|
رد: ديوانية البحرين - دردشة حوامل البحرين - البحرينيات
صباااح الخيررر
شخبارركم شعب ،، طفلي انا لي موعد حق فحص سكر،، قالت لي مالت المختبر لازم اروح صايمة من ثمان الليل لي ثمان الصبح واشرب هالعصير وماتحرك من مكاني ساعة وتالي بيسوون الفحص ،، شلون اقعد هناك ساعة كامل بتلووووع جبدي افكر اشرد البيت في هالساعة يصير:p |
رد: ديوانية البحرين - دردشة حوامل البحرين - البحرينيات
فلونة اي يصير
بس اذا شربتي العصير قعدي شوي وعقب قومي تمشي لج شوي ومن يصير لج ساعه بالضبط لازم يسحبون منج دم اذا تاخرتي بيعيدون لج التحليل خخخ |
رد: ديوانية البحرين - دردشة حوامل البحرين - البحرينيات
ماميش احد اهني ،، اتحجى برووحي
انزين انا على حسبة الدورة الشهرية المفروض موعد ولادتي ان شاء الله 22/2/2011 بس في السونار اخرت الموعد الى 5/3/2011 وانا محتارة مادري على اي تاريخ احسب،، احين انا في السادس او دشيت الساابع؟؟؟ |
رد: ديوانية البحرين - دردشة حوامل البحرين - البحرينيات
فتاة ،، انا سألت مالت المختبر قالت لي لا ما يصير تروحين البيت بتحرقين السكر بالحركة وحماتي تقول لي انا ارجع البيت .. وانا مادري يمكن باجر اروح شاسوي في هالساعة
حتى قالت لي اذا تمللتي ييبي معاج كتاب اقري فيه :s |
رد: ديوانية البحرين - دردشة حوامل البحرين - البحرينيات
وقت الي الله كاتب لج تولدين بتولدين
اخر دورة لج بالميلادي تاريخ كم ؟ |
رد: ديوانية البحرين - دردشة حوامل البحرين - البحرينيات
فلونة انا قمت تمشيت برع المستشفى
اصلا لازم تتحركين احسن عشان يكون التحليل صحيح |
رد: ديوانية البحرين - دردشة حوامل البحرين - البحرينيات
انزين الحين انا بقوم اسبح وبصلي
اشوفج وقت ثاني |
رد: ديوانية البحرين - دردشة حوامل البحرين - البحرينيات
فتووت اكييد هاذي التواريخ كلها مجرد توقعات في ناس تولد قبل او بعد هالتاريخ بس انا ابي اعرف انا اي شهر احين hwaml02
انا باروح اصلي وباسوي غداي |
رد: ديوانية البحرين - دردشة حوامل البحرين - البحرينيات
اقتباس:
لانه احيانا يكون البيبي اكبر من حجمه بشوي او اصغر من حجمه بشوي فيحددون لج بالسونار غلط |
رد: ديوانية البحرين - دردشة حوامل البحرين - البحرينيات
السلام عليكم ، شخباركم جميعا ، سامحوني ماقدرت ادخل لان بدت الاكشنات معاي ومن امس خلاص ييت بيت ابوي برقد اهني لان ريلي مايعرف يتصرف ويكون في الشغل وخطر علي ، معنى الوفاء مشكورة فديتج على السؤال، اقولكم انا قصتي قصة من يومين صادني الله يعزكم ترجيع رجعت يمكن 5 مرات زوجي خاف لان كنت اعاني من الم في بطني وداني مستشفى آريف الي في المحرق اخس مستشفى شفته في حياتي طلعوا لي النرسات برع حدهم يخرعون لابسين ثياب العملية والقبعه يعني تقولين بارزين حق يقصبوني حدي خفت سألتني وين الالم ومادري شنو قلت لها ان فيني الم بس الحين بس ازوع مافيني شي واني في التاسع قالت لي انبطحي الا تقول بطنج وايد صغير والياهل شكله صغير جم وزنه قلت لها ماعرف وانا اتابع عند عيادة ماقط قالت لي الدكتورة ان الياهل صغير وعقب قالت بفحصج تحت يمكن انفتحتي لبست قفاز وانا على عماي مادري شبسوي فيني الحين وجان تحط في يدها نفس الكريم وتدعس يدها كامله داخل ذبحتني كنت ابي اصرخ بقمة راسي من الالم تخيلوا يدها كلها داخل وقاعده تهوس على بطني آخر شي قالت لي مانفتحتي واذا حسيتي بأي الم روحي دايركت السلمانية لانج تبين تولدين هناك بس نصيحة مني مو اي الم تروحون المستشفى ترى الي شفته مابي احد يشوفه قلت حق ريلي مرة ثانية ولا برايحة الا لين جريب بيطلع راس الياهل ههههههههه
|
| الساعة الآن 06:08 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .