|
رد: تجمع حوامل ليبيا
لالالالالالالالالالالالا صعـــــــــــــــــــب
|
رد: تجمع حوامل ليبيا
حنين قداش وزنك؟؟
|
رد: تجمع حوامل ليبيا
اني 60 كيلو طبعا اني في الشهر الثالث توا وهادا وزني من لما كنت بنت
|
رد: تجمع حوامل ليبيا
فولي يام سعودا عادي عادي في الحمل مادوريش الوزن بعد ماتجيبي ان شاء الله بالسلامة تو تردي وزنك
|
رد: تجمع حوامل ليبيا
شكلي نمشي نرقد شوية
انشوفكم على خير يابنات بالسلامة توا |
رد: تجمع حوامل ليبيا
انا قبل الحمل وزني 50
يعني الزيادة صارت بعد الحمل.. ام سعد قولي ما يسمع فينا حد http://forum.hwaml.com/imgcache2/hwa...297327_356.gif |
رد: تجمع حوامل ليبيا
حنين نوم العوافي يارب
ارقدي ورتاحي توه والله بعد ما تجيبي وتنوضي بسلامه رح تستاحشي النوم وسنينه ... احلام سعيدة يارب وبنسبه للخلعه الي عندك اقرى المعودات وارقي نفسك ديمه وخلي اسم ربي ديمه في فمك ان شاء الله معادس حاجه ترعشك |
رد: تجمع حوامل ليبيا
حنون طلعت
انا نستادن نمشي ناخد حمام دافي والله ضهري بينقسم على زوز نحسه سلام توة ام سعد .. |
رد: تجمع حوامل ليبيا
بنات شنى المخلوط هههههههههههههههههه؟
ميمونه سلفتى ربي يعوضها خير بس هى جايبه من قبل ولالالالالالالالا |
رد: تجمع حوامل ليبيا
السلاااااااااااااااام عليكم ورحمة الله ................باااااااااااااااااااااااااااااك... ............. رجعنالكم باخر الاحداااااااااااااث //////////ياقديم الدكتورة الليبية ممكن اسمها امينه طلبت من السستر تفتح اميه الجنين طلعت الغوله الاوكرانيه ورجعتلي بعد شوي جايبه طرف شمااال وعصا ملوية من البلاستيك طولها نص متر تقريبا وكشخت اعليا افتحي رجليك كويس انتي فيه ولاده لازم فيه ميه تتطلع سئلتها بالشويه اعليا قالت لازم بالقوة/// مافيش رحمه بكل ساحة الولادة زي ساحة الحرب لا رحمة ولا رفق كلها عياط وتكشيخ والم ///الله يلطف بكل حامل ويسهل ولادتها تصدقوا والله دخلت فيا هالعصا كلها تخيلوا مقداااااار الالم كلمة ااااااااااااه او دمووووووووووع العالم ماتبرد هالخشه ربي يجازيها على عمايلها حرام ينادوهم ملائكة رحمة الاحسن ينادوهم الزبانيه المهم هي دخلت العصا كلها وبدت تلوي فيها داخل الرحم وانا نشطح من الوجع نسكر في رجليا وهي تكشخ افتح انت افتح فيه ولادة وهذا وين طلع صوتي وعيطت يااااااااااااااااااارب ياااااااااااااارب/// ياشماته ابله زازا فيا ابله ظاظا مين هي جارتي يلي جنبي اتمروجت اتمروجت مازالت الروح بس عالقه ونزلت الميه من غير ولا نقطة دم//// سبحان الله الالم بدي يضرب في راسي اكثر وبديت نعيط ونقول نبي حقنه مسكن//مدايرة روحي فالحة زي جارتي قالت لحظة نكلم الدكتورة جتني الدكتورة قاست الرحم(الضانيه بالليبي) قالت 6.5سم وطلبت منها مسكن قالت اوكي السستر مشت بتجيب مسكن وجتني السستر وركبتلي كانيولا في ايدي وضربتلي حقنها في العضلة وثااانية وحدة بس ونخش عالم تاني عالم الاموات عالم الالم الم فوق الطاقة ((الله يحسن خاتمتنا يارب ارحمنا قبل الموت وعند الموت وبعد الموت وخفف عنا سكرات الموت وخفف عنا قبضة القبر واجعل قبورنا روضة من رياض الجنه ولاتجعلها حفرة من حفر النار))) لان هادي ساعه ولادة امالا الموت كيف والله العظيم يابنات حسيت روحي بتتطلع مانحساب روحي نعيش من شدة الالم الم فظيييييييييييييييع في كل جسمي لان السستر حاشاكم ما ضربتليش مسكن الحقنه كانت جرعه من الوجع الصناعي الله يجيركم//// جايكم الهوووووووووول وين بتهربوا منه ههههههههههههههههه////خوفتكم هذا الحمل وهدا المفرخ وعمايل الرجاله فينا ههههههههههههههههه// لكن نبوهم صح ؟؟؟شر البلية مايضحك؟؟؟ الساعه 5.30 العصر دخلوني حجرة الولادة الناس كلها تشوفلي لان الوقت كان زيارة///حشومه وخلاص الساعه 5.40 في الصاله الرحم مفتوح 10سانتي والبيبي فوق مانزلش الحوض وليدي يزيد فيا على همي وخلاص في ولادتي في سارة كان سرير الولادة فيه وين تشنقي رجليك واثبتيهم وتتدفعي ( الدحم بالليبي) بس هالمرة كل شي زايدني على همي ناويني وخلاص نستاهل كان عيني جبت في المانيا نبكي غادي ونقول نبي امي اتكون جنبي///شن دارتلي امي مقعمزة في حوشها تشرب في الشاهي وانا نتمروج ///امسكينه يارب تسامحني شافت فيا يلي شفته في اولادي لو كان سمعت كلام راجلي راني جبت ولادة بلا الم في المانيا بلا تعب ولا وجايع بس لاهروب من المكتوب ويارب يؤجرنا ويحتسبلنا الاجر السرير كان عادي السستر ( القابله)قالتلي ارقدي على ظهرك وطبقي تمرين البطن يعني ارفعي ظهرك وراسك وانتي شادة رجليك بيديك وادفعي (ادحمي) وانا نتمروج من الوجع وريقي يابس وراسي ينفخ وتبيني نتمرن وين تحساب روحها // مادرتها في الوسع لروحي ولرشاقتي انعيط ونقول مانقدرش ساعدوني كان فيه زوز سسترات ودكتورة جت الدكتورة ساعدتني وجتني دفعه طلق وبديت نعيط من الوجع طلقت رجليا وايديا وبديت نتقلب عالسرير بدوا يسايسوا فيا هيا يا شاطرة ///يحسابوني عيلة صف اول وبديت نقوليلهم ساعدوني تاني//العربي لو ذاق معروفه كملوها انتم...وتولها المسواق ههههههههههه الدكتورة المعنته مكرت وقالتلي ساعدي روحك بروحك// نستاهل وحاشاكم ضربولي ابرة وجع في الوريد تاني وبديت نشطح ونعيط ماعادش نبي طبيعي نبي عمليه نبي قيصريه قالتلي خلاص انتي طبيعي ساعدي روحك ومن الوجع طحت من سرير الولادة وجوا يجروا نهضوني وريقي انشف نبي اميه خلاص بنموت وجع وعطش قالت لا جيبي قبل ونشربوك هيا هيا عيون شاطرة ادحمي اهوا البيبي بيطلع هيا حاولت الف مرة بكل جهدي والوجع يرقي فيا وينزل يااااااااااي ينذكر وما ينعاد ويارب يرزقني بولادات سهله وميسرة في الجايات انا وكل المؤمنات امييييييييييين تصدقوا مازالت السستر تعيط عالدكتورة وتقول البيبي,,, هاي ,,,معناها فوق مش تحت اخر حل بعد ما مروجوني من الوجع والتكشيخ جوني الممرضات الزوز ركبوا على درجتين جنب السرير وحدة ضاغطة بمرافقها على جنبي اليمين والتانيه عاليسار وقدامي الدكتورة انعيط الوجع يزيد اكثر واكثر وضغطهم زاد قتلني خلاص ومع ضغطة وااااااااااااااااااااه من كل قلبي طلع الراس بس وبدوا ايعيطوا عيون البيبي بيموت ادحمي يلي ادحمي وانا فشلت عندي طلق بس ماعنديش جهد الساعه 7.00 المغرب طلع البيبي والمصيبه طلع بلا صوت ماعيطش طلعوا يجروا بيه ويعيطوا عالممرضات نادوا طبيب الاطفال حاله طارئة سيبوني وطلعوا وليدي ازرق بلا صوت نهائي الله اكبر/// لحظات مؤلمة حتى توا بعد ما فاتت مازالت ذكراها مؤلمة وانا نعيط ولدي حي ولا ميت هالعذاب يلي عشته كله راح راح عالفاضي استغفر الله العظيم شي يطلع بنادم من عقله المصيبه التانيه نتلفت نشوف المشيمة بدت ترجع للرحم بروحها والله يابنات زي الافعي تلتوى وترجع كأن الرحم يشفط فيها بديت نعيط جت القابله رفستني على بطني بقوة زي الفيل لين المشيمة تتنطر عالحيط والارض حوايج الممرضات من الدم// تقول جزار وهدا كله ما اطمنتش على ولدي نسئل مايردوش بديت نعيط يادكتور طمني تلفتلي وقال يستر الله مش عارف حسيت ان تعبي راح عالفاضي///وكانك يا بوزيد ماغزيت قدر الله وماشاء فعل لله ما اخذ ولله ما اعطى في هاللحضات كان زوجي برا يسمع في كل الاحداث تخيلوا سمعني ولدت وقالوا البيبي طلع بعدين كل شي سكت مافيش لا عياطي ولا عياط البيبي انصدم وقال الممرضات والدكتور بدوا يجروا في الممر ويقولوا طوارئ قال نحسابك موتي وداخ في الممر حبيبي ياعيني اعليه ربي يخليه///هذا مش وقت غزل جت السستر بتخيطني وهي كارهتني عالاخر من هالعذاب يلي عاشاته معاي السبب كله من الدكتورة الليبيه ولادتي كانت متعسرة جدا لان البيبي مانزلش الحوض وكان الحل قيصريه بس هي سكرت راسها وعلى قريب ضيعتني وضيعت ولدي لما بتخيطني كانت تخيط بغل وكفر حاشاكم وانا من كثر ما اعطوني وجع صناعي مامشاش فيا المخدر الموضعي متاع الخياطة كل غرزة وانا نحسها في قلبي نعيط ونسكر رجليا وهي تكشخ وتتضرب فيا على جنبي بيدها/// كسرة تكسرها طلعوني لغرفتي الساعه8.15 المغرب الولادة من 5.30 الى 7.00 ساعه ونص كانهم سنه بحالها من العذاب والتشحوير حطوني وماعادش سئلوا اعليا لان العيادة يومها كانت زحمه تخيلوا مع انها صغيرة الا انها هداك اليوم 23 حالة ولادة مابين قيصري وطبيعي العين ماجتش الا فيا انا وجارتي اكيد تبوا تعرفوا شن صار فيها المسكينه توا نرجعولها بعدين //// نشحور فيكم يا قصقاصات راجلي دخلني الحمام وغسلني ودارلي دوش بمية سخونه ولبسلي حوايجي وحطني في سريري وحاشاكم من كثر ابر الوجع قعد فيا وجع الولادة من 8.15 المغرب الى 8 الصبح وانا نعيط من الوجع كاني بنجيب تاني اعطوني مسكن اكتر من مرة ما انفعش معاي بكل الصبح الساعه 9 مشيت للحضانه نطمن عالبيبي قالوا صارله اختناق ومش معروف الا بعد 3ايام روحت لحجرتي نبكي جاني الدكتور كتبلي خروج وجاني زوجي وروحت العشية من غير ولدي الله لا يوريكم حالتي وقتها جايبه ومروحه وبلا ولدها اصعب احساس نفسيه زفته واعصاب متلوفه قعدت فيا الموليات ( وجع الولادة) 3 ايام متتاليه وولدي قعد في الحضانه 9 ايام وطلع بالسلامه ولله الحمد ووجع الخياطة استمر ل 20يوم ودم النفاس نزل مني 3 ايام فقط درت جهاز والدكتورة قالت رحمي نظيف ودورة الاربعين جتني بعد اسبوعين من الولادة وعلاقتي بزوجي رجعت طبيعيه قبل الاربعين//// ما نشعفش ومن كثر ضغط الممرضات على جنابي صارلي مكانهم حرق زي الطياب ولليوم نعالج فيه عند دكتور جلديه هندي اسمه كومار في الليبي السويسري حرق زي حرق النار من رفسهم الله يحرقهم في نار جهنم وشن تاني مانسيت شي/// قريب كتبتلكم الوان الاندر وير اه...جارتي المسكينه طلعت مدايرة عمليه على ظهرها وهي صغيرة والمشكله هي مقايله لدكتورها اعليها وجايبتله التقرير يلي في حالتها ممنوع عليها الوجع الصناعي وحتى الطبيعي لان الولادة المها يضرب في الظهر والولادة الطبيعي الظهر ينفتح باش يتوسع الحوض والبيبي يطلع تخيلوا العباقرة الليبين ///مش قلتلكم لو ماداروش هكي ماتسماش ليبيا تخيلوا طبيب يجازف بحياة مريضته من قله خبرة ومعرفه قعدت تتوجع من 8 الصبح للساعه 10 في الليل وبعدها دخلوها العمليات مش فلاحه منهم لا رحمها مافتحش اكتر من 1.5 سانتي سبحان الله يلعبوا فينا//حسبنا الله ونعم الوكيل توته توته وخلصت الحدوته............ ارتحتوا ولا ندمتوا انكم طلبتوها مني ههههههههههههههه تستاهلوا يلي بيده ربي يزيده |
| الساعة الآن 06:00 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .