رد: اللي بفتره النفاس حياكم بهالموضوع تفيدونا ونفيدكم ونشجع بعض
 

نبض قلب حمني .. لبى قلبك والله مشكوره يالغلآ ومآقصرتي ..

وبالنسبه لخطلتك راح اسويها سهله ومآيبي لها شغله ..

ربي يعطيك العافيه حبيبتي وربي يسسهل عليك ويرزقك يارب ..~

رد: اللي بفتره النفاس حياكم بهالموضوع تفيدونا ونفيدكم ونشجع بعض
 

انا صارلي إسبوعين والده وبصراحه أول إسبوع كنت عند أمي وكانت الله يدخلها لجنه مهتمه فيني على الآخر بس لما رجعت بيت زوجي ساحبه على كل شيئ حلو لو قدرت اقوم أشرب مويه والاكل بالغصب أذوقه أما النفسيه فأنا حاقده على زوجي عشان اخذني من عند أهلي وحطني بالبيت ولا يسأل فيني وللاسف بيني وبين أهلي 400كيلو .

رد: اللي بفتره النفاس حياكم بهالموضوع تفيدونا ونفيدكم ونشجع بعض
 

كيفكم بنات اعجبني مرآ موضوعك ياقلب
ربي يسلمك لبى قلبك ..

وانا بعد بكريه ومو عارفه وش اسوي ودي
ابدا بالخلطات لان الحين صار لي 20 يووم
ابي خلطه اوكريم للاسمرار الي في بطني والتقششات الي فيه
والي في الفخووذ ..
وابي اسألكم كيف اعرف ان الخياطة التمت

بصراحه نظامي مع الخياطه
اول شيء كنت اجلس بمغطس مره
في البداية ارتاح عليه ويريح بعد
وبعدين اتشطفت بموية وملح
والحين استخدم كريم ميبو شفت عليه انه
الخيوط نصها بدت تطيح بس مكان الخياطة منتفخ ..؟؟
ابي اسألكم بعد كم يخف هالانتفاخ؟؟
وبعد ابي اعرف وش احسن شيء المشد الطبي الي بالصيدليه
او الي بالمحلات ا انها نفس بعض ..؟؟
ونظامي بالاكل الاسبوع الاول اكلت عصيده
وبعدها داومت على المفروك طبعآ كل هذا تقوله امي
واذا على الغداء والعشاء مرقه لحم وقرصان
وطبعآالبارد ما اشربه يمكن شربته مرتين بس
وشيء ثاني احس بثقل بالمنطقة لم اقوم ماادري ليه
لاني مطوله في الانسداح او ما ادري ..؟

اتمنى تجاوبون على اسئلتي
ادري كثرت عليكم بس مالي الا الله ثم انتوا
وانا ان شاء الله اي خلطة مجربة بفيدكم بها

رد: اللي بفتره النفاس حياكم بهالموضوع تفيدونا ونفيدكم ونشجع بعض
 

لا ياقلبي ام غرام خذي راحتك الموضوع هذا للإفاده

تابعي الموضوع من البدايه وبتلاقين خلطات تعجبك واذا بغيتي شئ محدد
اساليني وبعطيك

انا بكريه وممكن مااقدر افيدك بكل الاشياء بس البنات فيهم خير

واللي تسوينه انك تجلسي بمويه وتشطفي بملح ومويه
وتحطي ميبو بالعكس حلووو مره

اما الانتفاخ ماعرف ياقلبي ممكن تسألي دكتورتك اللي كنتي تتابعي معها

واكلك بعد مررره اوك

والشد والله ماعرف

يفيدونك البنات ان شاء الله

رد: اللي بفتره النفاس حياكم بهالموضوع تفيدونا ونفيدكم ونشجع بعض
 

هذي خلطه للتشققات انا حافظتها عندي ان شاء الله بعد الولاده بجربها

منقووووله من احد المنتديات




كيفكم ياحلوين وحشتوني موووت طبعا رجعت لكم بعد طول غياب وهم الحمل والولاده بوصفه موووت من اخصائية تجميل بمركز كبير بالخبر رحت عندها اسوي حمام مغربي ووصفتها لي لاكن مشاء الله مثل السحر في التبييض وتجميل شكل البطن من ترهل وشد واختفاء 70% من التشققات 00

ماطول عليكم بس صدقوني انا جربتها مررره حلوه ونفعتني وجيت فرحانه طيران اخبركم فيها 00

المقادير 00

علبه من زبدة الكاكاو الي بالمرز طبعا مش العصار لا الي تجيك مثل الزبده ولونها اصفر وريحتها حلوه

ونص علبه خل تفاح

طبعا بتقولون ريحة الخل صدقوني لما تخلطونه مع الزبده بتروح ريحته وبتصير خفيفه مره لاتذكر لان ريحة الكريم قويه شوي

الطريقه 00

تاخذون علبه فاضيه شوي كبيره وتحطون الكريم فيها وتضيفون الخل عليها وتخلطون هو الافضل بخلاط بس انا خفت خلاطي تخرب ريحته والكريم مايطلع منه لانه جديد

لاكن تعبت شوي وانا اخلط الين يتجانس وبس وكل يوم ادهنوا منها البطن والارداف وشوفوا الفرق كيف بيكون انا جربتها بس اسبوعين لاكن النتيجه هائله مشاء الله حتى اختي لاحظت تقول بطنك كائه واحد ثاني لانه خبركم بعد الولاده يصير شكل البطن انواع الحفله

وحاولوا يامتزوجات تحطون من الخلطه بالنهار وانتي تشتغلين البسي بجامه عاديه وخلي الخلطه في بطنك من 4 الى 5 ساعات وموشرط تتسبحين اغسلي بطنك بالمويه والصابون وجففيه بفوطه وخلاص انا احيانا اسوي كيذا ولما كنت بفترة النفاس احط الخلطه مرتين باليوم بالنهار وباليلل خبركم انام في بيت اهلي وبواصل بالخلطه لين يختفي التشققات والترهل بالمررره طماعه وعجبتني النتيجه

رد: اللي بفتره النفاس حياكم بهالموضوع تفيدونا ونفيدكم ونشجع بعض
 

صحيح بنات سمعت يمدحون صابونه البابايا

انا خاطري اشتريها بس في اكثر من نوع اي نوع استخدم؟؟؟؟؟

ومنين اشتريها؟

رد: اللي بفتره النفاس حياكم بهالموضوع تفيدونا ونفيدكم ونشجع بعض
 

اشتريها من العطارين اكيد موجوده .. بس مامره سمعت فيها ولا جربتها ~

رد: اللي بفتره النفاس حياكم بهالموضوع تفيدونا ونفيدكم ونشجع بعض
 

والله بحثت عنها بالنت الكل يمدحها وماشفت لها اضرار

وشفت يمدحون اللي لونها برتقالي فيها قطع

بس يقولون تجفف البشره ولازم تدهنينها بعد ماتغسلين فيها

ان شاء الله بجربها

رد: اللي بفتره النفاس حياكم بهالموضوع تفيدونا ونفيدكم ونشجع بعض
 

اممم تسلمين ياقلب فديتك
<< جاري تنفيذ الخلطة
امم ابي خلطة للوجة تكون مجربة ..؟؟
وبالنسبة للموية الي تقولين عنها
قصدك اجلس بموية دافية من غير
ما احط معها شيء

انا هالايام مداومه على كريم ميبو
والتشطيف بالملح والموية او مره وموية
او ديتول يمدحووونه يعقم الجرح

وياليت الي تعرف كيف الجرح يلتم يعني وش علاماته تفيدني..؟؟
وبالنسبة للانتفاخ الجرح ياليت الي صار معها مثلي وش سوت به .؟؟
او انه شيء عادي ..؟؟

اما من ناحية صابونه البابايا
احسن شيء 3في 1
مره روعه تصفي وتنعم البشرة

رد: اللي بفتره النفاس حياكم بهالموضوع تفيدونا ونفيدكم ونشجع بعض
 

هذي خلطه انا مجربتها شخصيا

جربيها وماراح تندمين خصوصا اللي فيها اشياء سهله وكلها مفيده




1.ملعقة اكل روب يفضل انه يكون قديم(محمض) ومافيه مشكله لو صار جديد عادي
2.عصير ربع برتقالة حامضه.(مو حلوة)
3.ملعقة اكل عسل ابيض او اى عسل موجود عندكم فى البيت..



الطريقه:-نخلط الروب بالملعقة او الشوكة..مع عصيرالبرتقال واخيرا نضع العسل ونخلط الجميع ..
-يوزع على بشرة الوجه والرقبة..بشكل متساوى
-يوضع لمدة 10_15 دقيقة على الوجه ثم تفركينه بيدك ع الخفيف يعني مو بقوه مره لا يعني مثل الصنفره اذا عطيتها على وجهك ادعكيه بس مو بقوه عشان ماتضري بشرتك ثم يغسل بماء فاتر من الحنفيه ثم ماء بارد من الثلاجه ..

الفائدة:
_الروب:مادة تحتوى على البكتيريا الحميدة التى تنفع الجسم من الداخل والخارج على طرد السموم وتنظيفه.. والروب خصوصا يلمع البشرة وينظف مساماتها ويقبضها.
-البرتقال:يحتوى على فيتامين.سى...واحماض الفا اهيدروكسيه...المعروفه باحماض الفاكهه وهى المكون الرئيسى فى الماركات العاللميه للتقشير باحماض الفاكهه...وتعمل على صنفرة الجلد ودفع الخلايا لانتاج خلايا جديدة لامعه وصحيه وهو ايضا يعتبر كمادة قابضه للمسامات..ولتجديد الخلايا الميته..
_العسل :يهدى التهيج لذوات البشرة الحساسة..ويغذى البشرة لما يحتويه من فركتوز وغلوكوز وماء وانزيمات ومعادن وفيتامينات واحماض امينية....


صراحة اخواتى اتمنى ان الكل يجربه لانكم بنتلاحظون لون ونوع بشرتكم بعد ماتغسلون القناع على طول...وبتذكرونى بالخير..

وتقدرون انكم حتى تتمكيجون بعد القناع والكل بيلاحظ ان بشرتكم صايرة تلمع و ناعمة مثل بشرة الاطفال وافتح بوايد من قبل استخدام القناع!!
وراويه وكلها حيوية..

صدقونى لما سويتها الكل استغرب من مفعول القناع السريع على بشرتى مع ان بشرتى حساسة جدا لكن المكونات فعلا رهيبة ...ولما تمكيجت بشرتى كانت روعه وكلها بياض وحيويه....

جربوووووووووووووووها وخبرونى وتقدرون تستخدمون القناع مرتين فى الاسبوع للمراة والرجل ولكل انواع البشرات..حتى الحساسة...

وادعوووووووووووووووووووووولى يابنات اذا عجبتكم النتيجة