|
رد: تجمع حوامل سوريا-دردشة ورود سوريا-دردشة الغاليات
تسلمي لقلبي سلولتي الغاليه
الله يسمع منك ويهون علينا ولاداتنا نحنا التنين لاني صفيت متلك كمان جيه الماما مامشي حالها وحماتي بسوريا يعني صعب كتيير انها تجي وانا بيني وبينك بهيك موقف بتنراد الام وبس بس شوبدنا نعمل الف الحمدلله على كل شي هون المشافي منيحه وجوزي كمان متكفل بكل شي يقللي انت بس اولدي ورضعي البيبي وخلي الباقي علي وانشالله بعدما اولد بشهر رح روح على اهلي عالرياض لشوفن ويشوفوني ويشوفو يوسف افندي كمان هههههه الظاهر بدن شوفه يوسف اكتر حتى من شوفتي كمان رفقاتي اللي هون قالولي ماحنتركك بس على قولتك بالولاده ماحدا بيساعدنا غير حالنا الله يسهلها علينا ويقدر ازواجنا يكونوا قد المسؤوليه |
رد: تجمع حوامل سوريا-دردشة ورود سوريا-دردشة الغاليات
مرحبا بنات كيفكن وشو اخباركن انا اشتقتلكن كتير
ج و ر ي : كيفك ياحلوة وكيفها يزونة العسل الله يعينك اشتقتي لاهلك الله يرجعهن بسلامة يارب كتير صعبة الفرقة والغياب س ر و و ء ة : كيفك ياقمر ماشاء الله شو كبرانة جود وحليانة الله يحميها وماشاء الله العرسان بلشوا يتقاتلوا عليها ههههه أ م ع ا ئ ش ة : مبرووووك طهور الاولاد يارب تشوفيهن عرسان وتفرحي فيهن ه د و ل ة : كيفك ياعسل وشو اخبارك وكيف الحمل معك س ي ل ا: مين يارب الله يسمع منك ايه منيح حبيبتي عم تلهي حالك الله يحمي اهلنا يارب ش ا م ا ل ه و ى: وينك ياعمري وين هالغيبة اشتنقنالك كتير وين شيفتنا الحلوة وكيفك وكيف الاولاد و ر د ة ح ل ب: كيفك ياعسل وين هالغيبة كمان انتي غايبة صلك فترة منيحة اشتقنالك يارب تكوني بخير أ م ي و ي و: مرحبا ياقمر كيفك وشو اخبارك وايمت رح تولدي بإذن الله يسرلك يارب ويجي يوسف ويارب يكون جماله واخلاقه متل سيدنا يوسف عليه الصلاة والسلام |
رد: تجمع حوامل سوريا-دردشة ورود سوريا-دردشة الغاليات
ع ب و ر ة: كيفك شو محمد اخدلك كل وقتك اله يخليلك ياه يارب وتفرحي فيه
ر ن و و م ة: الحمد الله انك بخير وصحة تامة يارب الله لايقدر يصير شي الله يحميكي ويحمي بناتك اطلع من منطقتك وروحي على غير مكان وخبرينا وطمنينا عنك هايدي وزهرة سوريا ينكن والله اشتقنالكن كتير هايدي امانة تخبرينا عنك لو خبر بس نطمن انك بخير يارب أم خالد وام دجانة اهلا وسهلا فيكن نورتوا سامحوني اذا نسيت حدا منكن |
رد: تجمع حوامل سوريا-دردشة ورود سوريا-دردشة الغاليات
خبر عاجل :
أم ملاك : كتير تعبانة وفي احتمال تولد هاليومين ادعولها تقوم بسلامة لانو الولد لسا الحبل السري على رقبته وهي كانت عم تنضف المطبخ استعملت منظف فشمت ريحته وداخت وقعت بالمطبخ وغميت فترة وبعدين صحيت ومن وقتها مغص وتعب وراحت عالدكتورة قالتلها بداية اعراض الولادة وفي احتمال كبير تولدي هاليومين طبعا قيصيرية ادعولها وهي بتسلم عليكن كتير مابتقدر تحكي معكن لانو الاب توب عندها خربان وماعندها نت عم تحكي معي عالواتس اب تاني خبر انو وردة سوريا بتسلم عليكن كتير كتير كتير وياحرام شو مشتاقة لجوزها وصوتها كتير تعبان كان لما حكيت معها واو ضاع بدرعا كتير سيئة والله حماها كانت تصوبت برصاصة بس الحمد الله ماصرلها شي بس ارتعبت ونفسيتها تعبت من الرعبة |
رد: تجمع حوامل سوريا-دردشة ورود سوريا-دردشة الغاليات
اما انا فا رح انزل على حلب يوم الاربعاء ادعولي ورح اقعد جمعة وارجع انا وجوزي بس اليوم اجى يخبرني خبر كتير زعجني انو المكتب اللي منحجز فيه مسكر واتصل على موبايل لاقاه مطفي ومامنقدر نروح على كراج حرستا لانو هينك قايمة القيامة عنجد الخبر صدمني ادعولي انزل الاربعاء لانو دااااااااااااب قلبي على اهلي كتير اشتقتلهن كتير كتير ومالي متحملة اقعد اكتر من هيك لانو بعدين جاي رمضان الله يجيبه بخير علينا يارب
|
رد: تجمع حوامل سوريا-دردشة ورود سوريا-دردشة الغاليات
والله كتييييييييييير خوفتيني ع ام ملاك ... الله يحميها يارب دخيلك الله يسامحها شو هالمنظف اللي هيك عمل فيها ... عنجد مستغربة
يارب الله يحميها ويحمي ابنها ويبعد عنهم الاذى ياحبيبتي ازا ولدت هلئ قيصري وفوق المنها ابنها رح يقعد بالحضانة يااااااارب دخيلك تكون معها وتحفظها وتحفظ اللي برحمها وتتم حملو وتجيبو بالسلامة يارب تعطيها ابرة تثبيت هلئ بلكي تروح اعراض الولادة ... ووردة ربي يكون بعونها ويحميها ويحمي اهلها ويجيبها بالسلامة يالله هاي نفسية كل حدا عايش بسوريا الله يدمرك يابشار يارب ياااااااااااااااارب يالله افرجها عليهن عاجلا غير اجل يارب ضاقت فيهن الدنيا وانهكهن التعب ياربي من حسنة كل طفل بسوريا بريئ ومالو ذنب يارب تتولاهن وتحميهن بحماك يالله .... حسبنا الله ونعم الوكييييييييييل حسبنا الله ونعم الوكيل اللهم عليك بنظام الاسد فانهم لا يعجزونك اللهم عليك بهم يارب اللهم ابدهم وارنا فيهم عجائب قدرتك وانت ياعمري الهي تتيسر جمعتك باهلك عاجلا غير اجل الله يعينك كتير حاسة فيكي من يللي انا حاسستو وصاير فيني الله يجمعك باهلك باسرع وقت ويجمعني باهلي عاجلا غير اجل يارب |
رد: تجمع حوامل سوريا-دردشة ورود سوريا-دردشة الغاليات
اقتباس:
واهلك ليش عايشين بسعودية يعني ولا كيف ؟؟؟ والله غريب ما تجي حسبي الله ونعم الوكيل بس ازا اهلك بسعودية اي لا تاكلي هم يعني اولدي واطلعي من المشفى وعادي جدا تسافري لعندها بتقعجدي عندن بتدير بالها عليكي وضعك سهل الحمد لله ... وطبعا بهيك مواقف الام وبس والله بحب حماتي وعلاقتنا كويسة ولانو علاقتنا كويسة مابدي ياها تجي بخاف يطلع مني شي بهيك موقف يخليها تاخد مني موقف لانو الحماية مابتغفر متل الام وحماتي بتزعل ازا حسستها انو بدي امي اكتر مابدي ياها ااااااااااااااااااااخ ياامي .. الله يخليلي ياكي ياروحي وياقلبي ياامي يااغلى الغلا تقبري قلبي ياروحي شو شتقتلك ياغااااااااااالية والله مشتهية نام بحضن امي يابنات حاسة حالي طفلة صغيرة من حاجتي وشوقي الها .. ومابقدر احكي معها ولا قلها شي خطي ياعمري كل ما بحكيها بتغص بدموعها الغالية .... الله ينتقم منك يابشار الله ينتقم منك شر انتقام عاجلا غير اجل يااااااااالله اميييييييييييييين |
رد: تجمع حوامل سوريا-دردشة ورود سوريا-دردشة الغاليات
حبيبه قلبي زهورتي
ربي يسعد قلبك على هالدعوات المزوقين متلك ياحلوه بالنسبه لولادتي عطوني اخر موعد يوم 20 -7 وليكني ناطره بلكي اولد قبل لاني تعبت ومليت من هالوضع واشتقت لابو اليوس كمان وانت وينك اشتقنالك والله ماتطولي علينا الغيبه هيك ها يللا مسموحلك تغيبي عنا بس ايبوع تروحي تطمني على اهلك وترجعيلنا بالسلامه انشالله تهدى الامور شوي وتلاقوا حجز والله يفرجها علينا جميع |
رد: تجمع حوامل سوريا-دردشة ورود سوريا-دردشة الغاليات
يالله صرلي فترة مادخلت ودخلت هلأ قرات هالاخبار
امانة طمنينا عن ام ملاك يارب تحمي جنينها يارب وتحميها ووردة الله يحميا ويجمعا بزوجا عن قريب امانة طمنيني عنن وان شالله تشوفي اهلك عخير |
رد: تجمع حوامل سوريا-دردشة ورود سوريا-دردشة الغاليات
زهرة الله يخليلي ياكي يارب
كنت ملتهيه بحموده فعلا طهرتو وبتعرفي الباقي سيلا كيفك ياعمري الله يهون عليكي اشتقتلك كتير |
| الساعة الآن 09:54 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .