|
رد: دردشة بنات فلسطين* دردشة حوامل فلسطين* تجمع بنات فلسطين
سنه حلوه لزوجك مقدما
والله انا دائما هدايا الشب بحتار فيها لانها محدوده ساعه / قميص/ عطر/ قرافه مع كبك في طقم / بلوزه !! عسوله جربي المق السحري هاد بس تحطي في شي ساخن بتظر الصوره او كلام يلي بدك اياه انتي بتعطيه للراجل وبعملك اياه انا المق شريت وانا خاطبه بيوم الفلنتاين مكتوب عليه كلام بالانجليزي عشان الفلنتاين مش المق السحري انا غموض زكرتني بالفلنتاين فبفكر انا كمان بهديه مش عارفه شو اجيب لاني جبتلو عطر / بستنا يقرب وانزل ع مريم المحل يلي بالرمال بكون عندو شغلات جديده وحلوه |
رد: دردشة بنات فلسطين* دردشة حوامل فلسطين* تجمع بنات فلسطين
احساس
معلش انشغلت شوي ما رديت انا مرات بعملو بكياس حرارية ومرات لا حسب الموجود وانا بموووووت بالاشياء هاي الجيلي والكولا هههههه عنا ببيعوها بالمولات مخصوص في الها محلات يم يم صحتين عالغدا عسولة صحتين عالسمك وسلامتك يا قمر وعيد ميلاد سعيد لزوجك الله يخليكم لبعض ويهنيكم ويرزقكم بالذرية الصالحة يارب بالنسبة للهدايا متل ما قالت احساس محدودة هدايا الرجال ان شاء الله بتلاقي شي حلو باقي الصبايا غاطسين اليوم ههههه يسعد اوقاتكم |
رد: دردشة بنات فلسطين* دردشة حوامل فلسطين* تجمع بنات فلسطين
مسا الخير صبايا كيفكم
انبثاقة الله يسلمك ياعسل تسلمى احساس ودودو كيفكم وباقى الصبايا جمعة مباركة شو اخباركم |
رد: دردشة بنات فلسطين* دردشة حوامل فلسطين* تجمع بنات فلسطين
يسعد مساكم
اليوم يوم التنضيف العالمي عندي بالبيت وقيل شوي خلصت ...... وانزلت عند حماتي اجيب زوزو لانه اخدو زوجي ليغير جووو........ دودو:: يلا انبسطي بالفرح .....وتعي خبرينا كيف العروس ....... احساس:: اهااااا لزيز يزن كتييييييير بحبوووو وانا نص نص....... غموض:: ياااااااااا عم ...يلا بنستنا بالصورررر........ ممكت اروح اشتري ايفون بدل ياللي رااااح بناااااااااات عماله ليالي هديل تفضلوووو:) |
رد: دردشة بنات فلسطين* دردشة حوامل فلسطين* تجمع بنات فلسطين
مسآآآآآآآآآآآآآكم ورد ..
دودو احساس بيبو انبثآآآقة عسووولة وباقي البنوتات اللي مش حآضريييييييييييين .. ^^ انبثآآقة تسلميلي حبيبتي وربي يهنيكي انتي وزوووجك كمان صحيح روحتي والا لسا من عند اهلك ؟! احساس .. ضحكتيني ع الخرافة يلي حكتيها هههههههههه ع هيك كل يلي عندهم دبلتين الهم فال مش حلو بتعرفي حتى الدبلة والسوليتير الجداد جبتهم اغلا من الاولانين .. وكتبنا عليهم ^^ بالنسبة للجوال انا والله جبته من غير مناسبة كنا بالسوق وبنتفرج عالجوالات وكنت عارفة انه زوجي حابب يشتري جوال معين ف حكتلو انا حابة اهديك ياه ^^ وبعدين حكتلو انه هاي هدية الفالنتياين يعني ما تستنى مني يوم الحب كمان هدية هههه كنت بدي انزل الصور مبارح وكسلت هههههه هلا بوريكي حيفا ليش مش مبينة يا البي طلي وطمنيني عنك كيفك هلا والله لسا ما طبخت قبل شوية صحيت .. |
رد: دردشة بنات فلسطين* دردشة حوامل فلسطين* تجمع بنات فلسطين
ههههههههههههههه
ليالي هديل .. طيب نزليلنآ صورتها يختي يلآآآآآ بدنا نشوفهاااا مبروك الايفون مقدمااااااااا |
رد: دردشة بنات فلسطين* دردشة حوامل فلسطين* تجمع بنات فلسطين
مسا الخير يا صبايا ...
الحقوني حاسة حالي رح اطق وانفجر مش قادرة نفسي اضل اعيط لبكرة الصبح ... نفسيتي زفت وقرفانة حالي كل من ولادي وجوزي .. الله يهديهم ويسامح جوزي كل الحق عليه |
رد: دردشة بنات فلسطين* دردشة حوامل فلسطين* تجمع بنات فلسطين
ليالى هديل $ - $
شو هادى بنستني الصورة لنتعرف عليها ومبروك الايفون مقدما غموض عم نستني الصور يلا هييي هييي |
رد: دردشة بنات فلسطين* دردشة حوامل فلسطين* تجمع بنات فلسطين
حلا الماس
ياساتر شو فى مالك روقى ياعسل اذا بتحبي تفضفضي احنا كلنا اذان صاغية |
رد: دردشة بنات فلسطين* دردشة حوامل فلسطين* تجمع بنات فلسطين
الله يسعدك حبيبتي .. كلك زووء
والله الدمعة بعيني وانا بحاول امنعها .. مش قادرة كتيير مخنوقة بناتي مغلبيني وكتير عنيدات ..وانا ما بحب اعطيهم كل شي على خاطرهم لانو ما بيحب يتعودوا على هيك انو كل شي بدهم اياه حاضر وجوزي الله يسامحه مدلعهم كتييييير وكل شي بيطلبوه بيجيبو لدرجة انهم صاروا ما يسمعوا كلامي .. ولما انا ارفض بعض طلباتهم ابوهم بيلبيها وهلأ اي شي مهم او تافه بيطلبوه من ابوهم .. انا هيك حاسة انو مسحلي شخصيتي ... لازم يكونلي هيبة قدام ولادي ويسمعوا كلامي بعلمهم على عادات معينة بس باسلوب وهو بيحب يخليهم على راحتهم ... بس انا بنجن منو لانو هدول بنات ولازم يكونوا مؤدبات هلأ اي اشي بيطلبوه مني وانا برفضو على طول بيروحوا لابوهم عشان يعمللهم اياه لانو ما بيرفضلهم طلب حتى صاروا يتمادوا .. ويقولوا ما بنحبك انتي .. بس بنحب بابا بصراحة نفسيتي تعبت .. انا بحب يدلل البنات بس بحدود شو اعمل .. انا مش عارفة .. والله حاسة حالي مخنوقة ومحاربة جوزي وولادي |
رد: دردشة بنات فلسطين* دردشة حوامل فلسطين* تجمع بنات فلسطين
معلش ياعسل اتاخرت بس كان النت مخرفن
طيب انت حاولى احكي معه بهالموضوع انه هيك بخربه وبكرة ماراح يقدر يحكمهم وراح يصيروا يعملو يلى بدهم اياه وهادول بنات ولازم ينحكالهم لا وحاولى انت فهمى البنات انه انت بترفضى طلباتعم يلى متل هيك لمصلحتهم مو اكتر واحكيلهم انه لو مابتحبيهم كان مابتعملى هيك والله يهديلك جوزك وبناتك |
رد: دردشة بنات فلسطين* دردشة حوامل فلسطين* تجمع بنات فلسطين
حلا الماااااااس:
معك حق تضايقي بس كل شي وله حل ........ اهم خطوة بس ينامووو البنات تقعدي قعده جديه مع زوجك .........تحكيلو اللي بتفكيري فيه وما تنهي الكلام الا لتأخدي وعد منه انه يساعدك ...... يعني ....تكونو لتنين قدام البنات عندكم نفس الرأي وازا بدو يكون مخالف لك ..على الاقل مو قدام البنات اتناقشو فيه بعيد عنهم وخذو قرار ....... صدقيني عمر زوجي ما خالف رايي في التعامل مع يزن قدامه .......دايما بوقف معي ... وبعدين ببيني رايووو ومرات بيقنعني ...وبنشارك يزن بهالشي......... موفقة حبيبتي ....... بيبووو: اه انتي ما لحقتي قصة ليالي هديل ههههههههههه اسمها ليالي لبنان بس انا بعملها بطريقتي فسموهااا هون البنات ليالي هديل على اسمي هههههههه ي ي ي صرنا مخلصينها فصعب نزل صوره ...مممممممم |
رد: دردشة بنات فلسطين* دردشة حوامل فلسطين* تجمع بنات فلسطين
مسا الخير
كيفكم اشتقتلك كثير شو اخباركم |
رد: دردشة بنات فلسطين* دردشة حوامل فلسطين* تجمع بنات فلسطين
الله يسعدكم يا صبايا على ردودكم ...
والله بضل احكيلو بكرة بيكبروا وما بنقدر نحكمهم .. حتى حماي بيقلوا هالكلام ... بس هو ما بيرد .. يعني بيوقف معي مرة او مرتين .. بس شو بيصير لما انا وزوجي نكون نفس الرأي بناتي بيصيروا يبكوا لانهم متعودين على دلع ابوهم ... وهو قلبو طيب وحنون ما بيئدر يزعلهم بيضل يقلي هدولا ولايا وما بيصير نكسر بخاطرهم .. يعني ازا انا ابوهم ما دللتهم مين الي بدو يدللهم .. وبيضل يقلي الولد بينقسي عليه بس البنت لأ .. الولد بينضرب بس البنت لأ هو كتير حنون وقلبو طيب .. وبيعاملهم هيك من باب الحنية مش من باب المجاكرة فيي بس بناتي طماعات ... وبيستغلوا هادي النقطة بابوهم .. مع انهم لسه صغار يعني 6 سنين .. و4 سنين ونص وانا بحب انو يدللهم .. بس بحدود بدي يتعودوا انو مش كل مرة كلامهم ماشي .. بيعيييييييييييين الله يا صبايا .. حالنا احسن من غيرنا الحمد لله بس لازم الوضع هاد يتغير .. واكيد رح احاول اغيرو لو شي بسيط |
رد: دردشة بنات فلسطين* دردشة حوامل فلسطين* تجمع بنات فلسطين
جارة
صحة والف عافية على قلبكو ياعسل حلا الماس كل الرجال هيك مابيجبو يهينو بناتهم الله يهديه ويسمع كلامك |
رد: دردشة بنات فلسطين* دردشة حوامل فلسطين* تجمع بنات فلسطين
صبايا تصبحو على خير هي بيبو نام
بدي الحق انام قبل مايفيق لانه ساعتين وراح يفيق ههههههههه سلااام |
رد: دردشة بنات فلسطين* دردشة حوامل فلسطين* تجمع بنات فلسطين
سلام عليكم
جمعتكم مباركة كل عام وانتو بالف خير بمناسبة المولد النبوي عسولة كل سنة وانتي طيبة عقبال 120 سنة بهناء وسعادة حلا الماس هاد الوضع مو صح خصوصا انه بناتك بعمر ياخدو الامور الاساسية لكل حياتهم بعدين والامور الي بلتزموا فيها هلا بتضل معهم ليكبروا الي بدي احكي المفروض من اول حياتك مع زوجك تكووني انتي واياه حاطين الامور الاساسية الي راح تتعاملوا فيها مع اولادكم بعدين بناتك ما بنفع يستثنوكي حتى لو كان ابوهم من وجهة نظرهم اقرب الهم وزوجك لازم يعرف انك ما بتحكي لا عشان تقسي عليهم وتحرميهم وانتي بنفس الوقت مو لازم تاخدي دور الي بترفضي كل شي بتحسي راح يلجاؤا لابوهم ليحصلو علي ولازم زوجك يعرف وبناتك كمان انه مش ممكن يحصل شي الهم الا بموافقتك وبامرك كمان هلا هاد الشي من باب انه بكرا راح يغلبوكي بدراستهم وكل امور حياتهم وبالاخر زوجك راح يحكي انتي الي ربيتهم اول خطوة راح تعمليها بداية عشان تستعيدي ثقة بناتك وانه من خلالك بس يطلبوا كلشي اعمليلهم كلشي بحبوا لفترة بس وبعدين استخدمي اسلوب الحوار والاقناع لما ما بدك تعملليلهم اشي واحكلهم يقنعوكي يعني ناقشيهم وفهميهم اسهل طريقة لتكسبي ابنك معرفة اسلوب تفكيره وتعودي دائما يقتنع او يقنع وبالنسبة لزوجك احكيله انا خلفتهم وانا احن مخلوق بالكون عليهم بدي انا وياك نرفع راسنا فيهم عشان هيك لازم انا واياك نتفق على اسلوب واحد بالتربية والتعامل معهم احكيله هيك راح يكونوا مرتاحين بكل حياتهم بس غير هيك واذا ضلوا على هالاسلوب راح يغلبونا كل حياتنا ان شاء الله تكون وصلة فكرتي ياقمر ويارب يكون كلشي تمام ببيتك احساس والله برلنت بخير وبتسلم عليكي ياقلبي حماتي كالعادة ما تغير عليها شي الها نهفات بس انا بطنش وبصراحة مع الحمل خلقي ذيق فاغلب وقتي ببيتي غموض نورتي وتتهني انتي وزوجك يارب لولو حمادة كيفك ياقمرايه وكيف اولادك دودو يسعد اوقاتك لولو الفلسطينية نهارك سعيد بيبو منورة جارة والله لوحام تاعبني وهاد الحمل كمان صعب علي يوم الجمعة الجاي خطبة سلفي عمرك عملتي مكياج عند غريس ؟؟ بدي اشتغل هعندها ان شالله مسك وينك كيفو وليد هبة كمان مشغوله بينك روز الله يسعدك وينن ما كنتي ام جودي سلامات ياقمر يارب تكوني بخير حيفا يا حيفاااااا يارب تحملي هالشهر وترتاحي والله اني بستدعيلك كثير يارب ما اكون انسيت حدا |
رد: دردشة بنات فلسطين* دردشة حوامل فلسطين* تجمع بنات فلسطين
وانتوا بخير صبايا
بفكر أجيب له جاكيت جديدة له حلا الماس بيعين الله مش حأحكي كتير لأنه حواء ما شاء الله كفت ووفت |
رد: دردشة بنات فلسطين* دردشة حوامل فلسطين* تجمع بنات فلسطين
انا نعست
تصبحوا على خير |
رد: دردشة بنات فلسطين* دردشة حوامل فلسطين* تجمع بنات فلسطين
صباح الخير
بحس حالي بنيمكم وباجي هون هههههه عسوله تلاقي الخير يارب غموض ربي يسعدك ياقلبي اها لساتني عند اهلي بس مابعرف شو مالهم بالعاده بسهرو بس هالزياره بنامو بدري حلا الماس ياقلبي والله معك حق تضايقي اسوء شي تنمحي شخصية حتى من الاب والام الله يعينك ويهديهم يارب وماشاء الله حواء والصبايا قدمو احسن كلام حواء كيفك شو أخبارك مبروك لسلفك ربي يتمم له ع خير يلا بكرا بتيجي سلفتك وبتخفف عنك ضغط حماتك باقي الصبايا يسعد صباحكم ويارب تكونو بخير |
رد: دردشة بنات فلسطين* دردشة حوامل فلسطين* تجمع بنات فلسطين
غريبه هدا عن جد نايمين بدري اليوم :)
|
رد: دردشة بنات فلسطين* دردشة حوامل فلسطين* تجمع بنات فلسطين
صبااااااح الخير انا صاحيه ومااعتقد حد صاحي صح !!
|
رد: دردشة بنات فلسطين* دردشة حوامل فلسطين* تجمع بنات فلسطين
قرأت الصفحات السابقه مافي اي تعليق:)
جااااره بتعرفي المدلوقه ؟! طلعت طريقتها وبدي اجربها ع نص الاسبوع :) |
رد: دردشة بنات فلسطين* دردشة حوامل فلسطين* تجمع بنات فلسطين
صباح الفل صبايا
احساس انا بعرفها وبعملها كتير هي والبفاريا كتيييير طيبين صحتين والف عافية مقدما ياعسل |
رد: دردشة بنات فلسطين* دردشة حوامل فلسطين* تجمع بنات فلسطين
صباح الورد بيبو
واحلى صباح لاحلى صبايا جبت اصبح عليكم قبل ماتقطع عندي الكهربا بيبو انا من طريقتها حسيتها لزيزه وسهله كمان :) |
رد: دردشة بنات فلسطين* دردشة حوامل فلسطين* تجمع بنات فلسطين
اه هي كتييير سهلة
بس بدنا تنزليلنا صورتها لما تعمليها اوووووك ياعسل |
رد: دردشة بنات فلسطين* دردشة حوامل فلسطين* تجمع بنات فلسطين
صبااااااااااااااااااااااح الخير يا حلوات ..
مشكورات يا حبيباتي على نصائحكم وتفاعلكم معي .. الله يخليلي اياكم يا رب الله يهدي البال ... ويحسن هالاحوال كيف صباحكم اليوم .. ان شاء الله رايق وحلو انا امبارح نسيت اخد حبة المعدة قبل النوم وصبحت معدتي توجعني واستفرغت من حد ما صحيت وكماااااان مرشحة وحلقي بيوجعني حاسستو متل الشوك .. :( شو اعمل شو مشاريعكم ليوم .. وشو بدكم تطبخوا .. لاني محتارة ومش عارفة براسي الف فكرة |
رد: دردشة بنات فلسطين* دردشة حوامل فلسطين* تجمع بنات فلسطين
صباح الفل حلا الماس
الف سلامة عليك ماعليك شر انا ان شاء الله بدي اعمل قطايف باللحمة وشوربة فريكة وسلطة تركية اليوم وانت شو راح تعملى |
رد: دردشة بنات فلسطين* دردشة حوامل فلسطين* تجمع بنات فلسطين
صباح الخير
والله اشتقتلكم .. حواء العسل اللي فقدتني :) بصبح عليكم قبل ما اروح للامتحان ،، مادة صعبــــــة دعوآآآآآآآآآآآتكم :) بكرا اخر يوم امتحانات ،، ان شالله اخلص < الله كريم انا اليوم عاكلة فاصوليا خضرا عشان ليومين لان بكرا امتحان .. وووو بس ادعولي .. سلآآآآآآم |
رد: دردشة بنات فلسطين* دردشة حوامل فلسطين* تجمع بنات فلسطين
يسعد صباحك يا بيبوو...
الف صحة وهنا .. فيه العافية يا رب هبة صباحك سكر ... ربي يوفقك وينجحك . وما يضيعلك تعب يا رب مممممم فاصوليا خضرة ... شو نفسي فيها احسبي حسابي بصحن انا اليوم بدي اعمل حواضر يعني مقالي .. وقلاية بندورة واشياء خفيفة |
رد: دردشة بنات فلسطين* دردشة حوامل فلسطين* تجمع بنات فلسطين
على قلبك حلا
انا يوم الاربعا عملت مقالب قصدي مقالى هههههه بحبها اكتر من الاكل |
رد: دردشة بنات فلسطين* دردشة حوامل فلسطين* تجمع بنات فلسطين
مرحباااااااا... حواء: كانت هاد الجمعة خطبة اختك...؟؟كيف كانت وكيف طلعتي انتي:؟ انا ما جربت مكياج غريس بس بنت خالي بيوم حنتها وعرسها عملت عندها الكل سألها على اي صالون رايحه.... في وحدة ببيت سحور اسمها سهام عملت عندها مكياجي بيوم عرس سلفي .....كمان فنانه .....بس ما عندها شعر بس ميك اب وعملت شعري عند غريس بيبو: بليز اكتبيلي طريقة البافرياااا لاني بحبها وما بعرف اعملها احساس:: شو طريقتها ممكن بنعملها بس مو نفس هالاسم ........مدلوئه انيثاقة:: هلا طلي هينا هوووووون بعد شوي رايحه على بيت اهلي |
رد: دردشة بنات فلسطين* دردشة حوامل فلسطين* تجمع بنات فلسطين
مرحبا صبايا
اليوم عملت تشيرلوت هادا حلو وفى ناس بيقولو عنه حلى الزبادى بنزللكم الصورة بس يجمد |
رد: دردشة بنات فلسطين* دردشة حوامل فلسطين* تجمع بنات فلسطين
مساء الخير
ولايهمك يابيبو حنزلك الصور بس اعملو وحلا الزبادي كمان شكلو طيب اخدت طريقتو من صحبة عمتي بس ماجربتو حلا الف سلامه عليكي اشربي ليمون وخدي مضاد حيوي وعليكي بالساخن هبوش ربي يوفقك ويكون انتحانك سهل يارب جاره حنزلك الطريقه بس افوت من الاب هلا فتت من الموبايل عشان بسرعه بدي اقوم اتغدا بزيلااااااء |
رد: دردشة بنات فلسطين* دردشة حوامل فلسطين* تجمع بنات فلسطين
جاره هاي طريقة المدلوقه انا سألتك لأنو بقولو أهل نابلس مشهوريين فيها وانتي من الضفه اكيد بتعرفيها
وشي بقول انها حلويات سوريه ^_^ المقادير المدلوقة 1 مغلف دريم ويب كوب سميد 2 ملعقة كبيرة زبدة 1 كوب حليب 1 كوب سكر 2 كوب فستق مبشور ناعم التقديم 2 مغلف دريم ويب 2 كوب حليب فستق مبشور طريقة التحضير المدلوقة تذوب الزبدة في قدر على موقد متوسط الحرارة ثم يضاف إليها السميد وبودرة الدريم ويب يقلب خليط السميد باستمرار للتحميص المتساوي يضاف الحليب مع استمرار التقليب حتى يصبح الملمس كالمعجون يضاف السكر دفعة واحدة ويستمر في التقليب حتى يصبح ملمس الخليط كالمعجون مرة أخرى يرفع عن الموقد ويضاف إليه الفستق المبشور ويواصل التقليب حتى يتمازجا تماماً ثم يترك جانباً ليبرد التقديم يضاف الحليب للدريم ويب ويخفق جيداً تفرد المدلوقة في طبق تقديم ضحل ثم تزين بالدريم ويب والفستق المبشور في ناس بدل السميد بتشتري شعر الكنافه الجاهز |
رد: دردشة بنات فلسطين* دردشة حوامل فلسطين* تجمع بنات فلسطين
جارة تكرم عيونك هي طريقتها ياعسل
المقادير :. 1 كوب زبدة ( قالب ) 1 1/2 كوب سكر 8 ملعقة كبيرة حليب بودرة 4 كوب ماء دافئ 2 باكيت بسكويت او باكيت ونص 4 ملعقة كبيرة طحين بيضتين فانيلا 3 ملعقة صغيرة نسكافيه 2 ملعقة كبيرة سكر 1 كوب ماء مغلى الطريقة: 1- نصف البسكويت فى طبق بايركس 2- نذوب النسكافيه مع ال 2 ملعقة سكر بكوب الماء المغلى 3- نسقى البسكويت بنصف كمية النسكافيه المذوب ونترك الباقى للطبقة الثانية من النسكافيه 4- نذوب الزبدة ونضع عليها باقى المكونات الطحين والحليب والسكر والفانيلا والبيضتين 5- نضعها على النار ونحركها جيدا بمضرب شبكي ولا نتوقف عن التحريك الى ان تصبح جامدة مثل المهلبية 6- بعد ان تغلى غلوة واحدة نضع نصف الكمية على البسكويت 7- نضع باقى كمية النسكافيه على النصف الباقى ونضعها على النار لكي تغلى غلوة واحدة مع التحريك 8- نضع طبقة اخرى من البسكويت فوق طبقة المهلبية وبدون تسقية 9- نضع النصف الثاني الذي وضعنا عليه النسكافيه وبعد ان تبرد توضع بالثلاجة وصحة والف عافية للتزين ممكن ان يبرش عليها شيكولاتة |
رد: دردشة بنات فلسطين* دردشة حوامل فلسطين* تجمع بنات فلسطين
شو صبايا قلبتو الدردشة مطبخ .. ههههههههه
انا يوم عملت كيك بالبردقان .. لسه ما دقتو لانو لسه سخن احساس .. انا ما بنفع اخد مضاد حيوي لانو حامل .. بس رح اروح عالدكتور بلكي الليلة لانو حالتي صارت من سيئ لاسوأ مخنوقة كتير من الرشح والزكام ... اصلا انا عندي الجيوب الانفية من قبل الحمل .. بس الادوية الي كنت اخدها ما بنفع اخدها وانا حامل |
رد: دردشة بنات فلسطين* دردشة حوامل فلسطين* تجمع بنات فلسطين
سلامتك ياحلا بيروح الشر عنك ضلك اشربي ليمون
هلا بنزللكو الصورة وان شاء الله تعجبكو |
رد: دردشة بنات فلسطين* دردشة حوامل فلسطين* تجمع بنات فلسطين
|
رد: دردشة بنات فلسطين* دردشة حوامل فلسطين* تجمع بنات فلسطين
سلاآمات لأحلى صبايا وشيفات
كيفكم ما شاء الله يا بيبو شكلها كتييييييييييييييير لذيذ وصحة وهنا حلا الف سلامة عليكِ احساس صحة وهنا ع البازيلا اليوم أكلت بيتزا ورز أوزي وبشوفكم ان شاء الله بس حبيت امسي بطني كتير بيمغصني |
| الساعة الآن 10:04 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .