|
رد: تجمع امهات التوام حياكم
امانة ساعدوني معهم مغص شديد ماينامووووووووووووووووو
المفروض المغص راح منهم الان لكن تعبت تعبت |
رد: تجمع امهات التوام حياكم
حبيب قلبي عبود: هلااااااااااااوين شلونج لج وحشه ..... بالنسبه للمغص انا مع معاناة معاهم توني من ثلاثة ايام صاروا أحسن و بسبب اني غيرت الحليب وحدة من صديقاتي نصحتني بحليب نان 1 كانت تعطي عيالها التوأم ونفع معاهم والحمدلله نفع مع عيالي بعد ما كنت استخدم سيملاك نيوشور و مافادهم غازات و مغص و غيرلي الدكتور الى أس 26 و ما نفع كانو يرجعون مثل النافوره اثناء الرضاعه و امساك وبنتي ما تتقبل طعمه بس نان عجييييييب و اذا كنتي تعطين عيالج حديد وقفيه لأن يسوي امساك و جربي ماي غريب و الله يكون بالعون اتمنى اني فدتج :)
|
رد: تجمع امهات التوام حياكم
زود الغلا: هلا حبيبتي أول شي مبروك عليج المنحه وكل عام وانتي بخير بمناسبة العيد الوطني وانشالله الله يدوم الأمن و الأمان على كويتنا الحبيبه و سامحيني ما شفت الرد الا الحين. اسم بناتج وايد حلو الله يجعلهم من الذريه الصالحة و يرزقج برهم يارب و لا تحاتين بناتج انشاء الله بيكبرون و احلى البنت تكون ناعمه انا بنتي وايد صغيره وزنها 3 كيلو ما شاء الله بس الولد احسن صار 3 ونص ماشاء الله و الحين صار عمرهم خمس شهور. بس من طلعوا من الحضانه صارلهم شهرين. قعدوا ثلاثة شهور بالشيشه لين صار وزنهم كيلو و ثمانمية غرام كانوا صغار وايد. وايد تعبانه معاهم لأن ما عندي خادمه زينه خادمتي اثيوبيه و عمرها 17 سنه ما تعرف شي بس حق تنظيف ما أخليها تشيلهم طلبت خادمه مرتين بس ما توفقت وحده صاحبة سوابق وحدة سحبت اوراقها و هذا انا طالبه هندية و ناطره و الله كريم الحمدلله على كل حال. انا معطيني لهم مراجعات الاسبوع الي فات طعمتهم تطعيم الشهرين بالمستوصف و باجر عندهم تطعيم الخدج.
|
رد: تجمع امهات التوام حياكم
حبيب قلبي عبود .... ابتعدي عن حليب سيميلاك ولا تفكرين فية ..وعندك دوا بالصيدلية اسمة سالينال للمغص عجييييييييييييييييييييب يبين المفعول من اول مرة .
توام روحي ...اميييييييييييييييين الله يحفظ الكويت يارب ..انا طعمت بناتي تطعيم شهرين قبل كم يوم . والله يعينك على الخدامات ااااااااااااااخ عاد خدمنا بالكويت حدهم دلوعين وبصراحة ماتعتمدين عليهم خصوصا التوام لانهم صغار وانا بناتي يخوفون كلة يشرقون فما اامن بالخدامة نهائي . |
رد: تجمع امهات التوام حياكم
زود وتوام روحي شلوووووونكم وحشتوني
يابناات تلرا ضروري من فتره لفتره تسوين لطفلك تنظيف بطن تعطينه خروع اطفال على الريق يرتاح لان الحليب يوجع البطن ويسبب مغوص زود بشرين عن بنوتاتكم انتي وتوام روحي كم وزنهم صار ماشاء الله |
رد: تجمع امهات التوام حياكم
اقتباس:
وعليكم السلام ورحمة الله وبركاته هلا والله الحمدلله بخير انتي كيفك وكيف الكتاكيت وش اخر اخبارهم اعيالك ماينامون ولا ايش فيهم والله كلهم تعب بس الله يصبرنا على تربيتهم ولا يحرمنا الاجر |
رد: تجمع امهات التوام حياكم
صباااااااح الخير
سبحان الله الاطفال مو واحد انا اولادي ماارتاحوا الا على سميلاك خفيف عليهم جربت 26وبلميل بلس وما ناسبهم حبيب قلبي عبودي جربي تعطيهم قبل النوم شاي الاطفال |
رد: تجمع امهات التوام حياكم
السلام عليكم
شخباركم امهات التوام وحشتووووووني أنا أولادي صار اعمارهم 3 شهور واحسهم ما شاء الله بسرعة يكبرون وحلوة الحين اجسامهم ما احسهم صغاار |
رد: تجمع امهات التوام حياكم
هلا بنت الهدى والله زمان عنك اولادك ايش تستعملي لهم حليب
|
رد: تجمع امهات التوام حياكم
صباااااااااااااااح الخيراااااااااات
على احلى امهات كلنا في الهوا سوا الله ياجرنا ... بنت الهدى هلاااااااااااااااا وغلاااااااااااااااا منورة .. شلون الحلوين ..وحشتينا اول انت مضبطتنا بالجدول ..الحين يبيلنا جدول ثاني اعمار الحلوين :) اتوقع صعبة علينا كلنا محد عنده وقت . والله العظيم احبكم كلكم بدون استثناء يا صديقات الرحلة من الحمل الى مابعد الولادة :) |
| الساعة الآن 01:50 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .