|
رد: ديوانية البحرين - دردشة حوامل البحرين - البحرينيات
هلوووووووووووو شلونكم
كلش ما في احد الكل هايم في العيد الله يهنيكم بكرة بأذن الله بيرجع زوجي مع ولدي الله يرجعهم بالسلامة كلش العيد مو حلو بدونهم امس حاولت اني انسى بس ما قدرت قمت وديت ولدي بيت يده ورجعت بروحي البيت واني اصيح حتى الطريق ما كنت اشوفه لين ما شفت الا السيارة طايره مره وحده كان قدامي مرتفع بس ما شفته لاني كنت دابحة عمري من لصياح ظهري وبطني ألمني بس الحين اشوه ورحت بيت عمي قام عمي يهدر على ولده المفروض ما يروح عنش وانتي حامل غلطان hwaml4 واني ساكته بس بعدين انبطت جبدي قلت له خله يغير جو مع اني بداخلي اتمنى لو كان معاي في العيد hwaml02 الحين اخليكم بودي ولدي البحر يغير جو اشوفكم الليلة hwaml11 |
رد: ديوانية البحرين - دردشة حوامل البحرين - البحرينيات
الله هداش شمس كلش اللي سويتينه خطر عليش
الحمدلله زوجش بيرجع باجر بس انتي تحملي في روحش والله واني اقرأ ردش قلبي وقف عبالي صادش شيء هالمرة لاتخلينه يسافر اذا بتسوين في روحش جديhwaml02 اني بعد باجر بيرجع ان شاءالله اصلاً عيد الفطر اني عندي واااجد احلى تحسيت عيدش يعني بس هذا العيد جنه عيد الحجاج بس |
رد: ديوانية البحرين - دردشة حوامل البحرين - البحرينيات
|
رد: ديوانية البحرين - دردشة حوامل البحرين - البحرينيات
سلام حبيباتي شخباركم
اني وحده ضايق خلقي من الحمل وتمللت احس اني كلما قربت المده كلما طالت والتعب زايد عليي كل جسمي يعورني حتى اصابع ايدي تخيلو من جم يوم خلست في زرنوق بيت عمي ورجي شير عليي ورجلي يقوليي قومي فضحتينا تالي عورت افاده مالي حل الله يسهل على الجميع |
رد: ديوانية البحرين - دردشة حوامل البحرين - البحرينيات
اقتباس:
وهو طبعه زوجي انه يصارخ ويمزح من يدخل البيت وهالأيام البيت كلش بيت اشباح احنا كل عيد اضحى نروح نخيم ونطلع البحر ونشوي وغيرها يعني برامجنا اكثر من عيد الفطر من جدي عندي العيد كلش ماله طعم اليوم رحت البحر زحمة ناااس وايد والكل يرمي الحيه وهناك ياهل يرميها ويرد ياخذها من البحر ويرميها يعيد التجربه خخخخخخخخخخخ hwaml03 انتي شنو اخبارش حنون من الوحشه والحمل |
رد: ديوانية البحرين - دردشة حوامل البحرين - البحرينيات
هله حبيبة حسوني
وما تشوفين شر ترى التعب يبدء من يديد من تدخلين السابع ثقل وتعب اكثر والثامن والتاسع بعد الله يسهل علينا اني دخلت الثامن وقاعده اعد متى ادخل التاسع والله يسهل واولد لاني تعبت خلاص وخشمي صاير وش كبره خخخخخخ |
رد: ديوانية البحرين - دردشة حوامل البحرين - البحرينيات
اقتباس:
أهلا بيش شمس الصباح حااسة فيش 100% ،من فترة زوجي سافر سوريا تووة راجع من 3 أسابيع عشت في جحيم بدونه البيت موحاملني وكله أصيح وأعصب غير الوحشة ومسؤولية البيت واليهال والحمال وأني بروحي في بيت وفريقنا لو يموت الواحد في بيته بالسنه مايدرونه عنه وماأسووق يعني عذااب كفو أخليه يسافر بروحة مرة ثانية يحللللللللم ،يختش رجعت ليي الروح برجعته ربي يحفظه بحق محمد وآل محمد المهم الحمدلله على السلامة وتبرزي له وكشخي البيت وغيري فية شووي سووي له مفاجأة وقت جيته ربي يوصلهم ليش بالسلامة ويقر عيونش بشوفتهم أني العيد ولارحت محل بس منجعسة في بيت أبويي واليهال أبوهم يطلعهم عيد سعيد وينعاد بالخير والمسرات hwaml7 |
رد: ديوانية البحرين - دردشة حوامل البحرين - البحرينيات
الله يسلمش احلام ام من زمان كشخت البيت باقي البخور الليلة قبل لا انام بسوي بخور في البيت ما عدا غرفة النوم يمكن يوصل الصبح يكون البيت ريحته حلوه وبكرة بسوي بخور للبيت كامل من الصبح
باقي اكشخ نفسي مع اني بالدبه كلش ما في كشخه خخخخخخخخخ |
رد: ديوانية البحرين - دردشة حوامل البحرين - البحرينيات
اقتباس:
الله يسلمش عااد بالدبة لو بلا الدبه هذا إحنه لازم يتقبلونه ويتقبلون دبتنه ويانه هههههههه الله يتمم لش ويقومش بالسلامة أولادي الله يهديهم مسويين ليي رعب في البيت من ليلة الثلاثه لليوم مشتريين كتاكيت صغار حدهم وأني خويفه حدي من كل البهايم يخلف الله ،وبس أهرب منهم وأصورخ عليهم وكل شوي يايبينهم ليي يخوفوني عرفوا نقطة ضعفي ههههه،قلت لزوجي إذا ماوداهم الزراعة عند أبوه مابغسل ثياب لأنهم حاطينهم تحت الغسالة في الكامبون ههههههه أشوفش على خير شموسة أكو دخلوهم المطبخ بروح أخوفهم بس أخاف يخوفوني hwaml7 |
رد: ديوانية البحرين - دردشة حوامل البحرين - البحرينيات
سلام كروشاااااااات
ابشركم آنا اولدت بالسلامة ويبت أحلى أثنين عباس وزنوب نوروااا علينا البيت إن شاء الله بكتب لكم قصة ولادتي وقت ما افضى بس حبيت اخبركم لاني توني مترخصة وزحمة اليهاال نشوفكم على خير .. |
| الساعة الآن 09:02 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .