|
رد: تجمع الحوامل الي بيولدون في شهر ذو القعده ^_^
مرحبااابكم بنات
انا جهزت شنطة المستشفى وانا قاعده اجهزها اختي زي اللي بتبكي كانت خايفه جلست اضحك لأنها قبل مفترييه دوب طلع الحب اللي مدري من فين جاي خخ المهم انا لمن شفتهم كذا خفت وربي حسسوني كأني راح اروح ماعاد راح ارجع بسم الله علي وجهزت ملابسي وملابس النونو والمنظفات وكل شي عاد المهم اليله رحت من فلاحتي اكلت حبه اناناس طازجه وخوفوني الحريم انو مو زين وانه يموت الجنين او دماغه عاد انا وربي مت من الخوف بس الحمد عدت ليلتي على خير توبه عاد اغامر بشي |
رد: تجمع الحوامل الي بيولدون في شهر ذو القعده ^_^
صباح الخير والله فقدت الي ولدو جامعيه ام جنى
والبقيه كلكم لكم وحشه المنتدى فاقدكم يالله ارجعو لنا بالسلامه والسوالف الزينه |
رد: تجمع الحوامل الي بيولدون في شهر ذو القعده ^_^
ام عبد الرحمن الشغاله مجربه ولا كذا من الله ماتدرين عنها وبكم لان شغالتي الي حجزتها ادق عليها من كم يوم ماترد ويمكن اروح لبيتها واذا سحبت علي بادور على الي عندك
|
رد: تجمع الحوامل الي بيولدون في شهر ذو القعده ^_^
ماما زوز يارب يهون عليك حبيبتي لاتقلقين كثير البكريه تطول شوي ومتى ماربي كتب لك الولاده بتجي عقبالنا كلنا يارب واللهالحمل تعب على تعب
واحساسي كبير اني باولد الخميس الي بعد هذا ماادري ليه رغم الدكتوره اليي سوت لي سونار قالت لي الراس مرررره نازل تحت يارب نولد ورى بعض كلنا |
رد: تجمع الحوامل الي بيولدون في شهر ذو القعده ^_^
الله يطمنا عليكم يارب ونولد بالسلامه اما انا ياحبيباتي بكره الثلاثاء موعدي مع الدكتور وقال راح ننومك ونسوي لك طلق لاني مره تعبانه وثقيله ويدوب امشي لان البيبي مرة نازل وضغطي فوق بس كان ودي اين اولد بطلق ربنا بس كل ما تاخرت مو كويس ع البيبي والنت عندي مفصول واكتب لكم من الجوال راح اطمنكم ان شاء الله
بس عندي ضيقه بصدري وبس ابكي لوحدي واحس زوجي مو مهتم فيني لا يوديني امشي ولا شيء الالام تجيني وتشد ولما انام تروح يمكن لو مشيت تزيدواولد وارتاح لاتنسوني من دعاكم عسى ربي لا يحرمني |
رد: تجمع الحوامل الي بيولدون في شهر ذو القعده ^_^
صباح الخير
الله يهون عليك ياعيوني واهم شي يلامتك وسلامت البيبي ولا تفكرين بالطلق الصناعي ولا تخافين منه ولا تحطينه ببالك كلنا ولدنا بالطلق الصناعي والحمد لله انا ببنتي البكر ولدت بطلق صناعي والحمد لله سهله وميسره والحمد لله انك موب ولاده مبكره ولا فيك شي ولا الجنين فيه شي لا الحمد لله امورك تمام. خذي طلق صناعي واولدي وارتاحي وان شاء الله بطلعة هالمولد تتبدل امورك وتتغير الله يجعل والدتك برد وسلام عليك مثل ماجعل النار برد وسلام على ابراهيم لا تنسين تدعي لي بالولاده السهله |
رد: تجمع الحوامل الي بيولدون في شهر ذو القعده ^_^
بنات فيه محل يسوي موالح خيال مثل البساكيت الصغيره المالحه والبيتفورات المالحه والاعواد المالحه اللي ممكن تضل شهر ماتخرب ويصلحها ويصفها بطريقه مره حلوه
احسنمن الفطايراللي لازم كل يوم بيومه وتخرب على طول انا امس رحت ل هالمحل واعطيته الصينيه وقلت لما اتصل فيك واقول لك جهزها تجهزها لي اسمه لافندر هومشهور ومعروف عندنا في الرياض |
رد: تجمع الحوامل الي بيولدون في شهر ذو القعده ^_^
سوسو
شدعوه رديت عليج مايبين الرد خخخ ؟! ام عبدالرحمن وي للحين ماجهزتي شنطه النفاس لبيت اهلج احس لو تجهزين تفتكين احسن ماتدرين متى ربي يقولج كن فيكون لا تتوهقين اما سالفه الكاكوو انا مو قصدي الصواني اللي حق الناس .. لا اقصد اللي يلصقونه بتوزيعات البيبي مشكله خفت اخليه واتأخر وبعدين يجيني طلق واتوهق لان لازم الصقهم بالبوكسات انا سويت 40 حبه .. الا جهزتوا ستاند وتوزيعات وحركات ؟؟ وشنو سويتواا .. ماما زوزو على بالي ولدتييييييي ياربي الله يسهل عليج وعلينا :( والله انا نفسيتي زفت بس بسبب الناس احس اني بكسر البلاك بيري قريب برقعه بالطووف ,, تخيلواا والله بس كل شوي بينق وبينق .. واشوف المحادثه ,, متى موعدج ؟؟ مافيج طلق ؟؟ متى تولدين ؟؟ يالله وايد انتظرنـاا ؟؟ >> يا ناس يا عالم شنو هذاااااا يعني الوحده فيها تتحمل ثقلهاا وتعبهاا وانتظارها علشان تتحملـ زنه الناس عليهاا !! وكأن الشي بيدناا والله العظيم ,, استغفرك ربي سامحنـاا على التذمر وغفل الناس عناا :( ماما زوزو قصدج اذا ضغطتي تبقى بقعه صفرااا ؟؟ هذا ماي بجسمج واذا طولت البقعه على ماتروح يعني جسمج متروس ماااي وخصوصا اذا الرجول منتفخه لا تحاتين هذا الشي جدا طبيعي لكلـ حاملـ ,, انا الحمدلله ماصار فيني ماي او يمكن قليل كلش ولا تنسين ان احنا بنكملـ شهرنا وانتي خلصتيه والبيبي يكبر بالبطن وانتي كل مالج تنتفخين ,, انا احس اني بنفجر ماشاء الله بطني صار كبييييييييير ,, في هالاسبوع الاخير ! حتى التشققات قاعده تروح لي ظهري والله اني احزن لما اشوفهم بس شاسوي وحكه مو طبيعيه ودي اولد بسرعه بس علشان افتك من الحكه المجنونه اللي تجيني سهالات يارب |
رد: تجمع الحوامل الي بيولدون في شهر ذو القعده ^_^
ريحانه
نفس الحال انا احس كأني بسافر ههههه زوجي صايده اكتئاب اني بخليه 40 يوم هههه مسكين .. اقوله عاد انت ادعي لي اني اولد بخير بدلـ ماتفكر ببكره ,, الا بقولج .. شدعووووووووه مخرعينج جذي عن الاناناس سمعي حبيبتي الناس كلامها كثير ,, اولا واخيرا الاناناس فواكه مافيها مضره ابدا ابدا ان شاء الله ,, واللي اعرفه انه حااار على الجسم بس .. واللي فيه حساسيه يتضرر شوي منهاا ,, اللي تحملـ ببدايه الشهور يمنعونها منه علشانه ينزل البيبي على قولتهم ان يسوي اجهاض اعوذ بالله ,, وبالعكس الحين يقولج اكليه لانه يسهل الولاده وانتي خلاص بتكملين شهرج بإذن الله ,, يعني وااااااااااايد زين ومفيد ويمكن يسهل عليج ماتدرين .. انا امس ماكله اناناسه كامله وانتي تقولين قطعه وخايفه ههههه ~ ع ـالعموم حسيت بحروره شوي واستانست بس للأسف كل شي رجع مثل ماهو .. الله يسهل علينا جميعا ’’ ام الخير الله يسهل عليج ان شاء الله صلي واذكري الله واقري قرآن بما ان ولادتج بطلق صناعي الله يسهلها ان شاء الله ,, بس لا تحاتين وايد ناس ياخذون طلق صناعي ومافيهم شي انا قالوا لي بيسوون لي قلت لهم مابي لان شهري ماكملـ ’’ يمكن البنوته تبي تخلص كامل خلوها حبيبتي صحيح انا مستعجله اشوفها بس مابي اطلعهاا بيوم مو يومها غصب كل شي بيد الله سبحانه ^^ اما زوجج ماعليج منه ترا هم يملون بآخر الايام يبونج تولدين وكأن انتي اللي خاشتهاا عنهم بدل لا يفكرون فينا والله بالتعب والحوسه اللي احنا فيهاا ,, انا زوجي اوقات يقولي بروح اقعد مع صبيان ولين ياج طلق اتصلي لي والله انقهرررر اقوله قوم نمشي وجابلني بروحها النفسيه استغفر الله بعد اقعد بروحي :( اليوم اذا ماياني اي شي بقوله يطلعني نتعشى ودي اغير جو والله تعبت |
رد: تجمع الحوامل الي بيولدون في شهر ذو القعده ^_^
اقتباس:
زوجت اخوي كانت كذا رجولها متورمه واذا ضغطت عليها يبقى اثر لصبعها انتي روحي وحللي وان شاء الله يكون كل شيء بخير |
| الساعة الآن 03:42 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .