منتديات حوامل النسائية

منتديات حوامل النسائية (https://naqatube.com/index.php)
-   إستفسارات مرحلة الولادة (https://naqatube.com/forumdisplay.php?f=96)
-   -   تجمع الولاده القيصريه (https://naqatube.com/showthread.php?t=47626)

al-7ala 03-15-2011 04:26 AM

رد: تجمع الولاده القيصريه
 
السلام عليكم

كيفكم بنات ,,,,انا صار لي اسبوع من ولادتي الثانيه وجبت ولد بقيصري بطلب مني لأن المويه نزلت مني بكثرة وخفت يصير شيء للبيبي ومن جهه الطلق بارد ورحمي مو فاتح وتحطمت جلست 24ساعه اتولد مافيه فايده وطلبت من الاستشاري عمليه ووافق



اما عمليتي الاولى ماكنت ابغاها لان عندي الطاقه اني انجب طبيعي لكنهم قالو ماتقدرين الجنين مرة كبير وماراح تطلع بالساهل

سبحان الله العجيب اني بالعمليه الاولى ماابيها وابكي واترجى الدكتور مايسوي لي
والعمليه الثانيه انا اترجاهم وابكي يسوون لي عمليه بتخدير كامل علشان التعب


وبالنسبه للألم يعني بس الاسبوع الاول من العمليه اللي صعب المشي والحركه مع الخوف والتوتر اوووووووووه لسا مانسيت

وعندي صراحه اصعب شيء لما صحوني من التخدير ويبوني انا انتقل من سرير لسرير <<قمة العذااااااب لكن ان شاء الله كله بأجره عند رب العالمين

لكن عندي استفسار هل اخذ حبوب مانع وش افضل نوع واللي مايأثر علي ويعقمني؟

سلاموووووووووو

أرنوبة 03-15-2011 03:14 PM

رد: تجمع الولاده القيصريه
 
الحمد لله على سلامتك الحلا
والخيرة فيمااختارة الله اهم شيء سلامتك وسلامة البيبي
بالنسبة لسؤالك انا استخدمت حبوب ياسمين اللي فيها 21حبه لمدة سنتين وحملت بعد ما تركتها بشهرين الحمد لله واستخدمها باليوم الـ35 من تاريخ الولادة
واستشيري دكتورك كمان احسن

rooraa 03-15-2011 06:22 PM

رد: تجمع الولاده القيصريه
 
اقتباس:

المشاركة الأصلية كتبت بواسطة al-7ala (المشاركة 856259)
السلام عليكم

كيفكم بنات ,,,,انا صار لي اسبوع من ولادتي الثانيه وجبت ولد بقيصري بطلب مني لأن المويه نزلت مني بكثرة وخفت يصير شيء للبيبي ومن جهه الطلق بارد ورحمي مو فاتح وتحطمت جلست 24ساعه اتولد مافيه فايده وطلبت من الاستشاري عمليه ووافق



اما عمليتي الاولى ماكنت ابغاها لان عندي الطاقه اني انجب طبيعي لكنهم قالو ماتقدرين الجنين مرة كبير وماراح تطلع بالساهل

سبحان الله العجيب اني بالعمليه الاولى ماابيها وابكي واترجى الدكتور مايسوي لي
والعمليه الثانيه انا اترجاهم وابكي يسوون لي عمليه بتخدير كامل علشان التعب


وبالنسبه للألم يعني بس الاسبوع الاول من العمليه اللي صعب المشي والحركه مع الخوف والتوتر اوووووووووه لسا مانسيت

وعندي صراحه اصعب شيء لما صحوني من التخدير ويبوني انا انتقل من سرير لسرير <<قمة العذااااااب لكن ان شاء الله كله بأجره عند رب العالمين

لكن عندي استفسار هل اخذ حبوب مانع وش افضل نوع واللي مايأثر علي ويعقمني؟

سلاموووووووووو

اهلين اختي انا عامله عمليتين بس استغربت لما تقولي يصحووووكي علشان تقومي من سرير لسرير
انا يشيلوني وما احس اكون بين نايمه وصاحيه

al-7ala 03-15-2011 09:07 PM

رد: تجمع الولاده القيصريه
 
أرنووووووووووووووووووبه الله يبارك بعمرك يالغلا

al-7ala 03-15-2011 09:11 PM

رد: تجمع الولاده القيصريه
 
اقتباس:

اهلين اختي انا عامله عمليتين بس استغربت لما تقولي يصحووووكي علشان تقومي من سرير لسرير
انا يشيلوني وما احس اكون بين نايمه وصاحيه


روروو اهليييييين فيك
انا مااقووم على رجليني لكن وانا نايمه عل السرير اشيل وسطي شوي شوي وبعدين رجولي وماسكه بيديني على حديد السرير الين ماانتقل للسرير الثاني
طبعا اطول لكن مااحد يساعدني من الممرضات واقولهن مااقدر لكن يجبرني اعمل كذا

مشــــــــاعر 03-15-2011 09:42 PM

رد: تجمع الولاده القيصريه
 
حبيت اشارككم معناتي..
أنا عندي ولدعمره سنه وثمانيه اشهر ولدته بعمليه قيصريه..
والسبب أني تعديت التاسع ب13 يوم..
وكانت نزلت المويه والرحم فاتح 2سم فقط ولافيه طلق..
تنومت واعطوني تحاميل لفتح الرحم لمدة خمسه أيام ولكن من دون فائده..مافتح ولانص سم زياده..
نفسيتي تعبت كثير وحتى جسمي لان الثقل على الحوض كان شديد بسبب نزول المويه اللي كانت تعمل على تخفيف الثقل..
والعمليه آه من العمليه أول الافاقه تحسين بوجع العالم كله بجسمك..
خاصه أني نحيفه فكان الألم لايطاق..
وأنا معي امساك خلقه وبعد العمليه ماكنت آكل مجرد اشرب عصيرات وأشرب مرق خوف من لحظة الاخراج..
وبالنسبه للترويش بعد العمليه بأسبوع فكوا الخياطه واعطوني خروج وبنفس اليوم تروشت لكن حطيت سفرة بلاستيك على الجرح..والحقيقه كنت أتروش يوميا لاني أحس بحراره من الحليب بصدري,,وأخاف من الريحه بسبب الرضاعه..
وبالنسبه لتنظيف الجرح كنت أنظفه بمطهر بسافلون وأمسح بمسحة طبيه..
واللحين أنا حامل بالشهر الثامن يعني حملت بعد ولادتي بسنه..
لان معي ضعف بالمبايض وحملي بمنشطات وشفت التربيه صعبه قلت بدل ماأرتاح 4 أو5سنوات وأرجع للعذاب..خلي التعب يكون مره وحده أربي الثنين مع بعض وبعدها بوقف الى ان يشاء الله..
وبعد شهر يعني دخولي التاسع باذن الله راح يعملون لي قياس حوض اذا كان ضيق بيقررون موعد العمليه,,أو فيه مجال للطبيعي..
لكن الطبيعي تخوفني وترهبني ماهو بسبب الطلق لا الخوف من التوسعه والخياطه ومن غير بنج..
طولت عليكم..
الله يقوم كل حامل بالسلامه..
ويشافي من ولدن بعمليه..
ويكتب الأجر للجميع..
اللهم آمين..

ندى الايام 03-16-2011 06:12 AM

رد: تجمع الولاده القيصريه
 
طيييييب ليش انا محد عبرني ولا احد قالي الحمد لله على السلاااامه حتى....هههههه
وتشرفت بالجميع مشااااااعر ياهلا فيك وان شاء الله تقومي بالسلاااامه وتبشرينا عنك قريب

الحمد لله على السلامه
الله يخلي لك البيبي يارب
وشرف لنا تواجدك بالتجمع يالغلا

مشــــــــاعر 03-16-2011 12:25 PM

رد: تجمع الولاده القيصريه
 
نـــدى الأيـــام
ليه ماأحد يعبرك..أفااا عليك..
الحمدلله على سلامتك..
جزاك الجنه على المشاركه والدعاء..

مشــــــــاعر 03-16-2011 12:34 PM

رد: تجمع الولاده القيصريه
 
بنـــااات
حابه اسألكم عن نقطتين مهمتين بالنسبه لي:
1-ماذا تفعلون لمعالجة الامساك لكي لاتتألمون من جرح العمليه؟؟
2-ماهي السبل والطرق التي تتبعونها لكي يعود البطن الى ماكان عليه قبل الجراحه؟؟


ندى الايام 03-17-2011 05:15 AM

رد: تجمع الولاده القيصريه
 
اقتباس:

المشاركة الأصلية كتبت بواسطة مشــــــــاعر (المشاركة 860960)
بنـــااات
حابه اسألكم عن نقطتين مهمتين بالنسبه لي:
1-ماذا تفعلون لمعالجة الامساك لكي لاتتألمون من جرح العمليه؟؟
2-ماهي السبل والطرق التي تتبعونها لكي يعود البطن الى ماكان عليه قبل الجراحه؟؟

مشــــــاعر ياقلبي الله يجبر بخاطرك تسلمي يالغلا
بالنسبه للسؤال الاول اطلبي من الدكتوره فورا تكتب لك ملين
والثاني..بالنسبه لي اشوف ان قشر القهوه شي خيالي يلزق البطن بالظهرر ع قولتهم هههههه
وبالتوووووووفيق


الساعة الآن 06:14 AM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .