|
رد: خدمه..من تشرح ولادتها الطبيعيه بالتفصيل الممل جدا جدا
hwaml7hwaml7hwaml7hwaml7
بنات مشكورات على كل القصص والله يسهل علينا وعليكم ..... اسعدني تواجدكم |
رد: خدمه..من تشرح ولادتها الطبيعيه بالتفصيل الممل جدا جدا
اقتباس:
|
رد: خدمه..من تشرح ولادتها الطبيعيه بالتفصيل الممل جدا جدا
صباح الورد
والله موضوع حلو مره انا بكر وبالسادس وابي اووولد لاني مليت والله يسهل على الجميع |
رد: خدمه..من تشرح ولادتها الطبيعيه بالتفصيل الممل جدا جدا
رح أحكيلكم ولادتي الثانية ورح أضرب الرقم القايسي في التفصيل الممل
في ولادتي الثانية عمات ولدي البكر أخذوه في الليل عندهم تحت يبون يلاعبونه رحت على فراشي انسدحت اشوية، إلا وجت أخت زوجي وجابت ولدي قالت مو راضي يريدش أخذته منها وتشكرتها وكان زوجي توووه بينام جلست ايا ولدي وكان الوقت متأخر أريد أنام لكن من جهة ما أريده يطلع صوت عشان لا يصحي أبوه ومن جهة ثانية بدت معي الآلام مو عارفة أنسدح ظل هو يلعب وأنا جالسة يمه ودااااااايخة ( وهو طبعه نحيس ما يتنيم لازم يتعب وينام الحاله ) ما نام إلا مع صلاة الفجر صحيت زوجي وصلينا وكنت متوجعة بس ما قلت له بس ورا الصلاة على طووول نمت، بس كل اشوي ما جاني وجع وصحاني من عزيز نومي وكل ما جاله ويتقارب الساعة 10 الصباح صحيت زوجي قلت له قوم شكلي بولد نزلنا ولدي عند عماته وقلت لزوجي لا تقول انهم اني رايحة أولد أدري أمك بسرعة تخاف قول الهم رايحين مشوار وإذا ولدت فرّحهم >> لأن أم زوجي بغت تنجن في ولادتي الأولى المهم ركبنا السيارة وأنا أتألم بس زوجي ما حسيته تفاعل اياي والسبب اني أنا بااردة ولا يبيّن علي الألم ولا أصارخ ولا شيء قاعدة أسولف معاه عاادي >>وتبيه يخاف ويتفاعل وصلنا المستشفى وباعتبار بطني مش كبير وأنا مش جزوعة قالت لي السستر : ويش في ماما ؟ قلت الها : آلام شكلها ولادة . قالت : ولادة !!! وظلت تطالع فيني ذي وجهها وجه وحدة جاية تولد ؟ المهم دخلت غرفة الكشف ولأني ما كنت أصارخ ولا لي نفس ما جتني الدكتورة على طول راحت لثنتين قبلي شايلين المستشفى وأنا قعدت ألعب في جهاز كان يمي > وشكلي خربته أسمع الدكتورة كل اشوي تنادي تعالوا صعدوها مفتوح عندها 5 سم تعالوا شيلوها مفتوح 2 سم وهكذا آآخر شيء جتني ولا حسيت ابها إلا واقفة على راسي وأنا بالجرم المشهود قاعدة ألعب في الجل طالعتني بنظرات غير وقالت : بتشتكي من إيه ؟ قلت الها شكلي بولد كشفت عليي وهي أبعد ما تكون عن الحماس ما شفتها إلا بققت عيونها وطارت عيونها من راسها وناادت السستترات تعااالوا 8 سم إلا وهجموا عليي السسترات وحدة تجرول السرير المتحرك والثانية شايلة ملابس المستشفى الحمد لله ما كان عندي مسدس والا كنت طلعته وخلصت عليهم كلهم لأن شكلهم شكل اللي بيهجمون على قد ماهم ماتخرعين وخايفين أولد في محلي جت وحدة قالت يالله ماما غيري ملابس أخذتهم وبقيت اطالعها إلا وهي بدت بتفتح أزرار ملابسي الي عليي قلت الها شنو خير شتبين ؟ قالت لازم يغير ملابس قلت الها معلش أنا أغير وحدي اوقفي برا قالت ممنوع مفتوح 8 سم يعني ما أخليش الحالش ولا لثواني قلت الها أجل ما أبدل حست نفسها مجبورة وجات توها بتطلع إلا وشافتني بوقف عشان ابدل إلا وصرخت : لااااااااا ماما قلت : شنو ؟ قالت لا توقفي خطر البيبي يطيح بدلي وانتي جالسة بدلت وطاروا بي بالسرير وأنا مكيفة كشخة يدفوني مروا بي على مكان فيها نافذة واقف يمها زوجي رفعت اللحاف وأشرت له بيدي وأنا أتبسّم وغمزت له >> تقولوا داخلة ألعاب مو قسم ولادة وما ظل جدار في المستشفى إلا ورقعوا بي فيه من السرعة ولا باب إلا واقتحموه اقتحام ما فتحوه عدل>> حسيت نفسي مهمة صعدوني فوق قسم الإنتظار للولادة والصريخ قايم على أصوله وأنا ساااكتة بس أتسمع اللي تسب زوجها واللي تدعي على روحها واللي تشوت الممرضة واللي واللي جتني دكتورة وافتني ساكتة ولا عندي طلق زي الأوادم ففتحت لي كيس الموية هي راحت منا وبدت الأوجاع السنعة مناك وأنا حاطة حرتي في الشباق مال اللفة اللي على راسي مرة أشيله وأعضض فيه ومرة أحطه آخر شيء استنيت ممرضة تمر يمي وشتتها به تالي صار ما معي شيء حطيت حرقة قلبي في الشريط مال قياس الطلق اشوي وأطالع فيه صاروا خطوطه رفاااع اشوي وامصعه وأشوته إلى أن خلاااص وصلت حدي وطلع صوتي قلت : تعااااالوا بولد جتني الممرضة وقالت يالله 10 سم حطتني على الكرسي المتحرك وودتين غرفة الولادة وأنا قاعدة أصعد على سرير الولادة وأنا اقول للدكتورة عليش بالله لا تسوي لي جراحة قالت ماما أنا ما أريد أسوي جراحة عشان لا انتي تتعبي وتتألمي ولا أنا أتعب أخيّط بس انتي ساعديني صعدت على سرير الولادة وكل اشوي ماجتني آلام ومو جاي يشرف وأنا أتحلطم عليه بصوت واطي : بسسسس خلااااااص اطلع طلّعت روحي . اشوي إلا وحسيت بروحي بدت تطلع وظليت أستنى عزرائيل إلا وجتني الدكتورة قالت خلاص طلع الراس قلت في خاطري الحمد لله وأنا عبالي روحي بتطلع وبيدخل عليي عزرائيل وأنا بهالحالة فشلة اشوي إلا ورفعته قدامي وشفته يجنن حطته على بطني بس أنا جتني رعشة قوية جداً ورا الولادة لدرجة سرير الولادة كله كان يتحرك معاي فخافت على الولد يطيح وشالته . و ولدي الآن عمره 6 سنوات والله يحفظه ياربي |
رد: خدمه..من تشرح ولادتها الطبيعيه بالتفصيل الممل جدا جدا
كوثريه شرحج عجيييييييييييييييييييييييييييييييييييييييييييييييي يييييييييييييييييب وحده حلو مشوق والله يسهل على الجميع الحمدالله انا خلصت من هالفتره
والان اسمحولي اقولكم تجربتي اللي مريت فيها قبل 28 يوم (يعني يوم ولادتي) انا واعوذ بالله من كلمة انا قبل ولادتي ب3ايام رحت للدكتور لان كان نازل علي ماي وبما ان ولادتين من قبل ينزل الماي قبل موعد الولاده بشهرين يعني بالسابع او اخر السادس فاطر اسفه الى اني ابات في المستشفى شهرين لحين موعد الولاده بس هالمره الماي نزل(اللي هو ماي البيبي) وانا كنت بأول التاسع ولله الحمد ومحاشني التهاب رحت لدكتوره مو دكتورتي لان ماكان دوامها عطتني مظاد وتحاميل وقالتلي اذا حابه تولدين نولدج الحين(عشان الفلوس طبعا لان مستشفى خاص)وانا كنت يادوب مفتوحه2الى3 سم يعني ولا شي بعدها رجعت البيت وانا احس بألم بس لاني ولامره جربت الطلق اللي يجي من الله كله طلق صناعي فمااهتميت وقلت ابي انطر اروح لدكتورتي لاني واااااااااااايد اثق فيها (دلال السالم)معروفه بالكويت ويعني انني شاطره قلت لا ماابي استخدم التحاميل يمكن مو زينه بكتفي بالمظاد الحيوي وبعدها بيومين رحتلها وقلتلها اللي صار ولما فحصتني قامت تصرخ واااااي وااااااي شنو هذا حرام عليج فيج التهاب حااااااااااااااد حرام عليج شلون تعطيج مظاد زيد البكتيريا هذي مو صاحيه(عن الدكتوره اللي دمرتني)لا بتولدني بعد جان علووووووووووووووووم المهم قامت تزهب عدتها وتنظف واتحوس وتطلع بلاوي زرقه وبعدين نمتوا؟؟؟؟ اسفه انا عارفه انكم اذا مانمتوا دختوا من هالشرح بس سامحوني عاد اقولكم عطتني علاج وقالتلي انشالله الله يسهل وبعد يومين رحتلها قالتلي لا مشالله الحمدالله كل شي اوكي وكملي هذا دليل على اني من قطعت المظاد واستخدمت علاجها خفيت حيييييييييييييييل طلعت من عندها وانا مستانسه لاني في المره اللي قبلها انحرجن من زوووووووووووووووووجي من سالفة الاتهاب حسيت نفسي قذره (مع ان السبب كان الماي اللي نزل)ونسيت اقولكم ويمكن بعد في بعضكم يعرف ان الاتهاب مع قرب موعد الولاده يأثر على عيون البيبي بعدين رجعت البيت وراح زوجي الجامعه لان عنده دوام صبح وعصر بس كان ماخذ اجازه من دوام الصبح بس العصر نو وييييي (الله يعينكم دشيت بتفاصيل مالها داعي )ولاني كنت خايفه عليه لان كان عنده امتحان خليته والعوااار في ازدياد ونزل دم قلت الحمدالله يعني الرحم بدا يتوسع اكثر وتحملت الالم وظليت احظن بنتي واسولف معاها مع العوار كان ااااه بس الحمدالله عدا وبعدها دقيت على زوجي طبعا بعد ماشفت ان وقت طلعته من الامتحان قلتله تعال ودي اطلع متظايقه شوي قالي خير في شي قلت لا ابد بس ودي اطلع وانا كنت حاطه ببالي اني ابي اروح الطبيب ولاده ولما وصل قالي شفي ويهج شكلج تعبانه قلتله لا بس ودي امر الطبيب شوي بس مافيني شي وصنا الطبيب اللي كنا متفقين اولد فيه (دار الشفا)دخلني زوجي الطوارئ وفحصوني وقلتلهم انا دكتورتي دلال السالم يعني من بره ودقوا عليها وقالولها مفتوحه 5سم بس قاعد يفتح اكثر بسرعه قالت ابي اكلم زوجها وقالتله جيبها لي مستشفى هادي لان في حاله سابقتها وقالوا لزوجي يلا طيراااااااااااااااااااااااااااااااااااااان وانا طالعه من غرفة الفحص بالكرسي المتحرك في وحده كانت قاعده على كرسي بس شكلها مو تعبان واكيد انها مو حامل لانها كبيره شوي قامت تصرخ وتقول اللي قاعد يدزني ودها ودها منااااااااااااااك وانا ميته ولما صرت يمها قلتلها بس ابي اقولج الله يسامحج وخليتها وطعنا منالمستشفى وحاشتنا زحمه وولما وصلت وانا عند الباب شفت دكتورتي توها واصله وقالتلي هااااه لولو(يعني تدلعني) يلا ولاده بس خلاص بترتاحين وقالت للسسترات يلا زهبوا غرفة الولاده وانا من الالم قلت ابي كمااااااااااااااااام ابي مخدر قالتلي اوكي خذي يلا شمي شمي وانا واثقه ان لامخدر ولا قالها الله بس اكسوجين بس انا قمت احاول اتشيطر وادفع حيل عشان اخلص وبالفعل الحمدالله تمت العمليه بنجاح والله سهلها علي الف حمدوشكر لك يارب وبس توته توته خلصت الحتوته |
رد: خدمه..من تشرح ولادتها الطبيعيه بالتفصيل الممل جدا جدا
hwaml7hwaml7 ooخواتي حبيباتي oo
ماقصرتو على القصص بس فيه شي الحين قصيتو لنا من طلعتي من البيت الى دخلتو غرفه الولاده (( انا ابي الحدث المهم بغرفه الولاده يعني وش الاجهزه اللي حطوها عليك وقت الخياطه وش صار الالم واضح بقووه او لا يعني هيك شغلات )) يالله كملو قصصكم بتابع باقي لي شهرين على ولادتي واكتب لكم تجربتي |
رد: خدمه..من تشرح ولادتها الطبيعيه بالتفصيل الممل جدا جدا
طيب يا قلب حبيبك لا تزعلي
بس ما رح أحكي بالتفصيل كثير لأن ولادتي ما كان فيها أحداث واجد ( نفس الولادة يعني ) طبعاً لما سدحوني على السرير كان الطلق واصل حده وأنا مولعة من الألم بس ما استخدموا لي لا كمام ولا أي شيئ مهدئ لأني زي ما قلت لك ما أصارخ فكيف يعرفون أني أتألم بمستوى يحتاج مساعدة ؟ اللي يمر من يم غرفة ولادتي ما يعرف أن هنا في كائن كي...مش لأني ما أتألم لأ...بس لأني بطبيعتي ما اصرخ وقت الألم انفاعلاتي كلها عالصااااااااااامت فالدكتورة لما شافتني هالشكل حسيتها ارتاحت نفسياً وحبت تساعدني أكثر فكانت واقفة يم رجولي وتقولي بس يبان الراس رح أساعدك وزي ما قلت لك ولا جهاز كان عليي وفعلاً وضعي ما كان محتاج أجهزة..كانت الأجهزة موجودة يمي وكلها مشغلة عشان بس أحتاج يركبوا عليي أو على الطفل الجهاز اللي نحتاجه بس ولله الحمد الوضع كان طبيعي جداً وسريع لما بان راس الطفل دخلت الدكتورة يدها وطلعته مرة وحدة وحسيت براحة عجييبة بعد عناء طويل بس ظليت أرجف أخذت الطفل وقعدت تنظفه وهي على رواق بعدين رجعت لي قالت يالله ارتحتي ؟ أشرت الها براسي : إي قالت يالله نطلّع المشيمة خفت الصراحة ليكون يعذبوني لأني أسمع البعض ما يجرحونهم وقت الولادة بس وقت تطليع المشيمة يجرحونهم أو يركبون طلق صناعي لخروج المشيمة حستني خفت قالت : انتي بس لا تصارخي ولا تتحركي وكل شيء رح يكون سريع وفعلاً طلّعت المشيمة بشكل سريع ولا حسيت بأي ألم ولله الحمد اللي عجبني في ولادتي الثانية أن غرفة الولادة ما فيها إلا أنا والدكتورة وبس، ولا في أي ممرضة حتى >> عشان أنا أترفز من مسألة كشف العورة قدام اللي مو مضطرة يكشفون عليّ ومع هذا تمت الولادة بسلام وبشكل سريع لأني أنا كنت هادئة وهذا خلاهم يساعدوني ومن جهة ثانية الدكتورة تعاونت معاي ومن جهة ثالثة كنت مرتاحة نفسياً لأن مو كثير انكشف عليي بسما أقدر أفصل أكثر hwaml15 |
رد: خدمه..من تشرح ولادتها الطبيعيه بالتفصيل الممل جدا جدا
hwaml7 كوثريه ياحبيلك hwaml51 لانك مثلي يوم ولادتي زوجي يقولي صارخي ماتتالمين انتي hwaml4 وانا كنت اتالم بقوووه hwaml39 بس من خوفي عليه وكنت اقول بخاطري اللي فيه يكفيه حرام اخوفه على واذا جاني الطلق كنت امسك بالسرير بقووووه واغمض
hwaml7hwaml7 تعيش نعيش السيدات القويات السوبر ومن هههههههههههه |
رد: خدمه..من تشرح ولادتها الطبيعيه بالتفصيل الممل جدا جدا
حبيبتني انتي ناوية اي مستشفى تولدين فيه انا اقولك نصيحه المستشفى الي ترتاحين فيه ولدي فيه لانه اهم شي الراحه النفسيه
|
رد: خدمه..من تشرح ولادتها الطبيعيه بالتفصيل الممل جدا جدا
أنا ان شاء الله ناويه اولد بمستشفى التخصصي الطبي بالرياض
|
| الساعة الآن 01:06 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .