|
رد: تجمع امهات التوام حياكم
اقتباس:
|
رد: تجمع امهات التوام حياكم
صباح الخير اخباركم يااحلى امهات الله يعينا ويصبرنا ويكتب لنا الاجر على تربيتهم
والله تربية التوام صعبه جدا بس الحمد لله على نعمته عيالي للحين يشرقون ويرجعون من فمهم وخشمهم بعد من منكم عندها حالة الترجيع من الخشم تساعدني وش الحل والى متى ؟؟ وبالنسبه للنوم شلون انظمه متعبيني كثير الذوق الله يفرج لك ويصبرك ويهدي زوجك زود..بديتي تطلعين بناتك برى البيت ولا لا؟؟ محجبه..للحين على الكرشه على انا عندي غازات بطني دايم يالمني ولازم اروح المستوصف اخذ الابره اللي تطلع الغازات عشان يخف الالم الله يعين والله الغازات مشكله شازل ..اذا قريت مشاركاتك احس بتفاؤل عجيب تعطيني جرعات من الصبر والهمه الله يجزيك خير انا بديت رجيم من اسبوع من تبي تسوي معاي رجيم بشرط انها ماترضع |
رد: تجمع امهات التوام حياكم
هلا والله حبيباتي
والله مشتاقه لكم بس مافيه وقت ادخل انا عيالي الى ها الحين بطونهم تمغصهم ولله الحمد بديت معهم بسيريلاك ملعقه فقط في اليوم من يوم دخلوا الشهر الرابع وجبت شغاله فلبينيه تساعدني عليهم الله يصلحهم ...لان صعبة جلستس في بيت اهلي كل وقتي صحيح بعدين يقلب ابو الشباب علي هههههههه |
رد: تجمع امهات التوام حياكم
هلا والله بحبيبات قلبي ورفيقات حزني وفرحتي
فقدناااااااااااااااااااااااك شازل وينك ساره الكرشه صايره زي نفد الغضاء شي طامن ومرتفع وبالنسبه للغازات يقولون لازم تطول مع اللي جايبه توام هلا نواعم ام خالد شلونك بالنسبه للسيريلاك امس ابوالشباب عيا يجيبه يقول توهم وانا ماعندي مانع بس المصري نصحه يقول يلبك المعده قلت يابن الحلال عااااادي يحسبنا بنحطه وجبه كامله زي اللي يسوونه هم اخواننا المصريين بحط لهم ملعقه صغنونه والحين بتشجع واجيبه لهم يابنات شريتو عربات لهم وش نوعها وماركتها تكفون بشوف الزينه منهن وبالنسبه للطلعات وين تطلعون انا بس اروح اهلي وام زوجي مره بالاسبوع وانهلك |
رد: تجمع امهات التوام حياكم
سارة ....النومة ماتنتظم بسرعه انا لي الحين نومتهم متخربطة .
وبالنسبة لطلعة بناتي مراح اطلعهن لين يعرسن :) مافي دوجة وفرارة نوووووووووووووو نهي نهي . محجبة ....انا مراح ادخلهم الاكل الا في بداية الخامس ومن الحين ببدي بس اذوقهم . |
رد: تجمع امهات التوام حياكم
طيب بنات والترجيع من الخشم مالكم خبره فيه
زود يعني كلش ماراح تطلعينهم حتى لو وحده منهم انا ودي اطلع احس طفشت بس اكيد بطلع واحد واحد مو اثنينهم الا اذا رحت لاهلي او اهل زوجي |
رد: تجمع امهات التوام حياكم
اقتباس:
والطلعه مراح اطلعهم الا اذا بزور اهلي وبطول اخذهم معاي بس لي الحين ماسيرت على اهلي لان امي الى الان عندي وابوي واخواني وخواتي اهم اللي يزورونا :). |
رد: تجمع امهات التوام حياكم
السلام عليكم ورحمة الله وبركاته ... وبعد :
مرررررررررررررررررحبا إنقطعت عنكم بسبب إنقطاع النت عنا يمشي شوي ويقطع ... ممكن بسبب الرياح الشديدة .... والله يعد كل من فقدني ومن لم يذكرني ويبعد الهم عنه .... المهم قبل اسبوعين أخذت عيالي للتطعيم للشهر الرابع والحمد لله صحتهم زينه ووزنهم أصبح 5وشوي ... هالحين كبروا ويبوني دائم معهم ... أجلس وأسولف وألعب معهم ... والحمد لله عيالي الكبار مايقصرون ... بدوا يطلعون أصوات ويصارخون ويبون أجلسهم وأحط وراهم شيء علشان يبدون يتعودون على الجلوس شوي شوي ... نومهم الحمد لله ينامون 9ونصف أو عشر ويقومون الساعة عشر الصبح ... باليل يقومون شوي وأعطيهم اللهاية فيرجعون ينامون أو يقومون للرضعه فيخذونها وينامون .... هالحين صار عمرهم 5 شهور وبإذن الله أبدأ أوكلهم شوي شوي بعد نصف شهر ... أبدأ بالرز ثم الخضار كالكوسا والبطاطا والجزر والقرع ما أحب أعطيهم سريلاك وهمومه ... هكذا كان جدولي مع جميع أبنائي ما بديتهم إلا بعد 5ونصف والحمد لله صحتهم ممتازة ... ما أخباركم وأخبار توأمكم ؟؟؟وكم أعمارهم وماهي أوزانهم ؟؟؟ وكيف نظامكم معهم ؟؟؟ ومتى تبدأون الأكل وماذا تؤكلونهم ؟؟؟ الذوق لن أقول غير تمسكي بباب الله ولن تضيعي أبدا وكلي ربك جميع أمرك ... الحمد لله لنا رب يساعد ويخفف عنا الكثير ... |
رد: تجمع امهات التوام حياكم
نسيت أقول أنا مانب راعيت زيارات بس أطلع عيالي بالسيارة نتمشي برا وبعض المرات نتغدى على ساحل البحر ...
و إعذرون على الاستعجال والكلام المو مترابط بس أخاف ينقطع النت ... |
رد: تجمع امهات التوام حياكم
أما نظامي مع أولادي اللي يدرسون ، هو واحد في أول إبتدائي ، أنومه بعد صلاة العشاء وإذا تأخر حتى الساعة 10 بس والفجر أقومه للصلاة ثم يلبس للمدرسة ويفطر ويوديه أبوه للمدرسة وإذا جاء 12ونصف يتغدى ويصلي ويحل واجباته ويحفظ شوية قران .. بعدين ساعة يشوف التلفاز بعده يقوم يلعب بالحوش هو وإخوانه الصغار الساعة ستة يجي أبوه ثم نتعشى ثم يروحون يصلون المغرب ويجون ويلعب كومبيوتر ثم يصلون العشاء وينامون ... وحملت وزملت وركبت حميرة وشنقلت ...
وهذا أيضا نظام الأولاد اللي ما يروحون للمدرسة بس يقومون 9ونصف أو 10 صباحا ثم يلعبون مع بعض ويشوفون طيور الجنة ويلعبوون مع التوام ... |
| الساعة الآن 03:38 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .