|
رد: تجمع الحوامل الي بيولدون في شهر ذو القعده ^_^
ام عبدالرحمن ان شاءالله خلصتي أغراضك الله يعينك
خلاص بنات هوناا بنجلسس جت ام عبدالرحمن بس اذا راحت بتاخذنا معهاااا >>. ههههه الله يهون عليك وعلي وعلى البنات اجمعين ياااارب |
رد: تجمع الحوامل الي بيولدون في شهر ذو القعده ^_^
مرهفة حس
طعمة كف مريم مقبول بس يوم شفت شكلة حووووم كبدي مدري ليش شكله مقزز كنه عقرب كنه كشة كنه شجرة بلشارع >> مادري كيف اوصفها لاشربتها قامت كبدي تلوع بسبة شكلها بس شربتها مرتين ولا سوت لي اي شي جابت لي النوم ذاك اليوم ونمت |
رد: تجمع الحوامل الي بيولدون في شهر ذو القعده ^_^
مرحباا يا بنات
شخباركم ؟ الحب الابدي انا بعد اكتشفوا نقص الحديد فيني وعطوني 5 غراش لكن جربتهم يوم وترك وجدا الغرزه مالته مؤلمه لانه حار على الجسم ’’ ام جيان ينفع يعني هالحلتيت ؟ تدرون يا بنات انا من بعد الجماع امووت يجيني طلق قوي ويستمر ساعات ويفك الصبح مادري شالسالفه وياه خلاص حرمت مابي جماع دام هذي الحاله ،، روح الفراشه عورتي قلبي والله نفس الحال واليوم هي الليله الثالثه مع الالم انا توني كنت بروح بس كنسلت مابي يقولون لي بارد وبنفس الوقت خايفه على البنوته يارب احفظها من كل سووووء ،، حامله قيمي شسوي الكل يقولي صبري بكريه عادي تتأخرين مشكلتي اتألم مليون مره والله بس محد يحس لو توصفين له يا صبر ايوب على بلاوه .. مافهمت شنو يصيد الرحم خوفتيني !! انا ماعلي من روحي بس اهم شي البنوته تكون بخيرررر |
رد: تجمع الحوامل الي بيولدون في شهر ذو القعده ^_^
مووني
انا متردده مع هالصناعي لان امي وخواتي و زوجي مو راضيين اخذه يقولون لي بكريه تتأخر وبعد بنت طلق بارد شي طبيعي احين ابي اعرف هل الطلق هذا بس بعد الجماع ولا يجي بالليل ولا شسالفته ،، ام عبدالرحمن انا قلت خونتي فيني و ولدتي هههههه الله يسهل على الجميع ربي يعطيج العافيه اي زين خلصي اغراضج انا كل شي جاهز على الاخر من 10 ايام تقريبا انا دكتورتي مسويه لي فحص الخميس اللي طاف وقالت الراس بالحوض والماي تمام والمشيمه فوق وكل شي اوكي ولله الحمد وقالت روحي سوي ابره طلق صناعي و ولدي بس انا قلت بقعد كم يوم يمكن يزيد وللاسف اختفى بس السداده نزلت واحين 3 ايام عندي طلق متعب جدا ما انام الليل بسبته واول يوم صادني رحت قالت لي بارد بس لين زاد شويه تعالي وامس جاني بس مادري هل زاد ولا اقل من اللي قبله وخليته تحملت وانا اعض على روحي من الالم والصبح راح والمغرب قلت لزوجي عن الجماع لاني احسه يسوي لي تحريض وسبحان الله ماتطوف ربع ساعه والا الم يجي من كل صوب ومستمر من الساعه 7 لي الحين بس متردده اروح انا خايفه على البيبي كنت بروح المستشفى وجاااء زوجي يشوفني يقولي ما احس فيج شي قلت له تعبت من الالم بس متحمله تبيني اصرخ عشان تحس ورجع قالي مايبين عليج وهو عافس وجهه يقولي انا من داخلي مابي اوديج لان ننتظر مده على الخالي وبنفس الوقت مابيج تقولين مايهتم وجذي وانا لا شعوريا قلت له خلاص ودني وروح عني وقعدت اصييح قهرني والله انا اتألم بس ماعرف يمكن يكون بارد بعد الطلق لكن ازعجني كلامه كفايه اني اتعذب من داخلي وقعد يراضي فيني ويقولي يالله نروح وانا ركبت راسي قلت له خلاص مابي مستشفى روح ارجع حق ربعك وبقى فتره وبعدين هو زعل لاني ناديته يجي من عندهم وكنسلت الروحه والله الصراحه جاب لي الضغط انا تعبانه لكن شاسوي مشكلتي بكريه وماعرف لهالسوالف عدل وخاااايفه والله على بنتي ينقص ماي او اكسجين او دقات القلب ماعرف اي شي بس جد خايفه عليهاااا سامحوني جيت افضفض لان عيوني مو موقفه دموع ومالي غير الله ثم انتواا اللي بتحسون فيني وبهالوقت |
رد: تجمع الحوامل الي بيولدون في شهر ذو القعده ^_^
اذا جنك الالااام روحي للمستشفى ترى مو شرط يعطونك طلق صناعي فيه اشياء ثانية غير الطلق تسوي مساعدة وتحمي الطلق <<ماما تقولي كذا
انتي اذا جتك الآلام روحي ويحمونها لك بالحقن والتحاميل الله يهونها عليك يارب |
رد: تجمع الحوامل الي بيولدون في شهر ذو القعده ^_^
انا كمان قالت لي الدكتورة الرحم مسكر
والجنين لسى مانزل بالحوض مادري شسوي مليت من كثر المشي صار لي اكثر من شهرين مواصلة على المشي ومافيه فايدة |
رد: تجمع الحوامل الي بيولدون في شهر ذو القعده ^_^
wounded feelings
ام عبد الرحمن لسى تستنانا مشان نعوشر مع بعض :) |
رد: تجمع الحوامل الي بيولدون في شهر ذو القعده ^_^
ورد القلوب
قالوا لي خذي نفس عمييييييق وطلعيه من فمك الحركة تفتح الرحم ودهني حلمتك بزيت زيتون لمدة ربع ساعه اجلسي حركيها وانتي تدهنيها أنا جالسه اسويها وان شاءالله تفيد |
رد: تجمع الحوامل الي بيولدون في شهر ذو القعده ^_^
ويندي
صدقيني بنتك حاطه عينها على حدى الحوامل اللي حاملين فولد تحتريه يطلع قبلها عشان يكون اكبر منها لو في اسبوع هههههههه ان شاءالله يكون آنااا |
رد: تجمع الحوامل الي بيولدون في شهر ذو القعده ^_^
مووني
يمكن اروح بكره الصبح اذا بقى الالم بس الحين ما راح اتصل لزوجي واقوله يجي مستحييييل لو اولد بالبيت ولا اتصل له خلاص هو خلا مخي يقفلـ على الآخر :) ~ ورد القلوب انا عوشرت وباقي تلحقني ام عبدالرحمن هههه ~ انتي بعد باقي لج يالله ان شاء الله تولدين قبل وماتعوشرين .. |
| الساعة الآن 12:10 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .