|
رد: تجمع حوامل ليبيا
أم أسيل ألف مراحب بيك ... والله الصيانة مازااااااااااااال قاعدين ينقشو .. الحمام الصغير ليهم فيه أكثرمن اسبوعين وما كملش .. يوم ايجو وعشرة لا .. الله غااالب عليا وخلاص. وانتي قوليلي شن اخبارك وين واصلة في رحلة العلاج .. وامتا موعد دورتك
|
رد: تجمع حوامل ليبيا
عيوني .. ربي ايعينك انشاءالله .. والله اصعب حاجة العيل اللي ما يرقدش في الليل .. وووووووك جربته في سارة قعدت قريب 5 شهور الليل تقيملي فيه للصبح .. والله وليت عصبية ومن ابسط حاجة نتعفلق .. وعيوني ديما ارهاق وماخاطري اندير حاجة في النهار من الراس اللي يفشخ من قلة النوم .. لكن توا الحمد لله والله وليدي هويدي هويدي يرقد وينوض مرة والا مرتين يرضع وايولي يرقد (وأما بنعمة ربك فحدث)
|
رد: تجمع حوامل ليبيا
اني الخميس الجاي بنطهر فراس بإذن الله .. قولولي حق ام الولد ماتمشيش معاه .. عزوزتي قالتلي خلي امك ترفعه .. شن رايكم ؟؟
|
رد: تجمع حوامل ليبيا
سلامات
حنو والله ضحكتني بوحمك عادي ياغالية اتحملي كلمة ماما مش ساهلة عيون ولولي انا اتخرجت السنة هادي من التاريخ وجيبت الترتيب الاول علا شعبيتي بس مازال قرار المعيدة وانا نبي نتم برا بعون الله بس نبي نرتاح سنة لانا العام لي فات تعدبت عروسة ونقرا وتجمع كله ويالولي مازال ماقالولي الببي شنو لانا عاطي من وراء غاليتي ام اسيل مشكورة علا سوالك عليا خبل الوصل مبروك علا بنية خالتك والله فرحتلها الحق معراج ووووووووووووينك بالله ديما نسال عليك وانت فايتة سورينام شكرا هلبة مسالتي عليا بكل |
رد: تجمع حوامل ليبيا
عيون تحملي ديما البيبي هكي وهو صغير انا عندي سلفتي بنتها قريب مرات تريش مسكينة من الارهاق بس الام مش ساهلة
ليبية عادي ماتخافيش مرات الحمل ميبناش في الجهاز المهم بان في التحليل اطمني وراهو يجيك الوسواس زي انا توا حتى كان نوض في لبل نلقى روحي راكدة علا ظهري نوض في راجلي مخلوع نقولا حا عليه انا راكدة علا ظهري حا الببي معاش وصلا الاكسجين ههههههههههههه |
رد: تجمع حوامل ليبيا
السلام عليكم
صباح الخيرات عليكم كلكم كيف حالكم كلكم وشن اخباركم ليبيا قلبي ضحكتيني ههههههههههه والله راكبني الوسواس والخوف وندعي هلبة بالدات ان ماتوحمتش لحد توا قبل ديمة نقول حي عليا كان نحمل بنمرض ونرجع لكن ما في شي قالولي مازال لنهاية التاني اهو نستنى وحدة ادور في الشقى ههههههههههههه |
رد: تجمع حوامل ليبيا
اقتباس:
الف الف مبروك وان شالله بسلامته وفعلا ام الولد ما تمشيش امعاه حتى نحن فى الشرق ماعندنش كلهم يعطو الولد الى اجديتاه هى لى اتشيله الى المستشفى ويديروله تحليل السيولة واذا كان اكويس ايطهروه hwaml10 |
رد: تجمع حوامل ليبيا
اقتباس:
الف الف مبروك وبالصحة وطول العمر يارب حتى انا راجلي كل يوم يقولي امتى بنطهروا محمد لانه بنيته ماشاءالله كان عند الولادة 4كيلو وشوي وتوا ماشاءالله بس انا خايفه يزيد ايعذبني من العياط والنقيق الله يفرح قلبك يا سوري يا غاليهhwaml13 |
رد: تجمع حوامل ليبيا
اقتباس:
او سمع عنك خبر وينك يا احنينه يا حلوة التجمع ووين اخبارك وشن صاير معااك hwaml7استحشنااااااااااااااك هلبه هلبهhwaml7 |
رد: تجمع حوامل ليبيا
ليبيه85 ماتخافيش حتى انا في بنتي تعبوني
مشيت درت جهاز في بداية التاني قالوا مهناش كيس حمل ولانه التحليل كان فيه حمل قالوا احتمال حمل خارج الرحم وتعبوني نفسيا بس الحمدلله طلع كله كدب وجبت احلى واغلى سارة بنتي ساره قصتها طويله معاي توا نحكيهالكم للعبرة وتشوفوا ان الله حق وان الله مع عبده وان الاستغفار سيد الاذكاااااااار |
| الساعة الآن 01:18 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .