منتديات حوامل النسائية - تجمع الحوامل اللي ولادتهن في شوال1433

السلام عليكم كروشاااااات . الله يسهل ولادتكم ويجعلها سهلة ويسيرة
ومبروووك للي ولدو وان شاء الله يكونوا مواليدكم من مواليد السعادة...
انا ولدت وجيتكم...
وولادتي عملية قيصرية كانت بتاريخ 11 شوال
اليكم القصة .. واحاول اخنصرها..
كان عندي موعد 10 شوال قالت كل شيء تمام بس لانه حمل عزيز فلاااازم عملية
طبعا الدكتورة هندية... وزوجي يكلمها لو كل شيء تمام ومافي مشكلة لا على الام ولا على الجنين
فماله داعي العملبة قالت لا ..هذا بيبي مهم اسبشال بيبي..
قالت تعالوا بكرة الساعة عشرة تشوفك السستر وتنويم والعملية الساعة 4 بالعصر
رجعنا البيت وكنا متحيرين وفكرنا نروح مستشفى اخر بس قلنا نتوكل على الله ونسوي زي ماقالت الدكتورة
صلينا استخارة وزوجي نام وانا رتبت بيتي وجهزت نفسي ورحنا الساعة 10 للمستشفى
كان في دكتورة مناوبة اخذت المعلومات ووو والسستر سوت لي هالابرة اللي يحطوها باليد للمغذي وووو
وبصرااااحة مرررة عووورتني لانها كبيرة منشان التخدير ووو
وانا كلمت الدكتورة قلت لها ليش عملية وانا الحمدالله ماعندي مشكلة غير ان لي 16 سنة مافي حمل
والحمدالله حملت طبيعي ومافي مشكلة قالت طيب باشوف الرحم مفتوح ولا لا
يوم كشفت قالت مفتوح واحد ونص سانتي وقامت اتصلت على الدكتورة اللي قررت العملية
قالت لها الرحم مفتوح ومافي مشاكل عندها كل شيء طبيعي ممكن تولد طبيعي قالت لها لالالا
لااااااااازم عملية هذا الحمل عزيز ومهم مانبغى نغامر وممكن يحصل شيء.
المهم رحت غرفت التنويم اعطوني المغذي وتخطيط للبيبي وحطت لي اكسجين
وبصراحة بعد الكشف بدأ عندي الم خفيف يشبه الم الدورة يجي ويروح..
وكنت انا وزوجي فقط..قلت لامي عادي تجي براحتها لانني الحمدالله ماكان فيني شيء .. المهم الساعة 4 دخلت غرفة العمليات
وكنت احس برهبة ودموعي نزلت يوم شفت زوجي اخر نظرة وهو يقول لي اقرئي واستغفري واذكري الله
وامي وابوي وصلوا..دخلت غرفة العمليات وشعرررررت بالبرررررد ..
كنت اقرأ واذكر الله وسوت لي السستر القصطرة وكنت خايفة قالت ليش انتي في خوف ماما
قلت خوف من الالم قالت لا مافي الم والحمدالله ماشعرت بالم الا خفيف جدا..
وكنت احس بالم قوي جدا باسفل ظهري وبطني وكنت ابكي قالت لي الدكتورة هذا الالم طبيعي بسبب
نومي على السرير ومافي مخدة او اي شيء.. حطوا لي اكسجين وبعدها التخدير
وكنت احاول اذكر الله ومادريت الا واسمع كلمة مبروووك..
اول ماصحيت كان جسمي يرتعش من شدة البرد وانا ما اقدر اتحرك او اتكلم او اشوف اسمعهم فقط...
كنت احاول انطق بكلمة برد بس ماقدرت حاولت وحاولت وهم ياخذوني بالسرير
واخيرا نطقت بصعوووبة بااالغة قلت بموووت من البرد غطوني بليييييز..
وغطوووني وتحسن وضعي شوي.
ودوني غرفة التويم وماشعرت بشيء كنت احاول انطق ما قدرت وفتحت عيني واشوف امي وابوي
وزوجي .. كنت احاول اتكلم بس كلام مو مفهوم كنت ابغى اقول وين النونو ..
اخيرا فهموني قالت امي النونو موجودة وهي بخير قلت ابغى ابوسها حطتها على صدري وكنت اشوفها
بس ما اقدر اتحرك كنت ابوسها واغيب عن الوعي..والحمدالله على منه وكرمه..
كان يوم الاربعاء 11 شوال طلعت من المستشفى يوم السبت ورحت لبيت اهلي..
وامس الليل رجعت لبيتي لان زوجي طفش لحاله كل يوم يجي مرتين بيت اهلي ويسألني متى برجع البيت
والحين كتبت قصتي وبنتي بحضني دعواااااااتكم لها ان الله يحفظها من كل سوء..