|
رد: تجاربكم عن ابرة الظهر ؟؟
جربتها بولادتي قبل 5 سنوات ,,ماشاء الله روعه ولا صداع ابدا جاني بعدها الحمدلله
بالنسبة لألم الظهر هو نفسه الم الولادتين اللي قبلها بدون ابرة ومو الألم اللي يخليني اوقف نشاط او مشي او غيره ,,عادي مررره وناوية اخذها بهالولادة ان شاء الله بدون تفكير مقررة لاني جربتها واخذتها بنات عماتي واعمامي كلهم (عندنا دكاترة بالعائلة ودايم ينصحوا فيها ويقولو انها نعمة وتقدم طبي) واحنا مانصدق خبر جربناها كلنا ههههههههههه والحمدلله حمدا طيبا مباركا ولا وحده عندنا اشتكت منها ماشاء الله حتى بابا اخذها بعملية البواسير وقال ممتازة ماتعب بسببها ظهره مع انه بالستين الله يطول بعمره ويحفظه لنا وماتعور ابدا وقت اخذها , ودايم اقول ابرة الوريد المغذي اسوأ منها ومؤلمة بس ابرة الظهر شكة دبوس لانه يخدروا المنطقة قبل يحطوها وهي قسطرة مره رفيعه جزء الظهر عند اول صف عضلات حتى مو تدخل جوه للعصب انا شفتهم يحطوها والجزء الثاني موصول بالدوا وينقط حسب حاجتك وبكيفك تخففي او تزيدي بس طبعا بوجود الدكتور وبعد الولادة الممرضة تشيلها ,,تسحبها ولا تحسي لانه مبنجه المنطقه وتنامي على ظهرك بدون مخده ساعتين علشان مايجي صداع واصلا هالساعتين بتكوني بغرفة الولادة زي اي ولادة ترتاحي قبل تطلعي غرفتك والدكتور لو شاطر صدقيني ماراح يجي لا صداع ولا اثار لانه يده مدربة وخفيفه علشان كدا اختاري استشاري خبرة |
رد: تجاربكم عن ابرة الظهر ؟؟
نرجسه ماشفت هالموضوع الا اليوم
حتى كنت بنزل نفس الموضوع اليوم انا حامل بنهاية السابع تقريبا وبكريه وخااااااايفه من الولاده مره وكمان خايفه من الابره لو اني ماشفت شلون يعملوها كان احسن لكن انا مااقدر اتحمل الم الدوره الشهريه يجيني اعصار في بطني عاد كيف الولاده بس شي اهون من شي يعني اصبر عالابره لحظات ولا اجلس اتالم من الطلق ايام وبعدين انا اعتقد الم الظهر الي يجي ترى انا اعتقد هذا الالم يجي الي والده بابره وبدون لان الولاده بحد ذاتها تاثر على الظهر يعني كثير والدين طبيعي وبدونها وللان اولادهم بلمدارس وعندهم الام بالظهر قد يكون اسبابه سوء تغذيه بعد الولاده او الكالسيوم ضعيف من الحمل وكذا انا بستخير انشالله وربي يكتبلي الي فيه الخير اذكر قريت موضوع عن وحده كانت رافضه الابره بس يوم حست بالطلق وتعبه ماترددت ثانيه انشالله ياربي لاتحرمنا الاجر سواء عملناها او لا وربنا ماقال تعذبوا عشان الاجر يكفي الضغط النفسي الي يصير بالحمل ويوم الولاده والخوف والقلق احس هذا بلحاله كووووووم ثاني والحمدلله على كل حال والله يرزقك يانرجسه توم انشالله بنت وولد وتجين تسدحين قصة ولادتك فيهم وبابرة الظهر وانا اذا استخدمتها وقمت بالسلامه رح اخبرك انشالله |
رد: تجاربكم عن ابرة الظهر ؟؟
انا انشاءالله ناويه اخدها
ابغااسال دكتورتي عنها واشوف مين امختص بيها فالمستشفى الله يسهل يارب والله نعمه من ربي يابنات |
رد: تجاربكم عن ابرة الظهر ؟؟
انا جربتها توني ماصار لي اسبوعين والده الحمد الله ومرررررررررره ممتااااااازه الابررررررررره .. لو ما اخذتها ممكن كان مت من زمان من الوووجع اللي جاني
ماعطوني اياها الى يوم فتح عندي الرحم 3 سانتي .. على يد أستشاري ممتااااز وماشاءالله يده خفيييييييييفه والله ماحسيت فيها ولا تحركت ولا هم يحزنون كنت خايفه من كلام بع |
رد: تجاربكم عن ابرة الظهر ؟؟
كنت خايفه من كلام بعض الناس اللي جربوها بس طلع العكس تمااااااااما
وماحسيت بالطللللللللللللق اببببببببببد .. ووقت خروج البيبي شوي جاني ألــــــم موو مره هذاك الالم اللي يخليني اصاارخ مثل الي يولدون من غير الابره حتى ما اذكر إني صررررخت .. انصحكم فيييييييييهاا مرررررررره روووعه وان شاءالله بكل ولاده راح اخذهاااااا بإذن الله وسوري على التقطيع بس من الحماس وانا اكتب ههههههه |
رد: تجاربكم عن ابرة الظهر ؟؟
انا ولدت بعملية بسبب البواسير واخدت ابرة الضهر والحمد لله ما حسيت بشي بعد الولادة ووجع البواسير اختفى
انصحك تاخديها |
رد: تجاربكم عن ابرة الظهر ؟؟
كروشات عسولات اللي تبغى تعرف عن ابرة الظهر معلومات تفتح مقطع الدكتور فواز أديب ادريس ً على اليوتيوب وربي يشرحها بطريقه تفتح النفس وترتاحين وتاخذينها وانتي مغمضة *
|
رد: تجاربكم عن ابرة الظهر ؟؟
بنات اللي جربوها كل وحده تقول بأي مستشفى ًالله يسعدكم
|
رد: تجاربكم عن ابرة الظهر ؟؟
مرحبا كروشات
دخلت الموضوع بالصدفه وقلت ما اطلع الا قايلة لكم وش صار معاي انا والده طبيعي لي اليوم 14 يوم من ولدت واخذت ابرة الظهر والحمدلله على كل حال اخذتها على يد استشاري في مستشفى العسكري بالظهران واول مادخل الابرة بظهري جاني صداع فضيع واعطوني مغذي مسكن للصداع ..خف اول يومين ولما رحت البيت رجع الصداع مع دوخة وحومة كبد والاصوات تتكبر وما اقدر اشوف بدون مبالغة كنت عايشه بالظلام لمدة اربعة ايام .. ولما امشي كنت لازم احد يمسكني الين اروح دورة المياه الله يعزكم وارجع طفلتي ماكنت ادري عنها .. وكانوا الناس يجونا زياره وانا متقفله لوحدي لان مقدر عالازعاج والصوت وبعدها زوجي سأل الدكتور اللي اعطاني الابره ووصف له نوعين حبوب وقال خلها تاخذها كل ست ساعات مع قهوة تركيه وماتتحرك من السرير وترفع رجولها وتنسدح على ظهرها وبيخف مع الوقت .. معاناة لكن الحمدلله على كل حال امس اول يوم راسي ماعورني وان شاء الله انه راح تماما والحمد لله على كل حال .. حبيت انقل لكم تجربتي بالضبط وانتو كيفكم .. |
| الساعة الآن 12:16 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .