|
رد: دردشة بنات فلسطين* دردشة حوامل فلسطين* تجمع بنات فلسطين
مرحبا يا بنات كيفكم
انا كتييييييييييييييييييييييييييييييييييير زهقانة وطالعة روحي وحياة الله وما الي نفس باشي وبضل اكل شوكلاتة وحلويات يا ربي شو باكل خايفة انصح كتير بس باكل متل الي منومة مغنطيسيا على فكرة اشتقتلكم كتير بس ملخبطة وما بعرف شو مالي بدي اولد واخلص وبنفس الوقت حاسة حالي ضايعة وبقول يا رب تسهلي اموري بتعرفو اهلي بمكان وبيتي بمكان وبدي اولد بمكان تاني يعني انا اهلي بالقدس وساكنة مع جوزي بمنطقة بالجنوب عشان شغلو زبدي اولد بالناصرة لانو المستشفيات هناك عربية وممتازة وكمان لانو بيتي هناك وبحب لما اولد اكون فيه يعني اخر شهري راح اكون بلا جوزي وخايفة اضلني لحالي مع انو حماتي معي ما بتتركني بس ما بدي بدي يكون جوزي معي ما بقدر اعمل اشي بدونو انا هناك ما بعرف حدا واذا غيرت رايي وقلت بدي اولد بالقدس بيت امي ما بينفع يستقبل بيبي جديد ابدا والجو هناك كتير مضغوط مش متل بيتي الخاص الي على مزاجي يا الله شو محتارة وتعبانة والله ما انا عارفة شو راح اعمل معلش زهقتكم تحملوني |
رد: دردشة بنات فلسطين* دردشة حوامل فلسطين* تجمع بنات فلسطين
مسا الخيير
كيفكم كلكم كلكم كلكم من غير دكر اسماء لاني والله تعبانه كتير كنت مفلوزه انا ورورو واليوم لصحصحت شوي شو اخباااااااااااركم |
رد: دردشة بنات فلسطين* دردشة حوامل فلسطين* تجمع بنات فلسطين
مسـ--ــ--ـاء البسـ--ــ--ـمه [: ~ اليوم اكتشفت انو ادوم بنام على صوت الفاكيوم متل التنويم المغناطسي هههههه و لمى خلصت فاكيوم موكيت المطبخ و الصاله و طفيتها على طول صحي اكتشاف عظيم ههههه ~*~ عسـ--ــولة سلامتك بيروح الشر ان شاء الله الله يعينك على تعب التدريس مع الانفلونزااا معافيه دودو شو احساسك بخصوص البيبي بنت او ولد انا صدق احساسي ببنتي اسيل اول حمل الي كان عندي شعور قوي انها بنوته و اجت احلى اسيل يي شو بحب الشوبنج للبيبي متل ما تحكي احلى شي بعجبني بالحمل ههههه و اكيد مبروكين اواعي الحمل ملبوس الهنـــ:]ـــا احسـ--ــاس خلص منصوم سوى و يوم الافطار عندك و يوم عندي هههه شو رأيك ؟بس على شرط بتكملي معي لخلص الشهرhwaml02 عم بصوم يوم بعد يوم فاليوم مش صايمه و بما انك بتحبي الـm&m تفضلي انا بحب البينك http://forum.hwaml.com/imgcache2/hwa...948001_536.jpg غُمُـوضْ أُنثَـ--ــى هلا ’’’ يسعد مساكٍ و اكيـــد كل الصبــايااااا الغايبيـــن بتمنى تكونو بالف خيـــــــر و ميســـــــــا قرب موعد ولادتها ان شاء الله ربي يئيمها سالمه هي و البيبي و يفرح قلبها بشوفة بنوتتها على خير |
رد: دردشة بنات فلسطين* دردشة حوامل فلسطين* تجمع بنات فلسطين
ام عمر
حبيبتي وكلي امورك لربنا واللي رايدو بدو يصير ما تفكري كتير بظروف ولادتك اتركيها لوقتها بجد احسنلك انتي قرري وين تولدي واعرفي مين حيكون معك وخلص ما تضغطي اعصابك اكتر من هيك وازا الله رايد شغلة بدها تصير حتى لو مش متوقعينها ابدا ما توتري حالك مش منيح الك ولا للبيبي وكليها لربنااااااا والله كريم بينك سلاااامتك انتي ورور الله يشفيكم يارب والله يكون معك ويعينك والله المرض صعب خصوصا مع المسوؤلية ، يلا هي الحياة هيك |
رد: دردشة بنات فلسطين* دردشة حوامل فلسطين* تجمع بنات فلسطين
عيون المها
والله انا من اول الحمل احساس قوي انه ولد بس طبعا بالحالتين رح اكون جدااااا مبسوطة وان شاء الله لما اتاكد من دكتورتي بقللكم انا كتير متحمسة اعرف عشان اشتري على مهلي واستمتع هههههههه حبيبتي الله يخليلك ادوووم يااارب الاطفال عليهم اشيا غريبة ههههه الله يحميهم |
رد: دردشة بنات فلسطين* دردشة حوامل فلسطين* تجمع بنات فلسطين
بينـــك روز الحمد لله على سلامتك يا قمر كيفك وكيف رهوفتنا ان شاء الله مو معزبتك الزعره ’’ اعتقد صارت 4 شهور العمر كلو ياااا رب |
رد: دردشة بنات فلسطين* دردشة حوامل فلسطين* تجمع بنات فلسطين
تسلمولي دودو & عيون المها
والله مو مغلباني مطلعه رووووووووووووووووووووووحي الزعرة كنتك يا عيووون بس على ألبي زي العسل انتي كيفك |
رد: دردشة بنات فلسطين* دردشة حوامل فلسطين* تجمع بنات فلسطين
ام عمــ--ــ-ـر ان شاء الله كل امورك تتيسر و تعملي كل ترتيبات الولاده بالشي اللي بريحك ~ اهلك ما بئدرو يجو لعندك فترة ولادتك أو زوجك ياخد فترة اجااازه قصيره اذا شغلو بسمح لو لحتى يكون معك و يساعد بامورك انتي متلي تماماااااااا بدون زوجي بحس حالي ملخبطه بعتمد عليه بكتير امور و بحب يكون معي بكل لحظات الولاده~ و بيت حماكي هيكونو جنبك فلا تقلقي المهم ربي يئيمك بالسلامه و لازم تكون نفسيتك مرتاحه هلآ قبل الولاده و ما تفكري بشي و متل ما حكت دودو كل شي بيجي بوقتو و طبعا حلو تكوني مرتبه امورك مع زوجك و اهلك و صحه على الشوكولاه بس لا تكتري منها هههههه |
رد: دردشة بنات فلسطين* دردشة حوامل فلسطين* تجمع بنات فلسطين
دودو وعيون المها الله يسعدكم يا رب
شكرا كتير لانكم رفعتو معنوياتي بحكيكم الصراحة ما بعرف مرات بصير هيك متوترة وبفكر كتير يمكن هرمونات ويمكن كمان لاني مش مستقرة بمكان معين بردو الاستقرار بيساعد على الهدوء عيون المها اهلي بيقدرو يجو بس انا مشكلتي باني بدي استنا بالناصرة لحد ما اولد يعني انا معي ل 18 الشهر والله اعلم ايمتى بولد يمكن تمد اكتر يمكن اولد قبل بتمنى طبعا جوزي بدو ياخد اجازة بس مش قبل الولادة بعد ما اولد كمان حماتي كتير ست منيحة وطيبة وما بتتركني بس زي ما قلتيها الوحدة فينا ما بتعرف تمشي خطوة بدون جوزها بالزات اذا كنت تحبيه وما بتقدري تقرري ولا تتعاملي مع حدا بدونو دودو مزبوط حكيك ربنا هو الي بيقدر كلشي بتزكر وقت عمر كنت بدي اولد بالقدس واجاني الطلق بالناصرة وولدت هناك فالله اعلم شو بيصير معي |
رد: دردشة بنات فلسطين* دردشة حوامل فلسطين* تجمع بنات فلسطين
اقتباس:
حبيبتي الله يحفظك هههههه جد مستغربه انو ادم عن بنام على صوت الفاكيوم هلآ هو نايم و مشغله الفاكيوم هههههه يمكن يصدق احساسك و يكون ولد المهم ربي يتمم الك على خير و تشوفي البيبي باتم الصحه و العافيه و نصيحه لا تكتري اواعي للبيبي النيو بورن لانهم ما شاء الله على الشهر بكبرو بسرعه |
رد: دردشة بنات فلسطين* دردشة حوامل فلسطين* تجمع بنات فلسطين
اقتباس:
نشكر الله انا بألف خير حبيبتي يييي كنتي قويه من هلآ ههههه الله يخليلك اياها و تضل عسوله و حبيبة ماما انا ادم مغلبني بقصة اني بدي اضل حاملاه ما بحب يتسطح بحب يضل واقف او ماشي و كمان على قلبي زي العسل هههههه رغم اني بتعب و بصدق زوجي يروح من الشغل لحتى يحملو عني و لو تشوفي شو شريالو شغلات لحتى يلتهي بس خلص بحب يضل معي خلص انتي شغليلها الفاكيوم بتنام بسرعه و بتهدى زي ادم ههههههههههه |
رد: دردشة بنات فلسطين* دردشة حوامل فلسطين* تجمع بنات فلسطين
نبض قلب ييمكن زوجك و اهلو عم بدورو على عروسه لسلفك اللي ترك بس معك حق انك تزعلي خصوصا اذا متعوده انو زوجك يخبرك قبل ما يطلع اي مكان غموض انثى راح تنزلي على غزه الصيفيه حلو متلي انا وزوجي ان شاء الله نازلين على القدس و لانا و اسيل فرحانين اكتر منا كتير بحبو زيارة القدس يالله ان شاء الله تكون رحله موفقه و سعيده للكل خصوصا انو ان شاء الله راح اقضي رمضان في القدس |
رد: دردشة بنات فلسطين* دردشة حوامل فلسطين* تجمع بنات فلسطين
صبـاااايــااااا كتيــــر عجبنـــي العطـــر الجــديد لـــ britney spears fantasy twist رييحتو كتير حلوه اول مره بشتري عطر لبرتني دائما من شركات تانيه هاد 2 in ون http://forum.hwaml.com/imgcache2/hwa...961184_397.jpg |
رد: دردشة بنات فلسطين* دردشة حوامل فلسطين* تجمع بنات فلسطين
اقتباس:
انا بدي ريحة الي زمان ما اشتريت شكرا عالنصيحة شكلها ريحة حلوة |
رد: دردشة بنات فلسطين* دردشة حوامل فلسطين* تجمع بنات فلسطين
عيون المها
اه ان شاءالله مش ناوية اكتر نيو بورن بجيب نيو بورن ومن 0 ل 3 ولما يكبر البيبي ان شاء الله ببلش اجيب لسن اكبر على مهلي وبالنسبة للبيرفيوم حمستيني عليه لما اطلع بدي اشمه واشوف اذا عجبني بلكي جبته زهقت من اللي عندي وتعودت عليهم ، وانا بحب التغيير بالعطور بحس بتغيرلي نفسيتي صبايا جميعا الحضارين والغايبين يسعدلي صبااااااااحكم طمنونا عنكم |
رد: دردشة بنات فلسطين* دردشة حوامل فلسطين* تجمع بنات فلسطين
صباح الورد صبايا
يا عيني شو بحب العطور انا :) حمستوني ازور شي محل عطور قريبا ههههه ، خصوصا انو نهاية السنة وبكون في عروض عالعطور |
رد: دردشة بنات فلسطين* دردشة حوامل فلسطين* تجمع بنات فلسطين
حيفا
يسعد صبااااااحك كيفك وشو اخبارك |
رد: دردشة بنات فلسطين* دردشة حوامل فلسطين* تجمع بنات فلسطين
الحمد لله بخير ، خفت الانفلونزا ، بس بقي وجع الضهر هههههه
اليوم التامن لتأخير الدورة ، وما بدي اعمل فحص ليصير عشر ايام ، وان شاء الله خير :) كيفك انتي ؟ |
رد: دردشة بنات فلسطين* دردشة حوامل فلسطين* تجمع بنات فلسطين
اه مهل لا تعملي هلا حيفا
استني كمان يومين ل خمس ايام والله يجيب اللي فيه الخير حبيبتي انا تمام الحمدلله منيحة |
رد: دردشة بنات فلسطين* دردشة حوامل فلسطين* تجمع بنات فلسطين
ان شاء الله خير :)
هلا السؤال الازلي ، شو طابخه هههههههههههه |
رد: دردشة بنات فلسطين* دردشة حوامل فلسطين* تجمع بنات فلسطين
سلام عليكم جميعااااااااااااااااااا
وحشتوووني نفرا نفرا صباحكم قشطة صبايا شو اخباركم جميعا شو جديدكم صبايا انا بخير الحمدلله وبرلنت بتسلم عليكم |
رد: دردشة بنات فلسطين* دردشة حوامل فلسطين* تجمع بنات فلسطين
اهلا اهلا حواء و يييين هالغييييييبه ؟؟
|
رد: دردشة بنات فلسطين* دردشة حوامل فلسطين* تجمع بنات فلسطين
حيفااااا
انا طابخة سبااااااانخ تفضلي اذا بتحبيه انا وزوجي بنحبه كتير هههه ومفيد بيقوي الدم انتي شو طابخة اليوم حواااااء اهلا اهلا والله وين هالغيبة شو اخبارك بوسيلنا برلنت العسل انا قلت يمكن سلفك خطب والتهيتوا معه عشان هيك طولتي علينا طمنينا عنك |
رد: دردشة بنات فلسطين* دردشة حوامل فلسطين* تجمع بنات فلسطين
انا بحب السبنخ معجنات قراص يعني ومع شطه اما طبيخ عادي الملوخيه لا ما بحبه ههههه صحه هنا الك ولزوجك وللبيبي :)
بفكر اعمل كبسة ما بعرف لسا زوجي مطول ليروح هههههههه |
رد: دردشة بنات فلسطين* دردشة حوامل فلسطين* تجمع بنات فلسطين
امممم كبسة طيبة
وسهلة كمان يلا صحتيييين كله منيح ؛)) |
رد: دردشة بنات فلسطين* دردشة حوامل فلسطين* تجمع بنات فلسطين
انا بخير ومشتاقلكم
لا والله لسه سلفي ما خطب بعدها حمااتي بتدور سبب غيابي زوجي اخد اجازة اسبوع كنا باريحااااااااا مبارح روحنا كثير انبسطنا كان واعدني بالعيد بس ما اطلعنا |
رد: دردشة بنات فلسطين* دردشة حوامل فلسطين* تجمع بنات فلسطين
حواء
حلو كتير تغيير جو الله يهنيكم يااااارب متهيالي اريحا جوها حلو بالشتا ان شاء الله بتضلوا مبسوطين على طول يارب |
رد: دردشة بنات فلسطين* دردشة حوامل فلسطين* تجمع بنات فلسطين
يا عيني يا حواء ان شاء الله تكونو انبسطتوووو
اريحا هلا جوها مناااااسب كتير تتهنو يا حلوة :) |
رد: دردشة بنات فلسطين* دردشة حوامل فلسطين* تجمع بنات فلسطين
تسلموووووووووو صبايا
غموض وعيون وجارة شو اخباركم ام عزمي شكله لهلا ما رجعت ميسا خلفت ولا بعدهاااااا بينك ومسك ولولو ودودو وحيفااااااا يا رب كلكم تكونو بخير الا ما اكون انسيت حدااااا |
رد: دردشة بنات فلسطين* دردشة حوامل فلسطين* تجمع بنات فلسطين
يسعد مساكم حبيباتي
شو أخباركم جميعا نورتي حواء والحمدلله كانت لك رحله سعيده عنا زوابع مخيفه الله يبعد عنا شرها |
رد: دردشة بنات فلسطين* دردشة حوامل فلسطين* تجمع بنات فلسطين
مساء الخيرات والليرات عليكم:::
عامله بانكيك تفضلووووووو حواء : هلا فيك فقدتك والله ..........يلا ان شالله تكونوا انبسطووووو ......... السؤال القوي .....حماتك ما علقت وما ادخلت بطلعتكم ...!!! زوجي هلا ناوي بنزل ينام باريحا لانه بكرا في سباق سيارات بينزل مع صحابووووو بيسهرو لصبح ........ |
رد: دردشة بنات فلسطين* دردشة حوامل فلسطين* تجمع بنات فلسطين
ههههههههههههههههههههه هلا جارة منورة
والله يا قلبي ما عرفت اننا اطلعنا رنو علينا بفكرونا عند اهلي لما روحنا بتقلي بتعرفي انك قوية والي براسك بتعملي قلتلها وقت يككون غلط ما بعملوووووووووووووووو |
رد: دردشة بنات فلسطين* دردشة حوامل فلسطين* تجمع بنات فلسطين
ههههههههههه حواء برافوووووو عليك المهم غيرتو جوووو وبرلنتووووو كانت مؤدبه ولا عزبت ماما....
زوجي حزني هلا حامل شنطو ونازل على اريحا بهالجو بقلي ازا متت سامحيني ...يـــــــــــي ازعجني والله بهالكلام .... |
رد: دردشة بنات فلسطين* دردشة حوامل فلسطين* تجمع بنات فلسطين
مساء الخير ياحلوين كيفكم؟؟
بينك ... هلا بيكي والف سلامه عليكي وعلى رهوفه تعرفي فعلا الاطفال بجننو اليوم زياد اخد ابرتين لل4 شهور وجنني عياط وسخونه ولولا حماتي كان ماعرفت اعمل شي الله يخليلي اياها أم عمر ... ربي يهونها عليكي لاتفكري كتير ان شاء الله حتلاقي حل قبل ماتولدي وحل يريحك وربي يقومك بالسلامه يارب حواء ... رحله سعيده وربي يسعدك انتي وجوزك وبرلنت دايما يارب.. تعرفي بعجبني جوزك لأنو مابيرجع لاهلو يعني عندي قريبتي جوزها بقلها قولي لاهلي انك بدك تطلعي واذا رضيو اطلعي بجد بحسو ماالو شخصيه كل شي برجع فيه لاهلو قال بدو رضاهم بس مش لهادرجه عيون المها صحتين وهنا على m&ms انا بحبو كتير مافي سوبرماركت بفوتو الا بشتري منو ^_^ ومبروك العطر ياقمر وضحكتيني على ادومي شكلو بحب الاصوات لما ينام انا زوزو بشغلو الراديو لما ينام ^_* حلوين الاطفال كل واحج والو نهفه ربي يعطيهم لكل مشتهي يارب حيفا ان شاالله بعد هالصبر ترجعي بخبر حلو ياكريم يارب العالمين انبثاقه تدفي منييييييييييح اجاكي الريح هههههههههههههه اه اليوم الجو بره فظيع دودو والله عزبني بس الحمد لله عدت روحت جراااي وحطيتلو زيت خروع والحمد لله حطيتلو كمان تحميلة سخونه وصحصح غموض دائما قبل ماتطلعي اقرأي المعوذات تعرفي انا اليوم كنت عند اهلي وكنا نحكي عن الطلعات والطشات والمطاعم والمولات واني بروح وبشتري روحت مابعرف تمشكلت مع جوزي عشان طالع رغم انو كل يوم بطلع القصد مش اهلي يعني نسوان اعمامي البنات لأنو اهلي واعمامي بنفس العماره ... سرت اكلم حالي اقول يمكن عشان هيك ... وبعدين بقول مابدي اظلم حد مش شرط ... بعين الله *** وربي يسعدكم دايما ويبعد عنكم العين |
رد: دردشة بنات فلسطين* دردشة حوامل فلسطين* تجمع بنات فلسطين
جاره بقول نسيت حد سورري ياعسل ^_^ بعيد الشر لشو هالحكي ان شاالله يروح ويرجع بالسلامه ... بس هوا حيشارك بالسباق؟؟
|
رد: دردشة بنات فلسطين* دردشة حوامل فلسطين* تجمع بنات فلسطين
مساء الخيرات حوامل فلسطين الغاليات
أنا جديدة على المنتدى كيف الحال ؟؟ دعواتكم لي بأن يتمم لى حملي على خير وأن ألد بنوتي في تمام الصحة والعافية لأني ولدت مرتين قبل هيك بالشهر السابع وبعد الولادة توفت البنوتة والولد ... رحمهم الله رجاءا ادعولي بتمام الحمل والولادة على خير |
رد: دردشة بنات فلسطين* دردشة حوامل فلسطين* تجمع بنات فلسطين
هلا يا احساس ::
جايني دور التطعيم يوم الثلاثاء شو بكره التطعيم لانه بعدووو نكد.... اهاا زوجي بشارك بس هاد المره لا لانووو كل ما ينزل بسباق بعمل انقلاب عسكري وثورة وعدني بس مشاركتوووو بالربيع او الصيف ....... .اهون شوي .... ...بحكيلو انت ابو ولاد ما بيسوا يصير شي ..........بقلي اللي بدو يصيرلو شي بيصيرلو حتى لو انو قاعد ببيتووووو........//كلامو منطقي ههههههه |
رد: دردشة بنات فلسطين* دردشة حوامل فلسطين* تجمع بنات فلسطين
اختي رزان ربي يقومك بالسلامه يارب وتشوفي بنوتك بين ايديكي بتمام الصحه والعافيه يارب
جاره انا لو مني ومنك مابخليه يشارك ... خطر السباق .. زيد عندو تطعيم الأربع شهور؟؟ اعتقد ال6 شهور صح؟؟؟ |
رد: دردشة بنات فلسطين* دردشة حوامل فلسطين* تجمع بنات فلسطين
زيدون نام ومضطره انام معاه حكم القوي على الضعيف هههههههه
تصبحون على خير |
رد: دردشة بنات فلسطين* دردشة حوامل فلسطين* تجمع بنات فلسطين
مساء الخير
اختي رزان الله يتمم حملك ع خير ربي يعوض عليك ويجعلهم شفعاء الك بالجنة |
| الساعة الآن 09:24 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .