منتديات حوامل النسائية - تجمع حــوامل التوائم

توأمي الحمد لله على سلامتك.. والله يهونها عليكي وعساه خير وصلاح انهم يظلون في بطنك أكثر... ما بقى كثر اللي راح وإن الله مع الصابرين

زود الغلا... التفاح ما يسبب امساك لأن أذكر مرة صادني تسمم وصارت معي نزلة معوية قوية وكنت مداومة بالحمام مكرمين من زود الاسهال لدرجة صادتني تقرحات الله يبعدها عنكم.. ومنعوا عني التفاح... بس عصيره كانوا يعطوني إياه لأن التفاح نفسه يسبب اسهال من كثر الأليال اللي فيه بس سوائله مفيدة

اما عن الموز.. فموزة وحدة تسبب امساك لكن أكثر من موزة تسبب اسهال

أم عيالها.. عورني قلبي عليج.. ربي يعوضج خير إن شاء الله.. وقل لن يصيبنا إلا ما كتب الله لنا.. إنا لله وإنا إليه راجعون... وكل شي من الله خير.. عساه خير يا ربي.. وربي يعوضج باللي أفضل.. هذي حكمة الله وهو أعلم باللي هو خير وصلاح لنا.. كثري صلوات واحمدي ربك كثير لأن الحمد لله بالمصيبة والخير واجب... وربي يعوضك إن شاء الله وتفرحين بذريتج

محجبة.. حبيبتي عادي ألم العظام وكأن حد ضاربك.. أنا ظليت من بداية حملي لحد نص الخامس كأن أحد عاطني كورس ضرب بعصاة أو كأني متزحلقة وطايحة على ظهري وحوضي دوم يألمني.. هذا لأن في هرمون يفرز بالجسم يخلي العظام ترتخي عشان الحوض يتفكك ويوسع ويتحمل الأجنة.. سبحان الله كل شي له فيه حكمة... وإذا تنامين كثير نامي كثر ما تقدري بتجيكي أيام ما تقدري تنامي فيها.. النوم مفيد ريحي جسمك

هجران

07-29-2010 08:39 AM

رد: تجمع حــوامل التوائم

اقتباس:

المشاركة الأصلية كتبت بواسطة توأمي فرحة عمري (المشاركة 291805)

السلام عليكم
شكرا للي سألوا عني واللي دعولي

طبعا انا ماولدت بس تنومت من يوم الأحد وحاولوا يولدوني بس فشلت المحاولات
تعبت الاحد بالليل وتورمت رجولي لين صارت بتنفجر وجاني مغص خفيف
ورحت طواريء حكومي مستشفى ثاني غير المستشفى الزفت اللي اراجع فيه ماعندهم اهتمام
أول ماشافوا رجولي انفجعوااااااااااا وقلت لهم توأم على طوووووول جلسوني على كرسي متحرك وسيدا على قسم الولادة وماخلوا أمي تدخل معاي وانا صرت مايحتاجhwaml61
طبعا انا فاتحه ملف عندهم بس ماكنت ناويه أولد عندهم قلت الجامعي أحسن
وطلع هذا احسن منه يهتمون بالوحده ويراعون انها حامل بتوأم
المهم قاسوا الضغط وطلع كويس
وحطولي جهاز تخطيط نبض الجنين وجهاز الطلق ومغذي
الجهاز كان يطلع علامات طلق ولادة بس انا احس آلام خفيفه والرحم مو راضي يفتح
قعدت الأجهزة علي من وحده بالليل الين 11 الصباح بعدين قالوا نطلعك تنويم
يمكن يحصل شي تكونين عندنا ونوموني لين اليوم خرجت الظهر
انا طلبت خروج لأني طفشت بس والله كانوا خايفين ومهتمين فيني
كل الممرضات اللي بالمستشفى تعاطفوا مع حالتي شافوني مهلوكه مره
وامشي مثل المعاقين وحالتي حاله كل رجل اكبر من الثانيه hwaml21
وجابولي استشاري خصيص عشان حالتي وطمني قال امورك زينه بس احنا
نبي نتطمن عليكي اكثر وبتكونين تحت اشرافي
وانا قررت بإذن الله اولد عندهم واترك المستشفى الأول مع انها كلها حكوميه

hwaml03 تؤأمي كل هذا صار لك ألف سلامه عليك ما تشوفين شر
وتولدي بالسلامه والله يسهل عليك بس أنتي طمنينا عليك بين فتره وفتره حتى بعد الولاده واحنا متابعين وندعي لك
والله يسهل علينا جميعاً
تصدقوا حتى أنا زاد الثقل علي ما شاء الله وأحس الحركة بدت تثقل والحركة تقل
يعني مره أبطى أبطى أبطى hwaml8

هجران

07-29-2010 09:02 AM

رد: تجمع حــوامل التوائم

اقتباس:

المشاركة الأصلية كتبت بواسطة ام عيالها (المشاركة 292237)

انا لله وانا اليه راجعون اللهم آجرني في مصيبتي وخلف لي خيرا منها,,,,
الحمدلله على كل حال قبل 3ايام حسيت بثقل اسفل البطن وكنت قايلتلكم اني شوي تعبانهولاني بجريه ماادري شنو اللي قاعد يصيرلي
المهم ويوم الثلاثاء 27-7زاد الثقل ونزلت بطني حييييييييل فقمت ورحت الطبيب وفحصتني وقالتلي دخول كان الوقت 3العصر لان الرحم مفتةح3سانتي وجيس البيبي طالع بره بس مو مفتوح ودخلت ونوموني وعطوني مثبتات بس بعد ساعه فحصتني الدكتورهولا الرحم مثل ما اهو من 3الى 4 سانتي المهم فقالت مانقدر نستقبل حالتج لانهم مستشفى خاص لازم ننقلج الحكومي لان انت ماكملتي السادس ونقلوني المستشفى والغريب ان ما كان في الم نهائيا بس ثقل ةبطني نازله.
وبعدها دخلوني ولاده على طول وقعدت لليوم الثاني والصبح الساعه 9 انفجر ماء الاطفال وبعد3 ساعات بدأ الطلق والحمد لله ولدت طفلين ناقصين (اللهم لك الحمد والشكر)الاول 880غ والثاني 700غ وقالو ان الثاني احتمال ضعيف يعيش بس الاول نسبته اكبر يالعيش من اخوه بس سبحان الله الله قدر ان الكبير يموت والصغير للحينتحت رحمة رب العالمين في العنايع المركزه وحالته حرجه جدا جدا ,,,
وطبعا كل اعضاءه ناقصه دون استثناء.
الحمدلله على كل حال والله يعوضني خير منهم .
يابنات ديرو بالكم على نفسكم ولا تستهزئون بالحمل انا اعترف كنت اتحرك على كيفي وامشي واصعد الدرج لكن قدر الله وماشاء فعل ,,,
الله يتمم عليكم وتقر عيونكم بشوفت اطفالكم سليمين ومتعافيين آمين...
وآسفه على الخبر بس ما قدرت ما اقولكم ابي احد يحس فيني ويواسيني .
اللهم لك الحمد والشكر...

لا حول ولا قوة إلا بالله العلي العظيم قدر الله وما شاء فعل والله يعوض عليك عزيزتي
ويارب يقوم طفلك الثاني بالسلامه اللهم أمين
أسال الله العظيم رب العرش العظيم أن يشفي طفلك ويحفظه وتقر عينك به

أخواتي وحدوا الدعاء لاختنا في مصابها
وأدعوا لطفلها بالصحة والعافية

~ أهات ~

07-29-2010 10:33 AM

رد: تجمع حــوامل التوائم

اقتباس:

المشاركة الأصلية كتبت بواسطة توأمي فرحة عمري (المشاركة 291838)

والله يابنات تعذبت وقت الكشف قالولي لاااااازم نفحصك وفحصتني الدكتوره
والغريب انها ماقدرت توصل لعنق الرحم تقول بعيد مو متهيء للولاده وانا صراااااااخ
وجات دكتوره ثانيه تحاول وبالقووووووه وقالت نص سانتي بس
وصاروا يفحصوني كل ساعتين وانا أصرررررخ كأني اولد الرحم مره مقفل
مو راضي يفتح تخيلوا فحصوني 6 مرات من الليل للصبح
والدكتوره تقول الرحم مره بعيد مانزل ماقدروا يوصلون له إلا بصعوبه
عشان كذا انا تعذبت وذقت أنواع الآلام hwaml10
والساعة 2 بالليل زاد المغص مرررره وصرت أبكي منه وقعد ساعه بعدين
خف الألم ومارجع والرحم نفففففسه مايفتح قلت خلااااااااص مابي فحص
وعصبت عليهم وهم يهدوني قلت سوولي قيصري وريحوني
بعدين الاستشاري جا وقعد يقنعني بالطبيعي لأن روس البيبيات تحت
قالولي احنا هنا كل يوم نولد توأم مو اول مره ويولدون طبيعي عادي..

بعدين جاتني دكتوره وتعاطفت معاي وقالت خلاص نطلعك تنويم عندنا عشان ترتاح أعصابك
وقالت انا حاسبتلك انك 35 اسبوع ونص وبخليكي لين 37 اسبوع
وبعدها انتي تختارين طلق صناعي أو قيصري
تقول لأن التوأم نموهم مو مثل الواحد مانبي نخرجهم من الحين
وهي تحسب مو بالدوره تحسب بالأشعه
بس مادري قصدهم بيولدوني بشعبان ولا رمضان

والله لو عنك اطلب يسوو لي قيصري

او يعطوني طلق صناعي واخذ ابره االظهر ..

حزن الزمان

07-29-2010 10:47 AM

رد: تجمع حــوامل التوائم

هلا وغلا ...شخباااركم جميعا ... بصراحة مصدومة لأم عيالها حيل ... الله يعوضك خير منهم يارب ؟؟ بس شنو السبب ؟؟ أنا احس بثقل اسفل بطني ودايم اقولهم بس يقولون عادي ...حبيبتي توكلي على الله وتدرين الله كاتبه لنا بالدقيقة واللحظة ... والحمد لله على كل حال ... وإن شاء الله نشوفك معانا بعد كم شهر يااااارب ...

البرنسيسة..؟

07-29-2010 11:13 AM

رد: تجمع حــوامل التوائم

أم عــــــيالـــــهـــا,,
( وعســى ان تــكرهــوا شيـــئــا وهـــو خـــيــر لــكــم )
لاحـــــوا ولاقـــوة الابــــالله,,

هجران

07-29-2010 11:45 AM

رد: تجمع حــوامل التوائم

اقتباس:

المشاركة الأصلية كتبت بواسطة حزن الزمان (المشاركة 293020)

عزيزتي ممكن طلبhwaml14 لو سمحتي
السموحه منك عاد
ممكن تغيري الصوره
أتشأئم منها ليش أن كتفها طالع
أحس ما لايقه
والمعذره منك حبيبتي

قلائد العز

07-29-2010 02:01 PM

رد: تجمع حــوامل التوائم

السلام عليكم ورحمة الله

أختي أم عيالها أحسن الله عزاءك وأعظم أجرك وأخلف عليك مصيبتك بخير منها
لله حكمه في تدبير خلقه لا تدركها عقولنا القاصره وهو اللطيف بعباده فالله الحمد والشكر .

قلائد العز

07-29-2010 02:10 PM

رد: تجمع حــوامل التوائم

أم البنين الله يقومك بالسلامه ويكتب لك اللي فيه الخير .
في زمننا هذا العلم تطور طبيعي أو عمليه كلها ميسره والحمدلله ومامنها خوف
لأن الله يشهد ماأخترنا العمليه ترف وراحه " لا والله " لكن بالقياس على حجم المخاطر
والمفاضله لسلامة الأم والأجنه .وبعدها ممكن المرأة تولد طبيعي في حمل جديد بواحد
وهذا ما حصل مع أختي .
الله يقومنا وياك وجميع الحوامل بالسلامه ويقر عيوننا بسلامة أجنتنا ويجعلهم عطا صالح
من رب العالمين .ويخيرنا الخيره الصالحه .

قمرين 2

07-29-2010 03:13 PM

رد: تجمع حــوامل التوائم

أم عيالها
أدري انه صعب عليج تتقبلين اللي صار لتوأمج لكن احمدي الله انج بخير ويعوضج الله باللي أفضل انشاء الله

الساعة الآن 03:40 PM.

صفحة 431 من 1229

431

عرض 40 مشاركات من هذا الموضوع لكل صفحة

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .