|
رد: دردشة بنات ليبيا , دردشة حوامل ليبيا , تجمع بنات ليبيا
اكيد اتقولوا شن علاقة الهدية بالموقف
لان الموقف وغيرها من تصرفات خلتني نبي انقص من علاقتي بيها البنت اهتماماتها غير اهتماماتي ... ولذلك ممكن معادش انواصلها هلبة |
رد: دردشة بنات ليبيا , دردشة حوامل ليبيا , تجمع بنات ليبيا
آآآآآآآآآآآآآآآآآآآآآآىه ياضهري ورجليا قريب انموت منهم طلعت العشية كلها وانا انلود في محلات سوق الجمعة
اول مطلعت خطمت علي امي الغالية عندها زكمة شوي مالقيتهاش عند جدي مريض شوي ولقيت خواتي يامحلاهم يشوا في الجنان هما وبوي وخوي دابحين خروف هههههه بوي الغالي مرة مرة يخطر علية يدبح عندة ماشاء الله غنم يربي فية عندي حوش جدي الله يرحمة كنا نفس السانية وبوي راس ولد وعماتي باعوا لبوي الحوش المهم اجرناة ممكن سنتين وبعدين بوي مل وهو كبيييير خلا منة دارين وحمام اللي فاتحين علي جنان حوش بوي الحق مستفيدين منهم اماعين العراس والبساطات والدواليب كل شي فيهم المهم الجهة التانية تفتح فلي جنان وباب عالشارع القدامي مانستعملوش فية هههههه فهنا ايربي في الغنم هههه آآآآآآآآدهشت وهذا مش راس الموضوع المهم خديت منهم صونية الشواة الجاهزة وهربت بيها كليتها انا وابو الشباب وبعدين خطمت علي اختي اللي مريضة قلتلكم عليها الحمد لله حالها باهي وطلبت منها دكتورتها راحة شهر والمشكلة هي توة في نهاية الخامس وكملت الدور التاني بديرة معيشة مازال الاتات بس قالتلي نبيك اتاتتيلي علي ذوقك مش عارفة حتي انا ماكملتش حوشي التغير المهم قلتلها لما تعجبني حاجة انصورهالك بالاي باد واختاري بعدين امشيت لمحل اخديت منة المرة اللي فاتت بدلة ب20اتهبل خفيفة ونازكة هلبة اخديت منها لحبيبة عمتها ايوتة بنت خوي لون تاني وبعدين شفت محل مفاجاة الاحذية قست اربع كنادر عجبوني وللاسف جاني احباط في المحل اللي تعجبني مافيش مقاس38 اخ وخلاص طلعت وفي طريق الحشان محل زهرة الخليج عجبتني فية بدلة هندية تهببببببببل قلت لراجلي انزل اسال عليها تعرفوا بقداش طلعت 240بسسسسسسسسسسسسسسسسسسسسسسسس اتفاجاة والله نلقا فيها 500 و700 مش اقل من هكي ونفس البدلة ونفس القماش وانا كنت بناجرها ب200 حراااااام صح خياطة موثوقة لكن مش زي لكن لكن زوجي قالي ماتشريهاش سلامتة عندة تسكر دماغ مش في وقتة اجلت النقاش خير ميروح بيا خخخخخخخ وبعدين ياحنا امشيت لممحل بتمون للاحدية ونفس الشئ عجبتني وحدة الوان الطيف وب50بس لكن ملقيتش الا39وجتني كبيرة وبما ان الكعب عاااااااالي فمنقدرش ناخدها واسعة حتي شوي باش نقدر نمشي بيها وبعدين خشيت لمحل لجين ومااستقريتش علي راي فطلعت هههههههه واخر حاجة امشيت لبيبي ماكس اخديت منة فيلو نااااااعم لرنودةب70لكن نازك هلبة سكري ومن نفس المحل اخديتلها كندرة سكريةب25 وشخشير وتوكات بيج وبرفان وكارونة اكليل كسرتها قبل مانطلعوا من المحل خخخخخخخخ مشاخبة سلامتها واذن المغرب فضطرين ننزل انصلي في حوش بوي كنا قراب وبعد ماصلي قلتلة بنقعد وليلي الساعة12 قالي لاااااا ومش لان مايبش ايخليني لااااا في نص الطريق قالي الشباب جايين لالااااااااااااااااااااااااا عرفتوا علاش روح بيا يبي عشاء ونسكافية والله كيف قعمزت درتلهم بيتزا وخبزة قابسية محشية وشرائح سكالوب وبازيليا بالحم الخروف اللي جبتة من حوش بوي خخخخخخخ ولما امروحين قلتلة امالة خلاص خودلي عجينة باف خدالي وشكلتلهم بيها حاجات وبطاطا مقلية وسلطات ومشروب ودرت قبل العشاء نسكافية وكيكة باردة المهم كيف طلعت من المطبخ سيقتة وبخرتة وجبت عشاي وقعمزت ههههههه |
رد: دردشة بنات ليبيا , دردشة حوامل ليبيا , تجمع بنات ليبيا
مراحب جنودة واوشي كيف حالكم
جنودة حسب راي قدري قيمة الهدايا امتاعها وردي هملها مرة وحدة وماداما في مصلحتك انك ماتواصليهاش فالافضل تقطعي علاقتك بيها امشي لعرسها واستمتعي لكن خليك ضيفة وبس وربي يبعد عليك كل شر ياربي |
رد: دردشة بنات ليبيا , دردشة حوامل ليبيا , تجمع بنات ليبيا
السلام عليكم
انا ماشية بنرقد كنت نقرا وكنت عاملة حسلبى مطل عليكم بدون مانعلق بس لقيت جنودة كاتبة اسمى ماقدرتش نقاوم خخخخخخخخخخ نصيحت ترديلها العشرين وتشريلها هدية يعنى وحدة بوحدة مثلا خلاط او مايكرويف او طاقم فوط او ارواب |
رد: دردشة بنات ليبيا , دردشة حوامل ليبيا , تجمع بنات ليبيا
الف لاباس علي امك وجدك واختك جيجي
هذا المشوار كله وماشريتي شي الباين انك زيي لازم انشوف كل المحلات قبل ونقعد محتارة شن ناخد |
رد: دردشة بنات ليبيا , دردشة حوامل ليبيا , تجمع بنات ليبيا
تصبحوا علي الف خير
|
رد: دردشة بنات ليبيا , دردشة حوامل ليبيا , تجمع بنات ليبيا
السلام عليكم ورحمة الله وبركاته
يا سلم هالهدرزااااااااااااااااااااااااات الله يبارك كل وحدة مخططاتها من نوع الله يوفق كل حد في مايرغبه ويشتهيه |
رد: دردشة بنات ليبيا , دردشة حوامل ليبيا , تجمع بنات ليبيا
أهلا جنودة
حتى إنت بتناااااااااااااااااااااااااامي ؟؟؟؟؟؟؟؟؟؟؟؟؟؟ أضم صوتي للبنات ، اضغطي على روحك ورديلها هديتها باش ترتاحي من علاقة غير مرغوب بيها وعجبني تعليق جوجو أو خوخو امشي للعرس ضيفة وبرااااااااااااانية ممكن تاخديلها بالقيمة تعليقة فضة نزوكيـــــــــــــــــة ~~~ |
رد: دردشة بنات ليبيا , دردشة حوامل ليبيا , تجمع بنات ليبيا
وانتي من اهله
ربي ايعاونك سوسو آآآآآآآآآآآآخ اليوم كله شقا الحمد لله علي كل حال بالصدفة فتحت دولاب راجلي بنحطلة فلوس في الدجاكة محسوبكم ماياخدش معاة في فلوس لين انحطلة ههه انقول علي اي ضرف اونبي حاجة وهو مروح المهم ملقيتش بدلة جاهزة وامحددة فتوة كيف عبيت المية للحداد باش انحددلة بدلة ااااااااخ وخلاص |
رد: دردشة بنات ليبيا , دردشة حوامل ليبيا , تجمع بنات ليبيا
اهلين اثري الباين ماتطلعيش الافي اليل متاخر هههههه
|
رد: دردشة بنات ليبيا , دردشة حوامل ليبيا , تجمع بنات ليبيا
جوجو~~~~~~~~
مشاوير معتبرة ............ طيب فيك كملتي لرنودة ذكريني العرس عرس شكووووووون ؟؟؟ والبدلة الهندية هذه أوصفيهالي بالله عليك وشن مستورة ؟؟؟ وشن الألوان اللي في حتى أني قاعدة ندور لعرس بنت خوي علــــــــــــــــــماً أني من فترة واخدة قفطان شيفون ناعم لونه بين الأخضر والأزرق سواريه ،،،، وكل مرة نبي نخيطله جاكيت ما تسخرش الحال وأخيــــــــــــــــــــــــــــــــرا خيطتله جاكيت ،،، والحق الخياطة نحس فيها غالية خدت حق الخياطة 55 دينار ، والتفصيلة ناعمة وسمبل هلبة لأن القفطان موديــــــــــــــــــــله ناااااااااااااااعم هذا القفطان جاهز ~~~~ لكن لأني شاريته من فترة ما دابيا ناخذ حاجة ثانية مادامه هو حاسب حسبة حاجة ليا ~~~ خخخخخخخخ استفادة قصوى وأني حامل بجود في الثامن دار محل ""الشريف "" للبدل النسائية تخفيض ، وكنت نتمشى ومعاي 100 دينار نبي ناخذ بيهم حاجات منزلية ~~~ على أساس ولقيته كيف يعلق في لافتة التخفيض خشيت لقيت بديلة علي التراااااااااااابي المائل للأحمر ... تميزها في درجة لونها وحقها 100 دينار لا غير ـــــــــــــــ كانت بــ 260 حطيت فيها الفليسات وروحت وهذه البدلة الجديدة الثانية غير عيبها جاكيت والجو في آخر 6 ماندريش عليه يتحمل بدلة رسمية ؟؟؟ ولازالت الحيرة مستمرة وبالله كان تعرفوا وحدة تجي للحوش ومكياجها وتسريحاتها حلووووووووووووة قولولي والأهــــــــــــــــــــــم ماتكونش تنقي ~~~ عندي وحدة الله يبارك عليها مش عادية بكل مكياجها وتسريحاتها وما تنقيش لكن مارتحتش لنقطــــــــــة وحدة ما تعرفش تحط ظلال نين تستعمل الخافي اللي زي اللصقة على زوائد الحاجب حسيت روحي = المنقيـــــــــــــة بالظبط ؟؟؟ ربي يعوضني خير ويسهل الأمور |
رد: دردشة بنات ليبيا , دردشة حوامل ليبيا , تجمع بنات ليبيا
محسوبتك خفافيش ليل
خخخخخخخخخخخخخخخخخخ والله الحق .............. بديت نقعمز عليه الاسبوع هذا من بعد العصر في دورة اسمها دورة ابن القيم الرابعة مُقامة في مسجد أم المؤمنين بحي الأكواخ ويبثوا فيها على النت نحضر فيها لأني بحمد الله حاضرة الدورات الأولات وامتحنت حتى فيهم لكن ما نفتحش لا علي فيس ولا سكايب ولا منتدى باش نستفيد ونحط بالي علي جيهة وتكمل الدروس مع صلاة العشاء دوبي ندير دورة في الحوش يبدا سلامته ولدي واخد جوه أني لاهية على اللاب توب فالحوش مقلووووووووووووووب وبعدين نضرب دورة في عمري علي جية أبو الشباب نحطله العشي ونهدرزوا مشوار ولما يلها بجرايده نلهى بيكم خخخخخخخخخخخخخخخخ |
رد: دردشة بنات ليبيا , دردشة حوامل ليبيا , تجمع بنات ليبيا
والله يااثري البدلة الهندية جدا مستورة قطعتين كان بدي وقونة طويلة وواااااسعة ومعاها زي الشال عرفتية ومطرزة بالكامل
نعرف وحدة اتمكيج في الحياش ومتنقيش لكن 6بتمشي للعمرة وتحط في لصقة لكن كان قلتيلها لاا اتقوللك براحتك المهم متقوليش المكياج مش حلو خخخخخخ |
رد: دردشة بنات ليبيا , دردشة حوامل ليبيا , تجمع بنات ليبيا
الالوان فية جميع الالوان لكن انا كان خديت بناخد فوشي
العرس ولد عم زوجي وساس في الساس وصاحب زوجي الروح بالروح |
رد: دردشة بنات ليبيا , دردشة حوامل ليبيا , تجمع بنات ليبيا
آآآآآآآآآآآآآآآآآآآآآآآآآآآآآآآآه
تبخر الرد بضغطة زر خاطئة علقت فيه على شموسة وعرس صبيتها ّ وسوسو وقرايتها وجنودة وتحزيمتها وأوشي وخبزتها ووووووووو |
رد: دردشة بنات ليبيا , دردشة حوامل ليبيا , تجمع بنات ليبيا
باهي اثري قوليلي عليها اللي تجي للحوش اتمكيج وبقداش ورقمها واسمها بالله عليك
|
رد: دردشة بنات ليبيا , دردشة حوامل ليبيا , تجمع بنات ليبيا
باهي انا مش معاهم انحدفت ههههههه
|
رد: دردشة بنات ليبيا , دردشة حوامل ليبيا , تجمع بنات ليبيا
علي فكرة الدجاكيت حرام55 دارتالك بالكرستال الحقاني والا كيف
|
رد: دردشة بنات ليبيا , دردشة حوامل ليبيا , تجمع بنات ليبيا
اثرييييييييييييييييييييييييييييييييييييييييييييييي يييي وينك
|
رد: دردشة بنات ليبيا , دردشة حوامل ليبيا , تجمع بنات ليبيا
اقتباس:
بالله أوصفيلي الدكان بالك نمشي نشبحها هاليومين وهذه سلامتها بتمشي في أول شهر 6 ولا آخره عموما كان فيها كيف تبعثيلي رقمها نلاقاها حتى مرة ثانية وسامحينا مشقياتك معاااااااااااااااي اقتباس:
قريب وجار وصاحب وزيدها يا زايد عرس في الحوش بلا منظومة بــــــــــــــــــــدخ ~~~~~~~~~~ |
رد: دردشة بنات ليبيا , دردشة حوامل ليبيا , تجمع بنات ليبيا
ريتي سومافروا العاشوري كان العاشوري علي يمينك كملي يمين وخشي علي طريق الحشان امشي مسافة مش هلبةمعقول اسمة المحل زهرة الخليج المهم ماتفوتيش الاربع شوارع اللي بيلااقوك
|
رد: دردشة بنات ليبيا , دردشة حوامل ليبيا , تجمع بنات ليبيا
قااااااااااااااااااااااعدة
غير دودي ،،،،،،،،،،،،، تنقنق والله لا كريستال ولا أي حاجة استغــــــــــــــــــــــلال مش كريستال صعقت لكن ماقدرتش نتكلم لأن صاحبتي هي حلقة الوصل وقتلي خياطتها تحفة وتوا نديرلك معاها سوم كويس وكانت النتيجة هذا الرقم الرائع راهي قصيرووووووووووووونة للصدر بس وكمام حائرررررررررة وفي آخر الكم شيفون يرد على القفطان خداته من سيور القفطان بــــــــــــــــــــس خلاص توا نحطهولك الرقم اسمها هويـــــــــــــدا بالك سامعة بيها ؟؟؟؟ يتميز مكياجها بالقوة منعرفش يمشي معاك ولا لا ؟؟؟ |
رد: دردشة بنات ليبيا , دردشة حوامل ليبيا , تجمع بنات ليبيا
البدلة الهندية تبي مكياج قوي زي السدرة
هاتي الرقم هههههههه |
رد: دردشة بنات ليبيا , دردشة حوامل ليبيا , تجمع بنات ليبيا
الحداد سخن وعاود خخخخخخخخخ
|
رد: دردشة بنات ليبيا , دردشة حوامل ليبيا , تجمع بنات ليبيا
واضحة النعتة ...............
بإذن الله نحاول نطق فيه . صحيتي أمس مشيت للملاك الأبيض بحي الأندلس مافيشي حاجة معقولة ومستورة العريااااااااااااااااااااان وخوه الله يلطف بينا وخلاص سوسو ........................ كيف بنق عليك علي خاطر صورة بنتك الرمزية زدتي حطيتي صورها فكي روحك يا بنتي من التصووووووووووووووووووير راهو حراااااااااااااااااااااااام صورتك الرمزية حتى إنت يا جوجو تبي إعادة نظر حطي طبيعة ولا مااااااااااااااااااااكلة خير وحدة جاعانة خخخخخخخخخخخخ |
رد: دردشة بنات ليبيا , دردشة حوامل ليبيا , تجمع بنات ليبيا
إمممممممممممم
صنة جود تفحفح بعد ما دوشتها ولبستها بيجامتهااااااااااا إهيء إهيء بنمشي نغيرلها ونغنيلها باش ترقــــــــــــــــــــــد سلامات نلتقي على خير السلام عليكم بري اتكي يا جوجو اليوم تعب في تعب |
رد: دردشة بنات ليبيا , دردشة حوامل ليبيا , تجمع بنات ليبيا
مشكورة اثري
والله امشيت حددت عالسريع ورجعت بنقولك تصبحي علي الف خيييييييييييييييييير |
رد: دردشة بنات ليبيا , دردشة حوامل ليبيا , تجمع بنات ليبيا
مشكورة عالتذكير اختي اثري والله عارفة وبتذكيرك نبهتيني بارك الله فيك
|
رد: دردشة بنات ليبيا , دردشة حوامل ليبيا , تجمع بنات ليبيا
صباح الخيرات ياحلوات
وين ردك علي التحزيم اثري عاوديه هدا رايكم في الهدية المشكلة مش من النوع يلي تعجبها اي حاجة مانحبش نهدي لشخص هدية ومايستفيدش بيها او يلوحها ,, انفكر ناخدلها ارواب حمام الفوط حاجة كويسة شن رايكم انا كنت انفكر نعطيها 100 دينار بس الباين ميزانيتي لا تسمح اعطوني حل غير 100 دينار ويكون مناسب وراقي |
رد: دردشة بنات ليبيا , دردشة حوامل ليبيا , تجمع بنات ليبيا
سلام يا بناااااااااااااات .. شن حالكم وشن الجو :)
الله يتمم على كل حامل حملها .. ويرزق كل منتظره يارب .. آآآمين انا يا ستات باختصار بحب ليبيا واهل ليبيا وطبخااااااااااات واكلات شعب ليبيااااااا ودي اتعرف على ليبية في الرياض .. هل يوجججججججججججد ؟؟؟؟؟ ولكم مني جزيل الشكر اممممممم ودي اعرف طريقة الرز المبوخ .. اي نوع رز يفضل استخدامه الامريكي الدب القصير والا عادي الطويل مثل الوليمة وشكرا شكرا شكرااااااااااااااااااااااا سامحوني طبيت عليكم ههههههههههه |
رد: دردشة بنات ليبيا , دردشة حوامل ليبيا , تجمع بنات ليبيا
صباحوووووووووووووو
|
رد: دردشة بنات ليبيا , دردشة حوامل ليبيا , تجمع بنات ليبيا
ايه صح من عندها بلاك بيري عشان اضيفها :)
|
رد: دردشة بنات ليبيا , دردشة حوامل ليبيا , تجمع بنات ليبيا
اقتباس:
وباين انك تتكلمي ليبي كويس انتي سعودية اوليبية مقيمة بالرياض خخخخخhwaml02 بالنسبة لنوع الارز يفضل القصير طبعآ... نحن بشرق ليبيا مانحبوش الطويل عادة كل اكلات الارز عندنا بالنوغ القصير وكان انقطع هالنوع بتصير ازمه هههههههه خصيصآ بالافراح وعندك هالرابط فيه الطريقه وبطريقه حلوة ولذيذة بحثتلك عليه توا وهو من كتابة اختنا سوسو ليبيا.. http://forum.hwaml.com/t180812.html |
رد: دردشة بنات ليبيا , دردشة حوامل ليبيا , تجمع بنات ليبيا
اهم شئ يكون عندك كسكاس طبعآ
وللاسف ماعندي بلاك بيري... وتسمحي تعرفينا عليك... بطاقتك الشخصيه يعني خخخخ |
رد: دردشة بنات ليبيا , دردشة حوامل ليبيا , تجمع بنات ليبيا
يا حبيبتي يام فراااااااس الله يخليك ويوفقك يارب
شكرا لردك .. باهي الي حد عبرني ورد علي انا بخير حبيبتي وحالي باهي .. :) انا سعودية بس عشت من زمان في بريطانيا وكانو صحبات امي ليبياااات وكنت احبهم شعب جدا طيب وراقي وذوق ويحب الناس .. الله يسقيها هذيك الاياااااااااام كانت حلللللللوة شكرا بتابع الرابط واحاول اطبق :) اممممممم ع العصبان والمقطع والكسكسي بالبصلة يا سلاااااااااااااااام الشعيرية المبوخة < صرت اطيبها مثل الليبيات بالتمااااااام |
رد: دردشة بنات ليبيا , دردشة حوامل ليبيا , تجمع بنات ليبيا
يابنات اللي قرت مشاركتي بسوبر ماما للرضاعه وعجبتها بأمانه بسس...تدخل عالتصويت اللي قهرني ان كتبته وتعبت فيه والنت راح وبعدين عاودته تعب اخري وتجميع صور .. ياريت نسخت مواضيع وخلاص نفس الباقي خخخخخخخخخخخخ
http://forum.hwaml.com/t258490.html |
رد: دردشة بنات ليبيا , دردشة حوامل ليبيا , تجمع بنات ليبيا
ايوة عندي كسكاس اعمل فيه الشعيرية المبوخة بحط لكم الصور ان شاء الله تشوفوها كيف :)
انا ريم من الرياض سعودية ووو متقوزة وماعنديش اطفال ولسى بالطريق نونو الله يتمم على خير ويسهل ان شاء الله :) وايش حابه تعرفي عني كمان .. خاطري توا في مقروض وقهوة بالحليب ونهدرسوا انا وانتي ^^ |
رد: دردشة بنات ليبيا , دردشة حوامل ليبيا , تجمع بنات ليبيا
اقتباس:
باين ست بيت ماشاء الله عصبان hwaml9ومكرونه شعيريه امبوخه وعصبااااااااااااااااااان وكسكو بالتقليهhwaml7 والف مرحبا وهلا بأهل الســـعودية حياك الله انا برضه مسافره بريطانيا بعد كم يوم تحديدا مدينة نيوكاسل... انتي بأي مدينة كنتي بالضبط ببريطانيا.؟؟ |
رد: دردشة بنات ليبيا , دردشة حوامل ليبيا , تجمع بنات ليبيا
اوووووووووووووه قهوه بالحليب تخصصي تصدقي مانحبش نشرب القهوه الا بالحليب .... وخصيصا بعد تكون فايحة بالحبهان القهوه
ع سيرة القهوه مش عارفه كم انشيلو معانا كيلو قهوه خخخخخخخخخخخ نا وزوجي من مدمني القهوه العربيه الليبية طبعآ وقالوا هذي برا ماتلقهوش شيلوها معاكم خير |
رد: دردشة بنات ليبيا , دردشة حوامل ليبيا , تجمع بنات ليبيا
|
| الساعة الآن 10:31 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .