|
رد: زوجك معك في غرفة الولاده
أكيد احب انه يكون موجود معاي لحظه بلحظه
|
رد: زوجك معك في غرفة الولاده
لالا ضد الفكررررررررررررة
|
رد: زوجك معك في غرفة الولاده
لا ابداً ما افضل
مو حلو زوجك يشوف الدم والبلاوي اللي تطلع كثير ازواج تغيرو على زوجاتهم في العلاقه الجنسيه بسبب وجوده لحظه الولاده بعضهم يتقرفون ومايستحملون انا بكريه لكن على كثر ماسمعت سواء بخاص او حكومي، ترى مايسترونك والمنظر جداً مو حلوو وتطلع اشياء كثيره فما افضل الزوج يشوف الدم والبلاوي واحد كان يحكي اخوي، دخل مع زوجته وقت الولاده يحلف يقول وصلت لمرحله من اللي شفته باستفرغ وخرجت على طول لاتجي وحده تقول عشان يحس او يحن علي اللي ربي مسخره وقلبه حنون مايحتاج يشوف القرف اللي يطلع والنذل نذل لو يشوفك تحتضرين |
رد: زوجك معك في غرفة الولاده
بالنسبة لي انا ما أشوف في مشكلة من دخول الزوج مع زوجته غرفة الولادة
انا عن نفسي في ولادتي ببنتي البكرية دخل معاي زوجي لغرفة الولادة وباﻷحرى أنه كان معاي من أول اليوم يعني من لحضات الطلق الى كان يوم عطلة وحضر معاي كل لحضات اﻷلم الي مريت فيها في البيت وبعدين رحت للمستشفى الساعة 12 صباحآ وكل شيء حصل قدام عينه حتى لما قرب رأس بنتي يطلع يقولون لي أدفعي رأس البيبي قرب يطلع ما أدفع إلا لما أسأل زوجي حقيقة او يكذبون علي علشان أدفع ﻹن كان رأس البيبي واضح بس زوجي مو عارف هل هذا فعﻵ رأس البيبي أو جزء من جسمي فا لما عرف يفرق وفعﻵ أقتنع إن هذا رأس البيبي بدء يحفزني على الدفع وشفت الي مو قادره أشوفه في عيونه ربي يحفظه ويرعاه وبعدين هوه الي قطع الحبل السري بس شاء الله أن بعد شهر نفقد أول فرحتنا بنتي الغالية نرجس و أنشاء الله ربي يعوضنا خير ويكون زوجي حاضر حتى في ولادتي الثانية ويفرحنا الله العلي القدير بطفل سليم ومتعافي ويطول في عمره في طاعته فا وجود الزوج جنبك في لحضة الولادة دعم كبير لك وربي يفرح كل حامل بطفل سليم ولا تحرم أم من ضناها |
رد: زوجك معك في غرفة الولاده
يعتمد على الزوج و مدى محبته للزوجه... مثل ما قالوا بعض الاخوات بعض الازواج يتغيرون من الناحية الجنسية لان يشوفون المسألة قرف في قرف...
انا زوجي دخل معاي و ولادتي كانت طبيعيه و صعبــــــــــــــــــــــــة, شفت الموت و لولا رحمة ربي و وجودة جنبي الله اعلم ايش كانت حالتي رغم ان امي كانت كمان معاي بس سبحان الله الزوج غير... و للحين من يذكر ولادتي تدمع عيونه من التأثر... بولادتي الجاية ان شاء اله تعالى راح يدخل معي رغم ان ولادتي قيصري بعون الله تعالى الله يعدي حملنا على خير و يرزقنا الاجر و الولد الصالح |
رد: زوجك معك في غرفة الولاده
انا ودي يدخل زوجي معاي بس مثل ماقالوا البنات ودي يغطوني وانا اولد
وماقدر ادخل امي حبيبة قلبي لأن ادري عنها تتأثر بسرعه وكفاية شايله همي مابي اتعبها زيادة كل شي يمكن يتغير اذا بيدخلوني للولادة فـ ما ادري شنو بقرر الله يبلغنا ويسهل علينا اجمعين يارب |
رد: زوجك معك في غرفة الولاده
انا افضل انه يدخل معاي
لان مستحيل ادخل لخالي قربه مني يحسسني بالامان ربي لا يحرمني منه |
رد: زوجك معك في غرفة الولاده
مستحيلللللللل اخليه يددخل زووجي يتقررررف اكيد بيتقرف مني بعدها
هدا ششي خارج عن ارادته وهو فعلا مو شششي سهل ع العين تشووفه ابددا |
رد: زوجك معك في غرفة الولاده
اقتباس:
وانا بعدد سمعت نفس هالقصصه احذرواااا يا بناااات |
رد: زوجك معك في غرفة الولاده
أكيد ابفرح انو زوجي دخل معي والله هذا الي أتمناه
بس زوجي يخليني بالمستشفى ويروح. ولادرا عني :( |
| الساعة الآن 12:27 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .