|
رد: حبيباتى سيدات ليبيا تفضلو لأعرف ما حالكم
اليوم باذن الله يوم تسوق بنحاول ناخد اللي نقدر عليه معادش فيه وقت
وبنتفق مع عامله تغسلي البساطات لاني الحق والله مانقدر وراجلي كان ايعاون فيا وتوه يروح تاعب ومش فضي هالايام حتي اليوم بنطلعه بالسيف ههههه وبخطم علي بوي الحبيب نطمن عليه الجمعه معجبنيش هلبه امس امي قالتلي احسن الحمد لله وحتي اليوم بس لازم انشوفه بعيوني |
رد: حبيباتى سيدات ليبيا تفضلو لأعرف ما حالكم
اقتباس:
اقتباس:
والله ياسوسو وقتها ماكنتش حاطه ف بالي انه حيذكرها لتواااااااااا بجد ههههه بس وقتها قلت بندير عطر خاص لليلة الزفاف وكان نينا ريتشي ... نذكر اول ماخشينا الفندق وخش هو الحمام ونا بنسلح الفيلووو قعدت انبخ منه ف الجناااح ضفتله جو رومانسي وزدت منه لروحي وللروب ههههه فوق ماهن غارقااات وطبعآ أول اسبوووع هالعطر وبس رغم اني مطلعه سلة عطور منوعه ... بس جتني عليه وسبحان الله مانسش اول مره ذكرني به كنت ماشيه لفررررح قالي عطر الفرررح ودرته ف ذكري زواجي الاولي ونفس الكلام برضه فسميناه عطر الفرح هههههه |
رد: حبيباتى سيدات ليبيا تفضلو لأعرف ما حالكم
لدرجة قعدت بعد أنبخ منه نا بروووحي يجيني عبق الفرح وجوه السمح ..
|
رد: حبيباتى سيدات ليبيا تفضلو لأعرف ما حالكم
السلام عليكم
شن رقم مشاركتك بنصوتلك اوشي جيجي شن اخبارك حبيبتي تخيلتها كيف اللبسة وبنحاول نلبسها وشبه عرفت كيف انديره الرداء واللقطة متاع الغطاء زي اليد المفتوحه مش عارفة وين شفتها في صورة عالفيس او وين المهم ناسية بس هيا حلوة مع تسريحة او شعر قصير بس مع شعري طويل ومفتوح مش حلوة وتبي حنة طويلة |
رد: حبيباتى سيدات ليبيا تفضلو لأعرف ما حالكم
لااا لا لااا شكلي طلعت مش فاهمة بعد شرحك يااوشي
خلي نعاودوا وحده وحده يعني التخليلة " الربطة والخلال " من جهة اليسار زي الردي الطرابلسي تمام هكي وبعدين بدل مانرفع الغطاء علي راسي نلفه علي جسمي هكي تقصدي |
رد: حبيباتى سيدات ليبيا تفضلو لأعرف ما حالكم
الخلال راح يكون جهة اليسار
والطرف السايب راح يكون من تحت اييدي اليسار ونلفه علي ظهري ويمشي الي ايدي اليمين |
رد: حبيباتى سيدات ليبيا تفضلو لأعرف ما حالكم
هذه مش مفهومة شن معني تكري
وشوفي توة من الخلف حاولي انك تكري الردا من عند الظهر (المكان اللي كانو يحطو فيه العيال الصغار زمان) |
رد: حبيباتى سيدات ليبيا تفضلو لأعرف ما حالكم
هـــــدية االباين سوما بتعلم تنوضي بكري
أثري شن اخبارك واخبار وسنافرك هل الملابس اللي حطتهم ام فراس لايجوز لبسهم حتي في مجمع النساء مثلا زي الفستان اللي عجبني الازرق الملكي وعليه جاكيت وطوله الي الركبة كلامك دٌرر وجواهر ياريت توضحيلنا المسبوح بارتدائه امام النساء الحمد لله حتي انا لا البس اقصر من الركبة ولا صدر عار ولا ظهر الحمد لله علي فطرة الخجل حاليا البنات الله المستعان الف لاباس عليك شموسة ممكن جيوب حتي انا هكي لا نشم دخان او غبرة سوسو قبل الزواج نلبس هكي بسيط وبناتي وبعد الزواج في اكثر من مناسبة نبي نلبس بنطلون ونغير رايي وقعدت نلبس فيهم في الحوش جينزات وتنورات قصار وشورتات ومانحبش نلبس القفاطين الطويلة هذه الواسعه انحس فيها تكبر حتي في حوش بوي مانلبسش فيها ممكن القفطاين الموديل الحديث اللي عليه جاكيت فكان كل لبسي في اللمات بدلات او ردي حرير والمرة هذه حسيت روحي فرش وغير البنطلون جينز ازرق مع لمسات ابيض من الامام وتصدقي انه قديم من ايام الجامعة بس انا نحافظ وهوا جودته كويسة مع بدي سواريه مش مخصر واسع ونازل من الصدر يطلع علي الحوامل مع نهايته الطول مش متساوي ولونه الوردي الغامق وفيه ورد اصفر وموف وسعره 5 دينار فقط لما تشوفيه ماتصدقيش وملست فوقه جاكيت جينز نفس درجة البنطلون وقصير الي الصدر بس ولبست تاكم ذهب بسيط جدا جدا لايكاد يري بالعين بس حلو مع مونيكير وبوديكير هههههه ومكياج خفيف من غير مانرسم عيوني |
رد: حبيباتى سيدات ليبيا تفضلو لأعرف ما حالكم
ام فراس مشاركتك 8 في مسابقة صور الجنين وباقي البنات شن ارقامكم
|
رد: حبيباتى سيدات ليبيا تفضلو لأعرف ما حالكم
ام فراس امته نحط مشاركتي في مسابقة العمل اليدوي
|
| الساعة الآن 11:01 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .