|
رد: تجمع حوامل المدينة المنورة
ضناني الشوق اعراض البواسير الم وانتفاخ في المنطقة وحرقان تجي مع الامساك وقت الحمل واحيان يطلع دم واما عن جنس الجنين لسا بالخامس مو باين غريبة اكيد اللي فيكي بنوتة هي اللي يقولو مو باين ,,,,,,,,,,,,لولي وعليكم السلام ياحبيتي اللة يشفيك من فقر الدم لازم تروحي المستشفى وتتابعي فقر الدم مو كويس للحامل اذا تبغي من تجاربي اشربي زبيب يمني اذا ماتعرفي تسوية تعرفي سوبيا طيبة يبيعوة عندهم اشترية واشربي 3 كاسات في اليوم وبعدها كولي حبوب الحديد وشوفي كيف نسبة الدم كيف تزيد وكمان مخلل البنجر واتمر والعسل الاسود اذا استمريتي راح ترتفع نسبة دمك 100\100
|
رد: تجمع حوامل المدينة المنورة
ضنآني آلشوق
آهلين عسولآ نورتي آلتجمع بآلنسبه لآعرآض آلبوآسير تحوسي بـ قطعه خآرجه عـ برآ وآلم وممكن ينزل دم إزآ عندك آمسآك و إزآ بس آلم ومآفي حآجه خآرجه فـ دآ شرخ ^^^ كلآم دكتورتي آمآ حمض آلفوليك آمشي عـ كلآم دكتورك مع آنو آنآ لحد دحين بآخدو عشآن فقر آلدم وبرضو عشآن فـ آلفتره آلآخيره تعبت وآخدت آدويه كتيرآ فـ قآلتلي آلدكتوره آخدو لآنو بيمنع تشوهآت آلجنين ربي يحمينآ لولي لـ فقر آلدم بنجر + كيوي سآويهم عصير وآشربيه لمدة آسبوع وشوفي آلدم كيف يسير آلف سلآمه عـ قلبك يآعسل مدآم إلهآم آهلين بيكي يآقلبي وآللهي مشتآقتلك آكتر يآقمر آلتجمع طمنيني عنك إيش عآمله وكيف آلحمل معآكي ..؟!! وشكلي حـ سمع كلآمك وءآجل دآ آلترم وربي يكتب إللي فيلو آلخير لآنو بصرآحه مآآقدر آقعد وكمآن آلبوآسير دحين بتنزف وإنتي بكرآمه وآخآف يسيرلي موقف مش ولآ بد قدآم آلبنوتآت ومو معقولآ آقعد بـ عبآيتي طوآل آلوقت |
رد: تجمع حوامل المدينة المنورة
تسلمي ياقلبي اللة يعينك عالبواسير صراحة متعبة مرة الواحد مو ناقص والدراسة استخيري انتي مو ناقصة تعب حمل وبواسير وكمان حتجلسي بعبايتك واللة الدنيا حر الواحد مو طايق ملابسة وانتي ايش تدرسي ايش تخصصك اللة يسهل عليك
|
رد: تجمع حوامل المدينة المنورة
ربي يسلملي قلبك يآعسل
آنآ آستخرت وإن شآء آلله حـ آجل خلآص وآللهي بجد آللي فينآ مكفينآ مآحنآ نآقصين كمآن آنآ تخصصي آنجلش يآقلبي |
رد: تجمع حوامل المدينة المنورة
كروشآت فين آتلقي فسآتين نعومه ومريحه
للبيت وبآسعآر منآسبه آتلقيت قبل فتره فستآن فـ آلنور مرآ جونآن قمآشو زي فسآتين عآصي لمآ سآلتو عـ آلسعر قآل 270 بصرآحه مرآ مآيستآهل لآنو لحد يومي دآ مآآشتريت ولآ قطعه للحوآمل مآعدآ آلبنآطيل آلبآقي آشتري حآجآت عآديه بس مقآسآت كبيره مآآطول عليكم بدي زي دي http://photos.azyya.com/store/up1/080605041221TnsM.jpg http://photos.azyya.com/store/up1/080605041801C88j.jpg http://photos.azyya.com/store/up1/080605041221nISJ.jpg |
رد: تجمع حوامل المدينة المنورة
كيفكو كرووووووووووووووووووووووووووووووشات المدينه بصراحه انا صرت خايفها اولد باااي مستشفى ومدام الهام والاموره رغد اناشاءالله ربنا يقومكم بسلامه امين يارب وعقبالنا كلنا نقوم علي خير
|
رد: تجمع حوامل المدينة المنورة
mISsSoma روحي لستي ماكس منزل فساتين نعومة وحاجات حلوة تنفع للحوامل انا رايحتلة الاسبوع اللي فات واخدت فساتين جونان منو وكمان المراكزالتجارية تلاقي عندها اشكال والوان مرة رخيصة
|
رد: تجمع حوامل المدينة المنورة
السلام عليكم ورحمة الله وبركاته
الف صباحـــــــات الخيــــــــر...hwaml25 مو معقـــــــــــــــــــــــــــــــــــــــــــــــ ول مااصــــــــدق تجمع بنات المدينة hwaml60الله يدوم علينا يـــــــــــــــارب حقيقي مو مصدقه انا بكرية في بداية الشهر التاسع تحديدا في الاسبوع ال36 يعني خبرة جيدة ... الا انو خبرتي في تجمعكم ماصادفتني الا في نهاية مشواري الله يسهلنا ولاداتنا واحنا بأتم صحة وعافية وكتاكيتنا بأتم صحة وعافية يــــــــــــااااااارب اجمعين.. من فرحتي بالتجمع قريت الموضوع من اول صفحة لاخرها في جلسة وحدة وقريت كل سطر وكل حرف كأني كنت معاكم من البداية بس الحمدلله حصلي الشرف واتجمعت فيكم...hwaml03 طبعا اكيد تبغو تعرفو اراجع عند مين وفين مقررة اولد ان شاءالله على خير لان تساؤلات الجميع عن الدكتور والمستشفى بالأخص انو البعض مو من المدينة واحنا من واجبنا ننقل الحقيقة كماااااااااهي عشان يعمنا الخير والتوفيق والدعوااات للجميع طبعا انا بكرية وماجربت الولادة بس الحمل لو ظروفه تعلمك مين الأفضل بس في نقطة معينة لازم الكل يحطها في عين الاعتبار اللي هيا... كل حامل ظرفها غير عن الثانية وهي نفسها كل حمل لها يختلف عن اللي قبله كيف من شخص لشخص والولادة تساهيل من الله خلي سحرك في كل شيء الدعاء والاستخارة .. والله يكتب الخير والاصلح للجميع وليا ياااااااارب آآآآآآمين أنا عن نفسي بأراجع من أول شهر إلى الان في مستشفى المواسااااااة بلا منازع عند دكتور أيمن عفيفي وهو استشاري متخصص فاهم بس كلامه قليل هذا عيبه الوحيد أنا ماامدح فيه عشان هو دكتوري لكن صارتلي تجربة وأحب انقلها في شهري السادس في الاسبوع 24 جاني مغص قوي لدرجة اني احس انو شيء حيخرج لاني مااعرف الولادة المهم رحت المواساة كان على نهاية الدوام وكان خياري الثاني بعد ايمن عفيفي الدكتور رضا لسمعته ورحت لدكتور رضا قالي هذي علامات طلق وسوالي تحليل للبول عشان عمل مزرعة للبول ويتأكد اذا كان فيه التهاب فهو السبب في الطلق واعطاني مسكنات وخرجت.. بعد ساعة زاد الألم عليا اضطريت اروح الولادة بحكم القوي ع الضعيف الله يخليها ليا الماما جبرتني المهم رحت الطواريء قالولي تنويم انتي حتولدي فيك طلق والرحم مفتوح 1سم المهم ودوني للاسف كشك الولادة ويزيد المغص طبعا بالعالم الجديد عليا كل وحدة حالة ولادة وانا بينهم وهما يصرخو اكيد حيولدوني بس حرام انا في شهري السادس اختصرلكم طبعا جا دكتور وقلي ليه وسوالي تحليل بول نفس الحكاية يبغو يعملو مزرعة للبول وبعد 3 ايام النتيجة تتطلع ويقررو نوموني ع مغذيات واستنى النتيجة بعد 3 ايام اكتئااااااب يقولولي حنعيد التحليل عشان هما مادخلو المختبر واكيد ماينفع بكل برود ماكانهم نوموني 3 ايام وعادو التحليل جلستي ع الفاضي في المستشفى خرجت ع مسؤليتي وبعد 3 ايام اشوف النتيجة بالفعل رحت واسألهم عن النتيجة يقولولي مافي تحليل باسمك وزوجي عصب ع الااااااااخر ع الاهمااااااال اتذكرت اني سويتها في المواساة دخلت للدكتور ايمن عفيفي وقلتله القصة بس فتح الجهاز دايركت النتيجة في ملفي قلت الله يخلي النظام والاهتمام قلي الحمدلله ماعندك التهاب في البول بس وكشف عليا قلي مو باين في الجهاز السونار انو جاتك تقلصات رحم يعني دا مغص طبيعي عشان البيبي بيكبر وبتعدي مرحلة جديدة واعطاني مسكن لألمي وشميت العااااااااااااااااافية عن جد فاهم سامحوني طولت عليكم بس حبيت الكل يستفيد من تجربتي.. واحترم اراء البعض انها ماتحب تراجع عند دكتور بس والله الدكتور ارحم من الدكتورة واحن واهدء وعندو قوة صبر.. ولفتتني الاخت ضناني الشوق ... انا قريت كل الكلام ففهمت حالتك مزبوط انصحك لو تروحي مرة وحدة عند دكتور أيمن عفيفي لانو استشاري وحالتك يبغالها دكتور فاهم بالذات انك بكرية من بعد انتظار حبي نفسك وطفلك واهتمي بصحتك ولا تتهاوني وصدقيني رح تدعيلي بس هو كلامه قليل انتي اشرحيله وضعك تااااام واسئلي كل شيء لاتخجلي عشان صحتك وصحة البيبي اهم شيء والحمل نعمة من الله لازم نهتم ونصونها.. والله ييسر امورك الله يسهل للجميع وييسر امورهم ((اللهم لاسهل إلا ماجعلته سهلا وأنت تجعل الحزن إذا شئت سهلا)) اللهم ارزقني بااحسن الخلق وهون علي الطلق وسخر لي سكان الأرض وملائكة السماء امن يجيب دعوة المضطر إذا دعاه ويكشف السوء..) |
رد: تجمع حوامل المدينة المنورة
اقتباس:
|
رد: تجمع حوامل المدينة المنورة
عاطفة العقل اهلا وعليكي السلام يسعد صباحك كلامك مرة حلو وصحيح كل حالة مختلفة عن التانية وكل وحدة علاقتها وتجربتها مختلفة عن التانية ولو كانت تراجع عند نفس الطبيبة والمستشفى والتساهيل من عند ربي وصحيح كلامك انو الدكتور افضل من الدكتورة من خلال تجربتي احسة يصبر واحن من الدكتورة اللي تطفش بسرعة وتنافخ كانها مو حاسة باللي تحسية واللة يسهلك ولادتك وخليك معانا لاتختفي ياقلبي
|
| الساعة الآن 03:54 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .