعور راسج .. وانتي قلتي ان عندج بنت فاعتقد خبرتج اكثر مني بهالامور .. بس اللي اعرفه ان الجماع بداية الاشهر خطير ..ومن حالة الى حالة تفرق

رد: ديوانية البحرين - دردشة حوامل البحرين - البحرينيات
 

السلام عليكم ورحمة الله وبركاته
يسعدني ان اكون ضيفة حلو معاكم لاني توني جديد في هذه المنتدى
يالغاليات عندي مشكلة انشاء الله تساعدوني فيها انا متزوجة من 8 اشهر حتى ليومي هذه لم استطع ان احمل وسبب لا اعرف الجماع عندي نوعا ما قليل يعني في الاسبوع مرتين او مرة وبعض اوقات ولا مرة نمارس في الاسبوع تقريبا اذا اعطيكم عدد مرات الجماع طوال فترة يمكن 20 مرة فقط ، فارجو منكم رد علي في اسرع وقت ممكن لان انا تعبت تفكير

رد: ديوانية البحرين - دردشة حوامل البحرين - البحرينيات
 

مرحبا يويو يسعدلي صباحج
بخصوص موضوعج بصراحه ما ما عندي فكرة عدل ,,, بس هو فعلا عدد المرات قليل بس يمكن ما لها علاقة .. اقصد عدد المرات ماله خص بالحمل .. غير ان فرصة الحمل بتزيد .. وفي بنات يحملون من اول مرة فهمتي علي ..

وعشان ما تخافي ..احس تسوي فحوصات انتي و زوجج .. عشان لا سمح الله في مشكلة تداركونها من البداية .. لان معظم العلاج يطول .. على حالتج وكتبت ربج ..

اهم شي الوحدة ما تياس من رحمت ربها ,, وكل تاخيرة فيها خيرة ,, ويمكن التاخير في صلاح لج ,,


اتمنى اكون افدتج حبيبتي ... وسامحيني على القصور

رد: ديوانية البحرين - دردشة حوامل البحرين - البحرينيات
 

وعليكم السلام ورحمة الله وبركاته
اول شي الله يرزقج بالذريه الصالحه .. والسامع يقول آمين

اممم .. والله مادري شاقول لج
بس انتي حسبت عروووس يديده .. ليش يعني الجماع قليل عندكم
شنو الخلل .. هل الخلل منج او من ريلج ؟؟

يعني انتي الي ما ترغبين ولا اهووه .. اذا اهووه الي ما يرغب
جددي حياتج انتي معاه .. لا تستمرين على روتين محدد
يعني لبسي وتكشخي وخلقي جووو رومنسي

واذا اهووه تحسينه ما بادر لج .. انتي روحي صووبه وحاولي تتقربين منه
ودايماً حطي في بالج شي واحد
ان اول ما توصلون لمرحلة النوم على السرير .. مو كل واحد يحط راسه على المخده ولا يدري عن الثاني

قعدي سولفي معاه .. دوري لج اي سالفه وقعدي سولفي
وخلج واعيه لين ما اهووه يرقد .. لا ترقدين قبله
لان الريال ما يحب المره ترقد قبله ويتم اهووه صاحي

انتي جربي هالنصايح وان شاء الله تفيد معاج وربي يسعدج ويهنيج في حياتج الزوجيه

وسامحيني على الاطالة .. احس روحي صرت فوزية الدريع hwaml7

رد: ديوانية البحرين - دردشة حوامل البحرين - البحرينيات
 

اهااااا
يعني اهووه مو خطر على الجنين
لان انا من ذاك اليوم لي الحين الحمدلله اموري طبيعيه ولله الحمد
وحدي ولهااااانه ابي اروح المستشفى اتطمن
بس كل من يقولي هذي شي عادي وماله داعي كل مره تروحين المستشفى ويقعدون يسوون لج سوالف ويتعبثون فيج .. خلج جذي احسن

بس الحين ناطره موعدي بشهر 2 ان شاء الله

رد: ديوانية البحرين - دردشة حوامل البحرين - البحرينيات
 

السلام عليكم
شخباركم حوامل
عندي استفسار انه حامل بالاسبوع التاسع بخصوص حبوب الفوليك ما اكله بانتظام هل يأثر على ألبيبي او عادي
و اخر مره زرت الدكتورة كتبت لي حبوب pregnacare حبيت اعرف حق شنو
ياريت تفيدوني

رد: ديوانية البحرين - دردشة حوامل البحرين - البحرينيات
 

http://forum.hwaml.com/t94034.html#post1897675


مفارش كشخه لحديثي الولادة

رد: ديوانية البحرين - دردشة حوامل البحرين - البحرينيات
 

قوووووووووووووة كروشات شخباركم

ابي اعرف شرايكم بالسلمانية للولادة بهالوقت؟؟؟
وايد احاتي الصراحة وكنت خلاص حاسمة امري بولد هناك بس هالايام ماادري شفيني مب مرتاحة
ماادري شسوي
المشكلة حتى دكتوري الخاص نصحني بالسلمانية لاني قيصري وعندي سكر وحامل بتوينز