|
رد: اللي تبغى توزيعات وماتقدر على اسعار التاجرات... الحل عندي
انا من جده بس ابغى اعرف بالضبط ايش تقصدوو بالاستندات وايش ممكن القى في الخاسكيه مثلا لانو انا في السابع وقاعده اقضي للبيبي ولسى ماشريت دي الهدايا ابغى اشياء حلوه ومميزه كتير سئلتهم عن الخاسكيه قالو لي اشيائو بلديه ومو حلوه ايش رايكم
لبييييييز ردوو عليا |
رد: اللي تبغى توزيعات وماتقدر على اسعار التاجرات... الحل عندي
مشكوووووووووووورة حبيبتي
|
رد: اللي تبغى توزيعات وماتقدر على اسعار التاجرات... الحل عندي
كلامك صحيح100%
الخاسكيه ماخلى شي بس كون إني اجيب بضاعه بتراب الفلوس من الخاسكيه وابيعها بالشي الفلاني دي اللي فعلا إستغلال عيني عينك زي مايقولواوحتى اللي تجيب بضاعتها من برا وتبيعها اضعاف اضعاف سعرها برضوا استغلال بحجه انوا بضاعتها مستورده !!! وتطلع قيمه البضاعه الضعف وقيمه شحنها من بلدها انا بصراحه من قبل ابدأ تجارتي في توزيعات المواليد كانت نصيحه بابا ليا بخصوص تكاليف الشحن(طالما البضاعه بضاعتك وإنتي بتجيبيها من بلدها إنتي تتحملي تكاليفها) وحسيت فعلا كلاموا سليم الزبونه مهي مسؤوله عن تكاليف الشحن وطالما إنتي بدأتي في دي التجاره مو معقول بدأتيها وماعندك رأس المال ..لكن اللي اشوفوا في المنتديات كل مين جات وقالت عندي توزيعات مواليد وتحطلك اسعارها وكل شروطها وكم تكاليف الشحن..يعني حسيتها طبعا مهي خسرانه شي بين يوم وليله فكرت تجيب توزيعات من برا وقالت يلا طالما كووولو على الزبونه يكفيني المكسب وبس...بس انا اشوف غير كده تماما بدأتي تجاره بضاعه لازم عندك راس مال تبدأي فيه مو يلا اشتغلال في استغلال ولاحظت الشي دا كتييييييييييير عند بنات عن جد مالهم في المجال دا بس سلكوا فيه لمجرد الربح وبس لكن نتيجه الشغل شكلا ومضمونا انا أعطيها صفر من الميه ودا والله مو قطع ارزاق بس عن جد عندك مهاره في التزييين والتنسيق اوكي ماعندك مشكله لكن شفتي الناس هابه على دا المجال قولتي يلا معاهم الله يخلي الخاسكيه وطخي في الاسعار واكسبي ايش ماكان الشغل.. معليش طولت عليكم بس عن جد انا معاكم لأني دايما افر النت واشوف توزيعات والله والله والله لو يقولولي ببلاش ماأخدها ..بس الناس ازواق |
رد: اللي تبغى توزيعات وماتقدر على اسعار التاجرات... الحل عندي
اقتباس:
الأستاندات ياعسل اللي يحطوا فيها التوزيعات زي التبسي وينحط على قاعده من الخشب مصنوع والخاسكيه صح رخيص وكلو بالدرزن وبالجمله بس الناس ازواق انا عن نفسي ماافكر اخد من عندوا شي بضاعتوا راح تلاقيها في كل الاسواق |
رد: اللي تبغى توزيعات وماتقدر على اسعار التاجرات... الحل عندي
الله يسعدك انك علمتيني مكان السوق
الله يرزقني حمل قريب قريب قريب واشتري اغراض واتوزيعات بيبي وفقك الله وهون عليك ولادتك |
رد: اللي تبغى توزيعات وماتقدر على اسعار التاجرات... الحل عندي
اقتباس:
بالعكس حبيبتي في اشياء حلوة وفي اشياء عادية وفي اشياء اقل من عادية بس والله مو كلو بلدي وترى اغلب اللي في المنتديات عندهم وفي اشياء احلى بكتير وانتي لو تعرفيني ماراح تشكي بدوقي نهائي ولله الحمد برأي الجميع سواء الشموع او الميداليات او التحف العادية بس انا احس مالها داعي اللي تجي بس منظر زي التحف يعني الشموع والميداليات افضل وفي اشياء اخرى يستفيد منها الضيف اكتر من التحف ويسلمو على المرور وروحي وماراح تندمي بادن الله وتقولي الفاتنة معاها حق بس ادخلي كل الاماكن ولاتحكمي على مكان واحد والا اتنين |
رد: اللي تبغى توزيعات وماتقدر على اسعار التاجرات... الحل عندي
اقتباس:
حرام عليك في اشياء رائعة وغير كدا مهي منتشرة في الاسواق صح في اشياء مكررة بس بالمقابل في اشياء حتى ماقد شوفتها ابدا الا عندهم والواحد يحكم على السوق كامل موعلى محل والا 2 انا بيت اهلي في ديك النواحي يعني في الشهر اروح 3 مرات تقريبا واعرف كل شي من الطفش اروح افرفر في الاسواق hwaml16ههههه |
رد: اللي تبغى توزيعات وماتقدر على اسعار التاجرات... الحل عندي
مشكوره ي قمر والله يتمم حملك ع خير ، ويسهل ويهون عليك
بس عندي سؤال دحين التوزيعات هذي متى اوزعها ع الناس وكيف الطريقه والله مااعرف شي |
رد: اللي تبغى توزيعات وماتقدر على اسعار التاجرات... الحل عندي
اقتباس:
الله يرزقك وان شاء الله مايخلص الشهر الا وانتي تبشريني بحملك يارب تسلميلي اختي |
رد: اللي تبغى توزيعات وماتقدر على اسعار التاجرات... الحل عندي
اقتباس:
حبيبتي توزعيها بعد تقديم الشاي بشوي تكون على الاستاند او صينية ملبسة انتي ودوقك |
| الساعة الآن 12:42 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .