|
رد: دردشة بنات فلسطين, دردشة حوامل فلسطين, تجمع بنات فلسطين
انبثاقة::
يئبرني الدقيق انااااااااااااااا ......... والله جبتوهااااا بلكي اعمل معكرونة ........... .......... بنات جاي عرسان لاخواتي ......... لي 3 خوات 2 بدرسو هندسة بسنه 4 وحده 3 ولصغيره سنه اولى ديكور وتصميم داخلي...... ماخدين سكن بالمنطقة اللي بيدرسو فيهاااااا وابوي راااااااااااافض تزويجهم هلاااااا وامي كذلك ......بس من كتر زنننننن الناس ابوي ولاول مره بيوافق بستضيفهم على البيت ههههههه انا لتزوجت طلعت روح زوجي لوافق والدي عندوووو شرط البنت تخلص تعليم ......ويعلمها سواقة ........وياخودها عمره هههههههه .......ابوي مو صعب والله بس احنا روحوووو وبدو اللي بياخودنا يكون على قدهاااااا ........ لي اخت اكبر مني بــ6 سنوات زوجها .......ماااا شالله بريفيسور ---....و فاز بأحسن بحث في العالم في مجال الطاقة المتجددة للعام 2011 ، وحاليا مدرس بجامعه ......بس مو عربية ........ومكتوب عنه كتير مقالات على النت ....... |
رد: دردشة بنات فلسطين, دردشة حوامل فلسطين, تجمع بنات فلسطين
جارة
اسم الله الله يخليلك اياهم يارب ممكن اختك اللي بسنة رابعة اذا في ناس كويسين تخطب وبعدين لتتخرج بتتزوج الله يعينه ابوكي على فراقهم لانه البنات دايما اصعب زواجهم بالنسبة للاهل بيكونوا الاهل روحهم معلقة فيهم الله يبعتلهم اللي فيه الخير يااااااارب |
رد: دردشة بنات فلسطين, دردشة حوامل فلسطين, تجمع بنات فلسطين
الله يخليلكم الوالد
واكيد هو حريص ع التعليم لان سلاح الوحده في هالدنيا ومو غلط يستقبل ويشوف ويارب يكتب الخير لكل خواتك زوجي قرر يغير لي الطبخه مابده فريكه جاي ع باله كفتة دجاج حكيتله بعمل ابوها بس كل يوم اختار طبخه وريح راسي من التفكير ههههههه |
رد: دردشة بنات فلسطين, دردشة حوامل فلسطين, تجمع بنات فلسطين
بناااااات
هلا الدورة اجتلي ب12-12 وهي اليوم اجت ايش هدا دودو انا هدا الموقع بفوتو من اول يوم حمل متابعة فقرة فقرة تبع بيبي سنتر ارابيا حتى اشتريت مجموع جونسون لديدو ناشرين هدا الموقع |
رد: دردشة بنات فلسطين, دردشة حوامل فلسطين, تجمع بنات فلسطين
مسا الورد صبايا
مين هون ؟؟ انا درستلي شوية و هلأ راحة بعد الغدا هههه hwaml02 جارة ربنا يخليلكم الوالد و الله يجيب يلي فيه الخير لخواتك حيفا صحتين على السمك زوجي بموت بالسمك و ريحته كمان هههه وينكم و شو اخباركم ؟؟ |
رد: دردشة بنات فلسطين, دردشة حوامل فلسطين, تجمع بنات فلسطين
هلا لول كيفك يا عمري
الله يعطيكي العافية وصحتين عالغدا ؟؟ شو اتغديتي اليوم ؟؟ تعالي ندردش شوي |
رد: دردشة بنات فلسطين, دردشة حوامل فلسطين, تجمع بنات فلسطين
اهلين فيكي حلا
على قلبك يا عسل ,, عملت اليوم لفائف مسخن و شويت بطاطا على طريقتي بالفرن و انتي شو طبختي ؟؟ و شو اخبارك ؟ |
رد: دردشة بنات فلسطين, دردشة حوامل فلسطين, تجمع بنات فلسطين
هلا فيكي ..
صحيتن وعافية يا رب انا كتير نفسي اجرب المسخن بس جوزي ما بيحبو وخايفة اعملو ولادي كمان ما يحبوه :( المهم انا اليوم عملت كبدة جاج وعملت جنبها سلطة بطحينة وقليت بطاطا والله كان كتييير زاكي تسلمي انا الحمد لله اخباري منيحة وهيها داحلة .... بس حموضة المعدة كتير ماديقتني ولا الها الحل ولاشي معها نافع |
رد: دردشة بنات فلسطين, دردشة حوامل فلسطين, تجمع بنات فلسطين
صحة على قلوبكم
الله يعينا على المعدة و مشاكلها هههه انا اليوم من الصبح كل ما اكل شي او اشرب حتى ميه بحس حالي بدي استفرغ و قرفانة بشكل مش طبيعي مع اني اول ما دخلت الرابع حسيت الوضع اخف من قبل بس هاليومين رجعلي |
رد: دردشة بنات فلسطين, دردشة حوامل فلسطين, تجمع بنات فلسطين
اه والله وانا كمان بكون عطشانة وبدي اشرب بس معدتي بتوجعني وبيصيبني حموضة مع انو عندي دوا
بس انا ما بحب اخدو لانو بيخلي مسطلة وكتتتتتتتتتتتتتتير نعسانة وباخد اشياء تانية بتخفف الحموضة زي الحليب البارد واللوز والخيار بس مفش فايدة بتخف شوي وبتعاود ترجع ... انا لسه جديد دخلت التالت يعني انتي اكتر مني بشهر تقريبا متى موعد ولادتك ؟؟ |
رد: دردشة بنات فلسطين, دردشة حوامل فلسطين, تجمع بنات فلسطين
انا موعد ولادتي ان شاء الله 23-6 , و انتي ؟؟
ربنا يتمملنا بخير و تمر هالشهور بسرعة |
رد: دردشة بنات فلسطين, دردشة حوامل فلسطين, تجمع بنات فلسطين
مساء الخير:: اعملت مجدرة مو معكرونه.............. مسك::: بجنن البيج اللي اعتطيني الينك تبعووووو يسلمو هالايدين فيو طرق رووووعه |
رد: دردشة بنات فلسطين, دردشة حوامل فلسطين, تجمع بنات فلسطين
بسعد مساكي جارة , نورتي
صحتين على المجدرة |
رد: دردشة بنات فلسطين, دردشة حوامل فلسطين, تجمع بنات فلسطين
لولو ::
على ئلبك يااااارب |
رد: دردشة بنات فلسطين, دردشة حوامل فلسطين, تجمع بنات فلسطين
مساكم فل اشتقتلكم يا رب تكونو بخير
حلا الماس لولو جربو الرمان للمعدة انا كثير استفدت على |
رد: دردشة بنات فلسطين, دردشة حوامل فلسطين, تجمع بنات فلسطين
صباح الخير بنات مبارح مابينت كنت متنكده ع هوا زياد
اخدتو ع دكتور خاص ماشالله فحصلي اياه من فوق لتحت كلو تمام بس طلع عندو اميبا انجنيت هاد بيبي من وين بدها تجيه قلي من الاطفال خاصه يلي بيسيحو ويلي بفوتو الله يعزكم الحمام ومابغسلو / وطلع عندو بداية افتاق لا وكل هالكلام ماحكالي اياه دكتور رحت عليه قبل بشتغل بمستشفى مع اني دافعه كشفيه بس الناس يلي عندها ضمير وبتشتغل بامانه قليله بهالدنيا ان شالله يوم السبت حروح ع دكتور جراحة اطفال عشان اشوف شو قصة الفتاق لانو اليوم وبكره البلد حتكون مش طييعيه عشان الانطلاقه / ع فكره يابنات انا كنت ملاحظه ع زوزو قصة الفتاق من تاني شهر مش من العياط وبقلي لا شي عادي الدكتور الاولاني حسبي الله ونعم الوكيل |
رد: دردشة بنات فلسطين, دردشة حوامل فلسطين, تجمع بنات فلسطين
يسعد صبآحكُو بنآت كيفكو ..
مسك يسلمو عاللينك بتجنن الوصفات كتير قعدت ساعة اتصفح فيه هههه ^^ ميرسي يَ البي مبارح كنت كتير مشغولة عزلت البيت ونضفت كل شي .. اليوم ان شاء الله رح اجهز المقبلات والحلا واجهز للأكل عشان حركبو الصبح بكير .. بابا بيوصل يوم الجمعة الظهر ان شاء الله حروح استقبلو انا وزوجي يارب يوصل بالسلآآآآآمة والله قعدت ساعة محتارة شو اعملو اكل خاصة اول مرة رح يآكل من ايدي وطبخي هههههه ^^ شوفو شو ححعمل .. رز اوزي لانه شكله حيكون حِلو بالحاجات اللي عليه وحعمل جاجة مشوية في الكيس .. والمقبلآت حعمل .. سلطة ملفوف وجزر بالمايونيز وسلطة مشوية " هاي تونسية " وسلطة لبن وخيار ولفائف البتنجان محشية كفتة ومش عارفة شو كمان والله انا كتير محتارة وحاسة حالة حايسة مع التوتر عملت كيكة حكتب عليها شي حِلو لبابا .. ببقى اوريكو ياها ان شاء الله الدورة لهلا ما اجتني وخايفة اعمل تست :( متوترة ياجماعة النجدة :d |
رد: دردشة بنات فلسطين, دردشة حوامل فلسطين, تجمع بنات فلسطين
احساس
ياويلي عليا يازوزو حراااام لسا صغير ع كل هادا سلامتو ياااااااارب وقصة الفتاق مرة اعتقد حكيتي انه كان في عندو شي منفوخ صح ؟ |
رد: دردشة بنات فلسطين, دردشة حوامل فلسطين, تجمع بنات فلسطين
يسعد صباحكم
احساس حبيبتي معلش قل لن ييبنا الا ما كتب الله لنا قولي الحمدلله ومنيح انه رحتي لدكتور اكتشفها مش ضليتي مش عارفة الافتاق بيصيب كتير اطفال وعمليته بسيطة كتير ما تقلقي اهم شي تهتمي بموضوع الاميبا اذا اعطاكي الدكتور دوا الها تداوميلو عليه وتسالي الدكتور بالنسبة للاكل والرضاعة يقلك شو تطعمي وشو لا من شان الاميبا ، وكمان بتروح انشالله بدها شوية وقت الله يكونلك معين ويشفيلك اياه يااارب غموض يوصلك بالسلامة البابا ياااااارب وتشوفيه وتملي عيونك منه على خير ويخليلك اياه هو وامك وعيلتك صحتين عالاكلات الطيبات يا معدلة اكيد ابوكي حيكيف ع اكلك وحاولي تعملي تست اليوم عالقليلة عشان تعرفي وتبطلي متوترة وطمنينا |
رد: دردشة بنات فلسطين, دردشة حوامل فلسطين, تجمع بنات فلسطين
صباح الفل صبايا .. كيف انتوا اليوم
لولو انتي متل سلفتي بالزبط حامل ... انا موعد ولادتي بـ 2/8 يعني قبل العيد بـ 4 ايام عالوقفات يا حبيبتي عالوقفات هههههههه حواء مثالية تسلمي يا عمري رح اجربو وان شاء الله استفيد عليه بس عصير واكلو حب عادي يعني احساس انثى سلامتو ابنك .. كتير اطفال بيكون معهم ومع العملية كتير بيصيروا مناح بالنسبة للامبيا اظن في دوا اسمو فلاجيل وكمان متروزول .. انتي اسالي الدكتور عنهم وان شاء الله خير .. طمنينا عنو لما ترجعي من عند الدكتور شو مشاريعكم لليوم صبايا ؟؟ |
رد: دردشة بنات فلسطين, دردشة حوامل فلسطين, تجمع بنات فلسطين
شكرا صبايا يلي مزعلني ابني بخلص من شغله باطلعلي شغله
غموض هوا الانتفاخ طلع بداية افتاق / وياحرام بنمغص كتير من الامييا ربي يرفع عنو هيني ماشيه ع كلام الدكتور يارب خير غموض ماشالله عليكي سفره هنيه ان شالله وربي يخليلك بابا ويجيبو بالسلامه / اقلك بلا من تست الحمل عشان لاسمح الله لو مافي شي لل تدايقي خليكي مبسوطه بجية باباكي وفي نفس الوقت ديري بالك ع حالك من التعب عشان ان شالله يكون حمل يارب ويكون نزول ابوكي تونس خير عبيكي ياالااااااااااارب / سلمي ع الوالد :) انتي تذكري شو الاكلات يلي بحبها ابوكي واعمليلو ياها حلاااااا انا ماعندي مشاريع اليوم صايمه وهيني تحت الحرام حضل هيك لحد مايأدن عشان مااحس بالجوع لاني ماقمت اتسحر :) |
رد: دردشة بنات فلسطين, دردشة حوامل فلسطين, تجمع بنات فلسطين
الله يتقبل منك حبيبتي يا رب
مع انو اليوم الطقس كتير دافي وحلو وهيني عم بغسل عشان الحق الشمس لانو في منخفض داخل بداية الاسبوع الجاي :) |
رد: دردشة بنات فلسطين, دردشة حوامل فلسطين, تجمع بنات فلسطين
احساس
انشالله خير ولا يهمك توكلي على الله وانشالله ربنا بيشفيلك اياه يارب وصوما مقبولا حلا الالماس كيفك ؟ ربي يتمملك ع خير حبيبتي انا كمان متل لولو بعدها بيوم انشالله موعدي هههه 24 ربنا يتمملك ع خير ويتمملنا ع خير ويرزق كل الصبايا ؛) |
رد: دردشة بنات فلسطين, دردشة حوامل فلسطين, تجمع بنات فلسطين
هلا فيكي دودو ♥ ♥
ربي يتمملنا على خير جميعا ويعيننا يعني انتوا بتفطروا بشهر رمضان ... بس انا لا ما بفطر الا اخر 4 ايام انا مرتين افطرت برمضان كنت نفاس .. الاولى فطرت الشهر كلو لاني ولدت قبل رمضان بيوم والتانية فطرت 20 يوم لاني كنت والدة قبل رمضان ب20 يوم .. والحمد لله صمتهم كلهم وما تركت ولا يوم بس كان صعب علي لانو كنت اعيد لحالي خلص سلام بشوفكم بالليل لانو بدي اقوم انشر غسيلي ^ــــــــــــ^ |
رد: دردشة بنات فلسطين, دردشة حوامل فلسطين, تجمع بنات فلسطين
حلا الالماس
اه اول رمضان كله يمكن نفطرهههههه يلا فدا البيبي معلش والله رمضان والعيد وانتي لحالك صعب انا بغربة وبحس بغصة وقتها الله يجمعنا بهلنا على خير يارب |
رد: دردشة بنات فلسطين, دردشة حوامل فلسطين, تجمع بنات فلسطين
الله يهون عليكي يادودو
بس لما تشوفي البيبي بتنسي كل التعب ربي يتمملك على خير |
رد: دردشة بنات فلسطين, دردشة حوامل فلسطين, تجمع بنات فلسطين
صباحكم فل
سلامته زوزو يا احساس والله الواحد بنقهر لما يصير بالصغار شي غموض يارب يوصل ابوكي بالسلامة وان شاء الله تطلعي حامل حلا الماس انا كنت اوكل الرمان حب او اشربه عصير علاج فتاك للوحام جوزي هداك اليوم جايبلي نص الرمان الي بالسوق ههههههههههه بحكيلة بده ينقطع بقلي يمكن باقي الصبايا نهاركم سعيد حيفاااااااا شو صار معك |
رد: دردشة بنات فلسطين, دردشة حوامل فلسطين, تجمع بنات فلسطين
يسعد مساكمم
شو أخباركم سلامته ابو الزوح ربي يعافيه ويرفع عنه الله يعينك احساس ان شاء الله فتره وبتعدي دودو وحلا وحواء وكل الصبايا ربي يتمم لكم ع خير وتقومو بالسلامه يارب غموض يوصل بالسلامه الوالد وفرحك بشوفته يارب وان شاء الله تكون الفرحه فرحتين وتكوني حامل |
رد: دردشة بنات فلسطين, دردشة حوامل فلسطين, تجمع بنات فلسطين
مرحبااااااااا بناااااااااااااااات
هلا هلا نام وليييييييييييد ااااااااااخ بموت علييييييييييه وهوا نااااااااايم البنات يلي هلا حوامل وبالشهور الاولى ربنا يكون بعونكم ع الوحااااااااااام واكيد بتمشوا الايام تمشاية هههههههه كنت انا انتظر الشهر الجديد بفارغ الصبر بس شووو بتحسووو حالكم طولتو وانتو حووامل ههههههه بس تجربة نتيجتها حلوة ههههههه غموووض شو صار معك حللتي ؟ حيفا اتوكلي ع ربنا وسوي طبق الضهر مابيضر لعلمك انا زوجي خلاني ااروح دكتورة نساء وتوليد مشان دورتي الملخبطة بس ولكن هوا كتير متشوووق لبيبي بس الامر عادي كان بالنسبة له المهم الدكتورة كتبتلي علاجات لمدة 9شهور ونص وكل يوم اشي جديد المهم انا قدام زوجي غدير بتاخدي الدوا اوووه وبانتظام >>طبعا كذبت عليه وبعد الحمل اعترفتلو ماكنت اخد غير الاوميجا 3 والفوليك اسيد وبسسسسسس كلوميد ونولفادكس والبروفيرا والشلة هاااااي ع الفاااااااااضي ندفع فلوووس ونطير بالهوا بالاخر لما قلتلو ما اخدت الدوا مازعل قالي انا كنت مهتم بالامر مشان تكوني تمام بس قلتلو انا تمام من غير اشي ومع العلم لهلا دورتي ملخبطة شكلها كدا الطبيعي تبعها والله اعلم ومع العلم الدكتورة كزا مرة كتبتلي كرتزون وهوا الوحيد اللي كنت غبية وشربتو ولما زاد وزني فوق المعقول حلفت لاكب الادوية من بعده ههههههههه ع فكرة انا زوجي اكبر مني ب10 سنين بس مش باين علينااااااااا هوا مبين 26 وانا مبينة اكبر من عمري لاني دببببببببببببة هههههههه |
رد: دردشة بنات فلسطين, دردشة حوامل فلسطين, تجمع بنات فلسطين
منورة مسك
كيفوووووو ولييد انا عكسك يا مسك بالحمل ما زاد وزني الا خمسة او سته كيلووووو وهلا انا اضعف كثيرر من قبل كنت حامل وهلا بلشت برحلة حمل جديدة الله يهونها علي يارب انا وزوجي جيال نفس العمر والتنين مبينين اصغر من عمرنا |
رد: دردشة بنات فلسطين, دردشة حوامل فلسطين, تجمع بنات فلسطين
يسعد مسااااااااكم
احساس:: حبـــــــــــــيـبــــــــي زوزو ما على ئلبو شر يا ربي ............الف سلامه عليه .......... والله من ئلبي دايئت عليه .............كتيررررررر............ الامبيا :::: بعرف انها من المي ممكن تجي ازا كانت مش مغليه ..... صدئيني فتره استلمني فيها زيد ......بالمرض ...شي رشح ....شي سعله قوية...شي مغص.....ودانووو وكل يومين عند دكتور ..........فالواحد بتمر عليه فتره صعبه .......... توكل على الله يا روحي .......... معناتوووو زوزو مسكين ما بينام منيح منها ..........لانها هي بتعمل مغص ....وبتنزل الوزن ....ديري بالك عليه .... |
رد: دردشة بنات فلسطين, دردشة حوامل فلسطين, تجمع بنات فلسطين
غموض::
ان شالله والد ك يوصل بالسلامة ,,,,,,,,,, وان شالله تكون على جيتوووو الخبر الحلو وتكوني حاااااامل وشو ما بتعملي اكيد بيطلع منك زاكي ........ |
رد: دردشة بنات فلسطين, دردشة حوامل فلسطين, تجمع بنات فلسطين
مسا الخييير جمييييعا
كنت طالعة اليوم مع صاحبتي لفيت شوي وروحت وهلأ مصدعة كتيييييير الله يعيننا عالصداع اللي زايد مع الحمل الدكتورة سمحتلي اخد حبتين بنادول باليوم بس انا ما باخد الا للشديد القوي الله يعين الله كلكم بخير طمنوني عنكم بفكر هلأ وانا نشيطة ابلش اجهز للبيبي التياب بس انتو متى بلشتوا تجهزوا ما امهات فيدونا بخبرتكم ؛) لانه عنا هلا تخفيضات كتيييير حلوة |
رد: دردشة بنات فلسطين, دردشة حوامل فلسطين, تجمع بنات فلسطين
مسااااااااااااااكم فل
احساس ألف سلامة ع زوزو ان شاء الله فترة وبتعدي وما تخافي من الافتاق بيصير كتير لصغار والحمدلله بتمشي أمورهم طبيعية عادي ما تقلقي حوااااااااااااء ... يا عسل الف مبروك الحمل هههههههه بهنيكم متأخر لأني مش كل يوم بفوت وبعرف بالصدفة هههه سامحيني غموووووووووض ان شاء الله يوصل الوالد بالسلامة يارب وتنبسطي بجيته وتكون فرحتك 2 جية الوالد وتبشريه انه حيصير جد ياااااااااااااااااااااااارب العالمين ام عزمي وين مختفية ؟؟؟ صبايا يسعد مساكم كلكم مع موآآآآآآآآآآآآآآآآآآآآآآحات كتيرة |
رد: دردشة بنات فلسطين, دردشة حوامل فلسطين, تجمع بنات فلسطين
مس عسولة :: يسعد هالمسااااا ........اشتئنالك والله ......شو اخبارك؟؟ دودو::: ازا في اشياء بعجبك اشتري ......وما تكتري لعمر0-3 لانهم اسم الله بسرعه بيكبرووو والله ضل عندي ملابس بنمرتها ما انفتحت ما لحقت لبسها لزيد لانه ما شالله باول اشهر كل يوم بيتغير جسمه...... واشتري كمان لعمر اكبر من 3 شهور بس احسبي حساب الطقس كيف رح يكون والبيبي بهالعمر .... انت هلا رح تولدي تماما بنفس الفترة اللي ولدت فيها انا يعني بالصيف .........وما احلى ملابس الصيف بتجننن .... |
رد: دردشة بنات فلسطين, دردشة حوامل فلسطين, تجمع بنات فلسطين
جارة
تسلميلي يااارب انارمش ناوية اكتر انشالله وهو حيكون لحد 5 شهور عمر البي لسا صيف يعني من بعد السادس ليبلش الجو يبرد شوي صغيرة وع قولتك مش رح اكتر وبنزل اجيب اول باول الباقي انشالله كل ما يكبر بدي احاول هلا اجيب داخلي كم قطعة وبعدين بشوف الباقي يعني كل مشوار قطعة قطعتين |
رد: دردشة بنات فلسطين, دردشة حوامل فلسطين, تجمع بنات فلسطين
مسا الخير ياحلوات ..
طمنوني عنكم كيف كان نهاركم ؟؟ شو عملتوا ؟؟ |
رد: دردشة بنات فلسطين, دردشة حوامل فلسطين, تجمع بنات فلسطين
مسا الخير يا حلوين
مسك حبيبتي انا بتوكل ع ربنا وبروح اعمل طبق هالشهر وان شاء الله خير حوااااء ماصار شي يوم السبت اذا ما اجت الدورة بدي اعيد فحص الحمل :) غموض يا عيوني ربي يفرح قلبك فرحتين بجية ابوكي وبحملك يارب :) احساس سلامتو حبيبي زيزو ، اقرأي عليه قرآن وارقيه حبيبتي لانه العين حق :) كل الصبايا فردا فردا ، ونفر نفر ، ليلتكم سعيده ، وهادية ورومانسيه كمان ههههه |
رد: دردشة بنات فلسطين, دردشة حوامل فلسطين, تجمع بنات فلسطين
الله يخليكم بنات وربي يسلمكم يارب
ويبعد عنكم المرض جاره والله ممكن تكون من الميه يلي مش مغليه ومعك حق مسكين زوزو مابينام ولا بياكل منيح حيفا والله في ناس حكولي ممكن من عيون الناس لانو والله زيدون مو لانو ابني بس الكل بحبو ع خفة دمو وشقاوتو مقارنه باطفال بنفس عمرو حتى مره وحده بتحكيلي اسمراني لكن محبوب كيف لو حلو شويه كان شو عملنا :) وبالاخر انا يلي بتعب بعين الله ان شاللع بس يتيسر الحال حعملو عقيقه باقرب وقت |
رد: دردشة بنات فلسطين, دردشة حوامل فلسطين, تجمع بنات فلسطين
~ْ صَبَـاحْ جُمعَهْ مُبَارَكْ عَلَيكُمْ صَبَايَاْ ~ ×:×:× إحْسَاْسْ ألـــف سَـلامه عليـه زيــاد , الله يشفيه حبيبتي و يسلملك إياه ضلك طمنينااا عليه هالامور, و كل شي خصوصا بهافتره اغليه و عقميه اكيد ما بدك توصاه ما شاء الله عنك بس هالاطفال مناعتهم لسى مو مكتمله و لازم نكون كتير حريصين, و الحمد لله انك غيرتي الدكتور و اكتشف هالطفيل قبل لا سمح الله ينتشر اكتر , معافى ان شاء الله دُوْدُوْ تسلمي حبيبتي عيونك الحلــوين , الله يتمم الك على خير و تشوفي عمـــر باجمل صوره ان شاء الله , , بديتي تشعري بحركة البيبي يمكن بدري بس الولد دائما متل ما بقولو بتحرك بدري غُمُوْضْ أُّنْثَىْ ان شاء الله يوصل الوالد بالسلامه , و تفرحي بشوفتو و يقضي معكم ايام حلوه ئديه ان شاء الله ناوي يقعد عندكم ؟ ريتني متلك و ابوي يزورني هههههه لانو اجل زيارتو لعندي عشان عرس اخوي , و ان شاء الله بتبشرينا بخبر حملك [: |
| الساعة الآن 02:29 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .