|
رد: تجمع حوامل ليبيا
ماتخفيش العيل لى مات حى عند ربى وانشالله يلقيكم انتى وابوه ويخششكم لجنة هو من طيور الجنة والله والله الناس حاسدينى على انى فى الاخرة عندى من يلقينى يام اسيل حتى الاخرة تبى وانا ويك الحمدالله عندنا من يخششنا لجنة انشاء الله // وراجلى يفسر فى الاحلام توة لم يجيه نحكيله على حلم راجالك لانه يجوه من كل مكان لىتفسير الاحلام // واما عن التحليل ارجى نين ايجى موعد الدورة وديرى تحليل والله البنات فى المنتدى ايقولنا عندنا جهاز تعرفى به الحمل وجهاز تعرفى به التبويض راجلى عند صيدلية ويجيب فى الادواية من بنغازى ومن اطرابلس وطبرق ودايمة انقوله دورالى على هذه الاجهازة جهاز الحمل بس الذى وجدهو وموش نفس الاجهزة لى عند السعوديا ت لى فى المنتدى نحن شريط من الورق وتحطيه فى البول اكرامك الله وبعد عشرة ايام من الدورة وهم عندهم جهز من الزجاج وفيه اشارات للحمل وجهز التبويض عندهم خمس اشرط فى باكو ولم تبداى فى ايام اتبويض تاخذى كل يوم شريط وتشوفى اقوى يوم للاباضة عكسنا نحن دون ما عديتى لدكتورة ودفعتى محة كبدك وبيش تعرفى نحن الطب متاخر جدا فى السعودية فى مستشفى كلهم من المانيا قالو لهم بدل ما اتعدو اللمانيا هذا مستشفى كامل طاقم المانى كله عطهم ربى ونحن لى امفتحه عندنا هى لى تقرا من النت
|
رد: تجمع حوامل ليبيا
والله عندك حق لكن عطيني عقلك شن يصبرني لعند موعد الدورة والله مليت من المراجاة وسلفاتي الاثنين حوامل خاطري نفرح راجلي كيف خوته
|
رد: تجمع حوامل ليبيا
اهلين بأم أسيل وميرنا
نحكيلكم عن مشواري اليوم عديت للدكتورة وقالتلى مافيش بويضة فيه تجمع وعلى حسب قولها تقول من آثار التبويض يعنى ان البويضة انفجرت وان شاءالله خير |
رد: تجمع حوامل ليبيا
حبل الوصل ماشالله طالما انفجرت يعنى تبويضك اكويس والمبيض يقوم بعمله على اكمل وجه
بس انشالله غير جماعتى فى هاليومين |
رد: تجمع حوامل ليبيا
خاطرى انفرح راجلى ياام اسيل حطيتى يدك عل جرح
|
رد: تجمع حوامل ليبيا
اقتباس:
|
رد: تجمع حوامل ليبيا
انا يا بنات ماشية لمة نعدي نوتي روحي توا نلقاكم في الليل اليوم خلينا نكسدو مش ترقدن بدري
|
رد: تجمع حوامل ليبيا
اقتباس:
باهى طمنتينى على حبل الوصل صحة ياحبل الوصل ام اسيل انتى ماشية لمة وانا اليوم على الدروج نبى انعدى انسيقهم مع السلام يابنات وان كان افضيت انتلقو فى الليل |
رد: تجمع حوامل ليبيا
حبل الوصل كيف حالك ان شاء ربي يعطيك ما في بالك وقوليلي من دكتورتك ليبية ولا لا
|
رد: تجمع حوامل ليبيا
انا خشيت زي الهبلة بروحي لا لقيت سبهاوية ولا درناوية ولا بنغازية ولا طرابلسية كساااااااااااااااااااااااااااااااد شكلي نعدي نرقد وخلاص .. . حبل الوصل اول ما خشيت لقيتك ضاوية لكن شكلك سكرتي والله قبل خاطري نهدرز معاك لينا كم يوم ما تلاقينا |
| الساعة الآن 04:40 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .