|
رد: تجمع حوامل (( مكة المكرمة ))
سلام عليكم يا غالين اخباركم حبيبات قلبي عسى يارب تكونو بالف خير يارب ربي يطمني عنكم وحده وحده يارب وحشتوني مرررررررررررررررررررررررررا كثير ربي يسعدكم جمعه مباركه عليكم و على كل المسلمين ام الغالين \ ام رانسي \ زهره البيلسان حبيبات قلبي ربي يسعدكم شكرآ على سؤالكم عني ربي ما يحرمني منكم يارب ولا من كل التجمع كلكم فيكم الخير و البركه ربي يسعد ايامكم و يحفظكم من كل شر احلى عبوره \ كوكو الحلوه \ حجازيه قرت عينكم و الف الف الف مبروك حمدالله على سلامتكم ربي يحفظكم من كل شر يالله نستنى منكم قصاصكم عشان نستفيد و ناخذ الخبره بس بعد ما تصير كويسين ان شاء الله ربي يجعلهم مواليد الخير و السعاده يارب اما عن اخباري انا بخير الحمدالله بس ما بين بيتي و بيت امي و صار عندنا حالت وفاه فاكرين جارت امي الا ساكنه عندنا لان الفلاه حقت امي دورين الدور اللي فوق اجرتو لصحبتها من 35 سنه هيا و زوجها و ولدها الكبير المهم ولدها مسافر في سوريا و الثاني متزوج في الرياض و بنتها في الاردن مافي في البيت غير هيا و زوجها و بعيد عنكم زوجها مرا تعبان بس ربنا خفاف عنو و عنها لانها تعبت بس كسبت الاجر شالت زوجها و مات و هو راضي عنها المهم بعيد عنكم مين الا اخذ الفجعه انا الا اخذت الفجعه لان يوم الاثنين انا عند امي و كانت امي صايمه و جرتها كمان المهم على اساس تاكل زوجها و تنزل تفطر مع امي زوجها ما كان لي نفس ياكل قامت نزلت قالت ل امي اطلعي انتي عشان لو ناداني و يبغى ياكل اكون قريبه المهم طلعت امي فوق و فطرو و راحت الحرمه تسئل زوجها وقت المغرب اجبلك الاكل قالها اسلوقي بيضتين بس مابغى غيرها و سولت البيض ورجعت تكمل فطور و بعدين ودت لزوجها الاكل المهم خلت الاكل و راحت ترفع الفطور حقها هيا و امي و قعدو في الصالون عشان يشربو القهوه بعد ما صلو قالت خليني اقوم اشيل الاكل و اعطيه ابرت الانسولين حقت السكر لان هم يعطو بعد الوجبه لقتو الله يكرمكم مستفرغ و ما اكل غير ربع بيضه و ملعقتين تقريبآ شوربه و هيا تحسبو اغمه عليه المهم راحت ل امي جابو جهاز السكر يحسبو هبوط سكر طلع سكرو 68 يعني ما يدخل غيبوبه المهم الحرمه نزلت على ضعيفت الله النايمه الا هيا انا و هيا تبكي صحتني فجعت دين اهلي فجعه ولدي نط معايه و بطني شدت عليا و هيا تبكي و انا مو عارفه ايش الهرجه قالت الحقيني عمك مغمه عليه قومت بالم بطني و لبس و طلعت معها و دخلت عليه اول شي سويتو مسكت يدو ما لقيت نبض ميسكت رجلو مافي نبض رقبتو مافي نبض عرفت انو خلاص اتوفه قولت ل امي اتصلي على اخويه و على زوجي كلمنهم على اساس هو مغمه عليه اخاف اقولهم انو توفه و نحنا حريم لوحدنا قالو اخويه و زوجي دقو على الهلال لين نجي المهم وصل الهلال قبل اخويه و زوجي زوجي جاي من الطايف و اخويه من نص طريق جده المهم لم جو هما الا قالو لحرمتو انو اتوفه و قامت تصيح و انا رجلي والله بقوه شايلتني و امي عندها سكر و ضغط و كمان صارت تصيح مادري اسكت مين او مين والله العظيم موقف احسد عليه عمري ما صار معايه ولا اتمنى يصير معايه ولا مع اي احد وبس هذا الا صار معايه اسفه اني طولت عليكم بس سبحان الله بين دقيقه و ثانيه الروح طلعت ربنا ريحو ما نازع سبحان الله سمحوني اني اكتب بتفصيل بس طبيعه فيني اظن خلاص اتعودو عليا احبكم يا احلى اخوات ربي ما يحرمني منكم و يطمني عنكم وحده وحده |
رد: تجمع حوامل (( مـــكة المكـــرمـــة ))
رحيمه الله يرحمه ويصبر جارتك موقف لا تحسدين عليه يخوف الله يعين
انا رايحه اجهز فطوري |
رد: تجمع حوامل (( مـــكة المكـــرمـــة ))
رحيمه . الله يرحمه ويسكنه فسيح جناته امين يارب من جد القصه تفجع بس الله يصبر اهلى
من جد كيف استحملتي الموقف هذا |
رد: تجمع حوامل (( مـــكة المكـــرمـــة ))
مساء الخير يا حبيباتي
ومبرررررررررررروك ياكوكووحجازيه وعقبال ما تشوفوهم عرسان ويتربو بعزكم وعقبالنا يارب انا وباقي الكروشات الحلوات تنفك البكشة على خير ههههههه كيف الصيام معاكم ان شاء الله ما تعبتم وتقبل الله منا ومنكم صالح الاعمال وهلا بك اختي حديثة عهد وان شاء الله تنبسطي وتستفيدي معانا ومرحبا نانا لك وحشة والله فهودي اخذك مننا خلاص الله يخليه لك ويحفظة يارب والله فجعه يترحيمة ما شاء الله عليك كيف قدرتي تتحملي اللي صار والله موقف صعب والله يرحمه ويرحم موتى المسلمين ويصبر اهله ويصبركم على الفجعه وان شاء الله اخر الاحزان انشودة وثلجة وامل وحشتوني كيف حالكم ان شاء الله تكونو بخير |
رد: تجمع حوامل (( مـــكة المكـــرمـــة ))
هلا ام رانسي حبيتي اخبارك واخبار الحمل معاك ان شاء الله كل شي تمام
|
رد: تجمع حوامل (( مـــكة المكـــرمـــة ))
صباحكم سكرر ..
كيفكم أخباركم ؟؟ انا الحمد لله طيبه .. اهلين نانا وام رانسي زمان عنكم وحشتووونا اخباركم عاملين ايه ان شاء الله طيبين .. نانا ماعندي فكره بس روحي لدكتوره وشوفي ايش تقولك وانتبهي تجيبي العيد تاني لسا بدري هههههه انشووده اخبارك ان شاء الله طيبه .. شوفي ماشاء الله عشان كنتي ناويه تروحي لها ربي كتب لك تشوفيها وتقومي بواجبك معاها والله يتقبل منك ياااارب .. ام الغالين انا بخير ياقممر والكرشه متعبتني خلاص صايره أحس بألم تحت عند فخووذي نهايه الحوض وخايفه الله يتسر بس .. رحيمه ياهلا فيكي وحشتينااا والله يرحم الي مات ويغفرله ويوسع مدخلو يارب |
رد: تجمع حوامل (( مـــكة المكـــرمـــة ))
هلا حبيبتي ثلجة الله يهون عليك والله حاسه بك من جد تعب بس ان شاء الله راح تنسيه بس تشوفي البيبي الله يعطيك ساعة سهله يارب
|
رد: تجمع حوامل (( مـــكة المكـــرمـــة ))
صباح الورد كروشات
ام الغالين كيفك لك وحشه ام رانسي وش الاخبار ثلوجه الله يهون عليك والله انا احس بالالم كيف لو دخلت التاسع وصايره امشي يمين وشمال من الثقل نهاية بطني على اني مو ثقيله الله يكتب لنا الاجر |
رد: تجمع حوامل (( مكة المكرمة ))
أمين ام الغالين الله لا يضيع لنا تعب يااارب ويسهل عليا وعليكي وعلى كل حامل ان شاء الله
من جد انشووده الثقل عامل عمايلو بس والله انا مو زايد كثير بس احس بثقل رهييييييييب الله يخفف عليا يارب |
رد: تجمع حوامل (( مـــكة المكـــرمـــة ))
مراحب انشودة والله انتي اللي واحشتني اخبارك واخبار بنوتك ان شاء الله تمام
|
| الساعة الآن 01:12 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .