|
رد: ديوانية البحرين - دردشة حوامل البحرين - البحرينيات
هلا والله فرح ، اذا تدلين يم يم تري سند اهيه تصير في نفس الصفة جنب رويان بالضبط فيها بنايه لونها بنفسجي اهيه اهني تصير في الطابق الاول واتذكر اني حطيت رقمها من قبل بس الحين ماعندي الفايل في شقتي
|
رد: ديوانية البحرين - دردشة حوامل البحرين - البحرينيات
هدوووء وسكووون
|
رد: ديوانية البحرين - دردشة حوامل البحرين - البحرينيات
مســـــــــــــــــــــــاء الخيــــر
اليوم بيتنا ردوو من الحج..اخيرا رد النور للبيتـ..بس باجر برد شقتي واليوم ادخل السابع باركوو لي خخخ بعد بقى لي مشوووووووووووار |
رد: ديوانية البحرين - دردشة حوامل البحرين - البحرينيات
روز .. قرت عينج والحمدلله على سلامتهم ، ومستانسة على الساابع ها
ماميش احد اهني ... |
رد: ديوانية البحرين - دردشة حوامل البحرين - البحرينيات
مساء النور ، الحمدلله على سلامتهم وقرت عينج ، وبالبركة على الشهر السابع شدي حيلج مابقى شي ، باقي البنات وينهم مالهم حس ؟
|
رد: ديوانية البحرين - دردشة حوامل البحرين - البحرينيات
انا الحارج من أمس رد رجع لي ذبحني مايروحه الا موسي او لبن اكتيفيا وايد كريه ، من أمس بديت امشي كل يوم قلت بزيد لفه وحده مابي ادش على قوة اخاف اتعور خخخخ ، ادعولي ان الله يثبت راس البيبي واولد طبيعي يااارب
|
رد: ديوانية البحرين - دردشة حوامل البحرين - البحرينيات
موسي عادي ما له مضرة على الحامل؟
والله اناا اكل كل شي ومن اشوي جفت موضوع ان التونة يضر الحامل كل يوم نجوف شي يديد وانا كنت اكل توونة ولا ادري على الله .. واختي كانت تمشي كل يووم نص ساعة و احسها من زود المشي داخت في الولادة.. لا تاخذين على روحج وايد في المشي ... |
رد: ديوانية البحرين - دردشة حوامل البحرين - البحرينيات
الله يثبت راس شيخة البنات لي حزة الولادة وتبشرينا بولادة سهلة ان شاء الله،، صرت احاتيج انتي وفجورة وانطر ولادتكم بالسلامة انتوا آخر مواليد سنة 2010 وياي الدور لنا
|
رد: ديوانية البحرين - دردشة حوامل البحرين - البحرينيات
الله يسمع منج ، والله لوبتابعينهم بتعيزين كلشي مضر وكلشي مب زين خلي كلشي على الله ، اانا سمعت الي يصيدها اسهال معناته ولادتها جريب وحتى الي تحس روحها صايرة نشيطة بس مايندرى هل صج هالحجي او لا وغير النغزات الي اتييني على غفله ووايد صايرة ادش ابول الله يعزكم
|
رد: ديوانية البحرين - دردشة حوامل البحرين - البحرينيات
انا ماعندي خبرة في الولادة بس اتذكر اختي كنت معاها في بيت ابوي ناكل عصيدة وماكان فيها شي ويوم ثاني الا امي متصلة فيني تقول لي معاها طلق.. واستغربت لان ما كان فيها شي بس تقول كانت راقدة ومرة وحدة قعدت من الالم في الليل .. وجدمت على موعدها تقريبا اسبووع لانه كانت تمشي واييد من بداية شهرهاا وترى يختلف من وحدة لي الثانية وعلى قولتهم طلق البنت غير طلق الولد وما يندرى
|
| الساعة الآن 08:36 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .