|
رد: دردشة بنات فلسطين, دردشة حوامل فلسطين, تجمع بنات فلسطين
مســـاكم هاااادي حبيبااااتي مع سابع اياااام الشهر الفضيل رتبت كل اموري و الحمد لله ~~بينـــك روز &احساس انثـى~~ الدور عليكم ربي يتمم الكم على خير ما راح انساكم من الدعاء ان شاء الله بتشوفوا بيبيهاتكم في اتم الصحه و العااافيه بينك الف سلامه عمري اشربي زنجبيل +عسل و ان شاء الله تخف السعله عنك و حاولي ما تئربي على المكيف او المروحه ~~حيفـــــــــــــــــــا ~~ ايه صدئتي حيفا من اجمل مدن فلسطين ..انا على كل زيااره على القدس لازم ازور مدن الشمال..الله يديم الاهل يارب تاج على روسنا لمتهم و وجودهم احلى شي بالحياه و انا كتير شاعره بهالشي خصوصا مع هالغربه بتمنالك بقية شهر رمضان حلو و مليء بالطاعات ~~امــــ عــــزمي ـــ ~~ حبيبتي ربي يخليكي كلامك متل العسل على القلب و ان شاء الله انتي كمان بتشوفي عزمي و هو مالي عليكي الحياه مع هويدا ~~مسك السنين~~ اذا البيبي اخر الشهر السادس لازم يكون وزنه مش اقل من كيلو1000غم...و اذا بنص السادس 750و طبعا كل جنين بيختلف في نموه في رحم الام عن التاني ~~لولو حمـــادهْ~سهـــى2012~جارة القمر~عسـولة فلسطين~حــواء مثاليه~ميسا~غُمُـوضْ اُُنثَى~ بتمنالكم و للجميع بقية شهررمضان مليء بالطاعات و الجو الحلومع الاهل |
رد: دردشة بنات فلسطين, دردشة حوامل فلسطين, تجمع بنات فلسطين
احسااااااااس كلامك مزبوط يعني لازم الصراحه لانوه من البدايه ازا تعودتي عليها بضل معك للعمر
مسك السنين انا بسال عنك كل ما افوت منوره لولو حماده ولولو الفلسطينيه واغموض انثى وهبه وبينك روز وغزاويه وام يامن كيفكم وكيف رمضان معكم بتمنى الكل يتفاعل بالموضوع ويعطينا رأيه |
رد: دردشة بنات فلسطين, دردشة حوامل فلسطين, تجمع بنات فلسطين
احساس انثى وام عزمي يسلمو عيونكم الحلويت هدول بناتي صح عرايس احساس تسلميلي شو زووووووء انتي وام عزمي انشالله مع الوئت راح انزل صور ل بناتي وابني كمان واورجيكم اياهم والله يخليلكم الي عندكم يا ربي
|
رد: دردشة بنات فلسطين, دردشة حوامل فلسطين, تجمع بنات فلسطين
صباااااااايا شو اخبار غموض انثى الها وئت ما بتبين وجاره القمر انشالله غيابهم يكون خيرررررررررررررر
|
رد: دردشة بنات فلسطين, دردشة حوامل فلسطين, تجمع بنات فلسطين
ميســـــــــــــا ***** يسعد مساكي حبيبتي ’’بتمنى تكوني قضيتي وئت حلو مع الاهل و ان شاء الله امور الحمل تمام مع الصياااااام اول شي ربي يحفظ الك بنوتاتك منورين الصفحه بضحكتهم كتير نغنوشين اما موضوعك الصدق و الصراحه بين الزوجين موضوع مهم لانو هو اساس العلاقه و جوهرها و بدونها بتكون العلاقه باهته خاليه من الثقه لانو اساس الصدق و الصراحه هو الثقه بين الزوجين و بدون الثقه ما اعتقد راح يكون صدق او الجرأه على المصارحه بين الطرفين بالتأكيد في اختلاف بين مفهوم الصدق و بين الصراحه بس بصبو في نفس اقائمه رغم اني بلاحظ ان اغلبية الستات مو الكل بتكون كتير صريحه مع زوجها لدرجة انو ممكن يعكس سلبي اذا ما راعت ان للصراحه وقت و حدود و انو من الذكاء احيانا انو اخفي او اكتم صراحتي خصوصا اذا كان الطرف التاني راح يفسر امور مو بمحلها و لهيك الرجال بتغلب عليهم صفة الكتمان اكتر مننا بحب الصدق و كل انسان بحب هالصفه و ما بحب اتهرب من شي بحب اواجه مهما كانت النتائج لانو عكس الصدق راح يكون عفوا كذب ونفاق وهاي صفة الشخصيه الضعيفه فحلو كل شي ينبنى بشكل سليم مو متل القلعه اللي بتنبنى من الرمال على شاطيء البحر و مع اول موجه بتنهدم لانو ما في اساس قوي و متين طبعا انا من البدايه مع زوجي كل ما كان الصدق عنوان كل ما كانت نفسيتنا و استقرارنا احسن صحيح زوجي ما بخبي علي شي ابدااااا بس احيانا بكتم امور حفاظا على مشاعري بس انا من النوع اللي حافظه خارطة الطريق لعقل زوجي و لهيك بحكيلو معلش الصراحه افضل مثلا امور بتحصل معاااه في الشغل في امور بيحكيلي اياها و في امور لآ بيحكيلي ما بحب اشغلك و انا بعرفك كتير حساسه اما العلاقه الداخليه اليوميه بيني و بين زوجي ما بيكون كتوم زوجي و انا بحب الصفه في زوجي و لهيك بقدر موقفه و خوفه علي و انا بالمقابل لازم اكون متله و احافظ على شعوره اذا في امور بتزعجه بلا ما احكيها عفوا على الاطاله بس موضوع حلو و حساس |
رد: دردشة بنات فلسطين, دردشة حوامل فلسطين, تجمع بنات فلسطين
صبااااااااااح الوررررررررد
كييييييييفكم عيون المها منورانا؟؟؟؟؟؟؟؟؟؟؟؟؟ |
رد: دردشة بنات فلسطين, دردشة حوامل فلسطين, تجمع بنات فلسطين
مساء الفل امـــ عزمي ان شاء الله دائما تضل حياتك منوره بوجود احبابك شو مسهرتك هويدا |
رد: دردشة بنات فلسطين, دردشة حوامل فلسطين, تجمع بنات فلسطين
ام عـــزوم صحيح انتي لسى ما عليكي صياام صح؟ دايره بالك على ابو عزمي بتعمليله تشكيله حلوه على الفطور اناا بتعرفي عشان الحمل ما بصوم بس كرمال زوجي بوئف على الطبخ رغم التقل الفظيع .. ما بدي اجيب جاهز لانو بكره بولد و اكلنااا راح يكون جاهز اصحاب زوجي تنين الهم مطاعم و راح نوصي من عندهم هم بعرفو شو منحب اما السحور زوجي هو بحضر السحور ربي يحفظه نشيط انا بس بئوم بسليه ههههه |
رد: دردشة بنات فلسطين, دردشة حوامل فلسطين, تجمع بنات فلسطين
حبيتي عيون المها تسلميلي والله اموري كتير منحيه والبيبي كتيرررررر ممتاز
شوبت كتير عند اهلي مشان هيك روحت هههههههههههههههههه ما بتحمل صايره الشوب بتفرفط روحي من الشوب بعكس اول حملي كنت كتير ابرد بس هلا بشوب ههههههههههههههههه حبيتي طمنيني عن عمليتك بجد بكره ولا لسه بدك وئت طمنينا عنك الله يسعدك وبالنسبه ل بناتي عيونك الحلوين حبيتي والله يخليلك بناتك صح انتي حكتيلي عندك بنتين الله يخليلك اياهم تسلميلي ويخليكي بالنسبه لحكيك بالموضوع انتي وفيتي كتيررررررررررررر بالموضوع واهم شي انوه هدا الموضوع بحسه اساس الحياه الزوجيه لانوه من البدايه ازا انفئد ما برجع ربي يخليكي ويئومك بالسلامه |
رد: دردشة بنات فلسطين, دردشة حوامل فلسطين, تجمع بنات فلسطين
اقتباس:
|
| الساعة الآن 06:15 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .