|
رد: حبيباتى سيدات ليبيا تفضلو لأعرف ما حالكم
ماشاء الله أثرى يومك مميز وحلو والله يبارك فيكم
ويرحم أبوكم ونلتقى جميعا فى جنان الرحمان |
رد: حبيباتى سيدات ليبيا تفضلو لأعرف ما حالكم
مشكورة أثرى وبارك الله فيك
لأنك الوحيدة يللى علقتى على يوم عيدى لأنى بصراحة زعلت مافيش حد علق |
رد: حبيباتى سيدات ليبيا تفضلو لأعرف ما حالكم
جيجي ربى يعطيك صحيحتك
وكله بأجره بس بعد لا شفت وعانيت رقم 1 الصحة ماتتعوضش رقم2 يوم يللى تطيحى مايعبرك ولايقدرك واحد الله غالب |
رد: حبيباتى سيدات ليبيا تفضلو لأعرف ما حالكم
خلااااااااااااااااااص نبى نرقد
شكله النوم حالف مايجبنيش شنو بينوضنى الصبح |
رد: حبيباتى سيدات ليبيا تفضلو لأعرف ما حالكم
سوسو ياغاليه قولي اذكارك وكرريهم وتو يجئ النوم حاسه بيك وحتي انتي زيني كان شربت شاهي بعد الغرب خلااااص يطير النوم
|
رد: حبيباتى سيدات ليبيا تفضلو لأعرف ما حالكم
بالنسبة ليوم العيد عيدن فى كابى يللى لونه زهرى أو مايشبه ذلك
وشاربة كبيرة عمتكم الشيخة مانا كيف ولما بنطلعو طبعا لبست الخمار والحمد لله يابنات بديت نلبس فيه رسمى............ وبالنسبة لليوم عند خوالى قبل نلبس فى قفاطين بس هالعام لبس سروال وبلوزة حلوة كيف شريتها قبل النجاح ماهو قلتلكم توا ماشريت شىء لا إله إلا الله محمد رسول الله |
رد: حبيباتى سيدات ليبيا تفضلو لأعرف ما حالكم
اوووووووووووووووووووووو الحلوة ججي
هذه تبيلها تقعميزة شنجو يالغالية ومن بكرى نفكر فيك بنسألك على اللبسة الهندية |
رد: حبيباتى سيدات ليبيا تفضلو لأعرف ما حالكم
عندى هلبة حكى توا نحكيلكم غدوة
|
رد: حبيباتى سيدات ليبيا تفضلو لأعرف ما حالكم
شكرا جيجي سيبتينى
ريم حنيتها فى أخر لحظة فجر العيد وبالحنة السريعة متع البوماطة...................... |
رد: حبيباتى سيدات ليبيا تفضلو لأعرف ما حالكم
قريت الردود وهلبه كلام نتمي نعلق عليه بس معادش
نقدر انقعمز وقت طويل انحس في روحي تقيييييييله نضت قبل الظهر بساعه صليت ركعات ودرت فطوري <<<قصدك غداك ياكسوله وفطرنا وراجلي امشي لللجامع كملت حوستي وصليت وبديت في غداي او غدانا درت بكبوكي سلفي يبي مكرونه سبيقه حاره وجاريه شوي ودرت سلاطه وفاكهه ودلاع وقلعاوي فقط ولله الحمد بعتت سفرتهم ودوشت انا ورنوده وجهزنا روحنا امشينا لحوش بوي حبيبي ونور عيوني الجو كان حلو مع ان بوي اليوم ايده منفوخه مش عارفين علاش واتصلنا باكثر من مصحه لاااايوجد دكتور وللاسف حطيناها في اميه وملح وبعدين دهناها بالزيت ودلكناها باهي شوي وعشيته بايدياتي ربي يعطيه صحته ويبدا ياكل بروحه يااااااااارب روحت قبل صلاه العشاء خطمت علي حوش سلفي ماعندهم حد اليوم امها واختها بس وامدايرين العشي مكرونه انا استغربت لان سلفي عنده ضيوف في المربوعه لكن شن بتقولي واختها روحت وكالعاده الماعين قاعدين بس الحق اليوم سفرتين بس وماحوستش اختها هلبه واضطريت اني غسلتهم ورتبتهم وحطيت الفط والبخشات في الغساله وسيقت المطبخ وروحت خليت امها بايته اليوم |
رد: حبيباتى سيدات ليبيا تفضلو لأعرف ما حالكم
اللهم صل وسلم وبارك على سيدنا محمد
|
رد: حبيباتى سيدات ليبيا تفضلو لأعرف ما حالكم
لا جيجي الحق نضت 9 الا وحاساته موخر
شيت لحوش عمى روحو من العمرة هاظم يللى ماشيين قبل الرمضان وامتعينى لسة ماروحوش وكنت بنطيب لسلافى بس سلفتى يللى جايبة قالتلى لا برى عيدى وانا مكسدة توا نطيلهم مكرونة |
رد: حبيباتى سيدات ليبيا تفضلو لأعرف ما حالكم
يومك ياغاليه ياسوسو حلو ولبستك وجوكم احلي واحلي
وماسيبتكش نكتب في الرد الطووووووووويل مانبطلش دوه هلبه ههههه وصحه الحنه عالعروسه الصغيره ربي يحفظها سفهتني ام فراس في الحنايه البكستانيه ربي يرزقني بوحده امراتيه وبكستانيه خاطري فيهم علي سيره خاطري استغربت سلفتي لما خشيت القيتها تاكل في قلايه لحم وماقلتليش حتي بالكذب خودي وعارفتني انموت فيها وحتي لما غسلت الماعين حطتلي الصونيه في الحوض فاضيه قدام عيوني آآآآآآىه فعلا علي قوله اثري تنصدمي |
رد: حبيباتى سيدات ليبيا تفضلو لأعرف ما حالكم
جـــــــــــــ جي ــــــــــــــــــي
مبارك عيدك ،،، وإن شاء الله كل أيامك أعياااااااااااااااااااد وربي يكمل فرحتك بتمام حملك على خير ياااااااااااااارب ومبارك علــــــــــــــــــــى سلفتك العزري راهو خاطرها في بنووووووووووووووتة ؟؟؟ وربي يعطيك صحيحتك ،،، ويباركلك فيها بـــــــــــــــــــــــــــــــــــــــــــــــــ س *** انتبهي شوية لنفسك ،،، وماتحمليش روحك فوووووووووووق طاقتها تعرفي علاش لأنك وين تقدمي هلــــــــــــــــــــــــــــبة معونات وتفزعي هلــــــــــــــــــــــــــبة فزعات وتكون علي حساب صحتك وبيتك وزوجك وبنوتتك لماااااااااااااااااا تصيرلك مناسبة أو تحتاجي لمعونة وتلقي الجانب الآخــــــــــــــــــــر متقاعس تصابي بإحباط وخيبة أمل لأنك قدمت الكثير فلم تجدي شيء وينتج عن ذلــــــــــــــــــــك ** كوكتيل من المشاعر البايخة فلهذاااااااااااا عاوني وافزعي لكـــــــــــــــــــــــــــــن برفــــــــــــــــــــــق نصيحة من أوخية محبة لكـ والله كلامك يااثري انتي وجنوده وام فراس وسوسو جئ عالجرح ومانشعفش بس طبعي نفزع لقريب وبعيد هي ماديرليش في هذا كله اتجي هي وصغارها اتقعمز وتلتهي فيهم وكان دارت حاجه وسلام وحتي في وحمي حكيتلككم هي 3شهور انطيبلها وهي مره طيبت ومرتين هكي ماتبيش تبعد راجلي قريب هبل وحلف لامه حتي لو بتقوليلها والله ماخاش لحوشي حاجه من ماكلتها وقعدنا ناكلوا شوي من بري وشوي نغصب علي روحي ونطيب بالكمامه ربي يهدي انا اندير فيه لوجه الله ومانتكلم الا ليكم حتي خواتي مانشغلهمش بيا وعلي خاطر عزوزتي وعيون راجلي حبيبي بسسس |
رد: حبيباتى سيدات ليبيا تفضلو لأعرف ما حالكم
عفوا جيجي سلفتك ليش ماانطيبش بروحها خلاص 3 أيام فاتو صح
مدامه الواحد الحمد لله مجيبة طبيعى تحسى روحك من أول يوم ناشطة مش عارفة بس من أخت محببببببببببببببببببة يعنى أنا معاك أقار وأحباب ونعول وعاند ونوقف بس نقولك لو بالطريقة هذه ويوميا يعنى مش بس تطييب أو غسيل لا حتى تنظيم ثلاجة حتى لو كانت زى أخك إحساسى انهم هكى بيهزو وبيحرثو عليك ويقولو يالله كيفه توا جيجيى تجى وتخدم بالله عليك ماتحرجيش منى ونقولك حتى لو أنا فى مكانك ندير هكى وأكثر بس أكيد سلفتى مش رح تكثر عليا أو على ألأقل حتحاول تمنعنى حتى بالبصارة بس مش عارفة حسيتكم الوضع أكثر من اللازم ولا شن رايك يارب سامحينى والله مانمحش فيك ولاحاجة بس أكيد انت أدرى بناسك حبيبتى |
رد: حبيباتى سيدات ليبيا تفضلو لأعرف ما حالكم
اثري تو الراجل بطبعه يرضي بقضاء الله ومش كلهم طبعا بس يحبوا الاولاد والله اعلم
بس سلفي يبي بنيه وحكيتلكم لما قالولها مره بنيه جي كلاكس وبقلاوه ورزاته ومشروب وفرحان ولما رجوا قالولها ولد محبط ويقول الحمد لله وخلاص لان من بكره وهو يبي بنت تحكي عليه امه بس تعرفوا سلفتي تبي ولد وفرحانه ولاعمرها قالت حتي يارب اتكون بنت اتقول عادي زي زوز زي تلاته مع انها اتشوف في عزوزتي وكيف محرومه من حنان البنت وطلتها ووووقاعده بين كناينها مهما ايمونوا والله مستحيل حيكونوا زي بناويتها والله اعلم اصلا ام الاولاد ديما في البلاد موضع شفقه علي حسب اللي نعرفهم ايقوالو مسكينه قاعده بين كناينها وووووووووالولد تاخده المرا والله اعلم تطلع باهيه اولا اما البنت بالعكس اتجيبلها ولد والله ماشاء الله امي اتقول عندها 9ولاد لان رجالتنا غير شن تبي هي وبوي مع خوتي الولاد الزوز الله لايحرمنا منهم ياااارب مش مقصرين الناس اراء بس راى علي راي يفرق |
رد: حبيباتى سيدات ليبيا تفضلو لأعرف ما حالكم
لاا سوسو حبيبتي والله انتي وكلكم زي وخياتي بس تعرفي انا هذا طبع الشين فيا حاميه ومانحبش حد مستحقني ومنديرش سلفتي او جارتي بس صدقيني في ناس اتقدر وتحطك في عيونها وتمسح التعب بكلمه حلوه وتودك وتحترمك
بس شن بتقولي !!!! وبالنسبه لسلفتي هذا حتي تنزكم مافيش غدي من لماعزوزتي اتشرين علي واتجي عالغدي نعرفها وطبعا عزوزتي مش عاجبها الوضع وياما اتجي وتقعد عندنا وتحرج بس لاحياة لمن تنادي تعرفي الماكله ماشاء الله تاكل وتنوض وتقعممز وتضحك ووووحاله باحسن مايكون ربي يزيده بس ماتبيش وهي سمييييييييييينه ياربي سامحني وحتي الحمل والمجيبه متبينش عليها لاحملت لاجابت وكان ربي حيانا غدوه مانيش ماشيه بنمشي لحوش بوي فكان امها بطيب اوعزوزتي اللي تشبح بعين وحده بتخليهم ايطيبوا وماتبيش تتحشم خلاااااص معادش معناها في احترام حتي لامها تعرفي اني عمليه ومن بعد خمسه ايام حتي الصبح نفس السانيه متجيش اطل عليا وراجلي كان يخدم في شركه اجنيبيه ماكلتهم مشاوي حلوه فقعد ياكل غادي ويقدموله وجبه قبل ميروح ايجيبهالي اتخيليييييييي خواتي حتي العصيده ايعصدوها كان اضطروا والله بدون مبالغه امجيبتها في 3سعات فقط تبارك الرحمن وساهله وحتي خياطه مخيطوهاش مش عارفه علاش خلتهم كيف عارفين كيف بتولي الحكايه نعرف ميخيطوش بعد البيبي الخامس تقريبا |
رد: حبيباتى سيدات ليبيا تفضلو لأعرف ما حالكم
سوسو رقدتي ؟؟؟؟؟؟؟؟؟؟؟؟؟
نوم العاوفي ياعثثثثثثثل |
رد: حبيباتى سيدات ليبيا تفضلو لأعرف ما حالكم
بالنسبه للبلس كان بنحكيلكم مانكملش زيي ماقلت الحق شريت هلبه عارفه سلفتي بتجيب وعيد واختي خشت شهرها ربي يتمملها علي خير بكره
اليوم الاول سروال جينز ناعم امتاع حوامل ومش حنحكي عالاسعار مادامه راجلي راضي ومسكر راسه وعلي قد منقوله لاااااا يبي محل راقي وفااااااااااااض ومش زحمه والسعر مش مشكله والله خواتي غير سعر لبسي بس ماشاء الله شروا هما وصغارهم وبوهم لكن شن بديري !!!! المهم سروال وركبت عليه بلوزه لركبه بالزيط شيفون لون السنه هو زي الاخضر الهادي او التركواز قاعده مانعرفش شن ايقولوله وركبتله اكسسوار شيشخان فصوصوه بين درجه البلوزه والسروال وكرونه ناااعمه نفس لون البلوزه والكندره والشنطه نفسهم وكومتشيته بس مش امتاع حوامل لونها بزاري وفيها قلوب صغيرات ازرق ملكي وحزامها ازرق ومنقرشه من الخلف وصدرها طايح ونفس الشي ركبتلها خراص فيهم جلد طوال شوي وحديده جلد وخاتم وكندره بزاريه وشنطه زرقا شمواه وقفطان لتحت الركبه امتاع حوامل لونه لون السنه اللي فاتت الياجوري الفاتح وفيه شوي ابيض ومن فوق علي جنب فيه 3وردات بيضا وقهويه وبيج وركبتله نفس الشي اكسسوار فخم شوي لان الحق نازك ويمشي حتي لسبوع اولمه وكومتشيتات تانين اللي بالتجاكيت واللي بدي علي حسب واكسسوار ملون للكل بس كل هذا اخديته في زمن والله قياسي والحظ كان معاي خواتي اليوم قالولي بالله هذا كله امته شريتيه !!! ويبصروا علي انا الصغيره وعارفيني انحب الموضه واللبس والمكياج ويعلقوا عليا وانا انبصر امدايره جو المغروره هههههه كان اليوم حلو هلبه حتي بوي ايقولي فلسيه الراجل علي الخربشش امتاعك ههههه ربي يحفظه |
رد: حبيباتى سيدات ليبيا تفضلو لأعرف ما حالكم
تصبحوا علي طاعه الرحمن
بنرقد باش نقدر انوض للفجر والله البارح ماعارفه حتي كيف صليت استغفر الله ربي يسامحني ويغفرلي السلاااااااااااااااااااااااااااااااام عليكم ورحمه الله وبركاته |
رد: حبيباتى سيدات ليبيا تفضلو لأعرف ما حالكم
لا ياحلوة
تخيلو قاعدة مارقدتش لاياحبيبتى جيجى انا ماقلتش ماتعوليش حتى انا زيك ونحب نعاند مع أحبابى بس الواضح معاش فيه لا احترام لا تقدير والله لقطة السونية باااااااااايخة وقوية بكل والمفروض درتى بالجو وين حصتى شفتيها شن ترد أستغفر الله أستغفر الله العظيم |
رد: حبيباتى سيدات ليبيا تفضلو لأعرف ما حالكم
لبساتك حلواااااااااااااااااااات جيجيى ماشاء لله تلبسى بالهناء
بس من أألأخير فضووووووووووووووووووول نبى نعرف الفاتورة لوين وصلت هههههههههههههههههه طبعا عراحتك ياحلوة واللهون يللى حكيتى عليه حتى بنت خالتى لابساته |
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
اااااااااه معقولة الساعة 3 اااااااه بنهبل
فطورى كان يوم ثانى العيد 0باش ماتتلخبطوش) همبرغر من يديا |
رد: حبيباتى سيدات ليبيا تفضلو لأعرف ما حالكم
فروسة مبروك ألإشراف حتى أنا عرضو عليا الفترة الماضية بس كنت فترة امتحانات ورفضت
|
رد: حبيباتى سيدات ليبيا تفضلو لأعرف ما حالكم
حلوووووووووووووو
اللون جنودة تناسق رائع حتى كان عندى زمان لما كنت بنت وأكيد طلع عليك جنااااااااان ياقمر |
رد: حبيباتى سيدات ليبيا تفضلو لأعرف ما حالكم
يسعد مساكم شن أخباركم كل سنة وانتم طيبين وعيد سعيد للكل وربي يدوم عليكم الصحة والعافية وانا خشيت شهري ليا 7ايام ادعوني بس الدكتور طمني انو ان شاء الله طبيعي
|
رد: حبيباتى سيدات ليبيا تفضلو لأعرف ما حالكم
صباااااااااااااااااااااااح الخيرات عالحلوين
آآآآآآآآآآآآآآآآآآآآآه ياسوسو ادعيتيني والله النوم ولا قال انجي قريب هبلت قلت اذكاري كثر من مره وقعدت نتقلب في مكاني حتي راجلي اضايق من حركتي مع انها نومه ثقيييييل عكسي خفيف وسوسو حركه السونيه لو عارفه بتفهم وبينفع معاها انا عصبيه ممكن حتي اخديت لوحتها لوطه بس هي من الاخير باااارده حتي مع صغارها تعرفوا والله مشماته بس ولدها صوابعه لاصقين في بعض انا قريب انموت عليه ومتاثره وهي لاااااا انحير فيها زي منقولوا بالعاميه متحسش يعني حنحرق دمي عالدوه الفاضيه ونعرف اللقطه امته انردهالها مش انفخفخ لكن عارفه انا راجلي شن ايجيبلي وغير ادللي في جيابي مش غير قلايه واللحم جمل لا والله حتي التمر وصالي عليه من دبي لما قالوله كويس للنافس سلامتها ادويت عليها هلبه ناخد غير في ذنوبها اليوم بنتغدي في حوش بوي وراجلي معاي وهي تشوف امورها والا تقعمز |
رد: حبيباتى سيدات ليبيا تفضلو لأعرف ما حالكم
اللون زي لون الخط هذا او قريب منه
|
رد: حبيباتى سيدات ليبيا تفضلو لأعرف ما حالكم
ويييييينكم
|
رد: حبيباتى سيدات ليبيا تفضلو لأعرف ما حالكم
سوسو الفاتوره مابتش نحسب في البدايه بس المحلات اللي واخده منها كلها تعطي فاتوره مطبوعه
لكن متعلقوش بالله عليكم وفضولك حناخد بيه وانقولك 870 من غير كسور من هون وهون |
رد: حبيباتى سيدات ليبيا تفضلو لأعرف ما حالكم
ياسلام علي الهدرزة حتي انا الي الفجر نايضة استنيت استنيتكم
وبعدها مليت فتحت التلفزيون وحاولت نرقد مافيش فايده |
رد: حبيباتى سيدات ليبيا تفضلو لأعرف ما حالكم
الا زعلك ياسوسو
بصراحه بصراحه انا علقت في نفسي ورديت عليك وقلتلك ايه انا حاصلة عند العيلة وفي نفسي قلت الباين سوسو روتينهم زينا وقلت لاا لاا هيا واخده في اقاربها في نوع من الراحه لاني بصراحه حسيت بشوية ملل من ناحية كل يوم في رمضان غاديكاي وزياده عطلت مامشيتش لحوش بوي قعد قلبي وفكري عندهم وخصوصا خالاتي عند ماما لهذا ماعلقتش وقلت في نفسي الله ياريت سوسو قريبتي لكنا نفضفضوا لبعض |
رد: حبيباتى سيدات ليبيا تفضلو لأعرف ما حالكم
طبعا زي ماحكيتلكم الايام الأخيرة طوارئ
والحمد لله لبست العيد ماتعبتش فيها محل واحد منه الجلباب ومحل واحد منه الوشاح واللي نفسه خديت من قفطان لماما في نفس الوقت الاربعه الايام الاخيرة يوم بعد يوم حوش عمي وحوش بوي يوم في حوش عمي سيقنا المربوعه وحولنا غلافات الجلسة ودرنا جلسة جديدة ويوم اللي بعده في حوش بوي حتي هوا تنظيفات واخر ليلة في حوش عمي ردينا خلافات الجلسة حتي بنديروها في الصالة وكان عندي تحليل فعطلت عندهم وانا مزلت ماحنيتش مع 12 مشيت درت تحليل 21 الدورة عرفتوه وبعدين رفعت لماما قفطانها عالسريع فاتصلت عمت راجلي قالت تعالي خود السفنز طبعا الي الساعه 2 قعدنا بصراحه تعفلقت مش لاننا مشينا بس لاني ماحنيتش وامتة بنروح بنكمل حوستي ونبدا في حنتي المهم حنيت حنه بناتيه صويبعات وعليهم زخرفة بسيطة ورجليا ماحنيتش عندي عرس بنت عمتي واخدها ولد عمتي الثانية هدا ليش ماحنيتش رجليا والصبح المنبه مااشتغلش متاع التلفون نضت علي صوت التكبير وصلاة العيد مع 7 وعشرة علي السريع حولت الحنه وراجلي هيا هيا هيا هيا تخايلي انتي مش واتيه وشخص يبدا يقول هيا والله حتي لبس ماكملت رفعتهم في كيسة ولبست عبايتي وطلعت ووصلت حوش عمي كملت لبسي وقعدنا نستنوا من يجينا جووو اولاد خال زوجي طبعا ماطلعتش حتي مانسلمش وجت جارتهم وبناتها بس وانا نبي نطلع لعماته وخالاته بكري حتي نلحق علي خالاتي عند امي عطلنا وجت حماتي زادت عطلتنا انا الاعياد الماضية انكمل في مشاوير مع حوش عمي في اليوم الاول حتي لو مشيت لاهلي وخوالي وخاطري نبات نقعد لان الحق جوي مع خالاتي مش عادي زي خواتي وصغارهم يحبوني وناخد في راحتي لما عطلنا في داخلي نغلي غلي هههههههههه وزياده عمتي قالت فلانه مش لازم تمشي لعيالها ليوم عليا تقصد مش عارفة بصارة ولا شنو ؟؟؟؟؟؟ تخايلوا مشينا بعد الظهر لعمته وخاله وخالته والحوش اللي نخشولها راقدين زدت تعصبت والله حشمة مش وقت مشي وحتي من خوتي القيناهم راقدين ....... |
رد: حبيباتى سيدات ليبيا تفضلو لأعرف ما حالكم
انا متخده اسلوب السكوت اللي يقولوا ديريه انقول حاضر
وعمتي مش كبيرة هلبة بس مش متعلمة مرات في اشايء غير ملائمة نسكت عليها زي مشية العيد هذه وزي هلبة اشياء لانهم الحق عيلة هادية جدا جدا سلافي وحماواتي وحماواتي بالذات ديمة كلمة حاضر في لسانهم لخوتهم ولامهم وبوهم وحتي مع اقاربهم يمشوا يعولوا وكل شي يديروا فيه ومرتبطين هلبة مع عمامهم وخالاتهم وانا مش اجتماعيه شن الحل يابنات وحتي لما مشينا وعيدنا الرجاله مانسلمش عليهم الا لما يجوا ويسلموا كيف اندير قولولي حتي في رمضان لما نعول في المطبخ مرات يخشوا سلافي فهمتوني هما يبونا نجوهم وراجنهم اللي يبي يكون مع اهله باهي لو انا بنقول معادش يخشوا ولا كيف رغم انهم الحق الحق سلافي محترمين جدا جدا وكان طلبوا شي مني بادب واحترام بنجي انا بنعقدهم في الدخول والخروج عارفة روحي لو لبست خمار والعباية الشرسعة مش عارفة شن بيصير اكثر من مرة نفكر معادش نمشي للاعراس والمناسبات بس اهل زوجي مرتبطين هلبة ولازم يبوني نمشي شن الحل ؟؟؟؟؟؟؟ |
رد: حبيباتى سيدات ليبيا تفضلو لأعرف ما حالكم
سامحوني كل كلامي مش مرتب
وافكار داخلة وطالعة بنقعد حايرة بين زوجي واهله يبيني نواصل وفي نفس الوقت انا مش اجتماعيه بالاضافة الي ان المواصلة بيصير فيها هلبة مواقف زي السلام زي يدخلوا ولاد ويطلعوا |
رد: حبيباتى سيدات ليبيا تفضلو لأعرف ما حالكم
ان شاء الله الف لاباس علي بوك حبيبتي جيجي
حتي عمتي تعبانه حاشاكم عندها جهاز في راسها مدايره دكتور اجنبي كبير في البيعة من فترة سنين لانها كانت ديمة ترقد بطريقة غريبة القوا عندها ورم او كيس يطلع في ماده الدكتور دارلها عملية ودخل جهاز يمص الماده وكل فترة لازم يسحبوا منه الماده بس توا حتي مع السحب بدت تتعب وعمتي الكبيرة مشت معاها امس قالت ماعرفوش كيف يتصرفوا والجهاز نزل لتحت ودار حفرة والله وجعني حالها شديت روحي قدامها حتي مانبكيش وتوا يجروا يبوا يطلعوها لالمانيا ماحصلوش ناس علي قد حالنا لاواسطه ولاغيره ربي يشفيها ويخليها لصغارها يتاما بوهم متوفي وراس بنيه عندها كيف متزوجه |
رد: حبيباتى سيدات ليبيا تفضلو لأعرف ما حالكم
طبعا نفس الحالة جيجي امس ولا دكتور موجود
|
رد: حبيباتى سيدات ليبيا تفضلو لأعرف ما حالكم
جيجي سلفتك ماعندها خوات بنات
يباتوا عندها وهيا معقولة ماتقدرش تتحرك |
رد: حبيباتى سيدات ليبيا تفضلو لأعرف ما حالكم
صحة الحنه سوسو لريومة اكيد طلعت حلوة علي رجيلاتها
عجبتني لبستك بجد هنيئا لك تعجبيني بس سؤال هل فيه تعليقات علي لبستك ؟؟؟؟ |
| الساعة الآن 03:13 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .