|
رد: حبيباتى سيدات ليبيا تفضلو لأعرف ما حالكم
مـــــــعقولة جيجي سلفتك مقالتش تفضلي
والله المفروض محولتلك منها لاني اتجي وتنظفي واتطيبي تحسبك في ابسط شي |
رد: حبيباتى سيدات ليبيا تفضلو لأعرف ما حالكم
والله ياجيجي مايحسك الا اهلك وخواتك
صدقيني هوا صح كله احتسبيه عند ربي بس حتس زوجك عنده حق عليك والباقي مش مفروض عليك وانتي حامل كيف حتي يخلوا فيك تتحركي وهما يتفرجوا عليك والله والله كان نحمل الا لما نقعمز طول الوقت وندلع ههههههههههه " هدا ليش ربي مارزقني " من كلامي البايخ |
رد: حبيباتى سيدات ليبيا تفضلو لأعرف ما حالكم
حتي انا زيك جيجي غير هكي انقول
بس والله مانقدر نلقي اي شخص ينظف ونقعد نتفرج عليه لما نمشي لحوش عمي ونلقاهم هكي نبدا تعبانه وانظف في حوشي ومع هدا لازم انعاون رغم ان اخر مرة مشيت لحوش قريبتهم اللي سيقنا معاها الحوش الايام اللي بعدها جاني وجع في ظهري قوي واكثر من مرة انقيم معاهم في حاجات ثقيلة ومانعدلش رغم ان حناي ام امي نقوللها ماما كبيرة تقولي معادش ترفعي الثقيل مش راح ينفعك حد مانقدرش غير ليلة الموسم رافعه مع حماتي البساطات |
رد: حبيباتى سيدات ليبيا تفضلو لأعرف ما حالكم
حتي انا مانحبش من يتجمل عليا
رغم اني عارفة حماواتي راح يقفولي لو صارتلي مناسبة بجد بجد خصوصا حماتي الكبيرة نويرة نويرة تبارك الرحمن بس كان سخر ربي وحملت ودرت لمه بنجيب من ينظف ويغسل |
رد: حبيباتى سيدات ليبيا تفضلو لأعرف ما حالكم
انا هدا اللي نعرفه سلفتك المفروض موتيه روحها بكري
واخده حار وفي الفريز حاطاته ووموتيه فاصوليا في الفريز حتي ماتعب حد معاها اللي مايبيش يتعب عليه وعلي فلوسه كل شي واتي |
رد: حبيباتى سيدات ليبيا تفضلو لأعرف ما حالكم
المهم راجلك راضي ومقتدر ماتعدلي علي حد
طبع راجلك زي راجلي مش مهم الفلوس لما يقارنهم بتعبه يقولي زياده دينار اثنين عشرين ولا تعب والشحورة والزحمة |
رد: حبيباتى سيدات ليبيا تفضلو لأعرف ما حالكم
حالك من حالي جيجي
منعرفش نتكلم ولا نرد ونلقح في الدوه والله واخدين عليا فكرة اني ساكته خلي نحكيلكم موقف في عرس حماتي في الليل بعد ماروحت حماتي لحوش راجلها كلهم ملتمين في الصالة البنات والعمات والخالات وبناتهم تحكي عمتهم علي شي معين والله نسيته اعطتني انا كمثل وقالت زي مانقولوا ام اجنادين ساكته وهادية ونست اني مقعمزة جنبهم لين كلهم شافولها وناضوا يضحكوا طبعا داروها بالجو وهيا ماقالت شي غلط عليا بس حسيت ان غلط الوحده تكون ساكته ولا كيف |
رد: حبيباتى سيدات ليبيا تفضلو لأعرف ما حالكم
الله يسلمك سوسو
هدا من دوقك حبيبتي |
رد: حبيباتى سيدات ليبيا تفضلو لأعرف ما حالكم
وخليكم عاد اللي تعيد علينا تقولي ان شاء الله بالعمار عليك
هيا والله مازعلت منها دعوة ان شاء الله تستجاب وعارفة انها انقالت علي حسن نية بس انا فتحت عليا المواجع |
رد: حبيباتى سيدات ليبيا تفضلو لأعرف ما حالكم
كيف حالك ام نوزة
كل عام وانتي بخير ربي يكملك حملك علي خير |
رد: حبيباتى سيدات ليبيا تفضلو لأعرف ما حالكم
بنات امته بتصميوا
نقدر نبدا من غدوة |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
كيف حالكم |
رد: حبيباتى سيدات ليبيا تفضلو لأعرف ما حالكم
بالنسبة ليا مازال شوية الصيام خلى نرتاحو شوية
فيه يللى بادى من ثانى يوم بالرغم من انه مكروه |
رد: حبيباتى سيدات ليبيا تفضلو لأعرف ما حالكم
ربى يهديك حبيبتى جنودة
مش ضرورى نكونو أقارب باش نفضفضو لبعض قداش مرة نطلب منك أننا نكونوا أصدقاء بجد بس انت ييللى ماتبش تضيعى عليك فى الفرصة مش كل يوم بتلقى سوسو هههههههههههههههه انت عارفتنى قداش نحب الناس وقداش أنا إجتماعية |
رد: حبيباتى سيدات ليبيا تفضلو لأعرف ما حالكم
حاسة بيك حبيبتى جنودة بس متخليش هالموضوع يأثر عليك هلبة ربى يرزقك ماتتمنى وشنو ماشيين على العلاج توا ولا كيف
وفعلا يارب يارب بالعمار عليك وفعلا هى تقال على صفاء نية وحتى أنا قلتها ووديتها لقريباتى |
رد: حبيباتى سيدات ليبيا تفضلو لأعرف ما حالكم
لا خلاص حبيبتى جنودة ناسى تعودو على اللبسة
أكيد طبعا الفترة الأولى ويللى هيا بدأت من العام الفات كانت بمثابة زوبعة وكثير من ناسى أستغربو من التغيير وحكيتلكم عليه الموضوع هذا يعنى سوسو المرحة اللبيسة الحلوه ههههه تتغير وتغير طريقة لبسها بس الحمد لله أنا فرحانة بالتغيير لأنه كان للأحسن والحمد لله وبالنسبة للخمار ألأكثرية يلبسو فيه لمايطلعو بس يالنسبة للبسة حتى العام الفات الحمد لله عيدت فى كاب بس كان وشاح ولما طلعت للعيادة لبس شاربة بس الحق فى حوش عمامى قعدت فيه وحتى أنا هلببببببببببببببببة حاجات نادمة عليها |
رد: حبيباتى سيدات ليبيا تفضلو لأعرف ما حالكم
حتى أنا زيك جنودة هذا الموضوع ديما نفكر فيه
ومتمنية هذا الشىء يعنى مثلا جيجي ماتطلعش حتى لسلفها وحتى أثرى باهى ناخدو أنا مثال يعنى أنا واخدة ولد عمى وامتعينى مترابطين وعيلتهم قاعدة يعنى ملتمة يعنى قاعد شباب وصبايا يعنى مش كلهم متزوجين ومتفرقين يعنى حتى لما نقعمزو حكم فى نفس المكان مع بعض وهما أكيد واخدين راحتهم بزيادة لأأننا مش برانيات يعنى حكم زى الخوت ومعتبرينة من العيلىة باهى معقولة بنجى أنا وبنحتجب وبنجى نقوللهم انقسمو باش نقعمزو كل واحد فى تركنة وبنقسم اهل عمى على عمى وأولادها ووووو أو بنقعد فى حوشى ومعاش نمشيلهم وهما أبسط مثال الجمعة نتغدو مع بعض الله غالب الواحد يلبس المستور والواسع وخلاص |
رد: حبيباتى سيدات ليبيا تفضلو لأعرف ما حالكم
عمامى نفس الحوازة والحمد لله فيه ترابط
يعنى ديما العشية تلقينا نتلاقو ونهدرزو طبعا إن شاء الله منو جاى نشبع فى الهدرزة بما ان القراية كانت حابستنى ههههههههههه المهمبنطلع فى الحوازة بعباية شرعية نحسها ماتجيش والحمد لله ليا فترة ملازمة الطرحة الدائرية ومعاش سيبتها بكل بعد ماقطعت عليها فترة أستغفر الله والحمد لله لبسى صار عبايات أو فستان واسع مع المحرمة (الطرحة الدائرية) طبعا جنودة أكيد الفترة ألأولى تسترزنيه شوية بس بعدين لو تلبسى غيره تحسى روحك زى العريانة وماترتاحى إلا فيه |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
دهشتوني وتعبتوني هاه هاه هاه
نغيب امس بس نلقى قريب 10 صفاحي هالبيني الله يبارك عليكن هدرازات |
رد: حبيباتى سيدات ليبيا تفضلو لأعرف ما حالكم
اثري .. كيف حالك مع اني مامرتش علي نوعية عباتك بس انحس فيها
حلوة ومستورة زيك ... تبيدي بالصحة والعافية ويومك في العيد كان ايهبل ربي يحفظك راعية واجب وكلك ذوق وحنان واول مرة نعلم انه عندك بنت متوفية ... اهو ربي عوضك بالامورة جودي وربي يعينك علي تربيتها تربية اسلامية وتفرحي بيها هي وخوها عليوة وحتى انا عندي بنية متوفية ترتيبها كانت الثالثة كان هذا راهو عمرها 9 سنوات يعني في سنة ثالثة ابتدائي .... ان شاء الله يدخلونا الجنة |
رد: حبيباتى سيدات ليبيا تفضلو لأعرف ما حالكم
سوسو ... راك تزعلي حبيبة عشان ما علقتش علي يوم العيد امتاعك
لاني والله دخلت عالسريع وعيدت وطلعت وحتى بنزلك صورة حلوياتي مالقيتش وقت بس اكيد جوك ديما حلو ماشاء الله تبارك الرحمن عيلتك مترابطة وقوية وانحس جوكم ايهبل ومبارك حنة ريومي ان شاء الله تحنيها وهي عروس |
رد: حبيباتى سيدات ليبيا تفضلو لأعرف ما حالكم
ومشكورة سوسو ... علي طريقة الجرسي ديما انحس فيها واعرة
بس توة انجربها بطريقتك .. |
رد: حبيباتى سيدات ليبيا تفضلو لأعرف ما حالكم
جنودة .... اه لون لبستك تقريبا نفس لون لبستي
طبعا اللون الجيشي مع البرتقالي والكاكي ينور ويفتح البشرة ويعطيك رونق مميز ... عمتك اوشي تمت تشكر في اللون لانه حتى هي لابسته ههههههههههه وبالنسبة للاجتماعيات والمناسبات... انا كنت كيفك مش اجتماعية ومازلت بس درت لنفسي دائرة مازدتش عليها سواء في اقارب امتاعيني او جيراني وبالنسية لاقاربي عماتي 2 وعمامي 2 فقط لا غير والصديقات 2 فقط اللي مازلت نتواصل معاهن وكان علي جو حوش عمك كيف ما قالت سوسو البسي واسع وحتى محرمة الصلاة انا هكي ما اندير ومانحسسهمش اني متزمتة واجد ------ نسلم عليهم عادي لكن الحكايات في حدود بسيطة جدا |
رد: حبيباتى سيدات ليبيا تفضلو لأعرف ما حالكم
فروسة ... كيف حالك وحال عويلتك
كان عالدوخة كلنا دايخين يالله بيش مشيت لحوش عمي وروحت بعد الغدا تالفة من النعاس بس يالله ارقدي اليومين هاذين طبعا كان حصلتي غفيوة مع الولي هههههههههه وبعدين تلحقي عالمطعم اللبناني |
رد: حبيباتى سيدات ليبيا تفضلو لأعرف ما حالكم
امولة حبيبة شن دايرة توة
والله حتى انت كنت بنرد عليك في موضع الحنة بس كانت دخاتي سريعة نصيحة اختك الكبيرة ... لو تعرفي انك بديري موضوع بينرفزك وتتعقدي منه وعندكش له امكانية حاليا وخريه اشوية لين الظروف تسمح لك كيف الحنة مثلا انت حامل وبطنك قدامك وفي غربة هذي كلها عوامل تخليك تبكي اكيد بس ماشاء الله علي زوجك ربي يحفظه لك ويجعله قرة عينك ويجعلك قرة عينه .. هداك وماخلاش الحنة اتجي في خاطرك |
رد: حبيباتى سيدات ليبيا تفضلو لأعرف ما حالكم
جيجي كيف حالك وحال الوالد
بالنسبة للتعب واجد واجد مع سلفة كيف هذي راهو مش في صالحك لا جسديا ولا معنويا ... شوفي روحك كيف تعاملي فيها وهي كيف تعامل فيك في المواضيع هذي جيجي الرسميات احسن خشي طيبي واغسلي الماعين بس وبعدين خواتها حتى لو متزوجات المفروض ايديرو جدول وكل يوم اتجي وحدة وتمسكها وتمسك حوشها واعيالها ... اما السلفة تقعد هي اللي كل يوم تجي وتشتغل مش حلوة لا في حقها هي سلفتك ولا في حق خواتها ولا حتى في حقك انت وصدقيني قلة النوم راهي من كثرة التعب انا هكي يصير معاي لما انتعب روحي ماعتش نرقد لذلك خفي علي روحك احسن لك يابنت |
رد: حبيباتى سيدات ليبيا تفضلو لأعرف ما حالكم
وبالنسبة لوليد خيتك ربي يحفظه ويسلمه ويشفيه
لو كنتو عارفين اللي امعطيه عين خوذي من اثره وسبحيه بيه وتوة يبرى باذن الله ولو مش عارفة اللي عطاه عين قولي لي بيش نعطيك طريقة معالجة ... وماتهزيش عالعين راهي مرات تكون اقوى من السحر وكيف ما قالو عن الرسول عليه صلوات الله وتسليمه العين تدخل البعير القدور وتدخل الرجال القبور قوليلي بس وانا في الخدمة ... طهور ان شاء الله |
رد: حبيباتى سيدات ليبيا تفضلو لأعرف ما حالكم
وبالنسبة ليا انا .....
اخر يوم في رمضان علقت ما رقدتش ليوم العيد حنيت ردينة وروى طلعت الحنة اتهبل وانا حنيت السباببة ودرت وردة في كف ايدي الاثنين الاولاد طبعا كساهم بوهم وشرالهم لبس حلو لان هو ماشاء الله ذوقه ايهبل والدليل ذوقه فيا انا هههههههههه وبالنسبة لي وللبنات خذيت 1100 دينار ومشيت للسوق وشريتلهم من روسهم لكرعيهم وعطوراتهم واكسسوارتهم والعاب للاولاد والبنات وانا شريت لروحي فسنان لونه طوبي غامق قصير تحت الركبة مع غطاء شيفون فوق الصدر تايقر وشريت قونة وبلوزة .. القونة سمني والبلوزة مزركشة اسود في سمني واشوية طوبي وشؤيت عطورات وحلوى وكندرة وشبشب بس مالبستهمش في العيد لان عمتي مريضة وخفت ايقولو لابسة جديد وامنا مريضة فلبست لبسة تعتبر جديدة القونة شريتها من البيضاء وكانت معاي اخت زوجي يومتها والبلوزة شريتها من طبرق ماهمش شايفينها وفعلا كما توقعت القيت البنات ماهمش شاريين دبش جديد وحتى الحلو ماداروشي الا قريب الفجر وسألوني لبستك جديدة والا هذي نفس القونه اللي شريتها من هنا فقلت الهم لا هي نفسها والبلوزة شريتها من طبرق من قبل رمضان ... فقلت الحمد لله مالبستش قونتي اللي بستها كاكي غامق مطعمة باللون البرتقالي وبلوزتي جيشية وسلفتي جايه ولابسة جديد في جديد ومكياج على سنقة عشرة خخخخخخخخخخخخ طبعا انا طلعت العاقلة والمراعية لظروف العائلة هههههههههههه وتوة نحكي الكم شن صار يوم العيد مع سلفتي اللي قعدت اتهزب فينا انا وحماواتي بطريقة بايخة بكل بس توة عااااااااااااد تشويق اشوية لاني بجد تعبت من الجلوس وفي نفس الوقت بنقرى اذكار المساء ونشوف رويتا هيا توة بالسلامة |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
اقتباس:
صح جيجي انا معاك في الراي ... ام الاولاد ممكن تفرح توا بهم دامهم صغار بس بعد يكبروا وبيزوجوا من بيخدمها ويحن عليها ويونسها بنت كبدك مش كيف مهما كان وخصيصا ان مجتمعنا الليبي والشرقي بصفة عامه يحب الذكور مش عارفه ليش ؟ هي كلها نعمة من ربي وياما من اللي محروم منها... في صبايا واجد يعشقن الذكور بس نعرف وحده عندها وليدين الثالت قالولها بنت تعقدت من جدها قتلها ليش قالت لا الذكر له هيبه هكي في جيبته تقولي جبت ولد بجد انصدمت......... انا كنت انتمني بكري بنت ههههههه عكسهم بعد قالولي ولد فرحت الحق بس مش كيف فرحتي بعد قالولي بنت .... طلعت طول لميت كل شئ بودري قابلني وشريتلها حتي ذهب طاقم اطفال وخاتمين واساور ازغنونه... ولعند توا كل مانطلعوا انكثر ل الولي اكثرههههههه مع انها مهبلتني بس الحق دبش البنات رووووعه والعابهن واكسسوارتهن هنا... بس في الغلا هم ال2 نفس المحبة مافش فررررق توا وربي يحفظ اطفالنا ... ولايحرمنا منهم ويعطي كل واحد كيف مايتمني واكثر |
رد: حبيباتى سيدات ليبيا تفضلو لأعرف ما حالكم
اقتباس:
الله يبارك فيك حبيتي ... انا من فترة ايام ماكنت ف ليبيا انعرض عليا بس مش من ام ارجوان كانوا مرشحيني.. يعني هداريز عليا بس هالمرة كانت من ام ارجوااان نفسها بسبب نشاطنا وتميزنا دزتلنا انا واحسساس امراه وام جمال ان شاء الله وغصن البان+ وقالت اختاروا الاقسااام ... وصحة ع حنة ريومي ... ان شاء الله تفرحي بحنة عرسها.. وماشاء الله عيدك كان روعه خصيصا مع العيلة احلي عيد وعجبتني لمة الخالات مافيش زيهاااااااااااااااا وسهفتيني الحق ع مقرووووووووووووضك دزي طرف توا انوتي القهوة ههههههههههه |
رد: حبيباتى سيدات ليبيا تفضلو لأعرف ما حالكم
اقتباس:
ان شاء الله علي خير وسلامة ام نوووووووزة ... ربي يهون عليك يااااااااااارب ودام كل شئ طبيعي ماتخافيش ... |
رد: حبيباتى سيدات ليبيا تفضلو لأعرف ما حالكم
اوشي اسلوب جديد هضا التشويق هههههههههه
هي خشي بسرعه واحكيلنا .... انا عندي مواقف معقداتني من جارتي مانبيش نحكي وكاتمه ... بس ماعندي لمن نشكي الا ليكن حبيباتي حاليا..... |
رد: حبيباتى سيدات ليبيا تفضلو لأعرف ما حالكم
مبارك ماشريتوا اوشي وتبيدوا بالهنا..... وصحة حنة البنيات... ان شالله ف فرحهن
بالك اندزلك الولي تحنيها هههههه بم ان زوجي عدو الحنة وكان في ليبيا را جيت خطمت عليك بم ان ديما ثالت عيد الفطر او الاضحي نقضوا فيه الجبل سوسه .. راس الهلال.. شحات.. |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
اقتباس:
شوفي يا غالية ** رضا النـــــــــــــــــاس غاية لا تدرك ** من التمس رضا الناس بسخط الله سخط الله عليه وأسخط عليه الناس "" حديث فلهذا ............ لابد من استراتيجيـــــــــــــة ترتيب الأولويات رضا الله وطاعته والامتثال لأمره واجتناب نهيه هــــــــــــــــــــــــــــــــــو الهدف الأول والغاية العظمــــــــــــــــــــــــــــــــــــى مــــــــــــــــع مراعاة خواطر العباد حواليك دوما ولكن بما لا يخالف الشــــــــــــــــــــــــــــــــــرع وأغلب ما تعتقدين أنه سيفسد العلاقة بينك وبين أهل زوجك إنما هو من وساوس الشيطان ليعرقل مسيرتك نحو الجنان فلهذا أعقدي العزم على الطـــــــــــــــــاعة سواء كانت فعلا أو تركا ودعي عنك :"" زعما شن بيقولوا ؟؟ وزعما شن رايهم ؟؟ وهذه الأسئلة إقصائها مفتاح السعادة لك حتى في الأمور الإجتماعية فما بالك بأمور دينك وطوق نجاتك دنيا وآخرة اقتباس:
لعلها سهت أو غفلت !!! الإنسان معرض لـــــــــــــــــذهاب الشيرة اقتباس:
كنت """"""""" مغفلة """""""""""""" بس بعدين فقت ومن يستيقظ متأخرا خير من الذي لم يستيقظ أبدا صحتي نوزنها بميزان الذهـــــــــــــــــــــــــــــــــــب اقتباس:
فلا تكوني لينة إلى أن تعصري ولا قاسية إلى أن تكسري اقتباس:
اقتباس:
أهلا أم فروسي كيفك وكيف ألـــــــــــــولي وفروسي ؟؟؟؟ واسمعي زي ما تعرفي ما يتعاشروا اثنين نين يجي الكيد علي واحد لكن إن لم نكن راغبين في إلقاء الكيد والثقل على الآخرين فعلى الأقل لا نجعله يقع بالكامل علينا وهذا يحتاج منا إلى حكمـــــــــــــــــــــة ومن أوتي الحكمة فقد أوتي خيرا كثيرا |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
كيف حالكم توا...................... العشية التمينا تحت توتة جدى الله يرحمه........................... عماتى ونساوين عمى وتوا بالليل مشيت لخالة راجلى مروحة من العمرة كانت شهر غادى تسخف كيف تشكى عندها أولاد بس أبسط شىء قالت الصور لقيته يابس |
رد: حبيباتى سيدات ليبيا تفضلو لأعرف ما حالكم
أوشــــــــــــــــــــــــي
مبارك ما شريتي وصحة ليك استعملت السياسة محرمتيش روحك وخديت بخاطر هل دااااارك ربي يهنيك ويجعل بنيتك المتوفاة فرطك على الحوض آخذة بيدك للجنة |
رد: حبيباتى سيدات ليبيا تفضلو لأعرف ما حالكم
إذا توكلــت علـى الله فـلا تستعجــل :✿:
قال تعالى : { ومن يتوكل على الله فهو حسبه إن الله بالغ أمره قد جعل الله لكل شيء قدرا } . فلا يستعجل المتوكل ويقول : قد توكلت ودعوت فلم أر شيئاً ولم تحصل لي الكفاية ، فالله بالغ أمره في وقته الذي قدر. [ابن القيم ـ إعلام الموقعين] . |
| الساعة الآن 12:43 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .