|
رد: تجمع الحوامل الي بيولدون في شهر ذو القعده ^_^
ام علااوي مبارك ماجاش
وعقبال الباقي سهاله يارب |
رد: تجمع الحوامل الي بيولدون في شهر ذو القعده ^_^
غريبه ام علاوي ماجتك اعراض زي مويا وسداده ودم ومادري شنو
بنات انا ضاااااايق خلقي صار كل تجهيزي حق بنوتي صيفي والأجواء بردت بس والله مررررره متكلفه فيهن خساره |
رد: تجمع الحوامل الي بيولدون في شهر ذو القعده ^_^
اقتباس:
ضحكتيني ياشيخه ربي يسعدك ويسهلك ولادتك انا اخر موعد ان شاءالله 24 اكتوبر واللي معاي ولد بإذن الله |
رد: تجمع الحوامل الي بيولدون في شهر ذو القعده ^_^
شخباركم بنات
أنا اليوم كسوووله مأسويت شي إبد لامشيت ولاتحركت من قمت وانا جالسه عند التلفزيون والنت بسسسس اللهم دخلت المطبخ وسويت لي عشاء جاني احسااااس اللي مابي اسوي اي شي خلاص تعبت نفسيا امشي واتحرك واتسبب في الولادة ولا جت اللي كاتبه ربي بيسير |
رد: تجمع الحوامل الي بيولدون في شهر ذو القعده ^_^
مبررروك عشيري الف الف الحمدلله عا لسلامه ومبرووك ما جاك
ام علاوي انتي قبلي بيومين الف الحمد لله ع السلامه ومبروك ما جاك انا اليوم الثلاثاء بعد ولادتك بيوم رحت للدكتور على اساس التنوم ويولدوني بطلق بس قال الدكتور خليها الاسبوع الجاي يمكن تولدين طبيعي وانا من يوم الاثنين وانا احس بالم في الاوراك وثقل لاسفل والالام قويه بفخوذي من داخل حتى عضمة العانه وانتو بكرامة توجعني تهقون النونو نزل للحوض ايش رايكم يالغاليات والله حاولت امشي ما قدرت ثقل مو طبيعي ومبرررررررروك مرة ثانيه لكل اللي ولدو وعقبالنا يارب |
رد: تجمع الحوامل الي بيولدون في شهر ذو القعده ^_^
مرحبا بنات
دخلت اسلم عليكم ... انا اليوم رحت الدكتورة الصبح وفحصتني ولسة الرحم مسكر والراس مو داخل الحوض زين وعطتني موعد للطلق الصناعي... سألتها هوه يفتح الرحم ؟؟ قالت يمكن اي ويمكن لا وتاخذين الطلق كم يوم وبعدها ندخلج قيصري :( ادعولي الله يخليكم وانا ان شاء الله مارح انساكم بالدعاء وسامحوني اذا غلطت بحق احد .. والله قضيت معاكم ايام حلوة وحسيتكم مثل خواتي وأكثر خصوصا اني بعيدة عن اهلي الف مبروك للي ولدو وعقبال البقية ان شاء الله باجر ان شاء الله بالليل ادخل المستشفى واذا ربي كتبلي السلامة ان شاء الله ادخل وأبشركم بولادتي ربي يسهل عليكم كلكم ويفرحكم بشوفة ضناكم استودعكم الله الذي لا تضيع ودائعه |
رد: تجمع الحوامل الي بيولدون في شهر ذو القعده ^_^
wounded feelings
يارب مايجي بكره الا وانتي بإذن واحد احد والده ولاده سهله ميسره ويفرح قلبك بشوفه ضناك وجميييييييع الحوامل |
رد: تجمع الحوامل الي بيولدون في شهر ذو القعده ^_^
حامله قيمي
ترا مو شرط تنزل السداده وينزل الماي في ناس تجيهم الاعراض مالت الطلق قبل وبغرفه الولاده تنزل هالسوالف الا انتي ليش مجهزه صيفي والولاده تقريبا ببدايه الشتاا !! انا خذيت نص نص يعني مو حار ولا بارد ,, وعندي شتوي بعد احتياط مووني على قولتج والله تعبناا خلها على الله احسن ام الخير يعني ماسويتي الطلق الصناعي ؟؟ يالله ان شاء الله خيره شهرج بعد باقي عليه ماتدرين يمكن البيبي يبيله يكتمل الله يبلغج شوفته ,, ماما زوزو واااي ياربي وانتي للحين ماولدتي والله معوووووره قلبي :( الله يسهل عليج يارب احس نفسيتج انعدمت خلاص اعوذ بالله انا ماخلصت شهري لكن احس اليومين هذولاا عن سنتين يارب هونهااا علي وعلى كل الحملـ ,, احلى الاسماء آآآآآآآآآمين يارب مشكوره فديتج وان شاء الله اولد واكون خير عليكم اسحب الخيط وانتوا وراي يا بنات انا داخله افضفض لكم مو قادره انسدح من الم ظهري ورجولي مادري شلون الطلق اصلا ولا اعرف درجه الالم اللي ممكن يوصلها كبدايه ابي اروح المستشفى ومتردده .. احس زوجي متوهق معاي وبنفس الوقت مو راضي يوديني يقولي اذا شفتج تتألمين وايد بوديج بس مانبي نروح واقعد انتظر مده على الخالي انا مادري ليش احس ان فيني ولاده بس حتى لو رحت يمكن اطولـ بالطلق اعوذ بالله ,, استغفر الله العظيم .. يالله صبرك :( ,, بحاول انطر لي الصبح اذا ماخف علي بقوله نروح المستشفى قبل لا يداوم |
رد: تجمع الحوامل الي بيولدون في شهر ذو القعده ^_^
الله يسهل عليكي مامازوزو ويبعدعنك القيصري قادرياكريمwfالطلق انقباضات تمسكك في ظهرك وبطنك تيجي وتروح إذاحسيتي صارالفرق بينها10دقايق والمستشفى بعيد روحي وتوكلي عربناأماإذاقريب ماتروحي قبل ميصيرالفرق 5دقايق لانك بكرية وأنالماتأكدت أنوطلق رحت دكتورتي وقلتلي 4سم رحت عملت ترمس صغيركف مريم وشربت منو3كاسات ومشيت ساعةوأناكل متيجينني الطلقةأشهق شهق يعني ماأقدرآخذ نفسي وماشاا لله دخلت المستشفى 1ونص على 5وربع كنت والدة والله يسهل عليكم جميعا
|
رد: تجمع الحوامل الي بيولدون في شهر ذو القعده ^_^
الف مبرووووك للي ولدووو
وعقبالنا يارب انا لي 17 يوم بالتاسع جد تعبانه حييل لا انام زين وبس حمام الله يكرمكم وعطش مو طبيعي وان اكلت احس بكتمه وتخمه حيييل الله يفرج علينا قرييب يارب |
| الساعة الآن 11:39 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .