|
رد: @@ ايش الاخطاء اللي وقعتي فيها مع مولودك او افكار استفدتي منها..فيدي وأستفيدي @@
مشكورين على الموضوع المفيد .. صراحة انا ولدي عمره 23 يوم وليحين ما اكتسبت خبرة وقاعدة استفيد منكم ..
أخطائي : - مارضعت ولدي طبيعي في المستشفى .. حاولت بس من تعب الولادة والطلق وألم الخياطة تهاونت وعودوه الممرضات على الصناعي .. وطبعا خف حليب صدري .. ويوم رديت البيت صرت اشفط له لين تقطعت حلماتي .. بس الحمد لله حاولت معاه اكثر من يوم لين صرت ارضعه طبيعي بس شوي يعني مرة او مرتين في اليوم .. ومايشبعه للأسف فأكمل بالصناعي .. - الخطا الثاني .. ولدي ينام بعد الرضعه على طول .. ويتأخر لما يتشجأ .. فكنت اخليه على صدري واربت على ظهره لمدة نصف ساعة او لين يتشجأ .. والحين تعود ماينام الا على صدري واذا حطيته على السرير يقوم ... تعبت معاه هو يصيح وانا اصيح وراه .. - الخطأ الثالث .. كان ولدي عنده اسهال غريب اول ماطلعت من المستشفى .. كان يوسخ بعد كل رضعه ... والمشكله ينام بعد الرضعه .. كنت اتهاون واخليه ينام واذا صحيته ابدل له .. لين مسكين صاده طفح الحفاظة .. عور قلبي فصرت ابدل له على طول ودايما .. حتى لو كان نايم .. |
رد: @@ ايش الاخطاء اللي وقعتي فيها مع مولودك او افكار استفدتي منها..فيدي وأستفيدي @@
ومنكم نستفيد
موضوع رائع |
رد: @@ ايش الاخطاء اللي وقعتي فيها مع مولودك او افكار استفدتي منها..فيدي وأستفيدي @@
والله موضوع رووووووووووووووووووووعه
روووووووووووووعه رووووووووووووووووووووعه الصراحه استفدت من اشياء كنت اجهلها |
رد: @@ ايش الاخطاء اللي وقعتي فيها مع مولودك او افكار استفدتي منها..فيدي وأستفيدي @@
انا بنتي عمرها 4 اشهر غلط غلطه وندمت عليها بس الحمد لله ربي لطف وستر
\@@\ بنتي كانت تعبانه معاها التهاب في الحلق وانسداد في الانف والدكتور اعطاني قطره للانف وفيتامين د للفم اوكي اختكم في الله من الغباء جبت فيتامين د وحطيتلها اربع نقط في انفها وربي كانت بتروح مني بس تصيح وما تتنفس واقراء عليها وخليتها ترجع بس الحمد لله بعد مارجعت ارتاحت ونامت \\\\ اتمنى من اي وحده ماتغلط غلطتي قبل ماتدين ولدك او بنتك العلاج تاكدي ومشكووووره قلبو على اموضوع |
رد: @@ ايش الاخطاء اللي وقعتي فيها مع مولودك او افكار استفدتي منها..فيدي وأستفيدي @@
اكبر غلط سويته اني عودت عيالي على الشيل صاروا ماينامون الا وانا شايلتهم وامشي بهم توم الله يحفظهم فتخيلوا الوضع السي اللي انا فيه
|
رد: @@ ايش الاخطاء اللي وقعتي فيها مع مولودك او افكار استفدتي منها..فيدي وأستفيدي @@
من جد الله يعطيكي العافية ع الموضوع الاكثر من راااااااااااائع باقيلي كم يوم واولد ان شاءالله وبصراحة استفدت من اشياء كثيرة الله يجعلو في موازين حسناتك ياااااارب
|
رد: @@ ايش الاخطاء اللي وقعتي فيها مع مولودك او افكار استفدتي منها..فيدي وأستفيدي @@
انا عودت بنتي تنام ايمتى ما بدها
وهلئ عمرها 11 شهر ونص ولليوم بتناكم ع 3.00 الصبح واحيانا كتير 4.00 الصبح وكمان عودتها ع اللهايه وكتييييييير ندمت لانها تعلقت فيها وبصعوبه تركتها كمان عدوتها ع الهز والحمل لاني كتير كتير فرحانه فيها ما اخليها تنام بدون ما احملها او اهزها .. ف لليوم ما بتنام غير بالهز والحمل ولازم تنام بحضني وهي ماسكه ايدي .. الله يخليلي ياها يارب وتشوف ايام احلى من العسل ياااارب |
رد: @@ ايش الاخطاء اللي وقعتي فيها مع مولودك او افكار استفدتي منها..فيدي وأستفيدي @@
أني سمعت كلام الناس وحطيت بيض على جسمها عشان الملع فجأة لقيت جسمها شب حساسية
توبت ماأسوي شيء من غير استشارة |
رد: @@ ايش الاخطاء اللي وقعتي فيها مع مولودك او افكار استفدتي منها..فيدي وأستفيدي @@
اقتباس:
وفي خطأ انا ارتكبته بعد .. ولدي مارضعته طبيعي ياقلبي عليه لان اول ماولدت بالمستشفى كنت تعبانه ومالي خلق اشيله وارضعه .. وبعد مارجعت للبيت عورتني الرضاعه الطبيعييه احس بالم مو طبيعي .. اثاري الالم بالبدايه بس وبعدين يتفتح الصدر وينزل الحليب عادي عاد انا تهاونت فيه وخليت ولدي ع الصناعي .. لين ولدي كره حليب صدري تخيلوا يابنات من احط صدري في فمه ابيه يرضع بعد ما اجوعه مره عشان يرضع حليب صدري تخيلوا اول ما احطه في فمه ينقلب وجهه ويصير يبي يستفرغ :( عاد انا انقهرت مرره .. وندمت الف مره اني عودته ع الصناعي .. لاتغلطون غلطتي ... ومشكوره ع الموضوع حبووبه |
رد: @@ ايش الاخطاء اللي وقعتي فيها مع مولودك او افكار استفدتي منها..فيدي وأستفيدي @@
يوم طلعت من الاربعين رحت يم ام زوجي الله يحفظها وكانت بنتي تتوجع من بطنها وكلا تصيح قامت وعطتها نعناع
وانعفست علي بنتي جاها اسهال وحرارة وما تبي ترضع كلا تصيح ما كنت ادري انه ما يصلح وكلمت أمي وهزأتني بعدها قالت عطيه مااي بارد والحمد لله خفت طبعا ييومها ما اسمع كلام احد الا اذا سألت واقتنعت |
| الساعة الآن 05:48 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .