|
رد: دردشة بنات فلسطين, دردشة حوامل فلسطين, تجمع بنات فلسطين
هههههههههه شوفوا مين جايين يسألوا
انا كانت بيوم 24-3 الشهر اللي قبل هالشهر كنت حامل وقتها وخايفين ع التوأم انا ماجبت له هدية لانه ما كنت بنزل اسواق او محلات بس كانت ليلة حلوة وتذكرنا يوم عرسنا وكيف كنا بس ان شاء الله يخلص نفاسي على خير وناوية اعمله اللي ما عملته لما كنت حامل |
رد: دردشة بنات فلسطين, دردشة حوامل فلسطين, تجمع بنات فلسطين
ههههههه ياستي مو مهم تحتفلو فيه بنفس اليوم
وان شاء الله لما تحتفلي فيه السنه الجاي يكون ابنك بحضنك يااااارب |
رد: دردشة بنات فلسطين, دردشة حوامل فلسطين, تجمع بنات فلسطين
ياستي الله كريم
ما فيه أكرم من ربنا |
رد: دردشة بنات فلسطين, دردشة حوامل فلسطين, تجمع بنات فلسطين
ونعم بالله
انا صار لازم ودعكن تصبحون على اللي تتمنوه ياااااااارب |
رد: دردشة بنات فلسطين, دردشة حوامل فلسطين, تجمع بنات فلسطين
تلاقي الخير يارب
وانا كمان سطللت وصار لازم انام تصبحوا على خير |
رد: دردشة بنات فلسطين, دردشة حوامل فلسطين, تجمع بنات فلسطين
يسعد صباحكم بنات منورات
حيفا هلا فيكي ان شاء الله ترتاحي بينا انا ما بقي شي لعيد زواجي كمان عشرين يوم التحضيرات على قدم وساق بس ما بخلي زوجي يحس بشي لاشوف مين احلى مفاجئتي ولا مفاجئته جارة شو اخبارك طلاتك صايرة قليلة |
رد: دردشة بنات فلسطين, دردشة حوامل فلسطين, تجمع بنات فلسطين
صباح الخير صبايا كيفكم
والله اشتقتلكم معلش امبارح ما فوتت بس الكهربا كانت بالشغل قاطعة وبالبيت قاطعة الله لا يوفقهم مليت بجد |
رد: دردشة بنات فلسطين, دردشة حوامل فلسطين, تجمع بنات فلسطين
صباحكم محبه من الله وعبيده
حواء اهلا فيك وتسلمي حبيبتي بتخبرينا شو عملتي خلينا نتعلم هههههه بينك روز شكلك من غزة ؟؟ |
رد: دردشة بنات فلسطين, دردشة حوامل فلسطين, تجمع بنات فلسطين
اهلا وسهلا بيكي حيفا منورة
اكيد انا من غزة |
رد: دردشة بنات فلسطين, دردشة حوامل فلسطين, تجمع بنات فلسطين
يا ااهلا يا اهلا بأهل العزة
عرفت من قطع الكهربا ههههه ياستي الله يهونا عليكم يارب مممممممم طيب بما انك موجوده بدي تقترحي علي طبخات ماما صايمه وجايه تفطر عندي اليوم وموجاي ببالي اي طبخه هيك مرتبه وممكن تشكيله كمان شو بتقترحي علي ؟؟؟ |
رد: دردشة بنات فلسطين, دردشة حوامل فلسطين, تجمع بنات فلسطين
اممممممممممممممم
انتي شو في عندك بالبيت مشان احكيلي على حسب الي موجود عندك يعني ممكن تعملي الها سمك مع سلطات او تعملي اليها ستكات لحمة مع صحن رز وسلطات او تعملي اي طبخه موجودة عندك وتعملي جنبها رز |
رد: دردشة بنات فلسطين, دردشة حوامل فلسطين, تجمع بنات فلسطين
مو مشكله شو عندي لاني نازلة اشتري اغراض
و يسلمو عالاقتراحات بفكر اعمل ستيك لحمه متل ما قلتي وبعمل معاه شويه سلطان وشوربة كريمة فطر ورز مفلفل ابيض يمي لزيز ههههههههه |
رد: دردشة بنات فلسطين, دردشة حوامل فلسطين, تجمع بنات فلسطين
صباح الورد صبايا
هلا بيكي حيفا منورانا و انشاء الله بنسمع خبر حملك عن قريب بينك روز كيفك؟ عسولة الحمد لله نفسيتك تمام |
رد: دردشة بنات فلسطين, دردشة حوامل فلسطين, تجمع بنات فلسطين
اها ممتاز
هلا ام عزمي شو اخبارك اليوم كيف الصحة ان شاء الله تمام |
رد: دردشة بنات فلسطين, دردشة حوامل فلسطين, تجمع بنات فلسطين
حياك الله ام عزمي وصباحك ورد
ياااارب من تمك لباب السما انا وكل عايزة ياااارب تسلمي |
رد: دردشة بنات فلسطين, دردشة حوامل فلسطين, تجمع بنات فلسطين
عيون المها
الله يعينك على الفاصوليا الخضرا ههههههههه أنا زوجي أكتر شي بيحبه البازيلا و بيموت من شي اسمه قمبوطة أو زهلرة يعني اللي يعجبك ههههههههههههههههههههههه |
رد: دردشة بنات فلسطين, دردشة حوامل فلسطين, تجمع بنات فلسطين
سما الدنيا
ما شاء الله عنه ابنك متل الأمر الله لا يحرمك ضحكتو يا رب |
رد: دردشة بنات فلسطين, دردشة حوامل فلسطين, تجمع بنات فلسطين
ما شاء الله عنكم يا صبايا غبت نص يوم صرت أقلب صفحات لوراء عشان أقرأ شو دردشتو
صحيح انه ما في أكتر من برم النسوان هههههههههه (على أساس انه أنا مو من النسوان يعني) ههههههههههههههههههههههه |
رد: دردشة بنات فلسطين, دردشة حوامل فلسطين, تجمع بنات فلسطين
هلا بينك يسعد صباحك أنا الحمد لله تمام بتعرفي من كتر النوم صحيت جسمي مكسر
و ضهري حاسستو نصفين يلا ما أنا عديت بشهري التامن يعني قربت هههههههه |
رد: دردشة بنات فلسطين, دردشة حوامل فلسطين, تجمع بنات فلسطين
على خير ان شاء الله ام عزمي
يالله امتى انا اصير بالشهر التامن مشان يجي الشهر التاسع بعده على طول هههههههههههههه بدي اولد واشوف بنوتي واحضنها |
رد: دردشة بنات فلسطين, دردشة حوامل فلسطين, تجمع بنات فلسطين
حيفا أنا بقترح عليكي انك تطبخي أكتر طبخة مفضلة عند أمك
بس بشرط انه يكون زوجك بيحبها كمان وبالنسبة للستيك كتييييييييييييير لذيذ أنا ناوية أطبخ محشي اللي بتحبه تتفضل أو اذا زوج وحدة فيكم بيحب المحشي ببعت الها صحن عالمنتدى هههههههههههه |
رد: دردشة بنات فلسطين, دردشة حوامل فلسطين, تجمع بنات فلسطين
صحه وهنا ام عزمي على المحاشي
انا بحب محشي الكوسا بس اما زوجي ما بحب المحااااااااااشي خالص وحارمني منها الله يسامحه |
رد: دردشة بنات فلسطين, دردشة حوامل فلسطين, تجمع بنات فلسطين
بينك روز
بيتهيألك انو الشهر التاسع بييجي على طول الأيام بتمر بالراحة من السابع للتاسع بتصيري تعدي فيهم عد مشان هيك بتحسي انهم بيطولو بس على رأي المثل بيقول عد البيض في المقلى و لا تعد أشهر الحبلة يعني المقصود انه اشهر الحمل بتمر بسرعة |
رد: دردشة بنات فلسطين, دردشة حوامل فلسطين, تجمع بنات فلسطين
وأنا عاملة محشي كوسا خلاص بابعتلك صحن عالسكت ههههههههههههههه
|
رد: دردشة بنات فلسطين, دردشة حوامل فلسطين, تجمع بنات فلسطين
يسسسعد صَبآآحكُم بنـآآآآت
شو اآخبآآركُم حوآآء بليييييز بتحكيلي شو عملتي بعيد زواجكم ههههه والله اني حيرآآآنــة حتى عيد ملاد زوجي بـ 6/6 ويعني خططت لشوية شغلآآآت بينك روز وحيفآآ وام عزمي يسعد صَبآحكم .. انا كمان نآوية اعمل ستيكات اليوم كتير بحبهم |
رد: دردشة بنات فلسطين, دردشة حوامل فلسطين, تجمع بنات فلسطين
ههههههههههههههههه
ما شاء الله عليكي ام عزمي حافظه امثال هيك يسلمو حبيبتي على الصحن عتبريه وصل ياعسل |
رد: دردشة بنات فلسطين, دردشة حوامل فلسطين, تجمع بنات فلسطين
والله زوجي لو احطله صحن فاضي لياكل الحمد لله لليوم مافي اكله ما بحبها حتى الاشياء اللي قالي ما بحبها عملتله ياها واكلها وطلبها مني مرة تانيه هههههههههه الله يسعده ويخليلي ياه
خلص استبينا ع الستيك ، بعمل كمان ستيك دجاج لاني انا بحبه اكتر من اللحمه غموض هلا يا حلوة وصحوة وعافيه ع قلبك |
رد: دردشة بنات فلسطين, دردشة حوامل فلسطين, تجمع بنات فلسطين
هلا غموض حبيبتي
يسعد صباحك ياعسل |
رد: دردشة بنات فلسطين, دردشة حوامل فلسطين, تجمع بنات فلسطين
هلا غموض يسعد صباحك حبيبتي
|
رد: دردشة بنات فلسطين, دردشة حوامل فلسطين, تجمع بنات فلسطين
صبااااااااااااح الخير كيفكم يا حلوات..
مممممممممممم...يعني عالطبخات الزاكية يا عمي ستات بيوت ما شالله عنهم...... هلا حيفا منورة الدردشة هون.....رح تنبسطي هون ومتل ما حكت عسولتنا ملزقين فيه هالمنتدى يعني ملزقه ملزقه فيه.ههههههههه.... احساس وغموض وام عزمي يسلموو الله يطعم كل مشتهي ببو حلو متلو واحلا كمان.... حواء وبينك ومسك صباحكم فل ... جارة وينها طلي طمنينا عنك ...يلا قربت ولادتها ان شاء الله اتفوم بالسلامه يا ريي.. لولو حماده شو صار ولدت واجت طمنتكم هون؟؟؟؟؟؟؟؟لانو الي فتره قاطعه عنكم...ان شاء الله كل امولاها خيييير |
رد: دردشة بنات فلسطين, دردشة حوامل فلسطين, تجمع بنات فلسطين
حيفا
وأنا كمان زوجي بيقولي حطيلي أي شي إلا القمبوطة ما بيحبها طبيخ بس بيحبها مقلية و أنامتلو أصلا عادة احنا لما تكون الوحدة هي و زوجها بس ما بتتغلب بالأكل يعني أي شي يقضي حاجتهم هي الوحدة فينا بدها تتغلب بطبيخ لنفرين؟؟؟ ههههههههه انشاء الله كل اتنين فينا بيصيروا تلاتة و متل ما قالو الله لا يخلي واحد لوحدو ولا اتنين مع بعض يعني الأعزب يتزوج و المتزوج الله يرزقه أولاد و بنات |
رد: دردشة بنات فلسطين, دردشة حوامل فلسطين, تجمع بنات فلسطين
هلا سما منورة يسعد صباحك
|
رد: دردشة بنات فلسطين, دردشة حوامل فلسطين, تجمع بنات فلسطين
وصباحك يا ام عزمي....انتي هاد اول حمل الك...
|
رد: دردشة بنات فلسطين, دردشة حوامل فلسطين, تجمع بنات فلسطين
شو هيه القمبوطه؟؟؟؟؟؟؟؟؟؟؟؟
|
رد: دردشة بنات فلسطين, دردشة حوامل فلسطين, تجمع بنات فلسطين
هلا سما منوره حبيبتي
ايه لولو ولدت الحمد لله والله بعتلها ولد وبتفوت كل فترة وفترة اطمنا عنها هيه لساتها بغزة مارجعت على الامارات بتستنا بزوجها يجي يخدها ام عزمي رجعتي تاني للامثال ماشاء الله عليكي ياريتني زيك بعرف بالامثال |
رد: دردشة بنات فلسطين, دردشة حوامل فلسطين, تجمع بنات فلسطين
القمبوطة يعني الزهرة أو الأرنبيط عند المصريين ههههههههه
|
رد: دردشة بنات فلسطين, دردشة حوامل فلسطين, تجمع بنات فلسطين
لا حبيبتي هدا حملي التاني و حملي الأول خسرت ابني بولادة مبكرة
ولدته سبعاوي عاش بالحضانة 5رأيام بدون ما يفتح عيونه و توفى و الحمدلله انا هلأ بالشهر التامن |
رد: دردشة بنات فلسطين, دردشة حوامل فلسطين, تجمع بنات فلسطين
بينك روز
ما هو أنا كنت أسمع ماما و تيتا و هما بيقولو الأمثال و بعدين أهلي مهاجرين من المجدل ههههههههههه يعني بيعرفوا بالأمثال |
رد: دردشة بنات فلسطين, دردشة حوامل فلسطين, تجمع بنات فلسطين
و أنا هلأ متعودة على كلام أهل زوجي هما مهاجرين من يافا
و ستو لجوزي قالتلي عد البيض بالمقلى و لا تعد أشهر الحبلة |
رد: دردشة بنات فلسطين, دردشة حوامل فلسطين, تجمع بنات فلسطين
هلا بينك منورانا....الحمد لله عسلامتها لولو منيح انو اطمت عليها عقبال ما نطمن عكل لصبايا....
ههههههههه يلا معلش اختلاف المناطق بتختلف الاسماء ...انا فكرتها ملفوف.. يلا ان شاء الله يا ام اعزمي ربي يتمملك حملك عخير واتشوفي بنتك بين احضانك يا رب...ويعوضك خير بدل اخسارة ابنك ويكونلك شفيع بالجنة...... |
| الساعة الآن 01:16 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .