المشاركة الأصلية كتبت بواسطة صمتي عالم (المشاركة 3253733)

والله يالغلا لا جديد
من بعد ماقالت لي الدكتوره ان البويضه طلعت للقناة وانا مزعجه زوجي اقوله لازم نسوي بنتظام
علشان نحااصرها هههههههههه وتتلقح باذن الله
والله كريم


سبحان الله وبحمده

المشاركة الأصلية كتبت بواسطة بنت البلاد (المشاركة 3253775)

ام يوسف:

ان شاء الله حبيبتي ونحنا دايما نتصدق و ان شاء الله الله يرزقنا جميعا

حياتي توأمي :

يااااااارب تروحين وتكون البويضة كبيرة ومناسبة وتحملين هالشهر وتبشرينا يااارب

صمتي عالم :

آميين يارب وياج ان شاء الله، ان شاء الله انتي حامل قبل رمضان يارب


بغيت اسالكم تعرفون الجهاز الي يفحص السائل المنوي الجهاز المنزلي
سمعتوا عنه او لا، هو نفس جهاز اختبار الحمل بالظبط طريقة عمله شفته ف اليوتيوب و امزون
اذا كانت الحيوانات المنويه فوق 20 مليون يطلع خطين ولو اقل يطلع خط واحد
مادري لو سامعين عنه او لا

^_^

المشاركة الأصلية كتبت بواسطة حياتي توأمي (المشاركة 3254400)

حبيبتي
فعلاً حتى أنا سمعت عنه بالمنتدى بس نسيت في اي موضوع كان
وياريت لو احد يفيدنا
لأن بصراحه زوجي رافض. يسوي فحوصات وفي هالحاله هالجهاز راح يفيدني في البيٍٍـيت.
والله مو عارفه شو اسوي هو يقول انتي عندج تكيس وهذا اللي مانع الحمل مو مقتنع ان ممكن يكون هو في ضعف للحيوانات المنويه يقول احنا جبنا عيال من قبل مو عارفه كيف اقنعه رافض رفض تام
يقول لو جاه من عند الله الحمد لله واذا لا. فأنا راضي بالتوأم اللي عندنا.
ياريت احد يفيدنا عن. الجهاز ياريت

المشاركة الأصلية كتبت بواسطة بنت البلاد (المشاركة 3254599)

ان شاء الله مافيه الا كل خير
انا شفته ف الامازون يبيعونه بس انا ماعندي خبره في اني اشتري ع النت ف بغيت اخذه من البلاد
صراحه حلوه فكرته وايد hwaml10

صح الي من الامارات ماجربتوا العلاج ف مركز دبي للاخصاب؟
علاج مجاني للمواطنين ومواعيدهم جريبه بعد

المشاركة الأصلية كتبت بواسطة حياتي توأمي (المشاركة 3254742)

حبيبتي أنا اماراتيه وسمعت عن مركز الاخصاب المجاني بس ماعرفه وين وماجربته. بصراحه
ومثل مانا قلتلج ريلي رافض فحوصات. فهالحاله يعالجوني من طرفي أنا يعني منشطات ومتابعه وهالسوالف ولا كيف حبيبتي
أنا من دبي وين هالمركز عني ؟
في كلل الاحوال أنا اتعالج حالياً بعيادات خاصه والتأمين مال دوامي يغطي فديتج تكاليف فحوصاتي مع الدكتورة لكن علاج المنشطات ادفع له. بس بعد التأمين مال الدوام بصراحه وايد مخفف علي ضغط الكشوفات الحمد لله على كلل حال
يارب بعد هالسعي ربي يرزقنا بالقريب يارب