|
رد: ديوانية البحرين - دردشة حوامل البحرين - البحرينيات
يالله ماباقي شي الله يسهل عليج يارب
لاتحاتين ولا توسوسين ان شاء الله كل شي بيتيسر اهمه يقولون القيصريه اول 3 ايام لازم تكونين منبطحه ماتقومين وبعدها اتوقع عادي واول ايام بتكونين فالمستشفى يعني بيهتمون بالبي بي لاتحاتين ان شاء الله تعبج كله بتنسينه لي ولدتي وجفتي عيالج :) |
رد: ديوانية البحرين - دردشة حوامل البحرين - البحرينيات
ان شاء الله .. انا اقول لو شفت البيبي زين خلاص بنسى كل الالم و التعب ..
ما قلتيلي انتي باي شهر الحين ؟؟؟ وشلون وضعج ؟؟ |
رد: ديوانية البحرين - دردشة حوامل البحرين - البحرينيات
الله يسهل عليش أمل ويسهل عليي وعلى كل الحواامل
المفروض باجر ولادتي ع حساب الدوره |
رد: ديوانية البحرين - دردشة حوامل البحرين - البحرينيات
السلام عليكم يا اهل ديرتى
|
رد: ديوانية البحرين - دردشة حوامل البحرين - البحرينيات
صباح الخير .. مباركم عليكم الشهر مقدما .. الله يتقبل منا ومنكم صالح الاعمال .. حبيت اسالكم راح تصومون .. سالتو الدكتور وقال لكم اوك .. يعني طمنكم على وضعكم الصحي .. واللي كانت حامل قبل في رمضان او ولدت في رمضان ياريت تسولف لنا عن تجربتها ...
اسيرة عيوني حبيبتي وحشتيني شخبارج .. وناسة يعني ولاتج اذا الله راد .. الله يسهل عليج يا رب .. ويسهل على كل الحوامل يارب .. ويرزق كل محروم .. ام عيسو منورة الديوانية يالغالية .. انتي حامل .... باي شهر .. اذا مو حامل الله يرزق الذرية الصالحة يارب |
رد: ديوانية البحرين - دردشة حوامل البحرين - البحرينيات
أنا باقي عن موعدي 9 ايام وحدي خايفه
كنت اتمنى أولد قبل رمضان بس يالله .. الحمد لله كل تأخيره وفيها خيره وربي يسهل علينا ونصومه بأجر ان شاء الله اللهم يسر لي ولادتي ولا تعسرها واقر عيني بشوفة جنيني سليما معافا |
رد: ديوانية البحرين - دردشة حوامل البحرين - البحرينيات
مبارك عليكم شهر رمضان المبارك
امل الوجود انا توني امشي فالثالث خلصت النص وضعي ابد فالبيت مره رحت بيت يدي نزل غلي دم يعني لازم ماروح مكان مادري لي متى بتم جذي الله يسهل يارب |
رد: ديوانية البحرين - دردشة حوامل البحرين - البحرينيات
السلام عليكم
مبارك عليكم الشهر والله يعينا على صيامه وقيامه ويتتم حملنا على خير ..* انا بالنسبه لي في الاسبوع الثامن وصايمه فكرت باصوم لو تعبت بافطر وماعلينا شر باذن الله .. لازم الوحده لو بتفطر تساور دكتوره وشيخ دين .. بالنسبه لي ماشاورت دكتورتي لان اوردي موعدي وياها تاريخ 22 وكلش احسها مب متعاونه تصوروا صادني تسمم من الاكل ورحت الطوارئ عندهم وماكلفت نفسها تطل تقول عندها مواعيد وبتشوفني عالموعد!!! ودي اغيرها بس ما اعرف وين اروح شوروا علي محتاره .. فديت قلبه بالنسبه حق الدم اهم شي خلج مرتااااحه ولاتحاتين .. انا ينزل علي دم وخفت وتوترت ولما سوت لي انتراساوند كل شي طبيعي .. ما اقولج مب خايفه وايد خايفه بس اسمع ناس وايد من اللي حولي يصيدهم نزيف وولدوا وعادي انا ينزل الله يعزج احمر بس كانه خيط ومهلوط بابيض الافراز العادي وما يزيد ولا يقل ..* وهذاني على طول منسدحه خصوصا اني مسقطه من قبل .. الله يحفظهم لنا ويقر عيونا يارب .. |
رد: ديوانية البحرين - دردشة حوامل البحرين - البحرينيات
مرحبا بنآت شخبآركم
امس اتاكدت اني حآمل في الاسبوع السآدس يمكن متأخر عرفت اني حامل لان الدوره عندي مو منتظمه بس اللي مخوفني ان توني امس شاربة حبوب الفوليك يعني من الاسبوع السادس واخاف ياثر على الجنين لان يقولون لازم من الشهر الاول حدي خآآيفه انتوا من متى بديتون تشربونه ؟ واللي احاتيه بعد ان كل ينزل مني دم وامس رحت الطوارئ سووا لي تلفزيون طلع الجنين فيه نبض الحمدلله وعطوني حبوب الفوليك وبس الحن خااايفه حدي واحاتي :( ابغي اعرف هل الوقت اللي بديت فيه حبوب الفوليك طبيعي او متأخر ونظرا لانه رمضان خليت لي الساعه 11 اشربه كليوم الليل عادي لو لازم وقت محدد ؟؟ |
رد: ديوانية البحرين - دردشة حوامل البحرين - البحرينيات
اقتباس:
مبروك الحمل حبيبتي ربي يثبته لج ..* كانج تسولفين قصتي مادريت الا بالاسبوع السادس والفوليك خذته بالاسبوع السادس .. لاتوسويبن ترى اهم شي الراحه النفسيه ماعليج وعليه شر ربي بيحفظه لج وبيفر عبنج فيه .. وبالنسبه حق الدم انا ينزل علي دم اهم شي ان فيه نبض والراااااحه التامه خلج كله منسدحه ومفروض تكتب لج الدكتوره مثبت وماعليكم شر .. |
| الساعة الآن 04:11 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .