|
رد: تجمع حوامل ليبيا
السلام عليكم
كيف حالكم كلكم ليبيه85 اولا كل عام وانت بالف خير ثانيا الطبيعى خير بواجد يعنى كيف الى داره ربى كيف الى داره الانسان؟!!!!!!!!!!!!! اعيون شن الاخبار كبروا الصغار والا ما زال؟ نسرينا خير خير وانشالله الجاى خير واجد |
رد: تجمع حوامل ليبيا
السلام عليكم
وانتي طيبة ام لقمان وصح الطبيعي خير اليوم مشيت للدكتورة دارتلي الجهاز مابانش كيس الحمل قالتلي مازال ولي الاسبوع الجاي لان ليا 3 ايام بس في التاني هكي طبيعي يا بنات؟ |
رد: تجمع حوامل ليبيا
مرحبتين بيكم وكيف حالكم كلكم هلا بيك ياليبية بين خواتك وربي يتمملك حملك على خير ميرنا وام اسيل وينكم ياغاليات والله استاحشتكم وااااااااااااااااااااجد بالنسبة ليا انى في العيد ذبحت زوز واحد اول يوم العيد والثانى تانى يوم وطبعا في بيت عمى الحوسة كلها ونتعاون فيه انى وسلفاتى وعمتى يعنى مافيش تعب الشغل متقسم بس والله الفرحة كانت ناقصة لان اختى اللي صغارها نحرقو مش معانا معيدة في طرابلس وامس كنت عندها وشفتها هيا وصغارها
|
رد: تجمع حوامل ليبيا
يابنات تذكرو بنت عمى يلي حكيتلكم عنها وراجلها تزوج عليها لانها ماجابتش صغار ماشاء الله طلعت حامل بعد مايأسو منها الدكاترة وقالولها ماعندكش امل انك تحملى شفتو رحمة ربي ليها 9 سنين ماحملتش ربي يكمل عليها بالخير والله كان نقوللكم قديش فرحانة ماتصدقوش
|
رد: تجمع حوامل ليبيا
السلام عليكم ورحمة الله وبركاته ... كل عم والجميع بالف خير ومن العايدين الفايزين انشاءالله كلكم ....
|
رد: تجمع حوامل ليبيا
عيون حبيبتي .. والله ديما في بالي وانشاالله ماننساك ولا نسهى عنك يا غاليتي
|
رد: تجمع حوامل ليبيا
نعرفي اخر مرة خشيت كتبت رد ليك انتي هكي طوله نحكيلك فيه على احوالي ونسال على احواللك وقبل ما اندير اضافة رد فصل عليا النت ... اتعفلقت سكرته ومعاش فضيت والله
|
رد: تجمع حوامل ليبيا
بالنسبة لعيدنا الحمد لله هون عليا ربي ومشي على خير رغم ان التعب كله عليا عزوزتي كبيرة ومريضة بالقلب ومادارت معانا حاجة .. وسلفتي حامل في شهرها وعندها 6 صغار ماشااااااااااااااالله .. يعني حصلت في الحوسة بروحي رغم نها مسكينة ماهنتش روحها ودارت اللي تقدر عليه وفات بجوه وخلاص .. وربي يدوم علينا صحتنا لانها اهم حاجة
|
رد: تجمع حوامل ليبيا
عيون بالنسبة للانجليزي اهم حاجة الممارسة .. اني انجليزيتي كويسة ومن ايام القراية كنت انسكر في الدرجة في الانحليزي .. لكن ما عرفتش روحي كويسة الا لما قعدو عندنا زوز المان (راجل ومرته) وطحتلهم فيها انجليزي من غادي ؟؟ ههههههههههه
|
رد: تجمع حوامل ليبيا
حنين .. انيييييييياهههههاهااااااااا.. نتخايل في منظرك وانت قرفانة وكبدك دارهة وروحك في راس مناخيرك واللي ايكلمك يوحل فيك وانتي تقولي شن هالحصلة اللي حصلتها ...والله دكرتيني بالوحم وقرفه ووووووووووووك ماشناها ايامات .. تعرفي سامحيني في الكلمة كنت نقول لراحلي نخس في روخي بالعة فار مدود اعععععععععععععععععععععععع
|
| الساعة الآن 05:43 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .