|
رد: تجمع حوامل سوريا-دردشة ورود سوريا-دردشة الغاليات
يالله ياهايدي والله اني داخلة اتطمن مخصوص عنك وعن سيلا وام ملاك
يارب تصلي بالسلامة ويسهل امورك ياعمري بالي عندك اذا ولدتي امانة طمنينا يارب تقومي انتي وهنودة بالسلامة ياااااارب كون مع اختنا ميار ياااااارب |
رد: تجمع حوامل سوريا-دردشة ورود سوريا-دردشة الغاليات
استغفر الله العظيم واتوب اليه
ان شاء الله ماتنسي تستغفر ي ا لاستغفار بفرج الهم وبيسر الامور والله رايحة استغفر عنك مية مرة بلكي بتتسهل كل امورك ياحبيبتي ياهايدي |
رد: تجمع حوامل سوريا-دردشة ورود سوريا-دردشة الغاليات
باقي الصباي اكيفكون يارب تكونو انتو وبيبياتكون بخير
وان شاء الله ربنا يفرجها علينا بالفرج والنصر |
رد: تجمع حوامل سوريا-دردشة ورود سوريا-دردشة الغاليات
مرحبا يا صبايا ...
انا هلا بالمشفى عملولي صورة سونار لحتى يشوفو اذا وضع هنودتي منيح وقالتلي الدكتورة بانو اخد وضعية الولادة بس مدري ليش لهلا ما ولدوني رح موت من وجعي وعم بتمشى بهالمستشفى .... زوجي راح يجيب حماتي لتضل معي والله مشتااائة لأمي بهاللحظة ... دعولي يا بنات :(( كتير خيفانة |
رد: تجمع حوامل سوريا-دردشة ورود سوريا-دردشة الغاليات
تؤبشي ئلبي يا هدولة ....
الله يخليلي ياكي |
رد: تجمع حوامل سوريا-دردشة ورود سوريا-دردشة الغاليات
معلش حبيبتي اصبري شو نسوي كلنا مشتاقين لاماتنا بهيك موقف
يلا ستي حماتك احسن من بلا هههه اي امشي كتير وكلي تمر ويارب تتسهل امورك لاتخافي يادكتورة ياعيبو دكتورة تخاف من الولادة خخخخ وياكي حبيبتي |
رد: تجمع حوامل سوريا-دردشة ورود سوريا-دردشة الغاليات
يارب الله يهون عليكي حبيبتي هايدي وييسر امور ولادتك انشالله وبتقومي بالسلامة اااااااااامين
|
رد: تجمع حوامل سوريا-دردشة ورود سوريا-دردشة الغاليات
هايدي حبيبتي الله يسهل عليكي يارب ويقومك بخير وسلامة أنتي وهنودة العسول يارب بجاه هل الايام الفضيلة تيسر ولادة أختي هايدي وتقومها بخير وسلامة وتكون ولادتها متل رمش العين يارب
حبيبتي لاتنسي طمنينا عنك أول بأول راح حاول ضل أفتح التجمع من شآن اطمن عليكي الله يسهلك يارب |
رد: تجمع حوامل سوريا-دردشة ورود سوريا-دردشة الغاليات
السلام عليكم عسولات كيفكم يارب تكونوا بخير
أول شي اشتقتلكم كتير كتير وسامحوني ع تقصيري بس كانت نفسيتي تعبانة كتير بسبب الوضع بحلب والحمدلله ع كل حال أهلي من أول يوم برمضان وهنا برا البيت قاعدين عند جماعة وامس راحوا يطمنوا ع البيت فشافوا فيه قذيفة بس الحمدلله بالمال ولا الابدان الله حماهم والباقي كلو بيتعوض واليوم الحمدلله راحوا ع تركيا وهلق وصلوا وإن شاء الله بكرا الصبح بيوصلوا لازمير إذا الله راد وبالنسبة إلي شكلي راح الحق هايدي أنا كمان الله يقومها بخير وسلامة أمبارح العفو منكم نزلت علي سدادة الرحم وقالتلي الدكتورة ممكن تكون الولادة بعد يومين او بالكتير اسبوع الله يسهل يارب يارب بجاه الحبيب المصطفى تسهل ولادة هايدي وسيلا و ولادتي وتكون متل رمش العين يارب أنت القادر على كل شي يا الله |
رد: تجمع حوامل سوريا-دردشة ورود سوريا-دردشة الغاليات
ااااااااااااامين يارب حبيبتي ام ملاك الله يسهلها عليكن ويقومكن بالسلامة يارب والله يحمي كل اهلنا بسوريا ويكون معن اجمعين والله قلبنا عم يبكي مشانن
|
| الساعة الآن 12:28 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .