|
رد: دردشة حوامل من الشهر السابع للتاسع ( جديد )
لارين
ان شالله تكون النقط مو مويه الله يطمن قلبك ويتم حملك بالخير يارب الأشعة نفس العادية بس الدكتورة كانت كاتبة على الطلب AFI وحاطة سهم لتحت انه ناقص عشان يحسبونه وشفت بالنت انها تعني Amniontic Fluid Index وطريقتها طبيب الاشعة بياخذ لقطات من زوايا بطنك.. فوق يمين وفوق يسار.. وتحت يمين وتحت يسار وبعدين بالكمبيوتر يقيس المسافة حق الموية ويعمل حسبة للمقاسات اللي طالعة عنده اذا كان 8-18 سم يعني طبيعي... واذا أقل يعني ناقص ومحتاج متابعة.... واذا 5 سم وأقل ممكن تطلب الدكتورة ولادة وهو طبيعي يبدأ ينقص بالشهر التاسع بس اهم شي يظل ضمن الحد الطبيعي.. انتي بأي أسبوع الآن؟ انا طلع لي 9 وشوي وأكد لي ان لازم استمر في المتابعة عشانه ضمن الحد الأدنى وعشان وضع الجنين .. والله كريم نسأله السلامة |
رد: دردشة حوامل من الشهر السابع للتاسع ( جديد )
بنات البارح رحت المستوصف اللي كنت اتابع فيه واخذت التحاليل والتخطيط حقت المستشفى
وسالتها عن كل شي وعرفت ان اللي فيني طلق بس خفيف جدا قالت لي انه جاني طلق خفيف في البداية وبعدها راح وانا جد كان فيني الم خفيف وبعدها راح وسالتها اذا راس الجنين نزل في الحوض قالت لي نعم نزل في الحوض قلت لها مابي اروح المستشفى لعوزوني وثانيا مافي الا دكاترة وانا مابي ادخل عند دكتور الا اذا اضطريت في الولادة قالت لي لاتسوين سونار بس التخطيط ضروري كثير روحي بس سوي تخطيط وبالنسبة للالتهاب قالت بتكتب لي تحاميل بس ماكتبت لي وصعبة اروح للمستوصف اقول لها كتبي لي وهي ماكشفت علي ولا شي يمكن ماترضى |
رد: دردشة حوامل من الشهر السابع للتاسع ( جديد )
اوركيد انا جد فيني بنوتة
وزوجي مستانس كثير لانه يحب البنات اكثر ههههه الاسم ما ادري يوم قمت افكر في بنتي جا فبالي هالاسم |
رد: دردشة حوامل من الشهر السابع للتاسع ( جديد )
طفله انا الان بالتاسع ومن هالاسبوع كل أسبوع موعد أسوي تخطيط وبنتي نازله وقالت لاتمشين مايحتاج
بس غريبه المستشفى اللي تراجعين مافيه دكتورات |
رد: دردشة حوامل من الشهر السابع للتاسع ( جديد )
طفله نسيت اقولك عالجي الالتهابات قبل الولادة واذا ع التخطيط روحي المستشفى وسويه احس وضعك ملخبط راجعي بمكان وااحد خذي لك نسخه عن متابعة حملك وروحي مستشفى تضمنين تولدك دكتورة وتابعين معاها موضوع الالتهاب والله يسهل لك انت أي أسبوع
|
رد: دردشة حوامل من الشهر السابع للتاسع ( جديد )
اشكرك شوق على ردك رحت العسكيري وطردوني يقؤلون نستقبل الؤلادإ فقط تعالي الاحد! !!!ويقؤلون كيف عارفه نقص من اسبؤعين وجالسه للان!قلت انا مدري شقد النقص والدكتوره كاتبه لي ترقيد وهذاي جيت وقلتؤا مع السلامه قالت تعالي الاحد نعملك اشعه نتاكد مانعتمد ع تقارير خاص ان شالله بكره بعمل الاشعه اللي تبين معدل المويا زوجي دق ع مستوصف خاص قالؤا الرباعيه تبين المعدل!!! انا في الثامن نصفه في الاسبؤع33 الله يحفظه ولايخسر يارب والله خوفي ينقص لاني قرات الطفل يشرب كميات من السائل في هالاسبؤعين33&34 وغير اني احس فيه نقط تنزل مني مدري التهاب اؤ مويا الله لايضيع تعب كل حامل ولايخسر شوق اهتي قالت لي كلي لوزز غير ممملح يقؤلون يرفع المويا استغربت المعلؤمه بس نجرب وش ورانا وماء زمزم واللهم يارب انه يرتفع للمعدل الطبيعي
|
رد: دردشة حوامل من الشهر السابع للتاسع ( جديد )
الله يسهل لكم يابنوتات وماتشوفون مكروه باجنتكم
حبيباتي انا متوترة ! اليوم طلعت العصر وبيتي بالدور الثاني بس الدرج طويل وبعدين احتجت للحمام ورجعت لبيتي وطلعت الدرج وجلست لبعد المغرب ثمن نزلت مع الدرج بروح للسوق ! ومشيت كثير واشتريت كل اغراضي بعدين رجعت للبيت على الساعة ٩ وطلعت الدرج بعدها دق علي زوجي وقالي لازم تنزلين لاهلي عندهم عشاء ! وقلت ماقدر وتعذرت بوقت الزيارة ! المهم نزلت مع الدرج مرة ثانية وصرت ادق عليهم الباب وانلطعت تحت عند الباب ولا حد فتحلي ورجعت لبيتي وطلعت الدرج ! والحين احس بالم مغص زي مغص الدورة وقاعدة افكر بصراحة هل ممكن الطلعة والنزلة مع الدرج ممكن تكون سبب بفتح الرحم ! جاوبوني التفكير ماكلني |
رد: دردشة حوامل من الشهر السابع للتاسع ( جديد )
اوركيد
اه يا حبيبتى الاجهاد ممكن يتسبب ففتح الرحم وكمان انتى طلعتى ونزلتى كتير اوى حاولى ترتاحى ومتعمليش حاجه خالص لحد ما الالم ده يهدا وتبقى كويسه ان شاء الله |
رد: دردشة حوامل من الشهر السابع للتاسع ( جديد )
لارين
لو قلتي لهم ان شاكة الموية تنزل يمكن يقبلون.. وانا قصة بعد بس الحمدلله بنفس اليوم انحلت تذكرين باقي كثير على موعدي ولسه باقي ما جا للآن بس لأني صرت طول اليوم احاتي و ما أستقر بالنوم من القلق وكل شوي اصحى ألمس بطني خايفة على البيبي ما صبرت ورحت حكومة ورفضوا يستقبلوني قالوا لي حالتك ما تستدعي واحنا زحمة وكثير حالات نزيف وولادة وطلعت لخاص والحمدلله تطمنت بس للآن احيانا يصير بطني صغير مرة والبيبي بارز منه بشكل واحيانا مدور وعادي .. والأحد قرب ان شالله تكون الأمور كلها طيبة وتطمنينا يارب وربي يحفظ أجنتنا اوركيد ممكن يجي هالألم من الارهاق بس ما يفتح الرحم ان شاء الله ريحي نفسك واشربي موية كفاية وبيهدأ ان شاء الله وربي يطمن قلبك |
رد: دردشة حوامل من الشهر السابع للتاسع ( جديد )
لا ماأظن فتح الرحم ولاتوسوسين خلاااص انا صار لي مثلك بالسابع رقيت الدور الثالث لان المصعد خربان وحسيت بعدها بمغص الدورة وهذاني للحين مافتح الرحم
|
| الساعة الآن 10:18 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .