منتديات حوامل النسائية

منتديات حوامل النسائية (https://naqatube.com/index.php)
-   إستفسارات حوامل من الشهر السابع إلى الشهر التاسع (https://naqatube.com/forumdisplay.php?f=92)
-   -   دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة (https://naqatube.com/showthread.php?t=14692)

انشودةمطر 12-12-2010 01:47 PM

رد: تجمع حوامل (( مـــكة المكـــرمـــة ))
 
هلا كروشات كيفكم وش الاخبار
والله هاليومين احس بثقل وتعب والام زي الدوره والنوم متقطع الله يعين
الله يسهل على عبوره ان شالله ويطمنا على اموره
امس توفى ولد وحده من قرايبنا وهيه قريبه من العيله عندنا لدرجة انقولها من احنا صغار خالتي يعني زي اخت امي وهيه اصلا بنت خال امي ولازم اروح اعزيها المشكله العزى في الطايف وكمان في قرية بعد الطايف وانا تعبانه ومو عارفه شسوي

اموورة وكتكوتة 12-12-2010 05:36 PM

رد: تجمع حوامل (( مـــكة المكـــرمـــة ))
 
السلام عليكم ان شاء الله تكونو طيبين وبالف عافية يارب
كيفكم كلكم حبيباتي وحشتوووووووووني مرررااا

انا لسة زي ما انا اهئ اهئ مرراا تعبانة واللي مزودها شويتين الاستفراغ الله يكرمكم وه مرررا نفسيتي تعبت رجعت للوحم وعذابو
رحت الدكتورة امس تقولي معاية يومين اذا ماصار شي حيدوني طلق صناعي
وانا قلبي طايح من الخوووف مالي قادرة جالسة ابكي وابكي طول الوقت ودعيت كتييير وان شاء الله ربي يفرجها عليا ويسهلي امري

لسة عبير ماولدت؟؟ ربي يكون معاها ويسرلها وييسرلكم جميعا حبيباتي

شربت زيت خروع علبة كاملة من هبلي وع طعمو مررا حلو ولذيذ وياسلااااام عليه ماسوى لي مشاكل ابدا ولا كل شوي استفرغ لا ابدا .. وصرت اشوف عصافير تلف فوق راسي ااااه بس

الله يفرج عليكم ويصبركم كلكم ويسرلكم امركم وتمر الايام بسرعة وماتحسو الا وانتو ولدتو ونوناتكم معاكم وربي يرزق كل وحدة نفسها بالحمل يارب عاجلا غير اجل وشكرراا لكل اللي سالو عني ودعولي ربي يخليكم ويسرلكم اموركم جميعا يارب..
ان شاء الله اليوم اذا ماكنت تعبانة ارجع اشوفكم في الليل.. مع السلامة

أحلى موني 12-12-2010 06:22 PM

رد: تجمع حوامل (( مـــكة المكـــرمـــة ))
 
الله يعينك ياكتوكته لسى عبير ماولدت المسكينه الكيس مو راضي ينفتح ومويا الجنين بدات تخف المهم قالو بيعطوها طلق صناعي بس بيحاولو يفقعو الكيس الرحم عندها مفتوح 4 سانتي بس مافي طلق الله يسهلها ويسهلك
وانتبهي لاتشربي الخروع لان لاقدر الله يمكن يبرز الجنين في بطنك ويولدوك قيصري او يبرز وياكل برازه وكدا راح يموت لاقدر الله والشر برا وبعيد انتبهي حبيبتي حتى اختي الدكتوره نصحتها

نلي خانم 12-12-2010 06:53 PM

رد: تجمع حوامل (( مـــكة المكـــرمـــة ))
 
مرحبا ياقمرات
كيفكم اليوم أن شاء تكونوا بخير جميعا

أنشوده
الله يعينك أعتقد الألم اللي تحسيه تعديلات الولاده يبدأ الجنين يتعدل لأنو أخت زوجي كانت تحس كذا والدكتور يقول هذا الجنين يتعدل ويبدأ ينزل في الحوض بس أنتبهي لاتطلعي للقريه اللي تقولي عليها الله يرحم جميع أموات المسلمين ويعينهم يارب ويصبرهم بس صحتك أهم وأكيد هما بيعذرونك أبدا ماأنصحك تروحي أتصلي عليهم وعزيهم وأذا قمتي بالسلامه أن شاء الله تروحي لهم
آآآآهـ والله أنا كنت أموت في وحده من جارات أمي وأنشلت فجأه قلت لأخواتي بروح لها بعد ماأولد ألا فجأه الحرمه تموت والله من كثر مابكيت عليها زوجي يقولي كأنها وحده من أهلك من حبي لها الله يرحمها ورغم أنها من جارات أمي أتصلت على بناتها وزوجات أولادها وعزيتهم وقلت لهم أني تعبانه والدكتور محذرني من الخروج وصليت في بيتي ودعيت لها ومابيدي ألا كذا حتى زوجي قال بيتصدق عنها لما شافني أش كثر حزنت عليها الله يرحمها ويسكنها فسيح جناته


أموره
ياقلبي أمشي على الرمل يمدحونه يقولوا يفتح الرحم وحاولي تطلعي درج وتنزلي والله يسهلك والله قلبي معاك أحس مره طولتي الله يفرج لك يارب ويطمنا عليك ويسهلك أحلا ولاده ويجنبك القيصري

موني
كيف النونو وكيف عبوره الله يسهلها الحمدلله مادام الرحم فتح أن شاء الله تولد طبيعي خاصة حراء أذا فتح الرحم وطولت الوحده عندهم يشفطو الجنين بالأله بس أن شاء الله عبوره ماتحتاج شفط يارب تكون ولادتها سهله وميسره وأقرأي سورة مريم وربي يسهلها يارب

نلي خانم 12-12-2010 06:55 PM

رد: تجمع حوامل (( مـــكة المكـــرمـــة ))
 
بنات أنا مريت على رد مو فاكره لمين فيكم للي تسأل عن القيصري عند صلاح في التونسي سعره 8000 مع التنويم لمدة ثلاث أيام مع الحضانه

أحلى موني 12-12-2010 07:13 PM

رد: تجمع حوامل (( مـــكة المكـــرمـــة ))
 
بخير البيبي ويسلم عليك وان شاء الله ماتحتاج شفط ولو اني الاول مره اسمع بيه وهيا لوحدها منومه مافي احد معاها ممنوع الله يصيبهم

ثلجه فوشيه 12-12-2010 07:57 PM

رد: تجمع حوامل (( مـــكة المكـــرمـــة ))
 
بنات كيفكم أخبارركم أن شاء الله بخير ؟؟

وفقني يارب ..
لا تسمعي كلام اي وحده في النت وتقعدي تقرأي كلامهم مو كل شي ينكتب يتصدق
انا الحمد لله استخررت ورحت باشراحيل وارتحت وراح اولد عندهم بأذن الله وفي بنات هنا
معنا في القروب قبل ماتجي انتي ولدو عند فطيمه وبسمه وماشوفتي قد ايش صبرو عليهم ومدحووهم وكان يقرو عليهم قرآن ويهدوهم الولاده تساهيل وكل وحده ونصيبها ..
غير كذا الي يقولك اهتمامهم مو قد كذا كذاب انا اقولك الأهتمام والنظافه نايس عندهم
وفطيمه صح عجوزه بس لو ماتقدر تولد ماكان استمرت في المستشفى وانا ان شاء الله بولد
عند بسمه اذا كانت في ..
وعن المستشفى خاليه تقولي ومافيها احد روحي جربي مرا في الصباح تكشفي عندهم قسم بالله تبكي من كثره الزحمه والانتظار صح أنا مره رحت بالليل الساعه 3 عشان ماكنت ابغى زحمه وكانت في الدكتوره بسمه مناوبه ولو جاتها حاله ولاده هيا الي راح تولد عموما الله يقدم الي فيه الخير ..

دلوعه سمسم من جد انا وانتي راح نبدا السباق دحين ههههه

انشوده ياجبانه متى تتشطري وتخلعيه كيفك وحشتيني ؟؟

كتكوته ربي يسهل لك وماتحتاجي طلق صناعي يااارب

مووني ياقلبي على عبوره مسكينه لوحده ربي يعينها ويسهل عليها يااارب

رحوومه انا بخير ولله الحممد دعواتكم بس ليا انتي اخبارك عامله ايه ؟؟

بنات انا بكرا أخر يوم ليا بالثامن ان شاء الله ولو تفتكرو ني قلت لكم كان عندي الحديد ناقص
وكان 9 وقالت لي الدكتوره لازم يترفع وصرت اشرب حبتين في اليوم حديد وحسنت اكلي والله
المهم اليوم رحت وقلت بأحلل اشوف كم صار لاني المفروض من اول احلل عشان لو ما ارتفع يصير أخذ ابر خلاص ورحت حللت وبعد ربع ساعه رجعنااا اخذنا النتيجه ماتتخيلو قد ايش انصدددددمت لما شوفت النتيجه بدال مايطلع نزل صار 8 والطبيعي 12 والله مره اتنرفزت وقلت ايش هذا ماتدرو قد ايش كانت تتعبني حبوب الحديد وتسبب ليا امساك وبررضو كنت آخذها اقول عشان ما اضطر آخذ ابر وفي النهايه كأنك يا أبو زيد ماغزيت :(
الحممد لله على كل حال بس مررا زعلانه سمعت انو ابر الحديد تطوول يعني الأبره الوحده تأخذ ساعتين في المحلول وانا ماحب المستشفيات لكن الله كرريم الله يأجررني بس ..

نلي خانم 12-12-2010 08:07 PM

رد: تجمع حوامل (( مـــكة المكـــرمـــة ))
 
موني
أن كنت مثلك ماأعرف الشفط لكن أختي لما راحت تولد عندهم في حراء ماكان فيها حيل تدفع لأنها تقول بس تصرخ وتضيع الطلق وماتدفع فأظطروا يجيبوا ألة الشفط وتقولي ماحسيت بالنونو لما خرج والحمدلله طيب ماصار له شي رغم كثير يقولو مو طيب الشفط لكن مره عادي مايصير شي بس كلام ينقال

فوشيه
كلي زبيب أسود وموز وحليب يرتفع الدم عندك بأذن الله

حجــآزيــۃ 12-12-2010 09:56 PM

رد: تجمع حوامل (( مـــكة المكـــرمـــة ))
 
ثلجة

الله يعينك يا قلبي تصدقي قبل اسبوع اخذت ابرة حديد في باشراحيل وجلست فيها ساعتين
الله يعينك يا قلبي ،

المشكلة مو في عدد الحبات اللي تاخذيها في اليوم ، اهم شي تاخذيها بانتظااام ..

/


كيفكم ي بنوتـآت ؟

اليوم آخر يوم ليــآ في التاااسع ، بس شكلي مطوله مره الولد عجبتو الجلسه جوااا ههههههههههه

زهره البيلسان 12-12-2010 10:15 PM

رد: تجمع حوامل (( مـــكة المكـــرمـــة ))
 
ثلجه فوشيه

اشربي عصير الشمندر وكلي خضروات وفواكه لاتحطي اعتمادك كله على الدواء


الساعة الآن 07:22 AM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .