|
رد: تجمع مواليد شهر ( ذو الحجة ) لعام 1434 ه بإذن الله
والله يا اخت عبدالرحمن
اني مشطت الاسواق تمشيط واذا عن التمر والحليب والزنجبيل والقرفة وحبة البركة والسمسم و و غيره ان باليوم صرت اشرب واكل منه ثلاث مرات بس احس جسمي خلاص اخذ مناعة واذا النوم مع زوجي فللاسف لي شهرين واسبوع بالضبط من الاسبوع ٣٤ وهو نهائي ما ينام عندي والسبب منه هو ما يبي ومتخوف رغم ان الدكتورة اكددت ضرورة الجماع بالشهر الاخير علشان يسهل الولادة واللي حوله نصحوه يبتعد عني وما يدخل معي بغرفة الولادة وان هذا يجلب الحظ الزفت ومو كويس فصار يجبر نفسه ويمسك لدرجة انه ينام تحت عند اهله علشان ما يقرب لمي شي يحرق النفس بس وش اسوي حسبي الله ع من كان السبب والله العالم انه لو صار بيننا شي كان ربي يسرها وسهلها لنا من زمان * |
رد: تجمع مواليد شهر ( ذو الحجة ) لعام 1434 ه بإذن الله
وهالفترة خلاني عند اهلي
ماعاد صار يمر خير شر ويدق علي جوال ها ولدتي ولا توك مقهورة مرة منه بس كاتمه هالقهر وماحبيت ابين لاهلي مرة مقهورة من تصرف اللي حوله وش دخلهم فينا لقاااافة ياااساتر وعلى بالهم مسوين لي فيها فاهمات وخابزات الطبخة وناصحين لولدهم وربي خليها ع ربك كل ماحاولت اقرب منه ودي اخلص ع طول يقول لي الكلام اللي تعبا براسه لا ما يصير بيصير لك التهابات ويمكن تولدين ويصير بالبيبي شي ويجي لها صفار وتجلس بالحضانة و وزنها ضعيف وكله بسبب هالشي خليها كذا احسن اللي صبرك طول هالفترة ما يصبرك هاليومين وربي مرات ادخل الحمام ابكي محرررروقة بس وش اسوي اغسل واطلع وفيني قهر من اللي حول زوجي ليه يسوون فيني كذا وفيه كذا ما ادري لعانة ولا لقافة ولا ع بالهم حنا ابخص وانتم توكم ؟! شي يقهر بس وش اسوي ربك كريم |
رد: تجمع مواليد شهر ( ذو الحجة ) لعام 1434 ه بإذن الله
والشي اللي يقهر صدق
ان زوجي مرات يتقرف من البيبي وان الوصف اللي وصل له مقزز فعلا ويتخليها مرات وسط دم ومويه وسخه فيقول لي بجيكم بعد ما تخلصين وتتطهرين واخذك انتي والبنيه طيب ماراح تشوفها وتسلم عليها راح تكون اب لاول مرة بحياتك لكن بجد احسه تبرمج وتعبا راسه ومقتنع ويعي ياخذ بكلامي |
رد: تجمع مواليد شهر ( ذو الحجة ) لعام 1434 ه بإذن الله
بجد محروقه ومقهورة
من نذالة اللي حوالي رغم ان كان يجي معي لمواعيد المستشفي والعيادة ويشوفها بالاشعة وكان يفرح وينبسط ويعيش الجو ويتخيلها ويسولف احيانا معها لكن بعد ما قربت اخلص السابع بدات النصايح منا ومنا لي وله طبعا كنت مطنشه ولا اخذ فيها ابد لان زمان اول غير عن الحين والوضع تغير والطلب تقدم وكانوا يقلوا لي انتبهي زوجك ان شاف بيتقرف وبيجيه نفسيه وبيبتعد عنك ويمكن يتزوج غيرك ومن هالكلام لكن انا حاولت اقنعه ان المسالة مو كذا ورحنا للمستشفي وطلبت اشوف غرفة الولادة وكان هالشي بمستشفي الحبيب بالتخصصي وفعلا شرحوا لنا طاقم المختص الغرفة ومكوناتها ومميزاتها ثم الحضانة والجناح بعد الولادة صراحة زوجي ذاك اليوم طلع متحمس وما خلا احد الا كلمه وانه مبسوط بهذا الشي وانه وده يقص حتي الحبل السري ويضمها وياذن لها ويقيم باذن وربي ما امدانا نتكلم الا هلت علينا النصايح العلة ملاقيف بجد واللي يقهر انه طاوعهم وسمع كلامهم واقتنع بجد ومن ذاك الوقت وانا احاول فيه ما يرضي ابد لا يقرب لمي ولا حتي يجي يشوفني واللي يقهر بجد انهم قرفوه ببطني صار فيه تشققات كثيرة خصوصا من الثامن والتاسع وما عاد وده يشوف جسمي وكل مرة يسالني هالتشققات بتروح بعد الولادة ولا خلاص يجلس ببطنك ع طول وربي انا اعرف زوجي هذا مو تفكيره ابد هذا كلام الحريم اللي من اهله عبوه وقرفوه مني لكن الصبر زين وربي الصبر زين* |
رد: تجمع مواليد شهر ( ذو الحجة ) لعام 1434 ه بإذن الله
وبس اولد فيها
باذن ربي الكريم لاجننه ببنته ولاخليه يكسر كلامهم ويجي طيران يشوووفها اعرف ان هالشي مو بسرعة راح يصير بس برسل له صور يدها ومرة رجلها اخليه يرحمها ويحن لها ويجي بقوله انها ان سمعت صوته بالجوال تدور عليه راح اسوي المستحيل علشان يجي لها وان خذت عقله وصار ما يشوفها الا هي ابد انا بالتدريج اخليه ينتبه لوجودي حتي لو كنت نفاس شوي شوي يوم وراء يوم اخليه يشتاق ويحن لي ولارجعه له باذن الله عروسه من جديد ولاخلي اللي مقهور يموت اكثر وربي مرتبه اموري باذن الله بس اولد واقوم بالسلامة بسوي كل اللي اقدر عليه واخلي زوجي ما يشووف بالدنيا الا بنته وانا وراح اطلع من بيت اهله باذن الله شوي شوي راح اقنعه اننا نطلع ببيت لحالنا وباذن الله الامور بتكون احسن مالي غير الصبر وباذن الله راح يسخر ربي زوجي لي ولبنتي قريب باذن الله |
رد: تجمع مواليد شهر ( ذو الحجة ) لعام 1434 ه بإذن الله
الله يكون بعونك غيمه ومطر الاهل لما يسون كذا يدمرون حياة ولدهم و يحرمونه من اول فرحه بحياته حرام عليهم بس الشكوى لله خلاص عبواااا الراس الرجال لما ينشحن راسه من اهله م يصدق الا هم انا زوووجي بالبدايه قاعدين يتفلسفون عليه يقولي ليه كله نايمه وليه ى تنظفين وليه تقولين الحمل تعب خواتي يقولون ان الحمل م يتعب كذا ومن هالهرج اللي يغث وانا طننش واسوي اللي يريحني مو اللي يريحهم لين بدء يخف من هالاسلووووووب
اذا ولدتي لا ترسلين له الصوره حمسيه خليه يجسك غضب كلميه وهي عندك خليه يسمع صوتها وربي يسخر لك زوووجك ويحبببه فيك وم يشوف غيرك بالعكس حتى اذا ع التشققات هذا الشي م يرووح ولا هو بيدك بس انتي اهتمي بنفسك وسوي رياضه للبطن وخليه م يشوف التشققات عيب وينسى امرها |
رد: تجمع مواليد شهر ( ذو الحجة ) لعام 1434 ه بإذن الله
ايييييييه
ربي كريم باذن الله عندي موعد بعد يوم واهلي صاروا يودوني زوجي بس مهمته يتصل ولدتي لسا طيب مع السلامة وامي عيت تدخل معي بغرفة الولادة تخاف تحط يديها ع بطني يجيها زي القعشريرة والخوف غريبة والله لكن امري لله شكلي بولد بالحالي ابوي قال اوصلك لباب المستشفي وبرجع للبيت وامي من البيت تنتظر اتصال اني ولدت او لا وزوجي ابد اذا ولدتي بلغيني وهو عند امه جالس وماعندي احد شجاع يجلس معي او يجي وعندي اختي لسا لها اسبوعين ولدت بطفلها الرابع يعني وضعي علة بجد ماكنت بالبدايه شايلة هذا الهم لان زوجي كان معي بكل شي حتي بوحامي في الشهر الرابع وربي اني كنت تعبانة واستفرغت عليه انه ما تقرف ولا شي بالعكس ساعدني ووداني للحمام وغيرت ملابسي وتحممت وجاب لي المنشفة ويغطيني ويقرا علي كان حنون جدا ويخاف علي ويحبني ولا يتقرف مني ابد الحين سبحان الله الكل مرعوب وخايف صاروا اخواني و زوج اختي المساكين يقولون لي نوديك المستشفي او بغيتي شي حنا موجودين يالله اقول ايش ولا اخلي ايش مالي غير ربي ادعيه يسخر لي زوجي ويبعدنا عن الحساد ويكفينا شر العين ويسخرنا لبعض يارب ياااكريم |
رد: تجمع مواليد شهر ( ذو الحجة ) لعام 1434 ه بإذن الله
الله يسعدك اخت عبدالرحمن
والله يعيينا ويسهل امرنا ويكتب لنا مافيه الخيرة ويسخر لنا ازواجنا وعيالنا يااارب |
رد: تجمع مواليد شهر ( ذو الحجة ) لعام 1434 ه بإذن الله
الله معك من جد احس الوضع عندك مره بس ربي بيكون معك لا تحاتييين
وان شاء الله تكون ولادتك مثل شربة الماي ادعي بسجودك ربي يسهلها ويهونها عليك وامك صدقيني هي م تبي تحضر ولادتك لان قلب الام رهيف م تقدر تشوفك تتالمين و م تقدر تسوي لك شي قلب الام كذا هي بتكون مو حولك بس دعًوتها تضمك وتلمك وقلبها معك |
رد: تجمع مواليد شهر ( ذو الحجة ) لعام 1434 ه بإذن الله
الله يحفظ امهاتنا ويطول بعمارهم ونبرهم بعيوننا
|
| الساعة الآن 07:09 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .