منتديات حوامل النسائية - تجمع حوامل ليبيا

حنجربه يا لولي بارك الله فيك
ليبيا قلبي حاولي تكتري من الميه من توه والله مشكلة المسالك مشكلة
حنين ننصحك فكيك والله من شويه كنت نتفرج على برنامج للحوامل
نصح الدكتور بلابتعاد عن الصبغه وتشقير نحسه قوي شويه
بنسبه ليا وقت الحمل لا نصبغ ولا نميش ندير في شيانه لا سبوعي ان شاء الله في حملي الاول وحتى حملي هدا ..

نسرينا

12-01-2010 02:19 PM

رد: تجمع حوامل ليبيا

ههههههههههههه

بخير والحمد لله سلمك يارب

زوزي باهي وانتي كيف حال مولى بيتك ههههههههههههههه اضحك فيا الكلمة هادي ...

يلا يا سورينام ... ما تفوتي القيلولة هههههههههههههههه عليهمممممممممممم انطلق يا غرانديزر

.

ღॐ آية ღॐ

12-01-2010 02:20 PM

رد: تجمع حوامل ليبيا

اقتباس:

المشاركة الأصلية كتبت بواسطة ام اسيل (المشاركة 527167)

ايوتة
لاباس عليك المسالك لازم علاج لان هنا مرات يديرن ولادة مبكرة عدي لدكتورك تعطيك علاج وتريحي بيش تجيبينا احلى عروسة

ميمونة وينك والله نفكر فيك ومشغولة عليك خشي طمنينا

ام رفيدة شكله الصقع واخذك منا

حنين الوحم لازم منه وبالذات التوم لازم تتحملي ضريبة الامومة انا نصيحتي لكي تاكلي وجبات صغيرة على مدار اليوم خالية قدر الامكان من الدهون وكولي حاجات ناشفة

والله يا ام اسيل من بديت حملي وانا في العلاج لين كبدي درهت حتى المضاض خديته
وفطرت في نص رمضان بسببها ...

ღॐ آية ღॐ

12-01-2010 02:23 PM

رد: تجمع حوامل ليبيا

اقتباس:

المشاركة الأصلية كتبت بواسطة نسرينا (المشاركة 527036)

صبااااااااااااااااح الخيرات
راجية / الله يفتح عليك ويفرج عليك ويشفيك و يرزقك بكل ما تتمني ...شكرا جزيلا
حبل الوصل / الف لاباس على اختك والحمد لله عندها قسمها وربي يحفظهم ليها .. وتنوض لا سوء لا سوية ..
ليبيا / بعيد السؤ عليك / حالول انك ما تاخذيش ادوية لانها مش كويسة خليك عالبرتقال والليموناضة .
ايه / كيف حالك وصحتك ؟ وبعيد السوؤ عليك اني مرت خوي كانت زيك ، بس الحمد لله جابت طبيعي وفي موعدها ، بالنسبة للوضع البيبي ، الحل انك تكثري من السجود والتطبيس يعني زي ما نقولوا تكنسي بالمكنسة الصغيرة الوضع هذا كويس يرجع البيبي لوضعه ، وربي يسهلك ويشفيك يااااارب .
تيمو / كيف حالك وحال بنيتك وشنوامدايرة معاك ولمن طالعة تشبه ..
عيوووون / ألف ألف مبروك الحمل هههههههههههههه ربي يثبت ويتمم على خير ههههههههههههههه
لولي / لينا قداش عمرها توا ؟
ميمونة / هالغيبة ان شاء الله خير شكلك تتوحمي .......يارب يارب
معراج / ربي يثبت حملك ويسهل الايام وتجيبي توامة
بوووسي ، سورينام ، ام اسيل ، ام روفيدة ، ميرنا ، ام لقمان ، ام سعد

.

كيف احوالكم كلكم

بارك الله فيك وربي ينولك الي في بالك يا نسرينا..
والله يا نسرينا من كتر السجود والتطبيس لين عندي الدوخه طول النهار
وياااااااااااااارب نجيب على خير زي مرت خوك
دعواتكم

سورينام

12-01-2010 02:35 PM

رد: تجمع حوامل ليبيا

حبيبتي الغالية عيون ..روربرتاج مفصل على طهارة فراس .. عندنا جارنا طهر ولده عند دكتور كويس بعتنا ليه .. دكتور مصري اسمه عفت متخصص في جراحة ومسالك وموجود في عيادة الهلال التخصصية في حي الأكواخ .. مشي راجلي الصبح حجز والساعة 5.30 رفعناه أنا وأمي وزوجي ولبستله لبسة عربية بالفرملة والكبوس ولي ايضحك هالمكركب .. خذاته منا الممرضة ودخلاته وشوية ونسمعو في عياطه ... والله قلبي اتقطع وهما ايقددو في وليدي .. وبعدين قاللي الدكتور غدوة في نفس الوقت حطيه في ميه دافية لين اتطيح الفاشة وبعدين ادهنيله بمرهم الاسد مرتين في اليوم وخلاص .. طبعا اليومين الاولات صعبات وابسط حاجة تعطبه وبتوسعي باااااااالك وبعدين الحمد لله ولى كويس وماشاءالله عليه .. طيبت كسكسي بالبصلة ولوازمه وفواكه وشاهي باللوز وخلاااااص .. وجت عزوزتي وحماتي وامي واختي وجارتي اللي قدامي وبنياتها .. والعقبة لحمووودي ولد عيوووون يارب

سورينام

12-01-2010 03:10 PM

رد: تجمع حوامل ليبيا

أيوته .. كيف الحال .. بعيد السو عليك انشاالله ربي يشفيك وتوصلي لشهرك وتجيبي على خير انتي والبيبي ..
وبالنسبة للعيل الفارسي أني ولدي من الشهر الخامس وهو مقلوب والدكتورة تقوللي مازال فيه وقت باش يتعدل وضعه لكن للأسف قعد زي ماهو لحد ما خشيت للتاسع .. وبعدها قاتلي الدكتورة لازم نحددلك موعد عملية لأني جايبة بنتي الاولى بعملية ومانقدرش نخاطر لين تجيني الوجيعة .. لكن انتي الحمد لله جايبة ايوب طبيعي فعادي ماتخافيش فيه احتمالية كبيرة انه يدور حتى وقت الولادة وهذا من تجربة هلبة نساوين ... عمووووووووما ..
ربي يسهللك ويهون عليك الطلق وتنوضي لا سو لعويلتك ياااااااارب

سورينام

12-01-2010 03:13 PM

رد: تجمع حوامل ليبيا

حبل الوصل .. لاباس على وخيتك وعليك ... وانشاءالله ربي ينوضها بالسلامة لعويلتها .. والله غااااااااااااااااالب على طب ليبيا فعلا الله يرحمه والله يلعبو بالناس لعب حسبنا الله ونعم الوكيل

سورينام

12-01-2010 04:43 PM

رد: تجمع حوامل ليبيا

حنين .. الف مبروك عليك التوأم .. وانشاالله تشوفيهم بين ايديك كاملين الخلق والخليقة حافضي على روحك سلم وخيتي وتحملي الوحم الله غالب فترة وتفوت انشاالله...
تيمو .. ردي بالك اتبعي المانع الطبيعي والله اني حملت بفراس واني مديراته والدورة مش منتظمة من الرضاعة .. لكن توا خذيت درس ومشيت للدكتور كتبلي حبوب منع حمل مع الرضاعة اسمهم ميكروفال .. والله نحيت الموضوع من راسي وواخذة راحتي عالآآآآآآآآآآآآآآآآآآآآآخر ههههههههههه
معراج .. ربي يتمم حملك على خير وتشوفي التويما بين ايديك ياارب وربي يختم صبرك بشوفتهم لا سو انشاالله
ميمونة .. وين هالغيبة انشاالله المانع وحم يااارب
ليبيا قلبي .. ماتخافيش وماتوسوسيش والبردة ماادير شي للعيل تاخذ وقتها وتمشي ديري شاهي خفييييييييف وحطي فيه شريحة ليمون كل شوي وتتحسني انشاالله

سورينام

12-01-2010 04:46 PM

رد: تجمع حوامل ليبيا

أم أسيل .. بالك تعرفي خيرها ميرنا متغيرة علينا ومعاش تهدرز زي قبل .. لدرجة انها حملت وما قالتلناش .. معقووووولة !!!

أم سعد

12-01-2010 06:02 PM

رد: تجمع حوامل ليبيا

السلام عليكم

والله آية كأنك توصفي في حالتي

حتى أنا نعاني من المسالك ودرت تغذية وخديت مضاد

وتوا قتلي الدكتورة العيل فارسي

وان شاء الله خير

الساعة الآن 05:04 PM.

صفحة 477 من 2135

477

عرض 40 مشاركات من هذا الموضوع لكل صفحة

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .