|
الجزء السادس ما قبل الأخير
بسم الله الرحمن الرحيم
السلام عليكم ورحمة الله وبركاته كيف حال الحبوبات hwaml92 تراني كلش تعبانه hwaml10لكن معزتكم خلتني أكتب البقية من القصة بنات أبغي دعمكم رجاءاً بنات إذا ما شفت تفاعل ما بكملhwaml02 وشكرا لكل المهتمات على هذا الدعاء والمتابعة أبغي كل وحده تدعي لي وللمحرومات دعوه حلوه في السر أو العلن المهم نبدأ الحين (الجزء السادس) مرت الأيام بنات ومرت الشهور ومرت السنوات (لين مرت سنتين )وأني مريحة وكلما أذكرت حلمي بالأمومه أتذكر الألمhwaml93 اللي سببته لي أخر تجربه والمسكين زوجي كان يعذرني على الرغم من رغبته بإعادة التجربه خايفةhwaml85 أرد أفكر أني بمر بلي مريت فيه مره ثانيه لكن عشان حبيبيhwaml53 وقرت عيني بحاول أخذت موعد عند دكتوره (سمعت عنها من عدد كبير من البنات اللي في النت أنها زينه وحتى من خارج النت) رحت ليها أول موعد أخذو تفاصيل الحالة وقالت لي:بعض التحاليل قديمه وتحتاجين أعادتها ولازم تسوين تحليل جينات ممكن جيناتك ما تتوافق مع جينات زوجك عشان جدي أصير توقف نمو الطفل والإجهاض(هذي المشكله ماليها حل إلا أن يتزوج زوجي وحده ثانيهhwaml4) و لازم تسوي أشعة الصبغة و منظار عشان نعرف في سبب في الرحم يسبب توقف نمو الطفل والإجهاض سويت التحاليل أما أشعة الصبغة كان الموعد بعيد أما المنظار قالتلي لازم يكون بعد نتيجة أشعة الصبغة والموعد الثاني قالت لي :كل النتائج سليمه وعطتني تحاليل لزوجي عشان تتأكد في تقدم في الحاله ولا سو التحاليل مباشرة وقرب موعد أشعة الصبغة وبديت أخاف من كلام البنات وحده تقول يألم موتhwaml80 وحده صار ليها نزيف لكن توكلت على الله وسويت الأشعة بصراحه ما توقعتها سهلة الألم كلش بسيط ونزل دم كلش بسيط ورحت الموعد اللي بعده وكانت نتائج التحاليل مالت زوجي طلعت ونيجة الأشعة بعد طلعت دخلت على الدكتورة بعد ما أطلعت على النتائج خبرتني أن حالة زوجي على ما هي عليهhwaml85 ونيجة الأشعة تمام الأنابيب المبايض سليمه الحمد لله (أحس ماليها داعي أشعة الصبغة ما أدري ليش مسوتنها ليhwaml03) وقررت لي عملية منظار وقالت لي يوم اللي تجيش الدورة أتصلي عشان أنحدد يوم العملية وبعد الدورة لا يصير جماع يوم جتني الدورة أتصلت وأخذت موعد مرت الأيام وجى موعد عملية المنظار (كنت متخوفه من العملية لكن الله يسرهاhwaml85) تألمت بعد العمليه لكن الألم خفيف ونزل شويت دم رحت للدكتورة وقالت لي:كنت أعاني من ألتصاقات في جدار الرحم وهي عالجت المشكلة في عملية المنظار ونيجة الجينات طلعت تمامhwaml60(الحمد لله) والحين خلاص بنبدأ بإجرائات عملية أطفال الأنابيب بصراحة أنصدمت ما توقعت بهل سرعةhwaml03 (يعني بس مرت 4شهور ) وأحس أني مو مستعده ترددت قبل ما أقول لزوجي هل كلام لكن في الأخير قلت له المسكين كان متفهم جدا وقال لي :بنأجله بعد ويش رايش قلت ليه: أوكيهhwaml92 وقررت أشتغل عشان أنسى و بالفعل حصلت شغل ومرت سنه ونص وبعدها قلت لزوجي: خلاص أني مستعده للعمليه وقررت أتوقف عن العمل لأن العمل جدا مرهقhwaml8 وبديت في العلاج تخيلوا طلبت مني عملية منظار مره ثانيه بحجت أن صار وقت طويل على الأولىhwaml03 ورديت سويته والحمد لله كانت النتيجة أتصدقون كانت مركزه علي في العلاج ولهيه مهتمه في زوجي لا عطته دوه ولا أبر وسيده قالت :الخزعة أضمن على قولها ما بطول عليكم كانت نفس الخطوات اللي مريت فيها في العمليتين السابقتين من حبوب وأبر ليوم العمليه رحت أول شي أخذو خزعة من زوجي وتأكدوا أنه عنده حيوانات في الخزعة وبعده جهزوني لعملية سحب البويضات وسويت العمليه ووعيت من البنج حسيت أني ضايعة hwaml03ومحد وياي سألت الممرضه ممكن أطلع بعد مرور نصف ساعة على أستيقاضي وقالت لي وقفي إذا ما حسيتيتن بدوخه عادي تطلعين وقفت والحمد لله كنت تمام hwaml92 لبست ملابسي وتوني بطلع وألا زوجي توه طالع و رحنا البيت أني أتألم hwaml85وهو معاي تصدقون أخذوا منه عينه من كل خصيه يعني جرحين منفصلينhwaml03 وكان عندي بس 3 بويضات ما أدري ليش hwaml03 مرت ثلاثة أيام وأتصلوا لي عشان الأرجاع وشربت ماي لين ما أمتلأت ودخلت للأرجاع ورجعت لي 3 أجنه وقالت لي أحتمال كبير ما يصير حمل لأن الأجنه مو من الدرجه الممتازهhwaml03 وبعد مرور 14 يوم من الراحة رحت سويت تحليل وطلعت حامل hwaml60(الحمد لله) فرح زوجي وقال إن شاء الله ما بنحتاج لعمليه ثانية وقال لأمي أني أحتاج راحه لأني حامل وعطوني موعد بعد 14 يوم عشان يتأكدون من وضع الجنين وبعد ما رجعت لازمت الفراش ولا حركه وبعد عشرة أيام نزل دم رحت مستشفى ثاني لأن كان يوم جمعة وهم في إجازة وطلبت مني الدكتورة أستلقي على السرير وعطوني أبر تثبيت على أمل أني حامل و قالت لازم نسوي تحليل حمل وكانت النتيجه0.8 تخيلوا hwaml03وأكدت لي الدكتورة عدم وجود حمل من أصله لأن لو كان موجود حمل ينخفض الهرمون شوي شوي مو مره وحده (يعني جذبوا علينهhwaml4) عصب زوجي hwaml4لأن لعبوا بأعصابنه وبصراحه أني هسترتhwaml4 يعني كنت أتخيل شي في بطني وهو ما في شي يوم السبت أتخيلوا كلما أتصل بالعياده ما يردون علي hwaml4 قلت لزوجي بالموضوع وقرر أنروح العياده رحنا العياده وطلبنا مقابلة الدكتورة أتصلت السكرتيرة بالدكتورة قالت ليها بأسمي فقالت ليها ما في وقت حتى أتكلم معاها عصب زوجيhwaml4 ذاك الوقت وكان ناوي على الشرhwaml17 لكن هدأته وأقنعته نترك العيادة ونحتسب عليهم عند الله وكل معتاد نحتاج لراحة بعد العملية والعلاج المكلف ترقبوا الجزء الأخير غدا ياترى ويش بصير أدعوا لي بنات وكل المحرومات رجاءاً مع السلامه وتصبحون على خير |
رد: الله على كل شي قدير (قصتي مع العلاج)
الله يوفقك حمستيني والله لايوفقها من دكتورا نست وظيفتها الاساسيه وهمها الفلوس حسبي الله عليها
|
رد: الله على كل شي قدير (قصتي مع العلاج)
الله يبلللللللغك و يعطيك و ما يحرمك .. حبيبتي اوصيكي بالاستغفار ثم الاستغفار ثم لاستغفار
و الدعاااااء ثم الدعاااء ثم الدعاء .. ادعي الله بقلب صادق و مووووقن بالإجابة .. (( أَنَا عِنْدَ ظَنِّ عَبْدِي بِي فَلْيَظُنَّ بِي مَا شَاءَ)) حديث قدسي .. صدقيني أنا والله حملت بالدعاء .. و أشياء كتييييييييييييييييير في حياتي ما سارت إلا بالدعاء و اليقين بالإجابة .. ادعي و اطلبي و اتمنني من أكررررررررم الأكرمين .. اللي ما يعجز عليه شيء في الأرض ولا في السماء .. هو القاااااادر هو المعطي هو الرحييييم هو أررررحم الراحمين .. قوليله يارب ارحمني و ارحم ضعفي و ارحم حااااااااااالي .. اطرقي بابه .. إن الله يحب العبد اللحوووووح .. ألحي عليه في الدعاء .. ربنا يبغاكي تقربيله أكتر .. و قولي لزوجك نفس الشي .. و خلي الوالدة تدعيلك هي أصدق انسانة على وجه الأرض تدعيلك .. الله يرزقك و يعطيك و يكرمك حتى يرضيك |
رد: الله على كل شي قدير (قصتي مع العلاج)
الله يرزقش يارب ويرزقنا معآش والله يعينك بصرآحه هآلايام هآذي كل مصالح
الفلوووس بس بآعت ظميرها عشان الفلووس لكن عند ربها وين بتروح الله يعطيكم العافيه وننتظرك بكرة على آحر من الجمر .. |
رد: الله على كل شي قدير (قصتي مع العلاج)
حسبي الله عليهم مايخافون الله الله يرزقك ويفرح قلبك ان شاء الله وكل محرومه ..
|
رد: الله على كل شي قدير (قصتي مع العلاج)
ربي يرزقك ويرزقنا يارب
نسنتناك خيتي |
رد: الله على كل شي قدير (قصتي مع العلاج)
بسم الله الرحمن الرحيم السلام عليكمhwaml7 كيف الحالhwaml92 المهم لاتنسونا من الدعاء (الجزء الأخير) بعدمرور 8شهور تقريبا بدأت النقاشhwaml63 في موضوع الأنجاب مرة ثانيه وقررنها أن نعيد أطفال الأنابيب للمره الرابعة بس هل مره عند دكتور معروف بأنه نسبة النجاح عنده كبيره جداhwaml7 أتصلنا العيادة وكان أقرب موعد بعد شهر رحنها بعد شهر الموعد أتطلع الدكتور على التحاليل السابقة ولم يطلب منا أعادة أي منها hwaml03 أعطى زوجي كورس لمدة ثلاث شهور وهو عبارة عن أدويه وأبر hwaml10وقال لي : أبدأ بشرب الجلوكوفاج والفولك أسيد وأخذ موعد بعد شهرين مرت الشهرين وزوجي مواظب على العلاج hwaml92 رحنا الموعد أخذو علي ألتراسوند وطمأن الدكتور على الرحم وعطاني حبوب لتنظيم الدورة قبل العمليه و معاهم أسبرين وفيتامين ب6 وأبرةhwaml10 أخذها قبل لاأشرب أخر حبة من منظم الدورة وعطانها موعد بعد العيد لأن هذا الموعد كان في شهر الخير شهر رمضانhwaml7 رحنا الموعد وكانت الدورة يوم رابع تقريبا وبدأت أخذ الأبر من يومها لمدة 7أيام وبعدها موعد ثاني رحنا الموعد وطمأن الدكتور على البويضات وقال عنها كثيرة وحجمها تمام hwaml92وعطاني أبرتين بعد زيادة على اللي أخذتهم والأبرة التفجيرية خلصت الأبر وتجهزت للعملية يوم ثاني قعدنه من النوم hwaml76ورحنا للمركز وهناك أخذنا عينه لكن العينه كانت لا تحتوي على حيوانات hwaml85(الحمد لله) فقررو لزوجي عملية الخزعة جهزوه للعملية وبقيت أنتظره وبعد 25 دقيقة نادوني للعمليه قمت بلبس الملابس الخاصه وذهبت للحمام ووضعوا علي المغذي وبعد أنقضاء ما يقارب النصف ساعه أتى الدكتور وقال لي :أن الخزعة التي أخذناها من زوجك لاتحتوي على أي حيوان منوي أنصدمت من الخبرhwaml03hwaml85 (الحمد لله على كل شيء) وخيرني بين أن أقوم بعملية سحب البويضات وتخيزنها لحين تواجد حيوانات منويه أو أنزال الدورة سألت الدكتور:في أمل ترجع الحيوانات بالظهور قال هذا كله بأمر الله في البداية من شدة الصدمه hwaml03وعدم أستيعابي لكلام الدكتور قلت للدكتور أني بسوي العملية لكن قعدت افكر ليش بسحب البويضات وبجمدها وحنا ما عدنا تكاليف التجميد فغير رأيي يوم جت الممرضة عشان خلاص بدخل العمليه طلبت رؤية الدكتور وقلت ليه: ما بكمل خلاص شالوا المغذي ولبست ملابسي ورحت لزوجي اللي من شفته ما قدرت أتمالك نفسي hwaml78 لأن كان يسألني خلصتين وأنا للحين أتألم hwaml96 شافني أصيح hwaml78سألني ليش أتصيحين وقلت ليه اللي صار المسكين أتضايق واجد وقال بيطلقنيhwaml78 عشان ما يعذبني معاه لكن أني قلت ليه: لعيال اللي مو منك أني ما أبغيهمhwaml84 وبعد 20 دقيقة رخصو زوجي ورحنا للدكتور مكتبه وعطاني ادويه لأنزال الدوره ومسكن للألم وعطى زوجي مضاد ومسكن للألم وتأسف منه وكان محرج من اللي صار والحين يابنات الدورة نزلت وأني كلش تعبانه صدري متورم وكل جسمي يألمني الحين بعد ما عرفتون القصة بعد هل التجربة في البداية كنت ماني عارفه أهون على نفسي ولاعلى زوجي hwaml78hwaml93 كنت متمنية أختم القصة بنهاية سعيدة لأن عندي أمل كبير أنها بتنجح العمليه لكن قدر الله وما شاء فعل أنتظرو بعض النصائح والمعلومات اللي بتفيدكم إن شاء الله مع السلامه بنات وإلى اللقاء مع جزء جديد فيه أحلى خبر إن شاء الله تعالى (عادي الأمنيات مو بفلوس صح) تمنياتي للجميع بالتوفيق |
رد: الله على كل شي قدير (قصتي مع العلاج)
الله يكتب لك اللي فيه الخير يااااار ب
ويفرح قلبك وقلب زوجك .. عاجلا غير اجل .. |
رد: الله على كل شي قدير (قصتي مع العلاج)
ياقلبي اسأل الله الحي القيوم ان يرزقك ويعوضك ويعوض أنتظارك خير ياقلبي
|
رد: الله على كل شي قدير (قصتي مع العلاج)
ليكي حبيبتي أنا عندي علاجك بإذن الله
إذا مستعدة تسمعي مني راسليني على الخاص والله يوفقك يا رب |
| الساعة الآن 07:42 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .